منتديات الفطاحله - من باب الغشمره

منتديات الفطاحله (http://ftahilah.com/index.php)

- الشعر الفكاهي (http://ftahilah.com/forumdisplay.php?f=90)

- - من باب الغشمره - قصيده وردها (http://ftahilah.com/showthread.php?t=10159)

من باب الغشمره - قصيده وردها

السلام عليكم

من الارشيف :)

والفضل لمحمد العيباني اللي خلاها تفطن علي :)

اتمنى ان تجد القبول

( ولحد يصدق محتواها تراها من باب الغشمره والمزح )

هذي وجهت لأحد الأصدقاء

[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
دايم تعكر صفو يومي اذا جيـت=حتى اذا ماجيت عكـرت جـوي
حتى بغيابك كان سافرت وابطيت=اقول لامنـه حضـر وشيسـوي
والقى تليفوني اذا انـت دقيـت=حول رنينه صوت مزعج يـدوي
حتـى بفنجالـي اذا ماتقهويـت= لاني من الدله ولانـي متقهـوي
دايم بديوانـي تجـي ماتعشيـت = وتكبر بهالكرش والراس يخـوي
وان جيت اصلي كالشياطين نطيت = عند الاقامـه كالذنـوب متلـوي
حتى بمنامي لاغفيـت وتغطيـت = طلعتلي بالحلم خربـت صفـوي
مثل الحسد والعين والدين تميـت = أصبحت حيره مامعاها تـروي
(دكتور) ليتك قبل اعرفـك توفيـت =او قبل اعرفك كنت بالنار تهـوي [/poem]

[SIZE="5"]وكان الرد كالاتي [/SIZE]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وقف علي هونك اشوفك تماديـت=والخط يلقا خـط والـود مطـوي
حكمتني بالقـاف ياليـت مديـت=انا اعترف هالقاف مزعج ويكوي
نفس الشعور اللي انا اخفيته ابديت=ماخابت الهقوات يومي متهقـوي
ماهو علي كيفك يجـي ماتمنيـت=غصبن عليك اجيك مهما تسـوي
افرح اغثك وان تضايقـت غنيـت=والقى بزعلك انوار ليلي تضـوي
اقعـد بديوانـك واناديـك للبيـت=وان قالو انك جيت اسرعت خطوي
دايم عشاك اللي تقولـه فتافيـت=خبز وجبن مايوم حطيت مشـوي
لوهي علي كيفي احرقك بكبريـت=وازيد في نارك حطب لين تـذوي
ماهمنـي حكيـك اذا ماتعافـيـت=القافله تمشي لـو الذيـب يعـوي [/poem]

[SIZE="5"]وسلامتكم [/SIZE]

ولكم خالص التحيه