حبري ودمعي
 

ابيات متواضعه


ارجو قبولها وان تحوز على شئ من رضاكم


[poem=font="Simplified Arabic,5,black,normal,normal" bkcolor="transparent" bkimage="backgrounds/2.gif" border="inset,4,gray" type=2 line=0 align=center use=ex num="0,black"]
دمع تحدر فوق الاوجان دفاق = جاراه حبر فوق الاوراق رايق
حبري ودمعي فالهوا صارن ارفاق = وكلن على كيفه يصوغ الحقايق
الدمع وضح ماكتمته فالاعماق = في ضامري وسط الضلوع الغلايق
صبرت واخفيت المحبه والاشواق = لين ان نار الحب صارت حرايق
ولولا ضلوعي ضبت القلب باوثاق = والا تمزع ماتفيد العلايق
والحبر صاغ الفكر في بيض الاوراق = تصريف هجس اللي به الفكر ضايق
لي هاجس عاشق وللشعر يشتاق = يلهيه نظم الشعر ضايق ورايق
ولي صاحب يسوى طويلات الاعناق = وفي خاطري تفداه كل الخلايق
دايم على وصله معذب ومشتاق = وياما على شانه حسبت الدقايق
عهد المحبه حافظينه بميثاق = مادام روحي مالفت للترايق
واقسمت له باللي كفل كل الارزاق = اني على حبه اصون الوثايق
وعقب الغلا والوجد ومزوح عشاق = جار الزمان وصار بعض العوايق
وحل الفراق وصحت ياشين الافراق = والقلب للهجران ماهوب طايق
ولو صحت لو ناديت والقلب خفاق = لو قلت انا المسروق والعشق بايق
حكمه وصارت للمحبين طوراق = وقول السديري فالدواوين فايق
(ياليت ربي ماخلق حب وفراق ) = ليه الهواوي لا سمعها تضايق ؟؟ [/poem]














وللجميع خالص تقديري واحترامي

اخوكم عبدالله العصيمي

صح لسانك وبيض الله وجهك شاعرنا الكبير
جزالة وقوة وتلاعب بالمفردات من شاعر فحل
شكرا على امتاعنا بها
اعجابي وتقديري
لي عودة تليق بهذه الدرة
مع أطيب تحياتي

لي هاجس عاشـق وللشعـر يشتـاق
يلهيه نظـم الشعـر ضايـق ورايـق

يسلم هاجسك ياعبدالله
الله خلنا نستمتع بروائعك
وصح لسانك وبدنك

الشاعر عبد الله العصيمي

الله الله ياسلام ياسلام
صح لساااااااااااااااااااااااااااااااااااااااانك ملايين
قصيدة جزلة من شاعر جزل

كل عام وانت بخير

الاخ عبدالله العصيمي .....
صح لسانك وفكرك ولاهنت كلك
الحقيقه قرأتها كذا مره وكل مره أحس بقوة كلماتها أكثر وأكثر
فلقد صغتها بوزن وقافيه أكثر من روعه فلك مني الشكر العميق
تقبل تحياتي

صح لسانك

قصيده جميله

تحياتي لك :)

عبدالله العصيمي


صح لسانك يامبدع


وكل عام وانت بخير


تحياتي لك

عبد الله العصيمي

كل عام وانت بخير

نص رائع لاهنت

صح لسانك

واقسمت له باللي كفل كـل الارزاق
اني علـى حبـه اصـون الوثايـق


العصيمي وكل عام وانت بالف خير

تقول وتجزل يالقرم

صح لسانك مدد بلا عدد

دايم على وصلـه معـذب ومشتـاق
وياما على شانـه حسبـت الدقايـق
عهـد المحبـه حافظينـه بميـثـاق
مـادام روحـي مالفـت للتـرايـق



الله عليك ياعبدالله

كما عرفتك منبع الابداع ومصدر الذوق

صح لسانك مليون ولايوفون

دوما للقصيده منك طعم اخر