يا موحدين الله
 

السلام عليكم ورحمة الله وبركاته..

بالملتقاء الرابع لأهالي محافظة المذنب.المتواجدين في مدينة الرياض.
والذي أقيم يوم الخميس ليلة الجمعه في 28/12/1432 هـ.بقاعة المنصه.
تشرف بالقاء القصيدة التاليه بتلك المناسبه..اتمنى ان تلاقي الاستحسان من القراء الكرام.

[poem=font="simplified arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا موحدين الله بذكرٍ وتهليل=جمع العباد اللي عن الشرك تنها
مني سلام الله عليكم كما السيل=بايام وسمٍ وافياتٍ مزنها
ويا ذالشيوخ ويا الشباب الحلاحيل=يا ذالنفوس اللي تشرف وطنها
ابيات شعري من هجوسي معاجيل=تكفلت نفسي وهزت رسنها
بلزها بمضمار الاشعار كالخيل=لعلها كل النفوس تحضنها
وأفخر أنا لا جبتها ما بها ميل=عن ديرةٍ عندي يشرف علنها
الديره اللي فيها أهلنا منازيل=فيحان واطرب ان تكلمت عنها
من الجنوب إيحدها السر تفصيل=ومن الشمال الهشمه الحد منها
منها نفودٍ شرق ومن غرب تشكيل=إعروق حمرن كملت في بدنها
قالت عقب شقواتها بالمحاحيل=لا للسواني اللي تعدى زمنها
ترثي الشقا وانتعشت بكل تجميل=في حكم أل سعود فارق شجنها
فيها التطور بان من دون تمهيل=كلٍ يراه الزاير ومن قطنها
لبست حلي وصارت اليوم للجيل=بنتن تبسم مايقه في حسنها
الله عليها والحدايق مظاليل=فيها حمام الورق يطرب لحنها
الحمد لله والشكر والتهاليل=باعداد حي الناس وما باد منها
انتم لها يا اهل العقول القناديل=يا ذخر للديره وللي سكنها
من اجلها تتجاوزون العراقيل=إلى دعتكم ما تخلَّون عنها
انتم اهلها يا اهل البن والهيل=الضيف ان جاكم هناته ضمنها
والشيخ ابراهيم العبودي وفاء الكيل=ابو علي جل المكارم فطنها
وفَّا وكفَّا ونشكره شكر بالحيل=شوفوا المنصه في ضيوفه شحنها
يا طيب والله كل حاضر بهالليل=نفسه لأجل حبل التواصل رهنها
وختم القصيده هللو يا الرجاجيل=يا ذخر للديره وللي سكنها[/poem]
عبدالله الشويمان-الرعد

رد: يا موحدين الله
 

صح لسانك يا بو بدر

قصيدة وافيه من شاعر وافي

و يستاهلون هل المذنب اللي فعلهم وافي و طيبهم حاضر

لاهنت يالرعد

وصح لسانك مليووون

رد: يا موحدين الله
 

صح لسانك يابوبدر



لا هنت علي طرحها



طول عمرك وافي بقصيدك

اعذب تحيه

رد: يا موحدين الله
 

[size=3][color=magenta]صح لسانك قصيده جزله من جزل[/color][/size]
[size=3][color=magenta]تقبل مروري المتواضع[/color][/size]
[size=3][color=magenta]تحيه وتقدير[/color][/size]

رد: يا موحدين الله
 

الله الله يابو بدر

كفيت ووفيت

قصيدة كايفة وتستاهل الموقف

صح لسانك ولاهنت

يعطيك العافية

دمت بخير

رد: يا موحدين الله
 

صح لسانك يابوبدر
رائعه بما فيها
وصف للديار ومدح للرجال وافتخار باهل الفخر
لاهنت يالجزل ولا هان حرفك
تقبل مروري وتعليقي

رد: يا موحدين الله
 

الشويمان لله درك قصيده رائعه وجميله

وشكرا لك

رد: يا موحدين الله
 

يسلمو الله يخليك يالغلا قصيدة راقت لي

رد: يا موحدين الله
 

[color="darkred"][size="5"][font="arial"]
جزله من راس جزل
صح لسانك واعتلى شأنك
ولاهنت
تحيتي واحترامي
[/font][/size][/color]

رد: يا موحدين الله
 

صح لسانك بو بدر
طيبه من طيب

لا هنت