تغريده
 

[poem=font="traditional arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ارتشفتك حب عذري والبعاد اضناني=زيد لي من حبك الله لايهينك زيده

وارتجفتك من براد العشق والتحناني=واصطليت البعد نار وشبّني تصعيده

وارتويتك شعر رغم ان الخيال اعياني=هات من عذب القصيد وحِلّ لي ترديده

لملم حروفه على شفاتك وصَفّ الداني=وانثره بلسانك الفاتر وعد تغريده

وارتويتك همس وآهات وشغف واشجاني=تلتقي آهاتنا وتذوب في تنهيده

كلّ ما صحيت جمرك في لظى وجداني=خذته بفمي حبسته لي طفيت وقيده

ثم اجي مشتاق له وتجي تُشبّه ثاني=ثم اعوّد خوف بعد شوي ابي تخميده

كم سهرتك ليل ساعاته قضت ما امداني=وكم توقّف عقرب الساعه على تسهيده

وكم سريتك درب مدري كيف لك وداني=والمصيبه الفرصه البيضا عليه وحيده

مختلط حسّ السعاده والوله واحزاني=لا تقلْ ليه الحزن دام المسافه بعيده

كل ما راجعت ذكرى الامس واللي كاني=قلت هذا الشي مَقَدر ما عنه تحييده

والله اني اهرب من التفكير بعض احياني=بالذي ممكن يصير ويحصل وتعقيده

مثل لو قلبي فقد في لحظةٍ شرياني=كيف وانت القلب والشريان وانت وريده

[/poem]

رد: تغريده
 

الله الله الله
عــزف جميــل علــى ايقـــاع إبـــداع الكلمـــات

سمــّـار
صــح لســـانك وفكـرك
قصيـده شعـريـه جمعت فيــها الحُسن أكملــه
ابــدعت فـي سبكهــا وحبكهــا وتصويرهــــا
لله درك ودر هــذا الفكـــر
تقبلنــي وتقبــل اعجـابي ومروري المتــواضـــع لاهنت
ودي وتقـــديري

رد: تغريده
 

[font=arial][size=4][color=navy]صح لسانك ياسمار وجاد بيانك[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]رائع وجزل في حضورك[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]أبدعت وأمتعت بهذه الرائعة[/color][/size][/font]
[font=arial][size=4][color=navy][/color][/size][/font]
[font=arial][size=4][color=navy]تحياتي لك[/color][/size][/font]

رد: تغريده
 

السهل الممتنع مع الموهبة والثقافة الشعرية ترسم الكلمات لوحة جمالها باهر سلم حسك

رد: تغريده
 

صح لسانك وقلبك
جزلة من مبدع
لاهنت
تحياتي

رد: تغريده
 

[quote]مثـل لـو قلبـي فقـد فـي لحظـةٍ شريـانـي
كيف وانت القلب والشريان وانت وريـده[/quote]

ياسلام عليك
مبدع ومميز
جزيل الشكر والامتنان
تحياتي

رد: تغريده
 

ياسلام يابو هاشم

صح لسانك

لاهنت

يعطيك العافية

دمت بخير

رد: تغريده
 

[quote=كظيم;1492874]الله الله الله
عــزف جميــل علــى ايقـــاع إبـــداع الكلمـــات

سمــّـار
صــح لســـانك وفكـرك
قصيـده شعـريـه جمعت فيــها الحُسن أكملــه
ابــدعت فـي سبكهــا وحبكهــا وتصويرهــــا
لله درك ودر هــذا الفكـــر
تقبلنــي وتقبــل اعجـابي ومروري المتــواضـــع لاهنت
ودي وتقـــديري[/quote]

تسلم يالغالي على المرور والتعليق
اتشرف بك وبامثالك
لاهنت
ولا خلا ولا عدم

رد: تغريده
 

كل ما راجعت ذكرى الامس واللي كاني
قلت هذا الشي مَقَدر مـا عنـه تحييـده
والله اني اهرب من التفكير بعض احيانـي
بالذي ممكن يصيـر ويحصـل وتعقيـده
مثل لو قلبي فقـد فـي لحظـةٍ شريانـي
كيف وانت القلب والشريان وانت وريده
،،،،،،،،،،،،،،،،،،،،،،،،،،،،،،
بو هاشم
صح السانك ملايين
ياسلام على هالمعزوفه الرائعه
ابيات وافيه لافض فوك اخي
شكرال ك

رد: تغريده
 

ياسلام عليك ياسمار
صح لسانك ولله درك
قصيدة جزله من شاعر جزل
لاهنت


تحياتي