منتديات الفطاحله - نقاف للقاف باطراف الخلا الخالي

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - نقاف للقاف باطراف الخلا الخالي (http://ftahilah.com/showthread.php?t=25878)

نقاف للقاف باطراف الخلا الخالي

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

لاضاق بالي طـرا لي بـدع الامـثـالي=وقيـلـي يجي لي سبايب نافل الجيلي
حالي ومالي فدايا طـيب الفالي=وحـيـلـي عليلي مع اللي مال بالـشـيلي
جاشي يماشي نواشي هاطل(ن) سالي=يـشـلـع ويـقـلـع كـثـيـر الـقـال والـقـيـلي
الـفـوز فـي حـوز غـصن الـمـوز لامالي=والـموت في فـوت ريـح العـطـر والـهـيلي
محروم من نـوم مكـحـول بـرى حـالي=ومـجبور بالحور لـو ذقـت الولاويلي
الضيـم تـصـمـيـم عين الريـم بالجـالي=والكون بعيون مزيـون رمى حـيلي
من شوف نفنوف رمش اللي رمى الشالي=ومكتوف من خوف جسم تقل تفصيلي
لاهجت واحـتـجت ثم اخـرجـت موالي=عـاتـي وياتي لـذاتـي تالـي اللـيلي
الجـاش لاهـاش ناش الخـصـم زلزالي=هداج لاداج مايحـتـاج تعـديـلي
نـقـاف للقاف باطراف الخــلا الخالي=كالزاج لاراج هـراج الـمـهـابـيـلي
بيطار الاشعار كنه وبل همالي=لادار يختار نوار على النـيـلي
قشاش لاجاش ضرب كلاش قـتـالي=باسباب مضراب مـجـمـول الـتـعاليلي
لاضاق واشتاق ساق الويل ولوالي=معقول مقلول مسطول الرجاجيلي
الشوق والبوق هو عوقي وغربـالي=ومهتال من حال شيال الـمواويلي
وش فيه ناسيه مطروح(ن) بلا والي=عـافـوه ماجـوه يـوم اعـطـوه ترحـيـلـي
لاضقت واشتقت سقت الرجل للعالي=مهموم من لوم وعلوم العواذيلي
منحـاس مـن بـاس بـلاس رمى حالي=وامواس الانجاس سـاس الغيظ والويلي
الغدر بالصدر مايطري على بالي=والبدر له قدر يازين الـمحـابيلي
شيال الاقـوال مـنـه الـبـال يـهتالي=والعيب في جيب راع الـغدر والمـيلي
ماضعت وارتعت لو طالعت الانذالي=والميل بالشيل هو ضيم الزماميلي
حالي ليالي تصالي هـجر جوالي=ارجيك وش فـيك ماترحـم وتاوي لي
وان شفت ماعفت ثم انكفت ياغالي=نصبر ونـنــثـر دمـوعـن كـنـها السـيـلي [/poem]