الا يالله صبْـرٍ جِمـيـل
 

من الأرشيف

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احْسبوهـا نهايـه واقْصروهـا جِـدال=انْكسرْبـي جنـاح وجبْرهـا مستحيـل
من عنى الوقت حالي انخـذال انخـذال=غـدْر الايّـام خلّتنـي خيـالٍ ذِلـيـل
حسْبي الله على وقْتٍ طعونـه جِـزال=دقّ عظْمـي الا يالله صبْـرٍ جِمـيـل
سائِلي هاك حرْفي فيـه حـلّ السـؤال=مايبي شرْح مدْفونـه صِحيـح الدّليـل
العِجاف اتْعبتْنِي فـي جـدال وسِجـال=وآخر الوقْت سلّـم قلبـي المسْتِزيـل
بيّضْ الله عصْرٍ فيـه شِـرْب الـزّلال=وقتها فـاردْ احْجاجـي محـالٍ يميـل
قِمّـة العـزّ تاجـي والسّعـاده ظِـلال=والفجـوج الوسيعـه مدّهـا سلْسبيـل
رحْمِتك يامعيني حـظّ عاكـس ومـال=عدّلْ الميل ربّـي وافْـرِحْ المسْتِخِيـل
الصّحاري ظمايـا والرّكايـب هـزال=والصّويب اسْتصاب بْجرح وابْدى عويل
لارجى غير وجْهـك للْمهـازع عـدال=خاضعٍ داعيٍ لك فـي سجـودٍ طويـل
[/poem]

رد: الا يالله صبْـرٍ جِمـيـل
 

الحمد لله على السلامه يابوضاري
ولو من هالقصيدة منت سالم ، لكن المؤمن مبتلى
كلمتك على طول ولا من يرد
ولا اقول سوى اعانك الله
وجعل ما تمر به طهور وتكفير
وأن يوسع صدرك في القريب العاجل
فإن مع العسر يسرا ومع كل ضيقة فرج
تحياتي واحترامي

رد على: الا يالله صبْـرٍ جِمـيـل
 

القدير والغالي/ سهيل

كن ابو عبدالله ودة يقول شي امممممممممم ما علينااااااا ههههههه

سموت بنا مع جمال وروعة مفرداتك الجزلة

درر شاعري القدير سلم فكرك ولســـــــــــــــانك

لك الود والتقدير

حمد العيد

رد: الا يالله صبْـرٍ جِمـيـل
 

رحْمِتك يامعيني حـظّ عاكـس ومـال
000000000000000عدّلْ الميل ربّـي وافْـرِحْ المسْتِخِيـل
الصّحاري ظمايـا والرّكايـب هـزال
0000000000000والصّويب اسْتصاب بْجرح وابْدى عويل
لارجى غير وجْهك للْمهـازع عـدال
000000000000000خاضعٍ داعيٍ لك فـي سجـودٍ طويـل

سهيل

اخي الكريم لايبتلى الا مسلم

ووالله سبحانه وتعالى يبتلى المؤمنين ليعلم من منهم الصابر

انالك الله الصبر على ما عكر صفو الحياة

وجعل لك من امرك مخرجاً وفك عنك كربتك

قصيدة تعبر عن صدق الاحساس والمعاناة

صح لسانك ودام حرفك ويسر الله امرك

دمت بخير وعافية

رد: الا يالله صبْـرٍ جِمـيـل
 

أبو ضاري
صح لسانك والله لايهينك ياعصابة الراس

تحياتي

رد: الا يالله صبْـرٍ جِمـيـل
 

سهيل ا لغالي ...............
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مرحباً بك يوم جيت ومرحبا في كل حال=يا عسا عنك المصايب تستزل وتستزيل
وانت لك وحشه ولك مقعد ترا بين الرجال=نفرح بشوفك ونقرا لك من الشعر الجميل[/poem]

مرحبا بعودتك الغاليه التي تسعدنا وتبهج خواطرنا
ونسأل اللهلك من كل ضيق فرجا ومن كل هم مخرجا وان يثيبك بما هو أهل له
لك كل التحايا وعاطر الشكر

رد: الا يالله صبْـرٍ جِمـيـل
 

اخى الفاضل

قل قدر الله وما شاء فعل

و الإختبار قدر الأخيار

رد: الا يالله صبْـرٍ جِمـيـل
 

الشاعر المتألق / سهيل
قصيده رائعه وحضور يحمل بصمتك المميزه
فائق تقديري واحترامي ،،

رد: الا يالله صبْـرٍ جِمـيـل
 

نص جميل عذب

صح لسانك ودام حرفك

دمت بخير يالغالي

رد: الا يالله صبْـرٍ جِمـيـل
 

بقدر روعة كلماتك

و رقة معانيها

ارسل من الزهور اروع ما فيها