الرجل لامن صار له كومة عيال
 

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الرجل لامن صار له كومة عيال= وبذل جهوده بالرعايه وتوجيه
من شان اذا كبروا يلاقيهم رجال = ويفخر بهم لاجيب كلٍ وطاريه
ويلقى بهم عضدٍ اذا ساء به حال= او صار عودٍ ثاقلاتٍ مواطيه
فليّا يفاجا لا طلع فيهم حثال = فالمصلح الله من الى الخير يهديه
فلا هو لوحده من يربي للاطفال= فالطفل لامه لو تباعد خطاويه
فالام تربه يابها ملح واوحال= او تربة خصبه بها الخير تعطيه
فكم من رجل حلحيل مضرب للامثال= يجيه من صلبه غثيثٍ يعنيه
ولامن تفكّر يدرك انه عن اهمال= يحسبه وحده من لطفله يربيه
تزرع به امه ماتبي قول وافعال= بسنينه الأولى وهو ما درى فيه
يكبر مبرمج ما تغيره الاحوال= ما قالت امه يسمعه كالدهاديه
ولا من حدث اية خلافات وجدال= تدفع ولدها لين يقلب على ابيه
يصير ضده في عقوقه والاوبال= ويدوّر الفرصه مع الأم يشنيه
فحك الذهب ينبيك ياطيب الفال= ان كانه اصلي اوبه الغش يخفيه
فحرمه تعود لمعدنٍ فيه اشكال = لا من لقت فرصه على الزوج توذيه
يطلع ولدها مثلها ضمن الانذال= ولا تامنه يقلب عليها بتاليه
وبنت الرجال بعقلها تازن جبال= مهما تعاني طيبها ما تخليه
يطلع ولدها رجل ما عنه ينقال = كلمة افا في كل دربٍ مشى فيه
والبعض ينسى العرق دساس لو طال= جينات لابنه تاصله من حواليه
فلا بد ما يحرص على معدن الخال= حتى يجيه صقور بالذكر تعليه
ومادام يبذل جهد بالنفس والمال= فالله وكيله عارفٍ ما يخبيه
فالهادي الله مابها شك وجدال= لكن عليه انه يحسْب لْمواطيه[/poem]

شكرا لإمتاعنا بإبداعك
لاهنت
تحياتي

رد: الرجل لامن صار له كومة عيال
 

وبنت الرجال بعقلهـا تـازن جبـال
مهمـا تعانـي طيبهـا مـا تخليـه
يطلع ولدها رجل مـا عنـه ينقـال
كلمة افا في كـل دربٍ مشـى فيـه
،،،،،،،،،،،،،،،،،،،،
الطائر
صح السانك ملايين
رائعة جدا
لاهنت اخي

رد: الرجل لامن صار له كومة عيال
 

[font=arial black][size=5][color=navy]لاهنت يا بو عبدالله [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] و صح لسااانك [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] قصيدة اجتماعية جميلة [/color][/size][/font]
[font=arial black][size=5][color=navy][/color][/size][/font]
[font=arial black][size=5][color=navy] صح لسانك[/color][/size][/font]

رد: الرجل لامن صار له كومة عيال
 

كالعاده يا دكتور ما تأتي إلا بالحكمه والجزاله

صح لسانك وبيض الله وجهك

واقبل

ودي واحترامي

رد: الرجل لامن صار له كومة عيال
 

[font=arial][size=4][color=navy]الفاضل ابو عبدالله.............[/color][/size][/font]
[font=arial][size=4][color=navy]انشهد انك جبتها[/color][/size][/font]
[font=arial][size=4][color=navy]وكما قيل العرق دساس[/color][/size][/font]
[font=arial][size=4][color=navy]والتربيه من الصغر برمجه للكبر[/color][/size][/font]
[font=arial][size=4][color=navy]تحيتي وودي[/color][/size][/font]

رد: الرجل لامن صار له كومة عيال
 

[quote]فلا بد ما يحرص علـى معـدن الخـال
حتـى يجيـه صقـور بالذكـر تعلـيـه[/quote]

حياك الله يادكتور
لاكن القاضي يخالفك الرأي حيث قال


[quote]ولا يفتخر من جاد جده وخاله

هي بالهمم لا بالرمم مثل من قال

فالجمر يمسي كالخلاص اشتعاله

ويصبح رمادٍ خامدٍ مغبرٍ بال [/quote]

الى اخر ابياتة المعروفة

كل الشكر لكم
تحياتي

رد: الرجل لامن صار له كومة عيال
 

وبنت الرجال بعقلهـا تـازن جبـال
مهما تعانـي طيبهـا مـا تخليـه
يطلع ولدها رجل مـا عنـه ينقـال
كلمة افا في كـل دربٍ مشـى فيـه


صح لسانك وفكرك

جزلة من شاعر متمكن

صعوووب

رد: الرجل لامن صار له كومة عيال
 

صح لسانك

لاهنت

رد: الرجل لامن صار له كومة عيال
 

ابدعت وعوايدك ياشاعر الحكمه
وملياار صح لساااانك