[RIGHT][COLOR="Blue"] أهلا :)
علم الله ياصديقي انني حاولت الرد في الحين ولكن لم استطع .. لا زالت أبياتك شاخصة أمامي ولكن " ماباليد حيلة " هذا سيفوه وهذي خلاقينه ‍.. نفسي قصير مثل الهونداي :)


[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هلا باللي كتب زين المعاني = على الصفحات مثل الورد جَنّي
يقول : الرمش لا سلهم كواني = سهومه وسط قلبه ترجهني
تفضل دوك علم ( الاصفهاني ) = من الأحبار لكن فيه جني *
قرا المسند وطقطق بالاغاني = وله في كل فن الفين فني **
تقدم ياسعد وقف مكاني = وناظر في عيون الناس عني
ودقق بالنظر ساعة زماني = تشوف عيونهن مثل الهبني
وتصير العشر في لحظة ثماني = على ماقال ابن هادي (غدني)
وابن لعبون صاح وماكفاني = " وادق من الندم بالعود سني "
حقيقة والعمر ياصاح فاني = ولو اني بجيب العيد .. كني
أنا - والله - مالي بالغواني = ولا أذكر ياسعد فيهن فتني
سوى عقلٍ يجيب العلم ثاني = أنا هذا مرادي والتمني
تفكر بالرفاع وبالطماني = خذ المضمون يامشكاي مني
ورب البيت والركن اليماني = بشخصك ياسعد ماخاب ظني[/poem]

* بسم الله الرحمن الرحيم .
** كتاب الاغاني لأبي الفرج الاصفهاني .
[/COLOR][/RIGHT]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام الله على الشرقي سلام(ن)=عقب طولة غيابه زاد شوقي
على فلتات يطلقها كلامن=على صعب القوافي والطروقي
وفـ..اغراض الشعر واثق وضامن=عليه ابحورها ماقط تضيقي
ابااسلم سلام(ن)قد تزامن=مع العيد ونبي وعد التلاقي[/poem]

[COLOR="DarkGreen"]ياسلاااااااااااااااااااااااااااااام ..
ابو أنس / الشرقي ..
ثنائي ولا أجمل ..
فكر راقي .. وأخلاق عاليه ..
سلمت براجمكما من الاوخاز ..
تحياتي ,,,,[/COLOR]

[RIGHT][COLOR="Blue"][FONT="Book Antiqua"][QUOTE=ناصر القزلان][COLOR="DarkGreen"]ياسلاااااااااااااااااااااااااااااام ..
ابو أنس / الشرقي ..
ثنائي ولا أجمل ..
فكر راقي .. وأخلاق عاليه ..
سلمت براجمكما من الاوخاز ..
تحياتي ,,,,[/COLOR][/QUOTE]
مرورك أيها الباذخ أدبا وفضلا وعلما .. وسام من الطراز الرفيع !

لا حُرمنا إطلالة حرفك البهي .[/FONT][/COLOR][/RIGHT]

[RIGHT][COLOR="Blue"][FONT="Book Antiqua"]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلامٍ مرتفع ماهوب طامن = نكزه مع سنا لمع البروقي
وينزل فوق دارك وأنت وامن = يداومها شهر ماهو سروقي
ولامنه سقى شقرا تيامن = وسند واخضرت ذيك العروقي
من الربلة تشوف الذود سامن = عليها من جدا المعبود طوقي
وجيتك ياسعد في يوم ثامن = وكشتنا بالحرار وبالسلوقي
ونفجنا الريم يوم الريم كامن = تحت بيت الشَعر والقلب لوقي
قل له ياسعد شاري وضامن = صديقي يالصدوق ابن الصدوقي *
وسلمه الرسالة : مِن إلى مَن = من الشرقي إلى الترف الشفوقي[/poem]

* أي أنا أباأنس سوف يكفلني (كفيل غارم) ليس لدى الجميح ! بل عند الترف المليح :) [/FONT][/COLOR][/RIGHT]

الشريف الشرقي
ابو انس
واصلووووا هذه الملحمه الراقيه
اتمنى لكم التوفيق

تحياتي
وصادق الود

[RIGHT][FONT="Book Antiqua"][COLOR="Blue"][QUOTE=فلاح بن منشار]الشريف الشرقي
ابو انس
واصلووووا هذه الملحمه الراقيه
اتمنى لكم التوفيق

تحياتي
وصادق الود[/QUOTE]

في السنة عيدين وهذا الثالث :)
لقد أعاد مرورك لهذه الصفحة روحها أيها الحبيب !

دُمت أخا غاليا .[/COLOR][/FONT][/RIGHT]

عذرا أيها الفاضل . فقد الهتنا كثرة المشاغل
وان كان لقاؤك ماتع ولست لك بمنازل
ولكني بعد التماس العذر الأول التمس آخراً ان كان ما ستقرأ لايرقى الى المأمول

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا لاشفت قيفان اطربتني=تحرّك خاطري وازداد نبضي
تفرح خاطري لامن لفتني=من اللي عندهم للدون رفضي
بيوتك يافهد حيل اسعدتني=لجل فيها وعد لو كان لفظي
عسى وبل السحايب دوم هتني=يسيّل دارنا طول(ن)وعرضي
ويعشب كل شعب وكل حتني*=تربّع دارنا ويزين حظي
ترى بيوت القصيده بشرتني=بوعد(ن)والوعد في الدين فرضي
وانا لك يابيض الأثنين*ابا اتني*=وابقضي حاجتك بالحيل اباقضي
وانال ابك الشرف لاشاورتني=واعزمّها واجزمّها والظّي*
وانا لك كافل(ن) غارم حدتني=سجاياك الذهب ماهيب فضي[/poem]

وعذرا على الخلط بين الضاد والظاء
فقد اجتمع مع العجز انشغال

* حتني ـ مكان او موضع
* الأثنين ــ القلب والوجه
* ابا اتني ــ انتظر واتحرى (لهجة في نجد)
* الظّي ــ أشدد في طلبها الموافقه

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وين الغياب وقد قضت عطلة العيد=والسيف ماله متعت(ن)مع هوى البرد
حيثه قفر مايقربن جاله الغيد=ولاتمشن به وذرعانهن جرد[/poem]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يجيك وين يروح لو يقطع البيد=حيثك رفيق له بالأشعار لك سرد
هذا الشريف اللي له القاف تحديد=يخضع له بطوعه بلا سيف أوفرد
يابو أنس ياشوق امورد خديد=بنت تخلي من لحظ زينها قرد
الله يجمعكم على الخير ويريد=وربي عسى ماتنقطع متعة الرد [/poem]

[RIGHT][FONT="Book Antiqua"][COLOR="Blue"]أنا والله معكما ولكما وأشعر بحرج عظيم جراء عدم الرد ، ولكنها حالة عقم تنتابني بين الحين والآخر ..من واقع خبرة قد تزول خلال ساعات :)

لك وللحبيب سناعيس عاطر التحايا .[/COLOR][/FONT][/RIGHT]

<------ مايدري وين يودي وجهه !
 

[FONT="Book Antiqua"][COLOR="Blue"][RIGHT]قلت سابقا وأقول لاحقا : لو لم نستفد من النت سوى معرفتك يا أبأنس لكفى .. يشهد الله ، ثم إني لازلت أعاني من تلك العلة النفسية التي تحول بيني وبين الكتابة لفترات تطول وتقصر حسب قوة تلك الحالة ومدى تأثيرها على المزاج ، وقد زادت أبياتك الأخيرة من شدة الحالة ( الله يغفر لك بس) لأنني لا أستطيع الرد من جهة ، ولا أملك القدرة على نسيانها والانفكاك من التفكير بها من جهة أخرى والله المستعان ، وقد أتى الفرج من الله هذا اليوم من حيث لا أدري ، فقد أرسل لي أحد الأحبة أبيات أظنها من منقولة تقول :
فتشت أساميهم وأنا ضايق البال // ماغير أنا و ( النوكيا) والرسايل
مافيهم اللي دق ينشد عن الحال // وماني عليهم يشهد الله بعايل
مرٍ أقول المنطقة مابها ارسال // ومر اقول ان البلا بالموبايل
فقلت ( وكان الرجل من ضحايا تلك الشاشة اللعينة ) :
يامانشدنا عنك ياطيب الفال // وياما كتبنا لك بيوت ورسايل
لازال قدرك يابيض الوجه لازال // عالي على خبرك ولاهوب مايل
لكن خذاك اللي خذا كل رجال // بيشة ونادك والمصافي وحايل
فانتبهت انني كتبت !! فقلت الحمد لله كثيرا ، وقمت من فوري متوجها إلى ذلك الركن الذي افتقدته منذ زمن لأعانق حروفك .. سائلا المولى فتحا مبينا :
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من المزيون دنياي حرمتني = ودحدر ياسعد حالي ونبضي
أشيل الهم كله فوق متني = ولو شال الجمل ماشلت رَبّضِي
وغيره .. ياسعد منك لفتني = بيوتٍ من ذهب ماهيب فضي
تقول انك على المرقاب تتني = وأقول انك قسم ياخوي بعضي
ولابه شك ياذيب اسعدتني = ولي كلي الشرف باروح وامضي
لدارٍ بالوشم حيل سرقتني = زيارتها على واجب وفرضي [/poem]


واعذرني على ركاكة ابياتي لصعوبة القافية وضعف اللياقة .[/RIGHT][/COLOR][/FONT]

[QUOTE=سناعيس][poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يجيك وين يروح لو يقطع البيد=حيثك رفيق له بالأشعار لك سرد [/poem][/QUOTE]
[FONT="Book Antiqua"][COLOR="Blue"][poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بجيه حيثه شوق وضحىً من الغيد = راعي المهار البيض قطاعة الجرد
ولابه قصور فيك ياسيد السِيد = يابن الرجال اللي لها السيف والفرد
أنتم هل الطالات لا زيد وعبيد = يشهد لكم قاصي عربها مع الكرد
واللي نوى السنعوس ينطح جلاميد = ويكفيك هذا الوصف عن زايد السرد[/poem][/COLOR][/FONT]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حي الردود وحي من هو كتب لي=قبله وانا دايم على النت قوّام
اطالع ابواب الشعر دوم ختلي=عساك موجود(ن) بها يابن الاكرام
كان المعرّف ولّع اخضر صفت لي=اعرف جنابك طيّب وعلمكم تام
يوم الهواتف علّقت ما انصفت لي=قلت الفطاحل دارنا دار الاحشام
اعرف بها اخبارك والى من طرت لي=بعض الهواجس والمشاكل والافهام
نثرتها من بوح فكري اهتفت لي=انك تبي تفتل لها حبل وخطام
مانيب انا راعي نقايض وفتلي=مغير احب اللي على الطيب لزّام
لك في ثنايا القلب زرع(ن) وشتلي=اسقيه من مية فؤادي ولا اضام[/poem]

[FONT="Book Antiqua"][COLOR="Blue"][RIGHT]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مانيب أنا وياك ياخوي عَجلي = أما كتبت اليوم بكتب بعد عام
بس الوكاد انك عزيزٍ وتَجلي = عماس عين اللي له أيام مانام
ليتك تشوف اللي نواظره نِجلي = والله ثم والله ياشيخ تنضام
يازين هرجه يوم مر وهرج لي = ألتغ فرى قلبي بلا رمح وحسام
قالت : (ثلام) وقلت : (ياويه) لجلي = هذا السلام اللي على دين الإسلام ؟ *
يامسهلا حييت لوكنت خَجلي = على السعة بعطيك كرتي والارقام
قالت : فمان الله ياثيخ ثَكلي = معك بجيب العيد والعيد قدام **[/poem]

* ثلام = سلام ، ياويه = كلمة نسمعها من أبناء البادية أظنها للتعجب أو الاستنكار !
** ياثيخ ثكلي = ياشيخ شكلي . [/RIGHT][/COLOR][/FONT]

ههههههههههههههه
هذي وش لون تبي تفاهم معها يالثرقي قصدي يالشرقي ان الله كتبها لك ؟
تكفى يابو أنث قصدي أنس حل المعضله وثح لثانك قصدي صح لسانك انت واياه

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يابو فهد وش بك على الجرح نكّاش=حي اللحم تسطي عليه وتخزّه
ما فاد به مع القطن زايد الشاش=ولو هو مجبص بالجباير... تطزّه
تروي لنا سيرة عنود(ن) بالاحراش=عجما تحط السين ثاء وتمزّه
وانا اللذي من لثغة الترف منخاش=للرا معه لحن(ن) عجيب يلزّه
احب قولة مرحبا كل ما ناش=صوته لسمعي فز فز القلب فزّه
لو هو قبالي شفت انا الهاتف انعاش=حتى اني اسمع مرحبا واتنزّه
واوصّي اقرانه يقولون له عاش=كوده يكرر مرحبا كل حزّه
يابو فهد لو كانت اللثغه غشاش=تبط كبد اللي سمعها تحزّه
الا انها من بعض الالسن كما كراش*=حلو الطعم يطفي العطش فيه لزّه*[/poem]

* - كراش مشروب مرطب (مثل الميرندا)
* - لزّه .... فيه استبدال للذاء بزاي وهو من لهجة كثير من المجتمعات العربيه . وقد جرته القافي والضروره

[QUOTE=سناعيس]ههههههههههههههه
هذي وش لون تبي تفاهم معها يالثرقي قصدي يالشرقي ان الله كتبها لك ؟
تكفى يابو أنث قصدي أنس حل المعضله وثح لثانك قصدي صح لسانك انت واياه[/QUOTE]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وثي ثواتي في الغضي ياثناعيث=لاجا لثانه ما يقيم الحروفي
ان قلت تبغي ثي قال ما بيث=وان قلت هذي مهجتي قال اثوفي
عطني قليبك يمكن اعطيك ترخيث=يمكن الاقي لك مكانن بجوفي
يومن لقيته مقفي وباله مخيث=ثوّت له واقفى يهذّ الكتوفي
قلت التفت ياثيّدي والعن بليث=ثوفك ثعد ويذيل همّي وخوفي
قال اثبر اثبر لاتجيني بتثويث=ثببت لي مثل ارتجاف البلوفي[/poem]
الفاضل سناعيس ............
لتواجدك نكهه وطعم خاص
يغمرني الكثير من السعادة والأنس برؤية اسمك
واطرب كثيرا لمداخلتك وتواجدك
لك من الشكر وا لااستطيع الوفاء به
ولك عاطر التحايا

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياملحمه للود جعلك تدومين = فيك المعارف جاريه مثل الانهار
اجي لها واروح ماتشبع العين=الطيب فيها مثل نفحات الازهار
واقول ماشاء الله عليكم يالاثنين= بحرين بين امواجها يسكن الزار
نظم الجواهر فاق كل القوانين= من فكر راقي معتلي وافي الاشبار[/poem]



الشريف الشرقي

ابو انس

الله يعطيكم الصحه

تقبلوا مروري
وودي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامرحبا ترحيبة القلب والعين=للّي الى منّه لفا نوّر الدار
فلاح حنّا بالزياره سعيدين=ومتابعك ياطيب الفال تذكار
هي دعمنا نحطّها بالموازين=لاقالها أستاذ ممن لهم كار[/poem]
الفاضل فلاح....
كم نأنس ونسعد بمصافحة اسمك ومتابعتك
ونستنير بحكيم رأيك
لك كل الشكر وعاطر التحايا

بعد اذن أخي الحبيب الشريف الشرقي
ثوف أرد على أخي أبو أنث بعد ثح لثانه
اثتلم لاهنت الله يثلمك

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياثعد قلبك نغذته الدبابيث=ياعذتالك والهوى بك يلوفي
اثباب منهو ثايدك بالدواعيث=مشيه عدال وللحفر مايشوفي
كنه موثى ومن بقايا الجواثيث=يختلك وانته غافل وفي نكوفي
اللي لبث له من هدومه هداريث=أنا أشهد انه ذابحك مايروفي
يابو أنث بنثحك ترخي له الكيث=وتعطيه ماتملك مقابل ذلوفي
وحتى ولو هو فطث القلب تفطيث=من خف دمه حيلته لا تطوفي
أما يجيك بكل طوعه وهو هيث=ولا اشتر فراقه لو اثمه هنوفي[/poem]

تم إبدال حروف السين والصاد والزا الى ثاء ليستقيم المعنى بالمنكوس

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سنعوس وش هي حيلتك فالثغ الراء=اللي يحط الراء ياء(ن)خفيفه
اللي هروجه تطرب القلب ودواء=هرجه ربيع القلب طبّه وريفه
الى زهمته قال ميحب1 بمن جاء=اطرب لهرجه وافرح لشوف طيفه
اقول زين ايقول حكيك به اطياء2=وان قلت أُقسم قال نفسك ظييفه3
وان قلت وين ايقول ابيوح 4ابي ماء=هيجك5يخلي القلب يسيع6 يجيفه7
اسمع حديثه وانصت بكل إصغاء=ودّي براه8 بكل كلمه يظيفه[/poem]

1 ــ مرحب
2 ــ اطراء
3 ــ ظريفه
4ــ ابروح
5 ــ هرجك
6 ــ يسرع
7 ــ رجيفه
8 ــ اي حرف الراء منه

[poem=font="Simplified Arabic,5,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مالوم قلبك ياسعد في هالأشياء=حتى ولو هي من وليف بوليفه
احد الى منه هرج ياكل أجواء=واحد هروجه كنها هرج شيفه
ياحي ذاك الراء لياجاء بإغراء=من ثغر من قاله بكلمه لطيفه
اللي يدور سبي الألباب بإجلاء=ويكثر الرارات ولا حد(ن) يعيفه
ودك يطول لاحكى بحكيه اضفاء=على هروج للمسامع خفيفه
عندي على هذا شهود وأسماء=والكل منهم ماقلبها بكيفه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياصاحب الفتوى ترا ابيك تفتين=وانتا خبير بفتنة العين والقلب
بالك تذرّع باتباع القوانين=والقلب ماله من قوانين تحسب
الى خفق تختل كل الموازين=والى عشق ما يسمع المدح والسب
والى لمح ضبي الفلا دق تسعين=في الثانيه والحر في داخله شب
لاكنت داله ترقب البحر بالعين=سارح بفكر(ن)ماله حدود تحجب
سمعت لك نغمة موسيقى بتلحين=تدعيك وانتا في مكانك تِكَهرَب
واظنها ضحكه على بعد مترين=ضحكه وجاوبها بعد ضحكه اعذب
والى التفتّ الى الصبايا قريبين=كلن لبس لبس البحر ومتسكلب
ظنيت نفسي في منامي بتمكين=واغمضت عيني كود ذا الحلم يطنب
يوم اختفى حلمي رفعت الحجاجين=واثر الحقيقه مدّت اليد واقرب
قالن سلام وقلتِ ياناس انا وين=غصّيت من ريقي وانا اقول ابشرب
وتلخبطت عندي الصور والتلاوين=وجتني شفاحه ودي آطب وانهب
من دهشتي تضاحكن ضحكن بلين=قعدت اجاوبهن وانا اقوم وآطب
واحن حنّة موترن حن باثنين=يوم انهن اقفن قعدت آتحيسب[/poem]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ماني خبير ولامطوع ولاشين=لكن أببذل ما أستطيعه واباعجب
يابو أنس تراك حملتني دين=إما قضيته يغضب العبد والرب
تفداك نفسي ياسعد والقريبين=امر وأمرك لك مطاع(ن) ويطرب
بنركب انا وياك مثل الشياهين=على ظهر ميراج مبرمج لها الدرب
والا انت عطني كان عندك عناوين=وان مابردت الكبد استاهل السب
باجوب كل الأرض وشتى الميادين=وإن مايجي بالطيب جبته لك بغصب
ياشوق من لاجات تمشي على هوين= وتقول يابيي بحبوه لها الشب
الأصل من بيروت وبزحله مقيمين=هي منوة العاشق وهي للهوى طب
مانفخت شفه ولاكحلت عين=ولاشاركت بستار ولاجربت حب
الله جعلها كامله زينها زين=ماهو مزور من مساحيق تجلب
هذي غناة العين عن شوفة الفين=مما ذكرته يوم تقعد تحيسب
وتر المهر موجود ملي الصوالين=يسوقهن ممرور ومخاوي(ن) ذرب
وابشر بسعدك ما أقوله لتطمين=نفسي تعاف الزاد ولاترغب الشرب
وعهد علي ان ماضحك لك حجاجين=مايساق لي فنجال وامشي مع الجرب[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يابو محمد جيتني بالمفيدي=كلامك احلا من عسل سدر بشهار
لكن أنا مانيب قلبي حديدي=خوّاف واذرَق من مفاريد الاطيار
بس اتمنى واتخيل وازيدي=واسبح بفكري بين الانهر والابحار
وارسل كلامي مع سريع البريدي=للي على شفّي ..ولمنادمه كار
اشكي هواجس قلب(ن) اخضر جديدي=ما شاب مع مَرّ الليالي والاقمار
يهتز من شوفة غزال(ن) فريدي=ويطرب الى منّه لمح غرّ الامهار
ويكتب حلومه مع بيوت القصيدي=صنعة خياله شاعر(ن)يكتب اشعار
ياالقرم يا راعي الطنايا سِنيدي=ما نيب منكر وقفتك ياابن الاخيار
ماهي كثيره وانت الاطخم عضيدي=عوايدك يا نسل شمّر وسنجار[/poem]

[COLOR="Navy"]طبعا مع الإعتذار الشديد للأخ الغالي الشريف الشرقي
على هذه المداخلات مع شاعرنا القدير أبو أنس
ولأنني أعلم أن أبو أنس لابد له وأن يرضي قريحته التي دائما ما تلح عليه
قلت أتعلم منه ريثما يستريح المحارب ويستأنف ماكان قد أمتعنا به معه من قبل [/COLOR]


[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يابو أنس عادتك باسك شديدي=وش غيرك ياخوي وش اللذي صار
خل التواضع وحط إيدك بإيدي=واترك ألاعيبك وتغيير الأفكار
إن ماتجي سنعه وعلى ماتريدي=والا ياعلّه مالها دار ديّار
ترى التمني والخيال الأكيدي=مثل العدد لاجاك خانه وأصفار
مانته جبان ولابطبعك بليدي=شهم وطبعك دايم(ن) وافي أشبار
ولانته جبل متكون(ن) من جليدي=أجا وسلمى يشبهنك وصبار
أنا أخبرك للسباحه تجيدي=والبحر مايعجزك قطعه والأنهار
لكن توكل لاتزيد وتعيدي=ورتل من الأيات وردد بالأذكار[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الخوف كل الخوف من رجنة الدار =والحاضنه عندي لها مقعد وطنب
ان جيت والا رحت في رجلي وسار=قيد(ن) رضيته وان فلت زدت له كرب
والا هوى نفسي لو اقفاه غدار=قلبي رهيف ويطرب لهرجة الذرب
يدوي بي الهوجاس في غبّ الابحار=واتبع خيالي في التصاوير واطنب
واصدح بحلمي في روايات واشعار=كود اللذي مثلي على الطرق يكتب
آنس بصحبة مثلكم يابن الاخيار=والقى مع الشرقي طواريق تطرب
وابو زياد بجيته ملح وبهار=وايضا فلاح ان مر يمشي على الدرب
في المنتدى لقيت رفقه لهم كار=منهم تعلمت الأدب كيف يكتب
[/poem]

يابو أنس انت نفسك طويل ماشاءالله عليك
وبانتظار أبو زياد أو فلاح الى أن يعود الغائب الشرقي
لاهنت يالغالي

[quote=سناعيس]يابو أنس انت نفسك طويل ماشاءالله عليك
وبانتظار أبو زياد أو فلاح الى أن يعود الغائب الشرقي
لاهنت يالغالي[/quote]

ماعليك زود يا ابومحمد
وانما هذا من تواضعك الجم
لك كل الشكر

[RIGHT][COLOR="Blue"][FONT="Book Antiqua"][COLOR="Red"][U]شاعرنا العزيز / فلاح ابن منشار[/U][/COLOR]
أسعدني تواجدك جدا أيها الحبيب ، وجزى الله أبا أنس عني خيرا لرده الجميل وإن كان مقامك يستحق قصيدة فريدة في صفحة جديدة :)

[COLOR="Red"][U]العزيز / سناعيس [/U][/COLOR]
مايمدي الواحد يغيب يومين يلقاك ماكل الجو !! ايش هذا ياشيخ :mad:
بيض الله وجهك فقد سترت الخلة ، وكُنت خير موجود ، فلا حُرمنا فضلك أيها الكريم .

[COLOR="Red"][U]أبو أنس [/U][/COLOR]
غدا إن شاء الله :) [/FONT][/COLOR][/RIGHT]

رد على: أبوأنس/الشرقي .. والقوافي المشبوهة !!
 

[QUOTE]أبو أنس
غدا إن شاء الله :)[/QUOTE]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا للغدّ قاعد واتحرى=وفات وفات عقبه عدة اشهر
مغير آدور وارقب للمجرّى=وازاور صفحتك وآمر واعبر
عساي القاك لو مرّار مرّا=ترى غيبتك يالشرقي تكدِّر
صحيب(ن)صاحب(ن)شوفك يسرا=ولزين ابياتك العذبات نستر
يابو عبّود انا ماني مبرّا= ولوكان الخطا منّا آتعذر
واذا كان ابتعادك غصب جبرا=سبب غرو(ن)ٍ خداك وما تصبّر
رهيف القد من لبسه تبرّا=على سيف البحر جسمه مدور
أجل وش خانة احروف(ن)تِقرّا=حروف الأبجديه لك تعبر
واعرفك تعرف اطباق ومورّا1=وجناس وللفصاحه تعرف اكثر
وحنّا ننتظر صبح(ن) وعصرا=عسى المسجون في فكرك تحرر
16/4/1428
[/poem]


1/ الجناس والطباق والتوريه من علم البلاغه

رد على: أبوأنس/الشرقي .. والقوافي المشبوهة !!
 

الله الله يابو انس

صح قلبك ياشيخ

ونحن ايضا ننتظر اخونا الشريف على احر من الجمر

الله يجيبه بالسلامه

لاهنت

تقبل مروري
وودي

رد على: أبوأنس/الشرقي .. والقوافي المشبوهة !!
 

[COLOR="DarkOrchid"][SIZE="4"][QUOTE]ويكتب حلومه مع بيـوت القصيـدي
صنعة خياله شاعر(ن)يكتب اشعـار[/QUOTE]


[QUOTE]والا هوى نفسي لـو اقفـاه غـدار
قلبي رهيف ويطرب لهرجـة الـذرب
يدوي بي الهوجاس في غبّ الابحـار
واتبع خيالي في التصاويـر واطنـب
واصدح بحلمي في روايات واشعـار
كود اللذي مثلي على الطـرق يكتـب [/QUOTE]


[IMG]http://www.qassimy.com/vb/images/smilies/Entertainment-02.gif[/IMG] [IMG]http://www.qassimy.com/vb/images/smilies/Entertainment-02.gif[/IMG]

الله الله عليك يا أبو أنس
كلام رائع ولايهونون الباقين

سناعيس والشريف الشرقي
أبدعتم وعكست أقلامكم مايجول في خواطركم وقلوبكم وعقولكم


[IMG]http://omsaad.jeeran.com/3roos10.gif[/IMG][/SIZE][/COLOR]

رد على: أبوأنس/الشرقي .. والقوافي المشبوهة !!
 

[RIGHT][FONT="Book Antiqua"][COLOR="Blue"][QUOTE][CENTER]يابو عبّود انا ماني مبرّا= ولوكان الخطا منّا آتعذر[/CENTER][/QUOTE]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
عن الزلات ياشيخي مبّرا = وعن درب الخطا محشوم واكثر
أنا الجاني على نفسي واقرا = شف دموع الندم ياخوي تهمر
كما السيل النحاوي يوم جرا = عروقٍ نبتها داني ومثمر
سعد ، وأنت الأديب اللي يطرّا = ولا يخفاك عذري وأنت تَعذر
وتدري بالبخت ماهوب سرا = على خبرك : ليا دورج تعثر *
وتدري بي عدل جُوا وبرّا = مزاجي عن هوى الترفات مفتر **
شربنا ياسعد حلوٍ ومرا = ولابد الكسر - بالصبر - يجبر
وأنا عند الوعد باجيك شقرا = لكن إن وصلت السِيف سيّر[/poem]


* أو كما قال الشاعر عثمان سرالختم ميرغني : إن حظي كدغيغٍ فوغ شوكٍ نثروه .
** "وتدري بي عدل " أي تعرفني حق المعرفة ، أما الشطر الآخر فلا يمت للواقع بصلة :D [/COLOR][/FONT][/RIGHT]

رد على: أبوأنس/الشرقي .. والقوافي المشبوهة !!
 

[QUOTE]وتدري بـي عـدل جُـوا وبـرّا
................................مزاجي عن هوى الترفات مفتر[/QUOTE]
[[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الا يا شين خبري بي وبيكم=وانا اعرفك وقلبك مثل قلبي
واعرف ان كل ما جانا يجيكم=وان الأمن ما هو مستتبي
قلوب خفاف والنقصه عليكم=لربات الحسن دايم تهبي
بارخص سٍعْر تقدر تشتريكم=بخد وقد والسحر متخبي
الى خز بعيونه منتويكم=يخلّي فيوزكم تضرب تشبي
والى منّه حكى يصمت حكيكم=لسا ن الحال عنكم صار ينبي
يجاريكم وهو يضحك عليكم=يبي منكم غزل ويروح طربي
وانا ياصاحبي منكم وفيكم=ولي بين الحنايا قلب خربي
[/poem]

رد على: أبوأنس/الشرقي .. والقوافي المشبوهة !!
 

ماشاءالله تبارك الله
ابداع

رد على: أبوأنس/الشرقي .. والقوافي المشبوهة !!
 

ولا يزال للإمتاع بقيه ..
مع الشاعرين الكبيرين الذين طالما أمتعانا بالمساجلات العذبه والقوافي النادره
أبو أنس / الشريف الشرقي
لله دركما
وكلنا أمل بأن لايطول الإنتظار

تحياتي

رد على: أبوأنس/الشرقي .. والقوافي المشبوهة !!
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ابنعش ذا المريض اللي مسجى=عسى من غرفة الإنعاش يخرج
وانا له كل يوم انطر واحجّى=أزاور له واسلّم واتحجج
وانا قلبي على بيض المحجّى= احب الدار واهل الدار والهج
لهم وادعي لربّي واترجّى=عسا هموم(ن) تغشّاهم تفرّج
وانا ياصاحبي الشرقي آتهجّى=حروف الشعر وانقد واتحرّج
ولكني لحرفك دوم اضجّى=اناافرح به وانا اطرب له واناابهج
على شانه رزين ومااستلجّى=ولاصفّق على كرسي المدرّج
واذا هو لاقي(ن)في الراس ملجا=ف.سق له مغريات(ن)كود يحرج
لعله لالمح رسم الآحجّا=على عيون (ن) بها السحر يتلجلج
او انه لا لمح كفل(ن) يرجّى=تزلزل ماجمد فيه وتدجرج[/poem]

رد: أبوأنس/الشرقي .. والقوافي المشبوهة !
 

ترفع
للإستئناف