/\/\

الله حسيبك كيف تجرح صيامي /\/\/\ وصوتك يغني بمسمعي وقت الامسااااك


/\/\

كنك صخور السيف وانا كما الموج **** اجيك كلي شوق وتشتتيني

تحية إعجاب لكل من أتحفنا بيتيمات شعره
وماخليتوا شي للي بعدكم ولكن من باب المشاركة أقول:


[poem=font="Simplified Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
سألت اللي عطاك الزين كله=وخلى العين سيفك لا بغيته
يداوي من شكا بالليل عله=ويسلا بك لوانك ما سليته
تذكر واحد(ن)سماك خله=يبي قلبك بيبني فيه بيته
*********************
إذا نامت عيون الخلق ليله=وغنى البدر بالحان(ن)حنونه
أبسهر..وان بقى بالليل ذيله=بقول الله يحفظ لي عيونه[/poem]

رد على: انشر هنا أبياتك اليتيمة
 

البادية وبيت الشعر والبعارين000000000000 وبيت(ن) مروبع والبختري يفوحي
ودله وفنجان وربع مشفين00000000000000 بشوفها تشفى جميع الجروحي

رد على: انشر هنا أبياتك اليتيمة
 

[CENTER][poem=font="Simplified Arabic,5,white,normal,normal" bkcolor="black" bkimage="" border="double,4,black" type=2 line=0 align=center use=ex num="0,black"]
صدّات منْها .. شرّق القلبْ .. للغرْب=وآهات عنْها .. صّدتي .. "مُستحيله"[/poem]





,,,[/CENTER]

رد على: انشر هنا أبياتك اليتيمة
 

[CENTER]اول مشاركه لي هنا بعد السلااااااام والتحيه للجميع ...


فكرة جميله جدا ورائعه ... يشكر من قدمها هنا ..


بعد قرائتي شدني بيت يعتبر عن قصيده كامله لما فيه من الصوره الجميله جدا والساحره للشاعر المبدع مبارك الودعاني ..[/CENTER]

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
كنك صخور السيف وانا كما الموج=اجيك كلي شوق وتشتتيني[/poem]
[CENTER]
الله على هذا البيت مااجمله ... يستحق الوقوف احتراماً لما فيه من روعة التصوير ..

..


,,



..

اليكم بعض ابياتي اليتيمه والمتواضعه ..[/CENTER]


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من عرفتك ماعرف الا سراب =اعشق دروبه ولا اقدر اوصله
ان نويته حال دونه الف باب =وان بغيت آصد عذبني الوله
ياعذاب الروح .. ياروح العذاب =لا تعذب من يحبك باكمله
صرت في دربي مشابه للسراب =تغري المشتاق حتى تقتله[/poem]




[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
........

نوره ولا غير نوره شاغل ٍ بالي=ياللي تلوم الشقاوي جامل شعوره
لا تحسب ان المحبه نبعها حالي=لا والله .. الا تسوق المر مقدوره
شف حالتي كيف صارت .. يابري حالي=من شاف حالي يقول ..(ذنوب مغفوره)
ماجور ياقلب شيخ ٍ مرقبه عالي=ماجور .. والروح عقب الجرح ماجوره
كم من شجاع ٍ دهاه الوقت من تالي=معذوره الناس .. عند الحب معذوره
محدن يرد الغلا من غالي وغالي=مادام ربي جمع الارواح .. مجبوره[/poem]



[CENTER].....



.....[/CENTER]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مع السلامه يامتاهات الاشواق=روحي ولا لك في خفوقي ملامه
روحي ولو صدري بعد غيبتك ضاق=مازال طيفك في عيوني علامه
باصبر على هجرك لو الصبر ماطاق=دامك تبيها .. رافقتك السلامه
مجبور اغني عقبك ..(فراق .. فراق)=وامشي بدربي لو تزايد ظلامه[/poem]



[CENTER]..........[/CENTER]


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

النور بادي ياقمر من محياك=والليل ماينطاق من دون نوره
والقلب غنى لك ورحب وحياك=يامرحبا .. وعداد ماحب نوره[/poem]


[CENTER]..........[/CENTER]


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
جفت عروق الشوق يامنبع الشوق=ومن جمرة الفرقااا كواني غيابك
ماكنت احسب العمر وياك مسروق=ولا كنت الوم القلب يوم التجابك
وماكنت اعرف الدمع وانتي له الموق=ولا كانت احزان الليالي تشابك
كان الوصل في طوق والحب في طوق=واحزان عمري تنجلي عند بابك
كنت آتغذى منك .. واروي بك عروق=واسقيك كاسي واهتني من شرابك[/poem]


[CENTER]...



...[/CENTER]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
في عالم ٍ ثاني لقيتك مدينه=سكانها شوق ووله .. عشق وفراق
من صدقها شفت الجروح الدفينه=في لحظةٍ فاقت على كل الاذواق
ياغلى من كنوز الأنام الثمينه=ارواحنا في درب الاحباب عشاق
مادام انا لك ..(جاك قلب ٍ تبينه)=تستاهلين القلب مادام مشتاق
بس الوعد ياباشة الغيد .. وينه ؟=ترى كلام الزيف تاليته خناق
ابغاك .. ياعمر الخفوق وسنينه=وابغى يكون العهد في (لحظة عناق)
إما (غرام ٍ صح ) .. وقلوب زينه=ولا اتركي قلبٍ له سنين ماراق !! [/poem]

[CENTER]...






.....[/CENTER]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مليت وآنا كل ماجيلك تروح=وان جيتني ماجبت معك الصراحه
مليت من عشق ٍ ترك فيني جروح=مليت من عذر الغلا وانجراحه
واصبحت كني في محبتك مطروح =ان رحت ولا جيت ماشفت راحه
مليت منّـك يابعد مهجة الروح=مليت من شوق الهوى وانفضاحه
مليت من ليلٍ مع سلوته بوح =الشوق غلـّق ,, والهجر زاد باحه
من سبتك ماعاد طابت لي مزوح =والصدر عقبك مايذوق انشراحه[/poem]


[CENTER].....



.....[/CENTER]



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
البارحه يافهد يوم البدر ضوّح=والشعر يطري علي والنفس مغموره
سريت ليلي وفكري للشعر لوّح=لوّاحت اللي خذاه الوقت وعثوره
لي مدة ً يافهد والقاف مابوّح =الفكر شارد ,, وانا والصبر في الصوره
لين اقبل الهاجس المشحون / ثم فوّح=ليل الدجى /والقصيد يفوح بعطوره
اسباب منهو سكن في القلب ثم روّح=ومن يوم روّح وروحي منه مخطوره
ماغير اداري الخطا من شان مااطوّح=وآزور حيّه وانا ابغى (راس تنوره)
يانورة الليل من وجناتك مضوّح =لاعادها الله ليال ٍ فارقت نوره
[/poem].........



[CENTER].........[/CENTER]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياليل صلف العنا وش بيني وبينك= ماتدري اني على مسراك متعوّد
واني من العام الاول حامل ٍ دينك= وانت وجموع الهموم تروح وتعوّد
ان شفت حالي صعيب تكفكف يدينك=وان شفتني دالهٍ ،، تشيل وتزوّد
لقيتني الشين بعد اسقيتني زينك= واحسبك ياليل لا هوّدت ،، بتهوّد
وانا صبرتك الين كبرت في عينك=واتعبك ياليل همك ،، واثرك تحوّد
تسوقني ،، وازهلك .. ماقلت لك وينك=وآشيل همك ولاني منك متفوّد
ياليل انا من عرفتك مانشف طينك=تزيد بله ،، وللعسرات متجوّد
فياليت ياليل تقطع بيني وبينك=مادمت ابيض فعولي وانته تسوّد[/poem]
[CENTER].....


.....[/CENTER]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
صاحبي يافهد صدري ملته الهموم=الزمن ساقها والقلب غنى لها
كن باقصى الضماير للمواجع لزوم=ملّ قلب الشقاوي.. كلما شالها
اصبحت وامرحت بين الحنايا تحوم=كنها لي قصيده .. والحزن فالها
كلما قلت هانت ...إستجدّت علوم=وكلما وادعتني .. عاد موالها
يالله اني طلبتك ياعزيز ورحوم =ارحم اللي توطّت ظهره جبالها
صاحبي .. والعنا في دنيتي كل يوم=ماخبرت الحمول تخفّــف ثقالها
ويش اسوي ليامن صار قلبي عزوم=المناوي تحوفه .. بس ماطالها
ويش اسوي وحظي في وفاه معدوم=آترقب خطاه .. ويقطع حبالها[/poem]....



..........

[CENTER]تحيه حاااااااره لكل من عطر صفحتي وشرفني بمروره الكريم من هنا ,,,

اخوكم / ابو فيصل[/CENTER]

رد على: انشر هنا أبياتك اليتيمة
 

هلا ومرحبا بك اخي الكريم ابراهيم
الموضوع هذا للشعراء اللي نشروا قصايدهم ومنها اختاروا هألأبيات
وانت ماشاء الله عليك بديت بالإتجاه المعاكس جبت الأبيات قبل القصايد
خلنا نشوف هالقصايد اللي اخترت لنا منها الأبيات اليتيمة أولاً
مادامها من شعرك ، فهي بالصراحة تغري وتدل على شاعر كبير.
لاهنت يالغالي
تحياتي الطيبة

رد على: انشر هنا أبياتك اليتيمة
 

[COLOR="Navy"]حبيب قلبي يالطاير المهاجر ...

لاعدمتك ... سريع سريع ماشالله عليك ماامداني توني نزلتها ورديت .. عموما ..

ياعزيزي هذي اول مشاركه لي بالمنتدى بصراحه من زمان ماكتبت بمنتديات وجايك ملهوووف شعر ..

بالنسبه لهالابيات فهي انتهت كذا .. يعني لا تعتبر لها اي تكمله او مقدمه او اني اقتبستها من قصايدي .. بالعكس هي من سجينة ادراجي .. وهي كما هي ابيات لا اقل ولا اكثر .. وتيتمت لانها لم تكتمل بالصوره التي كنت ارغب فيها ولذا فضلت بقائها كما هي ... ومن حسن حظي حصلت من يساعدني على نشرها من خلال هذه الفكره المحسوبه لكم عزيزي ...

بالنسبه للقصايد .. والمشاركات ابشر بسعدك .. الخير واجد وانشالله تشوف النور قريب هنا ويشرفني ذلك ...


تقبل خالص الحب والتقدير اخي الطائر ..


اخوك ابو فيصل[/COLOR]

رد على: انشر هنا أبياتك اليتيمة
 

هذي يابو فيصل في الأغلب زايده عن 7 أبيات
والسبعة أبيات فأكثر تعتبر قصيدة ، لذلك فما زاد
عن سبعة ، نزله كقصيدة مستقلة ، واذا كانت قصايدك واجد
فتحنا لك ديوان ..
تحياتي الطيبة

رد على: انشر هنا أبياتك اليتيمة
 

[SIZE="4"][COLOR="Green"]الله يعطيكم العافيه ويقويكم الصراحه كلمات تسلي الخفوق ويستمتع بها كل قارىء

حبيت اشارككم بأبيات بسيطه وما انا الا طالب مبتدى بين ايديكم فأن كانت هناك زله لا اسمح با السكوت عنها لكي لا اقع بها مره اخرى اتمنى توجيهي لنرتقي ونحاول نحسن با المرات القادمه

با البدايه اشكر صاحب هذا الموضوع الذي يبهرنا دائما با الجديد

واقول له

دايـم تـنورنـا بجـديـدك والابــداع
تـسلم يميـنك يا حسـين الوصايف
لاكــن تحمـلني انا انسـان طماع
ودي بجديـدك كـان مـابه كلايف[/COLOR]

+++++++++++++++++++++++++++

[COLOR="Blue"]كفـي دمـوعـك يـا عـيـون الشـقـآوي
إلـي متـى وأنتــي بـهـمـك سـهـيـره
ادعـي لـمن هاجـر كـثـيـر الـدعـاوي
لعــل فـي بعـده عـن العـيـن خــيــره
كثــر البـكـا للـجرح مـاهـو مـدآوي
وانتــي بصيــره لآكـن اليـد قصــيره
لا تشتــكي للنـاس مــحــد بــيــاوي
ولا تقــضــي ايـامـك بـهـم وحــيــره
يا عيـــن وان زادت عــلــيـكِ البلاوي
اشــكــي لــربـك عـالــم با الـسـتيره[/COLOR]

+++++++++++++++++++++++++++

[COLOR="DarkRed"]هـآتي يميـِنك وانتـي خـوذي يمـيني
عـهـد عـليـنا نحـفظ الحــب ونصـــون
نبـقـى حبآيـب لـو تـطـول الـسـنـيـني
ومـا نسـمـع الـعذآل مـهـمـا يـقـولـون
اجـيـك إن احـتـجـتـك أو انتـي تجيني
عـشـاق بـبـحـور الـمـحبـه يغـوصـون[/COLOR]
+++++++++++++++++++++++++++

[COLOR="DarkRed"]هنيت من له في حـياتـه عشيره
يشرح لها هـم على القلب قاعد
لا شاف حزنـه بالليالي العسيره
في ظل من يـغلـيه هــمـه يبـاعـد[/COLOR]

[COLOR="darkred"]+++++++++++++++++++++++++++

ان كـنــت قـادر تــبـتعـد عـن عـيونـي
ارحــل فـمـان الله يـا خــايـن الـعــهـد
وان كنت ناوي تشوف طيبي وليـونـي
ماقـد حـنيت الـراس من كنت با المـهد

+++++++++++++++++++++++++++


وينـك تعبـت ابكـي من همـوم دنيآي
ابــكـي وقــلبـك لآهـي مــادرى بـي
أشكي وكـل الناس تسمع لمشكآي
الا انـت كـنــك راضــي فـي عـذآبــي

+++++++++++++++++++++++

نهـيـت قلبي عن دروب المـحبـين
نـهيت لاكــن مـانفـعني كـلامـي
راح القلب ياناس مع غمزه العين
علـيــك ياقلـبي كـثير السـلامـي

+++++++++++++++++++++++

يــامن تنــام الليل مرتــاح بالك
ماشفت حال اللي سهر طول ليله

يبكي طوال الليل يرجي وصالك
ونفسك علينا بالمواصل بخــيله

+++++++++++++++++++++++

قدرك تعـرفه داخل القلب ساكـن
اشتاق لك حاضر واشتاق لا غبت
ماغــير اغنــي واستمـع للاماكـن
انا اشهد انـي بعد هجــرك تعذبت

+++++++++++++++++++++++

ياعيـن هلــي مابقــى من دمــوعــك
هآتــي دموعــك وانثريــها وهــلــي
خلآص طفى البــعد باقي شمــوعـك
وماعــآد خلـــك با المــحــبــه يهــلي
ياقـلـب وقـتـك لا تــحســبه يطيعــك
الــيــا انكتــب فرقـــا مصيــرك تولي
واليــا شرآك الوقـــت لحظـــه ويبيعك
وماينـــفـعك قولت ( انا اريد خــلــي )

++++++++++++++++++++++++

احتــرت انا وشلون اوصــل ســلآمــي
للــغالــيــه للي حــيــاتي بـــيــديهــا
اشتـــاق له واخــفـي بــقــلبي غرامي
الــقــلــب يخــفي حبــها عن وريـــده
ان شـفتـــهـا يقصــر بقــربــه كــلامي
بــس اكتـفـي بقـولـت عســاكِ سعيده
اصبــح غرامـي داخــل القــلـب دامــي
والشـــوق يـامـا هـــز روح عـنــيــده


++++++++++++++++++++++++

قلبي غدا من بعــد الاحـبــاب فـي حــال
مايــعــلم بحــالــه ســوى خــالــق الكون
امــضــيــت رحـــال بــهــمــي والامـــال
تــايـــه بــهــمــي حــايــر مــتــجـه وين[/COLOR]
++++++++++++++++++++++++++

[COLOR="Navy"]العذر كل العذر على القصور

والشكر كل الشكر لاتاحه هذه الفرصه للمحاوله ولنا عوده بأذن الله

اخوكم :
سهيــل[/COLOR]
[/SIZE]

رد على: انشر هنا أبياتك اليتيمة
 

السلام عليكم


فكرة حلوة..


ياكثرها الأبيات اليتيمة,خاصة وأن الشاعر يكتب رسايل جوال من أشعاره ولاتزيد في أحيان كثيرة عن بيت واحد..


[poem=font="Simplified Arabic,5,darkred,normal,normal" bkcolor="transparent" bkimage="http://www.fatahilah.com/images/toolbox/backgrounds/17.gif" border="outset,5,darkred" type=2 line=0 align=center use=ex num="0,black"]
وين أنت ؟ مبطي ماسمعنا صوتك!=زهر الحديقة من غيابك ذاوي[/poem]


دمتم بحب