![]() |
قصيدتي كوميدية ، وهو يتحدث عن واقعه وتجربته ، في عصر مختلف عن عصرنا الحاضر.
نسيت قصيدتي : المره لاتعدت اربعين ... لكن ترى قصيدة حميدان هذا في نقلها اخطاء لعلي اراجعها واصححها ، مثل ما سويت في قصيدته لاتضم الذي قد حكي في امها حيث تبين لي أن هناك اخطاء كبيرة في النقل .. ولعلي انشرها في الموروث الشعبي .. كل الشكر والتقدير مع أطيب تحياتي |
اي بالله يا بو عبد الله
انا اقراها من ديوانه واحس ان فيه اخطاء لكن وش اقول ننتظرها هناك |
[quote=المشرف العام]الشعراء يقولون مالا يفعلون ....
والشعر الكوميدي يأخذ أبعاد لا عقلانيه يعني أجل منيب صاحي يوم اكتبها .. هين ياثار احط فيك قصيدة هجاء ، إلا أن أعلنت التوبة[/quote] خخخخخخخخخخخخخخ اتووووب خلاص ماتعودها كله ولاهجائيه :) |
عنترة والخوف من داء الطيور
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
إذا لعـب الدجاج بأرض قومٍ= اجنبه ولو يرخص بسعري وفضلت البعير ولا ابالي= انجدي كان ام توريد بحري ولا أرضى بداء من طيورٍ= بدا التهديد في الآفاق يسـري فلحم الهرش اضمن لو تأخر=وان يطبخ مع الأصباح بدري[/poem] اللي وده يكمل حياه الله ، وإلا ابكملها لما افضى لها.. |
خخخخخخخخخخخخ :)
صح لسانك |
هههههه حلووووه
صح لسانك وياليت تكملها :) |
خخخخخخخخخخخخخ
ابيات روعه صح لسانك وان شاء الله يجي احد الشعراء المتمكنين ويكملها :) |
في جلسة بلوت
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] يا حيط طش الورق واجلس على المتكا=خل الورق يـا حيـط للـي يعرفونـه يا مرتع الصـن والعشـرات والاكـا=خل التفرنك يفيـدك واحفـظ فنونـه تلعب لحالك ومـن يلعـب معـك بكـا=تحـوس لعبـه وتفكيـره ومضمونـه خلك على الزاويه صوره مـع المركـا=تصر عيـن علـى الدخـان مجنونـه جنبك ربوع تحـرى تخلـص الصكـا=كـل يحـد اصبعـه ويفـرك عيونـه مثل المكيـرش عـدو الحـظ لا تكـا=قام يتذكـر يسـب اللعـب وسنونـه ينسى خويـه واذا بـه عشـرة تكـا=صار يتنافض يحسب انهم يشوفونـه أما مـع القفـل لا مخـرج ولا فكـا=يا حليل اللي يشتري القفل من دونـه تلقى الميـه دايـم عنـده بـلا شكـا=متلبـد والخسـاره منـه مضمـونـه يا حيط قـل للمحاسـب يتـرك العكـا=حصالته يـا حيـط ماهيـب موزونـه يا ليـت درج المحاسـب فوقـه بلكـا=ليـن يتعـدل ويتـرك عنـه قانونـه يا حيط فـر الشريـط وشغـل الدبكـا=ابو شنب جاك يترنـح علـى هونـه قـام يتمايـل تقـول الوسـط منفكـا=يرقص على الطار وسكونـه يخمونـه والخشم فـوق البراطـم قـام يحتكـا=يرضخ على الفم كنـه ديـد مزيونـه يا حيط هات القلم نكتـب لكـم صكـا=صك على النوم يـوم انكـم تعزونـه يا شلـة تشرحـون الخاطـر الظنكـا=زموا على القفل يشري لو تغصبونـه امـا المكيـرش اذا شفتـوه يتشكـا=راعوه لين يتحسـن وضعـه ولونـه لا تعاندونـه يحـط اللعـب مشتبكـا=ويقوم يسري ويحلـف مـا تردونـه شيخ البلـد يجيـب البيـت منصكـا=يكتب قصيد المـرح ياللـي تحبونـه [/poem] ترحيب من نوع خاص [poem=font="Simplified Arabic,5,indigo,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] يامرحبا بك عدد ماطار تمسـاح=او عدد ماتنقش سنون النعامـه او عدد مايزعل على الموز تفاح=وعداد قشر في بعيـر وسنامـه او دب امعط لابغى يطير ماطاح=الا بجـرف بعيـد ولا عدامـه والا خروف دايم الـدوم نـواح=ضيع ثغاه وجاب صوت الحمامه على عشير كـن زولـه لاراح=كنغر وشكله مايعرف الوسامـه ماشافني وانا مع السـوق رواح=صد وتركني بين شبه وعلامـه [/poem] السنبوك [poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] ياراكب من عندنـا فـوق سمبـوك=متوجـه صـوب المنامـه بشايـب مع البحر كنك على القار ف بيـوك=يلحق ويفهـق مسرعـات الهبايـب وان طحت في خفر السواحل وردوك=دارك على عود من الحـول ذايـب وان باركوا لك بالسلامـه وهنـوك=لك في الدلاله ياابن الاجـواد نايـب ترى خويك كان من قبـل صعلـوك=ويـدل حتـى موحشـات الخرايـب وصحيح لو تنشد هل الـدار دلـوك=واهل الوفا ماعابهـم ربـع عايـب ويامقدرين الضيف لو مامعـه بـوك=باخلاقكـم صـارت ثمـان عجايـب وارجوك انا ياصاحبي وارجع ارجوك=اياك تنسـى انـك مـودي وجايـب رجع لنا خريـج بومبـي وبانكـ=وكوخلك على الزلـه بعيـد الحضايـب [/poem] طلب تشكيل عصابه [poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] ضيدان ماودك نشكـل عصابـة=نحتل بعض بنوكهـا والمحـلات ام يجي لي ولك قـدر ومهابـه=والا تبيتنـا بيـات الشريفـات والرجل ودك يشتهر في شبابـه=بالطيب والا بالعلـوم الرديـات ولا يهتني ف اكله ولا في شرابه=الين تطلع صورتـه بالمجـلات [/poem] والرد [poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] لا تحسب انا ياسعد وسط غابـه=هاللي تراوى لك تراهن عمارات وموضوعك اللي جبت كله غرابه=والظاهر انه سابع المستحيـلات واخاف لاتنبح عليـك الكلابـه=ثم هات نسلم من مخاليبها هات يابوك ماعمري دخلـت النيابـه=ومن العمر مابقى كثـر مافـات وان كان تبغي الرأي قبل يغدا به=من واحد جرب جميع الحيـلات خل الخطب للي يعرف الخطابـه=نهارنا شمس وفي الليل لمبـات [/poem] اكل الرز ونتائجه [poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] قال الذي بطنه من الـرز مليـان=يلهم من المزه على غيـر قـادي عمره وصل خمسين ماذاق قرصان=ولا ناظر المرقوق وسط البـوادي يدربي كرشـه ويتمشـى بليهـان=وان قلت له وين انت به قال غادي ماهو بمثل اللي يمـر دوم دكـان=شرى طحينيـه وخبـز وزبـادي [/poem] بدوي عند لبناني [poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] يقول شـو بـدك وانـا اقـول بـدي=افرك خشمـك ياعشيـر النسانيـس قال: اوعى ...اوعى قلت توعى لجدي=شايب ولكنك حمـر... ول ياابليـس صد وشتـم انـت البسينـا وعنـدي=إلك مصيبـي هيـك أد البحـر ئيـس قلت ايه اقيس انك تبي دبـل كبـدي=مير تخسى قال : وعم تسب ياتيـس وش عرفه بالتيس وماادري ويمـدي=لارحت زحله اعرف اش مقصد الهيس انا وليفـي طـش راسـي غرامـه=لـولاي اكافـح حبهـا بالبـنـدول خلـي ذبحنـي طسمتـه واللثامـه=والعين تشدي لابرق الريش مع جول يقطش وليف الروح قطش الحمامـه=يامحلا ريقه مـع الشـدق سعبـول ياناس انا هلـي واحـف السلامـه=واموت من حب اريش العين لاحول خلي لمع في راس خشمـه زمامـه=ومعلق في الحلـق فضـه بدلـدول تقـول قـرد فـي روابـي تهامـه=يفجعك شكله لاضحك كنـه الهـول لا هـوب دبـه لا ولاهـو هلامـه=ماشفت مثله سيد الاحباب عصقـول [/poem] الضب يرفع شكوى [poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] الضـب قـدّم للـوزارة شكيـة=قال أنا مظلوم وسط الصحـاري الحيوانات تعيش عيشـة هنيـة=وأنا في الأكياس تحت الكبـاري مسكين مالي وساطـة خارجيـة=الواسطـة للظبـا والحـبـاري أشكي من الأزمة ظروفٍ قويـة=خص بالصيف والجسـم عـاري محميـة الغـزلان دون الحويـة=وأنا مقطع وسط الرز البخـاري أنـا لحالـي عيشتـي جاهليـة=أنصاد لو اني بالبنـك العقـاري في سوق الجمعة يحـرّج عليـه=مكتوب أسمي في السجل التجاري أحتـج وأقـدم للأمـة قضـيـة=ممنوع صيدي بالسلاح النـاري أعيش أنـا والحبـاري سويـة=مافي فرق بين صندوق وهواري لا طلعت أبـي أتمشـى شويـة=أرى الدداسن كوم تضرب بواري الصيد يتمشـى جـري وآهنيـه=في محمية الغزلان وأم القمـاري وأنا بمسلسل طاش يضحك عليه=وين التقدم والأسلوب الحضاري[/poem] رحم الله امرأ قدر نفسه [poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] كنـت ماشـي لحالـي فـي طـريـقٍ ظــلام=ثـم سمعـت استغاثـة صـوت عالـي دويّـه يوم قرّبـت .. والا شخـص يطـرد مـدام=قالـت الحـق عليّـه كـان عـنـدك حمـيّـه قلـت لبّيـه جيتـك بعدمـه لــك عــدام=ويل ويله توفّـى .. طـاح بيـدي ضحيّـه وجيـت طايـر بطـقّـه وانتـقـم إنتـقـام=مبطـيٍ مـا تهاوشـنـا وفيـنـي شهـيّـه يـوم جيتـه ندفتـه نـدف لكـن تـمـام ؟=وقلت ودّع .. ولكـن قـام يضحـك عليّـه ؟؟ قلـت يمكـن ؟ وعلّـه قـوة الإصطـدام ؟؟=أثّرت فيه وانجن .. رووووح ماقوى إيديّـه وقمت اهفّـه يميـن اشمـال خلـف وأمـام=ثابـتٍ مـا تحـرّك ؟؟!! أشهدنّـه بليّـه ؟؟ ثـم نظرلـي بنظـرة شـر ترمـي سهـام=وقال : اغمّض وافتّح مـا أشوفـك هنيّـه قلت : ماني بخايـف منْـك يابـن الحـرام=ثار!! وازبد !! وشمّر ساعده فيـه نيّـه ؟؟ وزرّنــي زرّةٍ منـهـا فـقـدت الـكــلام=صرت بيديـه مثـل الطفـل واردى شويّـه وصار يضرب .. ويضرب .. وانسجم إنسجام ؟=وبين ضربه وضربه كنـت اشـوف المنيّـه ويوم خلّص .. رماني .. صرت كومة عظام=جيت بنحاش .. قال : اصبر ترى تمثليّـه واشّـر لبـاص واقـف غيّمـوا فيـه جـام=وقال: إضحـك وطالـع كامرتنـا الخفيّـه ؟؟ [/poem] طعام الغني والفقير [poem=font="Simplified Arabic,5,indigo,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] أحدٍ عشاه القرص ومفطّح الحيـل=واحدٍ عصيدٍ يلعط الكبـد حـرّه واحدٍ يلاعب لابسـات الخلاخيـل=وأحدٍ عجوز شاف منها المضرّه واحدٍ يصجّه حس صوت المحاحيل=واحدٍ يتشفّق فالشهر صب كـرّه يارب عدّلها عن الحيـف والميـل=والا انت ميّلها على الناس مـرّه [/poem] |
ماشاء الله
صح لسانك ودمت للشعر نبراسا تحيتي |
[CENTER][COLOR="DarkRed"][SIZE="3"]متصفح غارق بالجماااال :)
مشرفنا القدير أضحك الله قلبك بالرضا دمت بخير [/SIZE][/COLOR][/CENTER] |
الساعة الآن 09:44 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة