دمعة يتيم
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
آه من عبرةٍ رقّت لدمعة يتيم = فارق امه وضني عينها ماتنام
قصتي واقعيه وقعها بي اليم = يوم جاني الخبر صورتها بالتمام
قلتها للرجال وقلتها للحريم = كل ماقلتها للناس قالوا حرام
اربعه وامهم من عقب طعم النعيم=حاصر الموت ابوهم واندفن قبل عام
رحمة الله عليه الحمل عقبه جسيم=يالله اسكنه بالجنات بين الكرام
بعد موته تغير شربهم والنسيم= وانطوت صفحة الماضي بدار السلام
خيّم الحزن وارسل فوق الابصار غيم=والتجوا لاهلهم ذي ماعليها كلام
غير تشتيتهم سوى بقلبي حطيم=كيف يصبر على الفرقاء صغير الحمام
اكبر اطفالها ودوه يم القصيم =والثاني حول جده عند عمٍ همام
والبنات احظنتهم عند جدٍ سقيم=في ديارٌ بعيده كيف تقوى الضرام
قلت للي يعلمني كفى يافهيم = كيف ذا صار قال ارجوك دون الملام
قلت مشكور ليتك مافتحت الجحيم=ليتني ماسمعت الحزن والانفصام
اتفكر واقول اليتم شيٍ عظيم = وادعي الله لهم من قلب بين الانام
ادعي الله يجمعهم فللبعد ضيم=واشهد اني حزنت وقلت هذا حرام[/poem]

رد على: دمعة يتيم
 

الله عليك صح لسانك معنى وغرض رائع سلمت
وسلم بنانك

رد: دمعة يتيم
 

الفاضل فلاح ابن منشار.......................
دائما تتيح لك شاعريتك الإبحار في هموم ومشكلات المجتمع
نص جميل ومعبر
سعدت بقراءته
لك كل الشكر

رد: دمعة يتيم
 

[size=4][color=#FF8C00]جميل ما كتبته اخي الكريم ،،

و جميل صدق الاحساس ،،

سلمت اخي الكريم ،،

صح لسانك ملايين ،،

الف شكر لك ،،

دمت برعاية الخالق ،،[/color][/size]

رد على: دمعة يتيم
 

الاخ/فلاح بن منشار00000000000سلمه الله
صح لسانك واعتلى شانك ابيات موثره
الله يجمع شملهم ويرحم فقيدهم
تقبل مروري ودمت بخير

رد: دمعة يتيم
 

ابن منشار

ياسلام عليك

قصيده رائعه ومؤثره

ومعنى هادف

صح لسانك لين ترضى


اعجابي واحترامي

رد: دمعة يتيم
 

[size=4][color=#00008B]صح الله لسانك

شاعرنا المبدع

ودمت سالم غانم للكلمة
ابيات ابت الا ان تبقى حول مدار واحاسيس الروعه
روووووووووووووووووووووووووووعه
رغم حزن كلماتها [/color][/size]

رد على: دمعة يتيم
 

ابن منشار

صح لسانك حتى ترضى

قصيدة في غاية الابداع والتمكن منك يا الفطحل

تحياتي

ماجد المهدي

رد على: دمعة يتيم
 

واشهد اني حزنت وقلت هذا حرام====
ابداع كالعاده تصوير غايه في الروعه الله يرحم ابوهم صح السانك اخوي فلاح جزله من شاعر جزل تحياتي وتقديري اخوي

رد: دمعة يتيم
 

الاخ الفاضل الشاعر الجزل / فلاح بن منشار
صح لسانك قصيدة رائعه وابيات مؤثره
الله المستعان 00الله يرحمه وموتي المسلمين
تقبل تحياتي واحترامي ،،