يقوله الوائلي يا زين طاريها
 

[SIZE="4"][B][CENTER]السلام عليكم ورحمة الله وبركاته..
ولديرتي نصيب من قريحتي..
قصيده في محافظة المذنب عسى ان ترتقي لمستوى اعجابكم.
يقوله الوائلي يا زين طاريها[/CENTER][/B][/SIZE]
[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا زين ديرة هلي ويا زين طاريها=يفز قلبي لها وآجر موالي
بعيد عنها ونا ما نيب ناسيها=ومنيب عنها ترى داله ولا سالي
المذنب العامره والزين حاليها = دارٍ عسى عزها دايم ومتوالي
الديره اللي بأولها وتاليها = محيينها اهل الكرم تحت الله الوالي
يلفي لها الضيف ويلقى من أهاليها = هلا ومرحب ودلة بن بالهالي
ذباحة الحيل حيث الله معطيها = في صيفها والشتاء يفدون الاجزالي
الدوسري والتميمي نازلٍ فيها = وولاد وائل من اول لهم منزالي
ومطير يبنون مبنى مع مبانيها = استوطنوا عقب ترحالٍ وتجوالي
الحضر والبدو صاروا اخوةٍ فيها = يتبادلون المحبه طابوا الفالي
في عزة الله وعزة حكم واليها = ابن السعود المليك الطيب الغالي
تطورت ديرتي وزانت نواحيها = عمرانها والمزارع سرة البالي
والعلم يزهابها والجهل جافيها = والدين فيها رقى في قمة العالي
فيها المساجد وذكر الله ماليها = طبعٍ لهلها ومنهج عبر الاجيالي
فيها طبيعه ترد الروح وتحييها=فيها شعاب وجبل والسهل ورمالي
عسى مزون الوسم تروي نواصيها=في كل عامٍ عليها الوبل نزالي
يالله يالله يا ربي تغذيها=بالخير دايم وتبقى مضرب امثالي
يقوله الوائلي يا زين طاريها=يفز قلبه لها في كل الاحوالي
الديره اللي من أولها لتاليها = فيها الكرم سهمة اهله اول وتالي[/poem]
[SIZE="4"][B][CENTER]عبدالله الشويمان-الرعد 1427[/CENTER][/B][/SIZE]

الشاعر/ عبدالله الشويمان
ابيات رائعة بحق بلدتك
وهذا وفاء منك لها تشكر عليه
تحياتي وتقديري

صح لسانك اخي وابن العم الشاعر عبدالله
لاهان راسك وراس بني وائل الله يعزهم
جميعا قصيدة جميلة ورائعه
سلمت وسلم شعرك
كل عام وانت بخير

صح لساااانك مليوووون

،

ابدااع يتلووو ابداااع

،

وعزالله انك كفيت و وفيت

تقبل

تحيتي

صح الله لسان يالقرم ابدااع هالقصيده
جزله من راس جزل
بيض الله وجهك

تقبل مروري
اختك بنت القصيد ...............

صح لسانك

مليوووووووووون




لاهنت





تحياتي وتقديري




اخوك

الله الله الله

ياسلام عليك

من اولها لتاليها جزله وسخيه بالمعاني

هذا اللي اسميه شعر وليس قصيده

الف تحيه وصح لسانك

الله يعمرها بالدين وطيب اهلها
ونعم الديرة ونعم السكان
صح لسانك يالرعد
وفاء غير مستغرب من مثلك

عبدالله الشويمان
صح لسانك
والمذنب تستاهل
لأن عزها برجالها الذين أنت أحدهم
لاهنت ولاهانو

تحياتي

صح لسانك ولا هنت

ان اشهد ان المذنب وهلها يستاهلون

وقصيده وافيه وجزله يعطيك العافيه


اخوك

عيد بن سعدون