|
رد على: رتوش
واوووووووووووووووو
شو هالابداع ياغريب القصه كل مالها تحلو وربي رهيييييييييييبه ياالله ياغريب عجل نبي الباقي الله يهديك هات الكشكول كله وانا اكتب عنك هههههههههههههههههههه يسلمو يديك |
رد على: رتوش
صعبة شموخ احلى كلام حضورك يسعدني كثير
|
رد على: رتوش
ممكن بس ممكن تخليها وقت ثاني مابقا شي على الفجر ولازم أقوم أجهز مريول بنتي واسويلها الفطور
وأنت بعد رح ارقد تصدقين انه عندي دوام الساعة 6 يا الله سهرتك ولا يهمك عشانك إنا أحب السهر هههههههههههههههههههههه يعل ها الضحكة دوم يأرب طيب متى أفضل الأوقات لدخولك الماسنجر لا تشيل هم أي وقت ما عندي مشكلة وأنت متى تقدر تدخل بصراحة إذا رقدُ العيال يا خواف ههههههههههههههههههههههههه وأنتي ما تخافين من اللي عندك في البيت لا ما أخاف من احد أصلا مافي احد ساكن معي في البيت غير بنتي ليه وين اهلك بعدين أعلمك اجل تصبحين على خير وأنت بعد تصبح على خير وانتبه على نفسك مع ألسلامه في حفظ الرحمن وتقابلنا في العمل حيا الله خزان الإحزان اسكت لا تفضحنا عند خلق الله ها بشر وش الإخبار بعدين ماهي على عوا يدك تجي متأخر ثقل فيك النوم يا ولد تصدق إني مواصل يا الله كل هذا تفكير لا والله أمس كنت إنا وياها جالسين من الساعة 10 بالليل إلى قبل الفجر بربع ساعة الله الله الله وش صاير كل هذا قرقرة اه ه ه ه ه ه ياغريب البنت فكت راسي سلامات وش صار أول شي طلعت مطلقه وساكنه في الحفر وعندها بنت بس المشكلة تقول أنها ساكنه بروحها هي وبنتها بس وش دعوه وين أهلها مدري بس تقول ماهي ساكنه لا مع أمها ولا مع أبوها اجل مع مين هذا اللي خلاني أفكر وما قدرت أنام طول الليل يعني مين اللي يصرف عليهم مين اللي يرعاهم مدري وش أقولك طيب ما سألتها إلا قالت بعدين أعلمك يبيلك تكون حذر مثل ما علمتك الأسماء النسائية في النت تخوف ممكن تتعلق وتحب وكل يوم والثاني وأنت صابغ شعرك وفي الاخير يطلع رجال لا ياغريب انا متأكد أنها بنت والله ما اقدر اقول ايه ولا اقول لا بس ابيك تكون حذر احتمال انها تكون نصابة تستدرجك وتخليك تحزن عليها وتتعاطف معها وفي الاخير القاك محول له الراتب اخبرك قلب رقيق ما تتحمل تذكرني بعبد الحليم حافظ يابن الحلال أحس إن البنت صادقه وانأ على يقين ورآها لغز ولغز محير بعد يعني معقولة وحده مطلقه وعايشه بروحها طيب وين أهلها على الأقل وين عمانها والله مدري عنك بس يمكن تكون مقطوعة من شجره ليش لا ممكن إنا اعر فلك رجال مقطوع من شجرة لا أب ولا أم ولا عمان ولا خيلان ولا شي وعايش ياغريب الرجال ما يعيبه شي بس المرأة اعتقد فيها صعوبة إذا ما كان هناك احد يحميها ويكون لها ظهر على العموم لا نسبق الإحداث وكل شي راح يبان |
رد على: رتوش
[COLOR="DarkOrchid"][SIZE="4"]بدينا سهر
الله يعين المبتلى انت كذا جاى من صوب الرجال يبين انه مسكين وانه البنت تلف ودور معاك تابع يا ابو فته اشوف اخرتها ها وش صار هههههههههههههههههه[/SIZE][/COLOR] |
رد على: رتوش
كمممممممممممل
غرررررررررررررررررررريب والله اني كل شوي اقول يمكن جا غريب ويكمل القصه والحين اشوفك تعطيناها نقطه نقطه حراااااااااااام عليك ياشيخ يوم قربنا للاجزاء الحلوه صرت تقللها علينا ؟؟؟ ليييييييييييه الوقت ياغريب من جد الوقت ماعاد يمدي لازم تسدح نهايتها بسرررررررررررررررررررررررررعه والا معدنيب متابعه قصصك بليييييييييييييييييييييييييييز حط جزئين والا ثلاثه جميع الله معاك ياغريب وكمل |
رد على: رتوش
8
8 8 8 8 ههههههههههههههههههههههههههههههههههه ياغريب البنت بتصيح عجل علينا يااخوي ههههههههههههههههههههههه شوقتنا |
رد على: رتوش
صعبة المنال لاتستعجلي في احكامك والقصة مابعد انتهت اتمنى انك تتابعي القصة للاخير:)
شموخ والله ضاق صدري على حكيك بس صدقيني حلاوة التشويق في الشي القليل يعني لو عرضتها كاملة راح تفقد بريقها>>>>>> الله واكبر يانجيب محفوظ على غفلة:) بعدين ابي اعرف وش فيكي على الوقت لايكون تبين تسافرين وتتركينا بروحنا في المنتدي:) احلى كلام حاولي انك تتبنين شموخ وتحتويها وماعاش اللى يبكي شموخ:) |
رد على: رتوش
[COLOR="Indigo"][SIZE="3"]تسجيل حضور فقط ولي عودة[/SIZE][/COLOR]
|
رد على: رتوش
ههههههههههههههههههههههههههه
وش دراك غريب ايه بسافر الله يرجعني بالسلامه هههههههههههههههههههههههههههههههههه |
رد على: رتوش
الله يحيكي يا ام زياد في اي وقت
تروحين وترجعين بالسلامة ياشموخ الا على وين العزم:) |
رد على: رتوش
خزان أبي أسألك سؤال وأتمنى تجاوبني عليه بصراحة
أتفضل لو حبيتها وطلعت مقطوعة من شجره وتأكدت أنها إنسانه صادقة وإنسانه محترمه واكبر شي سوته ماسنجر ومنتديات وأنت عارف ها الحين مافي بنت إلا وما تقابلت مع رجال بالمسانجر بذمتك هل النظرة تتغير أو تضل مثل ماهي أو تنسحب شف ياغريب ما تصدق لو أقولك إني استمر متى ما كانت صادقة وصريحة ، صدقني إنا اللي راح ازرع فيها الثقة طيب سؤال تدخل ألنت لبيتكم ولا لا قال سؤال صعب الإجابة عليه ، ولازم ها الموضوع ينفتح معها وبناء عليه اقدر أجاوب شف إنا ما أقولك إن كل بنات المنتديات سيئات لا والله بس ترى فيهم مثلهم مثل الشباب فيه اللي يدخل ويتصيد وفي اللى يدخل يضيع وقت ومحترم نفسه يعني الكفتين متعادلتين وبعدين لاتنسا انت تتكلم على زواج صح ولا انا غلطان يعني بمجرد ما تتزوجون وتدخلون غرفة النوم كل واحد راح يبان على حقيقته يعني مافي مجال للتغير يعني كلام الماسنجر والكلام المعسول راح تكتشف ان كلامك كان من منطلق عواطف وكلام معسول وحلو يعني ممكن لو أحطكم في منحل بتنتجون عسل سدر درجة أولى بس مشكلة إذا فكرت انك تسوي نفسك بطل فلم مع الملكه تعرف وش العقاب إما على ارض الواقع كلامكم ونبرة صوتكم راح تتغير لا نكم تتكلمون من واقع مصير مشترك صحيح بس انا محتار والبنية شاغله تفكيري بالحيل يا خزان ممكن تكون مرحلة من مراحل المراهقة المتأخرة خصوصاً وانك انت منفصل عن زوجتك واحتمال انك اشتقت للحياة الزوجية طبعاً انا مقصد بحياة زوجية عند نقطه معينه او لحظه بذاتها واعتقد أنت فأهمني ، انا اتكلم على الحياة بصفة شاملة من الف الى الياء لاتنسا أنت أب وهي أم تقدر تقولي كيف راح توفق بينها كزوجه وبين عيالك وبين بنتها لاتنسا إن البنت عايشه معها يعني لو الأب يبي البنت كان خذها مع العلم إن البنت تجاوزت مرحلة الحضانة تقدرون تتجاوزون مراحل الحرمان اللى عشتوها انتو الاثنين بدون ما يكون على حساب سعادة عيالكم خزان إنا ماني جالس احبطك لا والله بس ابيك تفكر بعقلك لا تفكر بقلبك ، ابيك تستخير ربك وتدرس الموضوع صح لاتنسا ان المرأة مطلقه لو فشلت في تجربتها الجديدة أهي اللي بتدفع الثمن الاكثر ماهو انت ، وأنت عارف مجتمعنا ينظر للمطلقة نظرة فيها الكثير من التجاهل او الظلم او الاستغلال من قبل البعض اذا حصل وتطلقت منك اعرف انك دقيت اخر مسمار في نعشها ولاتنسا أنها مازالت قادرة على العطاء 30 سنة تعتبر في عز الشباب يعني أنت ألان في وقت القطف وجني المحصول وش دعوه لا يكون إن البنية مزرعة وانأ مدري لا مو القصد بس أرجوك فكر وأفضل شي أبيك تاخد إجازة وتسافر بعيد عن المنطقه احتمال انك توصل لحل معليش ابعد عنها أسبوع شهر بس إذا رجعت خل رجعت حاسمه للموضوع و وقتها إذا فشلت أنت من راح يتحمل نتيجة قرارك وإذا نجحت راح تقطف ثمار ما بذرته مدري وش اقولك بس انت قلبت راسي خزان انا ما نصحتك إلا إني ابيلك الخير وصدقني انا ماني ضد الفكرة او ضد البنت انا اعرفك ولا اعرفها يعني مابيني وبينها أي شي بالعكس اول من راح يفرح لكم هو إنا على العموم يصير خير اذا صار شي راح اتصل فيك يوم الاربعاء الساعة 10 مساءً هلا وغلا هلا بالزين كله هلا خزان وش لونك بخير يا عمري وش إخبارك وينك ما شفتك لي كم من يوم لا يكون مسويا بلوك بخير لا و الله لا بلوك ولا شي بس كنت مشغولة الله لا يشغلنا إلا بطاعته امين كوارع ممكن سؤال تفضل يا خزان اقدر اعرف ليه تطلقتي شف لو أقولك ما تصدق لكن الشاهد الله إنا كنت مخلصه لزوجي وكان هو كل شي في حياتي بس للأسف زوجي كان إنسان أناني وما يحب إلا نفسه ومع هذا صبرت ثلاث أرباع الراتب على الشراب وكان يضربني وإذا عطاني ريال بعد ساعة يجي ويأخذه وخليها على ربك طيب ليه ما علمتي اهلك اهلى الله يسامحك هم وين اهلى أبوي بعد ما طلق أمي تزوج من أجنبية وما تبيني اسكن عندهم وأمي متزوجة ورجلها قال ما تدخل بيتي عماني كل واحد مع مرته وحريمهم ممشينهم على كيفهم ولد عمي رجال كبير اهو أحسن واحد استأجر لي بيت وسكني فيه إنا وبنتي وشهر يعطيني مصروف وشهرين ما أشوف ريال بيض الله وجه ما قصر رغم انه عند عيال وفاتح بيت طيب وشلون تدبرين نفسك وين إخوانك إخواني والله ما فكر واحد فيهم يمرني بس يخلوني اخدمهم وحريمهم ما يدانوني أحيانا اشتغل في العروس مره قهوجية ومره سفرجيه وأحيانا اطبخ للعزايم في البيوت و بعض الامهات يخلون بزا رينهم عندي إذا راحو للعروس واللى تدفع عشرة ريال واللى ما تدفع وش أسوي الحياة صعبة الله يكون بعونك تصدقيني ما كنت أتخيلك كذا وش اللي خالك ما تتخيلني بها الشكل يعني مجرد إحساس بعدين يعني معقولة ولا واحد من اهلك مافي قلبه رحمة يابن الحلال خلها على ربك الحمد لله إن ربي ساتر علي وحا فظني إنا وبنتي الحمد لله وطالما أنتي ماشية في طريق الرحمن لا تخافين محد يقدر يقرب منك خزان اتكلم معك براحه أكثر |
رد على: رتوش
ايييييييييييييييييييييه الدنيا مليانه ماساي
والله ضاق صدري عليها الله يعينها طيب وش بيصير؟؟؟ ههههههههههههههههههههههههههههه مشكووووووووووور غررررررررررررررريب بس عجل لاتبطي ويارب يتزوجون مالنا خلق صياح |
رد على: رتوش
حراااااااااااااام والله
شي يقهر الدنيا كلها تغيرت الله يرحمنا بر حمته بس متابعين :(:(:( |
رد على: رتوش
أكيد تفضلي خذي راحتك
تسلم ما تعتقد ان الحياة بدون زوجه شوي صعبة بصراحة أحيانا أقول وش يمنع من تكرار التجربة وفشل مره مو معناه فشل ابدي بس مشكلتي إني متردد وبعدين ما بعد شفت الإنسانة اللي تقدر تجذبني لها طيب اقدر اعرف سبب تواجدك الكثير في المنتدى تخبرين فاضي وفي نفس الوقت تضيع وقت أزين من الدواجه في الشوارع ممكن اعرف حجم علاقتك بعيالك يا خزان الحمد لله علاقتي ممتازة ويحبوني وأحبهم كثير مخليهم على راحتهم طبعاً بحدود بس أحس إني اتعب كثير معهم خصوصاً إني أحيانا اخذ دور الأب وإلام في نفس الوقت الله يكون بعونك تسلمين ممكن اعرف وش تحب يا خزان الأشياء اللي أحبها يا كوارع كثير مثل ما قلت لك اعشق طلوع البر والقنص أحب أتابع المباريات أحب الهدوء أحب الأجواء الشاعرية والرومانسية أحب الشموع أحب المطبخ المطبخ إيه المطبخ أحب اطبخ بنفسي ما أحب المطاعم كثير إلا إذا كانت مطاعم راقية ممتاز يعني عيالك مبسوطين تصدقين بعض الأكلات ما يحبونها منى ليش هذا السؤال اللي ما جاوبوني علية لليوم طيب مين يطبخ لهم عندي خدامتين وحده سيرلانكيا مسئوله عن الدور الأرضي والمطبخ ، وفلبينية مسئوله عن الدور الثاني وغرف العيال وش معنى الدور الثاني للفلبينية هههههههههههههههههههههههه دوم يا خزان تسلمين لأني لو جبتهم من نفس الجنسية ممكن يتآمرون علينا بس من جنسيتين مختلفتين يكون أزين وش لون علاقة عيالك بأمهم الحمد لله زينه وانأ دايم أحرصهم على الاتصال فيها وزيارتهم وإذا عندهم مناسبات ما أردهم إلا إذا عندهم اختبارات أو ظرف طارئ شعور نبيل منك يا خزان مهما كان هذي أمهم ولها حق فيهم ومو اذا صار طلاق نقوم نتحارب وندخل في مشاكل بالعكس ممكن نكون متحابين في الله ماهو عشان شي اقله عشان العيال اللي بيننا او على الاقل في يوم من الايام انا كنت لها كل شي وهي كانت لي كل شي بس الله عز وجل انها لقمة العيش اللى بيننا وكل واحد راح لحال سبيلة وهنا تظل الذكرة الجميلة والاحترام أكيد وهذا كلام انسان متعلم وعاقل لايكون متوقعه اني مجنون ههههههههههههههههههههه دوم يارب ترى موقصدي ادري بس انا امزح خزان ممكن أسألك سؤال محرج شوي ولا يهمك يا كوارع خذي راحتك في أي سؤال تسلم الله يسلمك ، بعد الفراق ما تحسفت بصراحة شوفي أصعب شي على الرجل أو المرأة الطلاق خصوصاً إذا كان بينهم عيال لأنهم هم اللي بيد فعون الثمن بس صدقيني احيانا الطلاق يكون نعمه وعلى العموم ممكن احنا الاثنين تحسفنا بس يشهد الله ماهو منى السبب وحاولت قدر المستطاع وتنازلت على اشياء كثيره ودفعت ثمن اشياء مالى فيها لا ناقه ولاجمل بس ارادة الله كانت اقوى منى طيب ماقد حبيت؟!!!! |
رد على: رتوش
والله ما اكذب عليك إلا بس ما الله كتب لنا التوفيق وكل واحد راح في حال سبيله تقدري تعتبريه حب من طرف واحد وهذا كان بعد الطلاق مباشرة بس للأسف انتهي كل شي وللأسف ما أعطيت الفرصة للتبرير وبعدها طار الحب وطارت معه كل الأماني والأحلام
الله يعوضك خير أنتي قد حبيتي صدقني لا لان ظروفي ما تسمح لي إن أحب أو أفكر في الحب بعدين ما دخل التلفون عندنا إلا قبل فترة بسيطة وطول اليوم ما اشغله علشان إذا وحده من البنات تتصل يكون فيه عرس أو شغل في بيت يعني اترزق الله الله يرزقك ويعوضك خير تسلم كوارع مين يكسيكم أنتي وبنتك ما تصدق يا خزان لو أقولك يمر علينا شهور ملابسنا هي نفسها خلها على ربك وإذا قربت المدرسة يضيق صدري تخبر الطلبات والمصاريف ومثلك عارف طلبات البنت ماهي مثل الولد والبنت كل سنه تكبر وطلباتها تزيد طيب ما عندكم مكتب ضمان اجتماعي يا بن الحلال طلباتهم تعجزيه بس الله يخلى أهل الخير وجماعة المسجد أحس انك تعشين حياة صعبة بس تصدق إننا مبسوطين رغم قسوتها الله يديم عليكم السعادة كوارع يضايقك لو تبرعت لك بشي على قد الحال خزان ترى ما فتحتلك قلبي عشان تعطف على كوارع افهميني يا بنت الناس مو قصدي إني أجرحك بس أنتي إنسانه محتاجه وهذا شي لوجه الله ما انتظر منك مقابل خزان لو تسمح قفل على الموضوع وعن إذنك لازم استئذان إنا طولت اليوم وخايفه من الفاتورة تصبح على خير كوارع لا يكون زعلانه لا يهمك انسي بس لازم اقفل ها الحين تصبح على خير طيب متى أشوفك مره ثانية والله مدري بس أحس إني صرت أطول على النت لا يهمك إنا أسدد الفاتورة أعطيني رقم الحساب ولا يصير إلا خير بس ارجوكي لا تروحين وتتركيني تراني احتري جيتك خزان والله حتى إنا احتري جيتك ما تدري قد ايش إنا مرتاحة لك وأحسك إنسان محترم وابن ناس بس ما ودي أكلف عليك واللي تبي تدفعه لي عيالك أولى فيه يابنت الحلال يعني كم بتطلع الفاتورة والله ما اعتقد أنها توصل 600 ريال يؤؤؤؤؤؤؤؤ كثير والله الـ600 تعني لي الشي الكثير ابشري بسعدك بس ممكن تعطيني رقم حساب الفاتورة ما اعرف من وين يطلعونه عندك فاتورة ها الحين أدورها وأعلمك بس ها الحين أبي أروح توعديني انك تعطيني الحساب يصير خير ما أبي يصير خير أبي وعد ابشر تسلمين الله يسلمك ها الحين أبي استئذان ممكن والله ما ودي أحس إني تعلقت فيك يا كوارع وما تتخيل قد ايش إنا بعد يا خزان تعلقت فيك ما ودي اقفل بس وش أسوي الشكوى على الله تصبح على خير وأنتي من أهل الخير وأنت بعد في اليوم التالي وفي العمل طل علينا بطل الفلم اول مرة اشوف واحد يصبغ شعره بني :) غريب أبو غربه غربرب يا لدب يا لمنتفخ ياللي تذكرني بنفيخه المنافيخي الله واكبر يا النحيف يا الرشيق لعن ابودارك ناظر البنطلون يقول ارحمني ماتشوف صدرك اللى يشوفه يشك انك بنيه اول مرة اشوف صدر رجال بها الشكل تقل كنك بنت في المتوسطه ياالله زعل الدب يا الله صباح الخير وش السالفة هات وش عندك |
رد على: رتوش
[SIZE="4"][COLOR="DarkOrchid"]يا عينى عليك يا غريب
حلقات متواصله اه كمل الاثارة شغاله صعبة[/COLOR][/SIZE] |
رد على: رتوش
يخوي أمس سهرت معها على الماسنجر
طيب تصدق حزنتني وطلعت إنسانه مكسورة ما قدرة ارقد واهي بحاله ما يعلم فيها إلا الله الله وصلت لها الدرجة حتى النوم ما تقدر تنام إلا إذا اطمئنيت عليها هي نايمه ولا لا وانأ يا مال الوجع أعرفك من سنين ما فكرت في يوم انك تتصل وتشوف إنا نايم ولا إلا على فكره مسألته وش نوع الغطا اللي تتغطى فيه وش جاب لجاب من زين خشتك لكن هي غير أقول مالت عليك وعلي ها اللي تعرفها ، يا الله يأرب يطلع تالي ها الفلم واحد من أعضاء المنتدى وجالس يسحب فيك اسمح لي أنت إنسان ما عندك سالفة ومعدوم الإحساس أنت لو جربت الحب كان قدرت كل كلمة قلتها لك لكن للأسف أنت إنسان محروم عشتو يا أبو إحساس والله قمنا نتكلم عن الأحاسيس والمعاني والحب إلا على فكرة ناوي تهديها هدية بعيد الحب الجاي ولا لا أبو غربه أحس إني مقبل على حياة جديدة يا ولد أنت وش سألفتك كل هذا من الماسنجر طيب سمعني وش صار صارحتني وفتحت قلبها متأكد أنها فتحة قلبها ، لا يكون تبي تسحبك وأنت طاير في العجه ومدربي راسك انتبه ترى بعضهم نصابات وبعضهم رجال لا يا أبو غربه هذي غير هذي مشكلتكم يا العاطفين أي عاطفة يبن الناس إلا قل عواطف وعطف وحنان الله الله يا ولد أنت شكلك انتهيت تصدق ما عندها احد يصرف عليها تصدق جبت طاري 600 ريال قالت إن ال600 تعنيلها الشي الكثير وإحنا الواحد فينا يدخل السوبر ماركت يصرف 1000ويشوفها ولا شي خزان أركد لا يكون هذي وحده تبي تسحبك وتبتزك وعاد أنت دلخ تبتز بسرعة أستريح أقولك مسكينة ماهي قادره تطول على ألنت خايفه من الفاتورة لا يكون قلت انك تبي تسدد الفاتورة طلبت رقم حساب التلفون وراح أسدده من عندي تصدق يا غريب ودي أساعدها على الأقل عشان بنتها يا ولد أنت انتهيت وشكلك رايح فيها تدري انها تشتغل في العروس مرة قهوجية ومرة تطبخ في العزايم وأحيانا تفتح بيتها روضه فاتحه بيتها روضه وتشتغل في عروس ما يصير ما تجي تمسك بزارين الحارة إذا الحريم يبون يروحون عروس أو عزايم كبار المسكينة تستقبلهم تخيل وش المقابل وش المقابل عشرة ريال معقولة في إنسانه عايشه بها الشكل والله شي يحزن ويقطع القلب يا خزان تصدق ما ينكسون إلا بعد ستة شهور وجماعة المسجد وأهل الخير مو مقصرين و ولد عمها اهو اللي مستأجر لها بيت ويدفع الإيجار وأحيانا يعطيها وأحيانا لا تصدق زعلت يوم قلت أبي أساعدك قالت ترى ما فتحت قلبي عشان تعطف على والله يا خزان مدري وش أقولك أخاف أقولك نصابه واظلم بنت الناس وأخاف أقولك صادقه وتتوهق شف ليش ما تحاول تتحق من الموضوع بنفسك وإذا طلع الكلام صحيح ممكن نجمع لها مبلغ من المال لو قطه كل شهر على الاقل من مية ريال تساعدها بدل ما تمد يدها للناس غريب أرجوك إذا في احد يبي يساعدها ماراح يكون غيري يا بن الحلال نبي نشاركك الأجر تبي تسوي خير ما يخالف سوي خير بس مو في كوارع ههههههههههههههههههههههههههههههههه اسمها كوارع هذا الاسم الحركي حليمة كوارع خخخخخخخخخخخخخخخخخخخخخخخخخخخخخخخ وش عليك اضحك بس أحس لا يق أنت خزان الإحزان واهي حليمة كوارع تبي الصراحة أحس انه يصلح اسم لفلم أو قصة وشكلي بكاتبها بأسلوبي الخاص ، خليني انتهي من اللي في يدي ويصير خير غريب تصدق أحس إن قلبي تعلق بها الإنسانة والله مدري وش أقولك بس ودي انك تتحقق من كل شي احتمال ملعوب تلعبه البنت شف وش رأيك تحاول تعرف وين بيتهم وتسأل عنهم إمام المسجد اللي حولهم وإذا طلع الكلام صحيح صدقني ربي بيوفقك إذا وقفت مع بنت الناس غريب تصدق أفكر بشي اكبر |
رد على: رتوش
وش هو
بعدين راح تعرف اجل حاول توصل لعنوانها وشف إذا تقدر تقابلها ولا لا بس مدري الحفر فيها مقاهي وفنادق خمسه نجوم والله مثل رندفو اللي في جده اللي في شارع ألتحليه ممكن تروح أنت وياها وتفطرون وإذا رحت لا تفشلنا تروح ويدك فاضيه خد معك ورد وإذا ما لقيت محل ورود في الحفر مو مشكلة خذ ورد بلاستيك من عند ابوريالين بس يا خوفي فنادقهم كلها -5 نجوم على العموم موعدي الليلة معها وش عليك يا خزان على هواك على هواك يا خزان الليلة ليلة خميس طرز بها نور القمر شط البحر نصف الشهر يعني ألسهره صباحي هههههههههههههههههههههههههه ادعي لي الله يوفقكم خزان جالس على ألنت من الساعة 10 وها الحين الساعة 1:30صباحاً لاحياه لمن تنادي اليوم الخميس خزان متسمر قدام الماسنجر من الساعة 9:30 مساءً إلى الساعة 5 الفجر ما حوله احد اليوم ألجمعه ما عنده احد السبت _ الأحد _ الاثنين _ الثلاثاء _ الأربعاء وكمل الأسبوع وخزان متسمر عند الما سنجر كل يوم ولاحياه لمن تنادي تصدق ياغريب انا قلقان البنت لها اسبوع ماتبين أقول أستريح هذي حركات بنات عشان تحمسك وتحمسك الين ما تستوي وبعدين سهل قطفك ياحلو غريب أرجوك لا تشككني في كوارع بعدين لا يصير قلبك قاسي هههههههههههههههههههههههه والله وصرنا نتكلم عن القسوة أموت في شعوركم يا الحبيبة هههههههههه تذكروني بعبد الحليم حافظ تصدق إنا تعبان نفسياً وخايف إن كوارع فيها شي أو أصابهم مكروه إنا لازم أحرك للحفر عدال عدال ياروميو عدال يامجنون كوارع ههههههههههههههههههه موتني من الضحك يا خبل أنت تعرف بيتهم لا تعرف رقم تلفونها لا اجل على أي أساس تبي تروح للحفر وتضرب 500 كيلو على ألفاضي بعدين أنت تدري إن الحفر اكبر سوق ماشية في الشرق الأوسط والله ألشرها على إنا اللي جيت وفتحت قلبي لك ا ن شاء الله تكون اكبر سوق للضبان وانأ وش يخصني ايه مو إنا صاير بدل كوارع إذا ما لقيتها جيتني وفتحت قلبك مو انا صاير مسلي غلابة انت و وجهك هههههههههههههههههههه وش السوات والله مدري وش أقولك مالك إلا الصبر والغايب عذره معه طيب أنت وش بتسوي ها الحين إنا لازم اطلع لها جوال وأريح نفسي سيدي يا سيدي والله وصرنا نتكلم على الجوالات إلا على فكرة بكمره ولا بدون انا افضل يكون N95 مدري تبي تشغل الاتصال المرئي ولا لا تطنز وش عليك هههههههههههههههههههههههههه طيب سوا ولا موبايلي ولا فاتورة إنا اقترح يكون برافو عشان تلقها حتى لو طلعت البر ترعى الغنم تلقاها خخخخخخخخخخخخخخخخخخخخخخخ والله حالك يكسر الخاطر يا خزان أتري قلبك قلب عصفور وانأ مدري يادلبو ياربو سلم الحلو زعلان ككككككككككككككككككككككك أقول ضف وجهك تراك رفعت ضغطي ليه شايفني ملح ولا قالولك إنا غا......... الله يخسك والله يجي ها الحين وأقوله الغريب يقول إن الغـمــــ.......... يرفعون الضغط اسمع خل عنك الدلاخه وقم خلنا نروح المطعم ونتغدا ونتناقش في كوارع حلم خزان طرطـــــــــــــــــــــــــــاع صوت الدباسة يلعن خيره يبي يصكني بالدباسة معقولة تروح إعدام أو موبد عشان كوارع اقول ضف وجهك ولا ابيلك غدا أقول اليوم عليك ألغدا أنت وجهك أمس انا مغذيك ومزغط من ما لذا وطاب واليوم تقول هونت قم اليوم عندهم ربيان يا مليح على فكره اذا تزوجت كوارع تحتاج لكم كيلو ربيان الله يأخذ عمرك ههههه ايه اضحك ورني سنونك ها اللي تقول كنهم خكاريه يرقصون في حفله من حفلات حسن الله يأخذ عمرك يا شيخ اليوم الأربعاء الساعة 9 مساءً |
رد على: رتوش
غريييييييييييييييييييييييييييييييييييييييييييييييييييييييييب
الله يعافيييييييييك على هالاجزاء الحلوه والشيقه والله يفرحك مثل مافرحتني بكثرة الاجزاء ويالله نبي نشوف هالكوارع ويا خزان لا تبطي علينا <<<<<<<<<<<<<<<<<<<<<<<<<<<<<<<<<<<<<< ميته من الفرح عشانها قرت كذا جزء ههههههههههههههههههههههههههههههههههههههههههههه |
رد على: رتوش
تسلمين ياشموخ
والحمدلله ان القصة جازت لكم مشكوره على التواصل |
رد على: رتوش
ياحياتي ياكوارع
شفيها بسم الله عليها << انشغل بالها يالله ياغريب كمل وطمنى على كوارع الله يستر <<متحمسه اثر من خزان هههههههههههههههههههههه تحياتي لك .. |
رد على: رتوش
ههههههههههههههههههههههههههه
|
رد على: رتوش
[SIZE="4"][COLOR="DarkOrchid"]انت تضحك :mad: :mad: :mad: :mad: :mad: :mad:
فتحت على بالى بلاقى كم جزء يالله يا غريب يعطيك العافية ههههههههههههههههههههه[/COLOR][/SIZE] |
رد على: رتوش
الساعة 9:30
الساعة 10 الساعة 10:15 الماسنجر يسجل دخول ان ما عشت لك تري حياتي بدونك مالها معنى قبل ما تسلمين وتهلين ممكن اعرف وينك من أسبوع السلام عليكم ورحمة الله وبركاته عليكم السلام ليه ماجا وبتي أنت وشلونك يا خزان أول شي وش اخبارك اخباري زفت ممكن اعرف سبب الغياب ابشر بس ممكن اعرف انت ليه معصب يعني اللى سويتيه ما يستحق إن الواحد يعصب له يابن الحلال بنتي مريضه وكنت مقابلتها سلامات ما تشوف شر طيب ليه ما علمتيني كان جيت و وديتها المستشفي ما تقصر بس ما حبيت أزعجك يا بنت الحلال أي ازعاج وأي خرابيط المهم وش لونها إن شاء الله احسن ابشرك صارت طيبه الحمد لله عدت الأنفلونزا وش عطاها الدكتور أي دكتور انتي ما وديتيها لدكتور يابن الحلال احنا وين والدكاترة وين الله يخلى ام عمشه جارتنا لقيت عندها مضاد حق بنتها يوم انها تمرض قبل شهرين وعطتني الباقي والحمد لله البنت طابت باقي دواء!!!! ايه باقي دواء ماهي اول مره طيب ليه ما رحتي مستشفي نور خان يابن الحلال خلني اصرف علي وعلى بنتي بعدين اروح لمستشفي نور خان طيب ليه ما مريتي مستشفي المللك خالد بعيد عننا المهم انت وش لونك تصدق انك وحشتني يا خزان حتى أنتي يا كوارع وحشتيني موت ابي اطلبك طلب وأتمنى توافقين عليه اذا اقدر ابشر مافي اذا اقدر ابيكي تقولين تم طيب وإذا ما اقدر لا تقدرين يصير خير اطلب ابي اشر يلك جوال وشريحة الله واكبر شريحة وجوال مره وحده ايه جوال وش فيها على الاقل اذا بغيتك لقيتك الله يسامحك بذمتك وجهي وجه جوال وها الجوال ما يبيله تسديد فواتير لا تشيلين هم انتي وافقي ويوصلك لحدك لا مشكور ما تقصر ليه يعني خايفه من شي معين لا والله ماني خايفه منك بالعكس انا احس انك منى وما تعرف قد ايش فقدتك الاسبوع اللى راح خلاص طالما انتي واثقة إني ما ابي أي مقابل خلاص وافقي ، قبل ما انسى وين رقم الحساب خزان لا تكلف على نفسك انا ادبر اموري ارجوك يا بنت الحلال ما من كلافه ولاشي يعني كل هذا وله بصراحة إيه ونفسي اني اتعرف عليكي اكثر بالعربي ابي اقرب من قلبك يا الله قلبي مره وحده بس اخاف اني ما اكون قد المقام يا بنت الحلال كلنا عيال تسعه اخاف بعد فترة تغير رأيك ليه أغير رأي فيه شي ما اعرفه عنك |
رد على: رتوش
الله عليك ياغريب
انا متابعه ومتحمسه مررررررره بس ماشاءالله عندها كمبيوتر ولا عندهها جوال ؟؟؟؟؟ ماشاءالله عليك غريب والله احس هالقصه صدق مو مألفه والتأليف فقط هو اسماء الشخصيات يالله غريب احنا متابعين لك والله يوفقهم ياااااااااااااااااااااااااااااااااااااارب |
رد على: رتوش
ياحياتي ياكوارع
غريب حسبي الله على العدو صرت احب الكوارع من ورى القصه هههههههههههههههههههههههههه بس مالها عذر ماتطمن خزان بايميل مسيكين بيطير عقله :) تحياتي للكاتب القدير غريب الآه ومتابعيييييييييييين بحماس |
رد على: رتوش
صعبة _شموخ _ احلى كلام حياكم الله
شموخ كل شي وارد في ها الايام وها القصة سبق واني قلت انها قصة حقيقية بس انا كتبتها باسلوبي احلى كلام تراهم يمدحون الكوارع بس وانا اخوس يقولون انها تنفخ عاد انتي مب ناقصة :) |
رد على: رتوش
والله مو القصد بس انا عايشه على احسان الناس وأنت ابن ناس وعايلة ولك جماعة واهل وشكل الله منعم عليك يعني في فرق بيننا
يعني اخاف يكون اندفاع وبعدين تمل وتتحسف ، وإذا رحت إنا اللي بدفع الثمن ثمن شنو يعني بفقدك ومحد يكون جنبي اشتكيله و افتح له فلبي انا اشوف نكون كذا احسن فكري بالموضوع يصير خير بشرني وش لون عيالك ابشرك بخير الحمدلله الا وش لون بنيتك ها الحين ابشرك زينه يارب لك الحمد يؤؤؤؤؤؤؤؤؤؤؤؤؤؤؤؤؤؤؤؤ اذن الفجر بتدخلين بعد الفجر عشانك يا الدب بدخل هلا كوارع ما شاء الله أشوفك جيت بسرعة لا يكون ما صليت لا أبشرك صليت وسننت بعد الله يتقبل منك تسلمين وش قلتي بخصوص الجوال يابن الحلال لا تكلف على عمرك طيب وين رقم حساب الفاتورة خزان ارجوك إلا ارجوكي أنتي ولا إذا ما تبين خليني أتوكل على الله دام احنا تونا على البر يا الله لها الدرجة انت مهتم وأكثر بعد طيب يا الدب هذا الرقم 159842357 طيب اقدر اطلبك طلب وش فيه بعد كثرة طلباتك يا خزان أنتي وين ساكنه في الحفر في منطقه يقالها العشيش حولكم مسجد او سوبرماركت او شي مشهور مسجد الصحابه بيتنا جنبه تمام إلا ما قلتيلي وش اسم بنتك اسمها فهده حلو يعني انتي ام فهده ليه تسال وش السالفة لا مجرد سؤال لو قلتلك اني ابي اشوفك وش تقولين افا هماك تقول ما تفكر بمقابل يا بنت الحلال ما ابي منك شي ابي اشوفك على الطبيعة ليه فيه شي معين يدور براسك قله وانأ أريحك لا مو القصد بس أبي أشوفك عن قرب شف إنا ما اقدر اطلع ولا أروح ولا أجي وكل اللي حولنا يعرفونا وأخاف احد يشوفك او يشوفني وتصير مشكلة على العموم أتمنى إن تقرب منك أكثر وأكثر حتى انا ودي اتقرب منك واتعرف عليك اكثر ماتتخيل قد ايش انت صرت تعنيلي ونقطة تحول مهم في حياتي طيب ليه ماتخليني اشوفك وش اللى مخوفك بعدين انا سبق وقلت ما انتظرمنك أي مقابل ولا افكر في أي شي مدري وش اقولك لاتقولين ولا شي انتي وافقي ويصير خير والله اني خايفه قوي قلبك وكلها شوفه لااكثر ولااقل |
رد على: رتوش
ههههههههههههههههههههههههههههه
متابعين يا غريب موعد هههههههههههه |
رد على: رتوش
طيب اسمع وش رايك الاسبوع الجاي احنا عندنا عرس وبنروح نصب قهوة ونخدم فيه تعال واذا طلعت اخليك تشوفني
وش دعوة اقط وجهي في عرس واذا احد سألني اقوله جاي ابي اشوف وحده من القهوجيات هههههههههههههههههه وانا صادق طيب وش اسويلك ظروفي صعبة وهذا المكان المناسب لي يصير خير هلا ابو غربه كيفك بخير ها بشر وصار بينكم يا الحبيبه حاكيتها عشان ابي اشوفها طيب متى بتروح تشوفها الاسبوع الجاي والله منت بهين يارومويو طيب وين بتتقابلون في فندق في مطعم شف تبي نصيحه رح انت وياها كوفي شوب وافطرو وخلوه فطور عمل يا ابن الحلال فطور ايش وغذا ايش بنتقابل في عرس عيني ياعيني ومسويه نفسه بريئه والله ماهي بهينه يعني تبي تقول انها رايحه عرس ومن هناك تطلع معك والله منت بهين يا نمس يابن الحلال انت فاهم غلط الموضوع ومافيه انها موقعه عقد عمل مع اهل المعرس او العروسه عشان تخدم هناك مافهمت هماني قايلك انها تخدم في العروس خلاص عندهم عرس وانا بروح اقط وجهي واخر الليل بشوفها اذا جات تطلع من الصالة كككككككككككككككككككككككككككككككككككككككككككككككك يحقلك اضحك لعن ابو الحظ والله ياعليك حظ تصدق انك مقرود وحظك تقل كنه ذكر وافريقي بعد يعني انت تذكرني بسوقين التكاسي يقطون وجيهم في العروس يتعشون ويشيلون زباين بعد العشاء لحظه هذي مكالمة من بنيتي |
رد على: رتوش
هلا يبه
هلا تماضر وش لونك يمه بخير يبه وأنت جاي أبيك تجيب لي إغراض إبله نورة مسويه حفلة وتبنا نجيب بعض الإغراض للفصل على فكرة تسلم عليك كثير السلام الله يسلمك ويسلمها لحظه خليني اكتب بس هذا إيه يبه شف ثامر يبك هلا ثامر وش عندك يبه ممكن تجيب لي حجار عشان ريموت السيارة ابشر بشر وش سويت في المدرسة زين حليت كل الواجبات والمدرس كتب لي ملاحظه زينه شاطر وش لون ألشينه تغريد تذاكر تسلم عليك وتقولك لا تنسأ الكيك واليوم تبيك توديها ألمول ابشروا من عيوني اليوم ننزل الخبر يبه ترى لازم تعشينا في المطعم وبعدين نبي نروح المار ينا مول ابشروا من عيوني يعني ما عاد تبون البر إلا يبه خله يوم الخميس بس اليوم نبي الخبر الله يخليك ما يخالف خلو راضية و نايده يجهزون أغراض البر وصندوق العزبة في الكراج تبون شي ثاني لا شكراً خزان تصدق أحس إن عيالك شغالين حياتك كثير والله هم نور عيوني وما ادري وش لون بعيش بدونهم يا الله خلها على ربك اللى الله كاتبه بيصير الله يخليك لهم تسلم غريب شكلي بطلع أبي أجيب أغراضهم وأريح والله يعينا على نزلت الخبر والله أنهم يقلبون سحلت راسي إذا نزلنا الخبر ما غير من مجمع لمجمع بس تصدق استأنس الله يعينك ما عليك رح وإذا احد سئل أبي اصرفه الساعة 1 الظهر المكان أسواق بندة العزيزة محلة ألدفي حي الفردوس بالصدفة واثنا التسوق وبطريق الغلط يصدم عربية امرأة تتسوق أوه أسف يوخيتي والله ما انتبه لك ما صار إلا الخير لا لحظة إنا بلم الأغراض ،،، لم إغراض ألمراء وحطها في ألعربانه وهو شارد الذهن كانت امرأة في قمة الجمال والأناقة وابتسامتها كانت تزيد من مساحه الجمال الرباني على محيا ألمراء اكرر أسفي أختي الفاضلة وأرجو المعذرة ولا يهمك ما صار إلا الخير أشكرك على لطفك وذوقك شكرا انتهى من التسوق وعند المحاسب رفض إن يتقدم على ألمراء وأعطها الدور وبكل رقه ردة عليه شكر على لطفك عفواً وإثناء خروجه من السوق شافها تركب سيارة كادلايك اخضر اللون وفي السيارة وهو يدلف إلى بيته اخذ يفكر في ألمراء وهل كوارع على قدر من الجمال كما هو حال ألمراء وبمجرد وصوله للبيت تجاذب إطراف الحديث مع الأبناء وطلب منهم إن يتغذوا وهو راح يأخذ غفوة إلى صلاة العصر ومن ثم يتوجهون إلى الخبر وبعد يوم حافل هاهم يعودون إدراجهم إلى الجبيل استعداداً لطلعة البر في الغد |
رد على: رتوش
متابعيـــــــــــــــــــــــــــــــــــــــــــن
وبحماس شديد تحياتي للابداع :) |
رد على: رتوش
اليوم الخميس قام جميع من في البيت ثامر ذهب للمسجد برفقة أبيه
وبعد الصلاة كان الجميع على استعداد للذهاب للبر وكالعادة اخذ الأب يسأل الجميع هل جميع أغراضنا جاهز كان الرد من الجميع كل شي على مايرام وتوجهوا إلى إحدى فياض الصمان وبالتحديد فيضه أم المصران واخذت تماضر في ادخال الاحداثية الخاصة بالفيضة N2636500 E4733900 وبعدما تاكد الاب من صحة الاحداثية تحرك الركب وصل الجميع واعجب بمنظر الفيضة والخضار الأب وثامر يبنون الخيمة وإما البنات آخذو يتجولون في إنحاء ألفيضه والشغالتان يساعدون الأب والابن في تنزيل وتوزيع الأغراض وبعد التجهيزات الأساسية تناول الجميع الفطور واخذ الأب في تجهيز اللحم وتتبيله ثامر يحب المشوي بس بدون بهارات على عكس تماضر وتغريد يستمتعون بالمشوي إذا كان مبهر وبقليل من الفلفل الشغالتان يعشقون المشوي ولكن دجاج بطريقتهم الخاصة وبداء الأب يشوي لهم اللحم والدجاج وكان هناك صاج خاص لتجهيز ألكبده والمقلقل وهنا اخذ العيال يمزحون مع الأب ويعلقون على طريقته في تحضير ألكبده والمقلقل وتعالات الضحكات وبعد انتهاء الشواء واستمتع الجميع بالغذا فكر الأب في جولة استكشافيه في ألفيضه وجمع الحطب وكانت الفيضة ملاءة بالسدر وبعد عودتهم من جمع الحطب دخل ثامر والأب وتماضر وتغريد في تحدي كبير في لعب كرة القدم |
رد على: رتوش
الأب وتغريد ونايده فريق وتماضر وثامر وراضية فريق
وبعد مباراة جميلة انتهت بفوز تماضر وثامر وراضية وكان الفارق هدفين وبعد العصر اخذ الجميع في تجميع الأغراض والاستعداد للرجوع ولكن شبت الضو والجلسة كانت جميلة للغاية فلم يرغب الأب في حرمان الأبناء من الاستمتاع كونه يعرف طريق الخروج من الصمان وكان ذلك بفضل نظام ألجي بي اس وبعد ما إن خيم الليل تحرك الجميع وفي إثناء العودة وبعد ما أيقن إن الخادمتان يغطون في النوم بجانب ثامر وتغريد دار حوار بين الأب وتماضر وكان يرمي إلى الزواج حس بان تماضر ترفض الفكرة واستشعر الأب حزنها وبسرعة وبذكاء قال إنا امزح لا أكثر ولا اقل وعادت الابتسامة والبشاشة إلى محيا تماضر وهنا دارت سوالف و ومزاح مع الابنة وفي تمام الساعة 1 من صباح يوم ألجمعه وصل الجميع إلى منزلهم بمدينة الجبيل الصناعية وقبل النوم تفا جاء برسالة على جواله وكانت المرسلة حليمة كوارع وعلى الفور اتصل بها وبمجرد سماع صوتها لم يحس بتعب الرحلة هلا حبيبتي كيف حلك وأخذت في البكاء وبعد إلحاح وبعد ما إن قدر يهديها كانت هناك مفاجئه غير سارة تنتظر خزان الأحزان تصدق يا أبو ثامر انك تعني لي كل شي وبعد معرفتك حسيت إني إنسانه ثانية طيب وش سبب البكاء اتصل أبوي و قالي زوجك يبي يرجعك وهو عقل وتغير وانأ أشوف انك ترجعين له بس أنتي قلتي انك مطلقه صحيح هو طلقني طلقه واحده وانأ محتارة مدري وش السوات طيب أنتي وش تبين إنا أبي سعادة بنتي لا يهمك إنا فهمت الباقي على العموم استخيري الله قبل كل شي طيب وجوالك والرقم اعتبريه هديه مني لك و إذا دارت عليكي الدواير لا تترددين في الاتصال إنا في انتظارك في أي لحظة طيب وبخصوص بطاقة الصراف والحساب أوعدك إن كل شي راح يستمر على ماهو علية الين ما تستقر حياتك مع زوجك وتتأكدين انه رجع إنسان ثاني خزان حرام عليك أنت كذا تحسسني بالذنب وضل في نقاش مع أم فهده إلى أذان الفجر وانتهى كل شي وحينها توسد أبو ثامر الألم |
رد على: رتوش
[COLOR="DarkOrchid"][SIZE="5"]العروس للعريس والجرى للمتاعيس
كمل يا غريب الاه صار بدها اهااااااااااااااااااااااااااااااات ههههههههههههههههههههههههه[/SIZE][/COLOR] |
رد على: رتوش
افا
مسكين ابو ثامر الله يعوضه خير على نيته الصافيه تحياتي لك غريب كتبت فاذهلتنا بقلمك :) |
رد على: رتوش
اشكرك صعبة
اشكرك احلى كلام وكلمات محل اعتزاز الشكر موصول للغائبة الحاضرة شموخ سدير بس باقي الجزء الاهم وفيه قد تكون بداية نهاية القصة انتظروني |
رد على: رتوش
غريب أنت تبي تسويها مسلسل مكسيكي
ولي ملاحظات على الأحداث نناقشها بعدين تابع وانا اتابع بصمت |
رد على: رتوش
ابشري يا ام زياد انا حاضر لمناقشة الرسالة>>>>>> والله لو انها رسالة ماجستير :)
|
رد على: رتوش
ههههههههههههههههههه وش يدريك يمكن يعطونك عليها شهادة
|
| الساعة الآن 04:53 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة