الفخر للي مرضين والدينه
 

[poem=font=",6,black,bold,italic" bkcolor="skyblue" bkimage="" border="outset,4," type=2 line=0 align=center use=ex num="0,black""]
المـوت حـق وكلنـا ذايقينـه=
والناس كلن له ذنـوب وخطايـا =
عزيل حي(ن) شافت الموت عينه=
ينطر متى تصدق وعود المنايـا =
يعيش في جرح وعذاب وغبينـه=
روحه تعنت من ثقـال الرزايـا =
ما فيه من حوله رجالـن تعينـه=
الياس سوى في خفوقه سوايـا =
بسباب فزعاتـه توطـاه دينـه=
خانوا مقامه حاضنيـن الصنايـا =
يوم الدراهم ماليـات(ن) يدينـه=
والناس تضرب له سلام وتحايـا =
الغالي احمد مـا لقينـا وزينـه=
شيخ(ن) ولد شيخ وسليل الطنايا =
ساعة نخاهم دحدروا من عرينه=
مثل الذيوخ اللـي تشـم البقايـا =
ما للوفاء عند ارذل الناس عينه=
جيش الكرم ضحكت عليه السرايا =
الهيس واضح والمـلا عارفينـه=
لو كثر المكيـاج عنـد المرايـا =
لكن بلاك العقرب اللـي بطينـه=
تلدغ رجـول الامنيـن العرايـا =
لا جاك ابو وجهين محلا رطينـه=
صديق في وجهي عـدو بورايـا =
حلو(ن) نباه وكل قلبـه ضغينـه=
قد سجل اسمك في سجل الضحايا =
يسحرك با اسلوبه وعطفه ولينه=
واحيان يحضر لك رخاص الهدايا =
وان جاك نصح من الذي خابرينه=
تقـول ذولا ناقليـن الوشـايـا =
ما تدري انه هو خراب السفينـه=
نسيت يـوم ان النوايـا مطايـا =
لكن مادام حبال وصلـي متينـه=
مع الاله اللـي يعـرف النوايـا =
وآمنت با المكتوب زينه وشينـه=
وادركت بان الله كفيـل الرعايـا =
مالي ومال اللي يسـاره يمينـه=
مادام قلبـي ماسكتـه الحنايـا =
كل(ن) له طباعه وفكره ودينـه=
وانا لي اللي عالم(ن) با الخفايـا =
الفخر للي مرضـي(ن) والدينـه=
ولا مات تبكيه المـدن والقرايـا= [/poem]

رد: الفخر للي مرضين والدينه
 

جزله من راس جزل
سلمت وصح لسانك
ولاهنت
تحيتي واحترامي

رد: الفخر للي مرضين والدينه
 

[font=arial][size=5][color=slategray]لك الله يابو فراس [/color][/size][/font]
[font=arial][size=5][color=slategray][/color][/size][/font]
[font=arial][size=5][color=slategray]لله درك اخوي بوح صادق عن تجربه [/color][/size][/font]
[font=arial][size=5][color=slategray][/color][/size][/font]
[font=arial][size=5][color=slategray]صح لسانك وسلمت يالطربه [/color][/size][/font]

رد: الفخر للي مرضين والدينه
 

[align=center][color=black][font= ][b][i][right]الفخر للي مرضـي(ن) والدينـه[/i][/b][/font][/color][/right]
[color=black][font= ][b][i][left][/i][/b][/font][/color][/left]
[color=black][font= ][b][i][right]ولا مات تبكيه المـدن والقراياـ[/i][/b][/font][/color][/right]




ايو الله


صح لسانك ياحمد

مصافحه وافيه من وافي

لاهنت

تقبل مروري

وتقديري[/align]

رد: الفخر للي مرضين والدينه
 

[color="red"][font="arial black"][size="5"][size="6"]صح لسانك ولاهنت...................... قصيدة رائعة[/size][/size][/font][/color]

رد: الفخر للي مرضين والدينه
 

ابدعت حيل بارك الله فيك
ومدد بلا عدد صح لسااااانك

رد: الفخر للي مرضين والدينه
 

[quote] لكن مادام حبال وصلـي متينـه
مع الاله اللـي يعـرف النوايـا
وآمنت با المكتوب زينه وشينـه
وادركت بان الله كفيـل الرعايـا
مالي ومال اللي يسـاره يمينـه
مادام قلبـي ماسكتـه الحنايـا
[/quote]

الشاعر الجزل احمد الجريفاني
صح لسانك ولله درك
دائما متميز في الطرح
وماهذه الجزله الا اثبات على الجوده في الطرح
باسلوب شعري جميل ومدروس
لاهنت


تحياتي

رد: الفخر للي مرضين والدينه
 

الشاعر المُبدع / احمد الجريفاني
صح لسانك مليون ولا يكفون
حاولت إقتباس جزء من هذه الرائعه
إلا ان الإبداع لا يقبل التجزء
تسلم يمناك على ماخطت طامعين بجديدك
تقبل وُدي

رد: الفخر للي مرضين والدينه
 

صح لساااااااانك وبيض الله وجهك

لاهنت.....

رد: الفخر للي مرضين والدينه
 

الموت حق وكلنا ذايقينه
ذكرتني كلمات لاحد الامراء وتقريبا
سعود بن محمد ويفول يوم دخلت البيت جيتهم يبكون
سلمت وبارك الله فيك على هذا النص الجميل