محمد بن لعبون
 

هو محمد بن حمد بن محمد بن ناصر بن عثمان بن ناصر بن حمد بن ابراهيم بن حسين بن مدلج بن حسين من بني وهب من الحسنه من عنزه
ملخص من حياته :
ولد سنة 1205 هـ في ثادق ورحل للزبير وعمره 17 عام وهو من اميز ابناء جيله ثقافه لانه كان حافظ للقرآن متقن للخط متذوق للشعر العربي الفصيح وشعره شاهد على انه ملم بالمعلقات وبشعر المتنبي والمعري وغيرهم. لغته دليل على انه ذو قراءه للتراث العربي الفصيح وكذلك مطالع قصائده التي يحاكي فيها الشعر الفصيح في بكاء الاطلال. ذهب للزبير وهو في حالة خوف وجلاء ليستقر في بلد لها وجهاء وزعماء من قومه ووجد مجال للهو فانغمس في الغرام والغزل والغناء ، ظهر في شعره الغزلي اكثر من واحده ، لكن عشقه كان مقصورا على مي من اجل الحرمان لانه لم يتح له مواصلتها ، ولان كثرة هيامه بها في شعره دليل الحرمان
يتذكر ايام كان في ثادق مع اهله بهالبيتين:
علمي بهم قطنن على جو ثادق ** سقاها مرنات الغوادي وركومها
مرابيع لذاتي وغايت مطلبي ** ومخصوص راحاتي بها في عمومها

ولقد أورد الدكتور عبدالعزيز بن لعبون من صفاته نقلاً عن كثير من المراجع :
"كان حسن الطلعه جميل الصوت فطناً حسن البديهه, ولقد ورد عنه أيضاً بأنه حفظ القران وتعلم الخط وكان خطه فائقاً وتكلم بالشعر في صغره"
وإتصف أيضاً بالذكاء والفطنه وإرتجال الشعر , ويتداول الناس الكثير من نوادره وقصصه التي تناقلتها الألسن ومشت بها الركبان في كل مكان.
ولقد تنقل بن لعبون كثيراً في حياته يقول الدكتور عبدالعزيز بن لعبون واصفاً بن لعبون : أينما حل عشق وحيثما رحل هجا"
فقلد تنقل شاعرنا العظيم في البلدان منذ ان غادر بلدته ثادق عندما كان في السابعة عشرة من عمره , فقد هاجر الى الزبير ثم خرج منها أو نفي الى الكويت ثم إلى البحرين, ولقد ورد له شعر عن القطيف فقد ثبت أنه ذهب اليها والى الاحساء , وسافر أيضاً للهند وزار ابن عمه في بومباي. ثم غادر الهند بعد ان كرهها الى البحرين, وغيرها من البلدان. وهذا التنقل بلا شك أكسب شعر ابن لعبون ميزة صبغت تجربته بالخبره التي إنعكست علي متانة شعره وصقلت شخصيته وقوتها وشحذت همته . كما أن التعايش والتأقلم مع البيئات والثقافات المتعدده أكسبته معرفة ودرايه بمختلف اللهجات والعادات, وأثرت ثقافته وعلاقاته.
ولكنه كان دائم الحنين لنجد الفيحاء مسقط رأسه:
يقول في مطلع إحدي قصائده:
فيا نادبي سر في قراها ومسندي = إلى حي بين أطلال نجد جثومها
الي سرتها من دار مي وغربت = وناباك من طفاح نجد خشومها
اول مواري دارهم لك جلاله = حاشا الإله وباقي الدار زومها

بداية شاعريته :
ورد في أخبار سيرة الشاعر بن لعبون أن والده حمد بن لعبون راي في المنام حلماً عندما كانت والدة شاعرنا حاملاً به , وفسر الحلم بأن الله سيرزقهم ولداًً وسيكون شاعراً.
ثم إن الطفل محمد رأي في المنام بحراً يشرب منه فهرع إلى والده وأخبره بما رأي ففسره : بأنه علم غزير أو شعر. وصدقت نبوءة الأب فكان البحر شعر بن لعبون الخالد.
ولقد ورد في اخبار الشاعر انه بدأ نظم الشعر وهو في سن مبكرة جداً ربما في الرابعه أو الخامسه من عمره عندما إرتجل أبياتاً كردة فعل عندما رفضت أمه إعطاءه تمراً وأخفت المفتاح عنه,
فقال :
يامن عين المفتاح = من فوق وركي طاح
بطني كما الرداح = يبغى غداً له

ومما يروى له من شعر الطفوله أو الصبى هذه الأبيات:
صغيرهم يربي علي الشيب بالطيب = لوكان طفل يحمل فوق الاكتاف

ومما حفظ له هذه الأبيات وهو إبن السابعة عشره عندما رأته إحدي النساء فقالت : " هذا أبو قذيله الي يقصد" فرد عليها قائلاً:

أبو قذيله ما وقف عند بابك = ولافصخ واحد من ثيابك
إنت حصاة الدرب كل وطابك = حتي الأجانب يدلون بابك


قال المؤرخ حمد بن محمد بن لعبون ، "لمحمد بن ناصر بن عثمان الملقب بابن لعبون ولد هو حمد بن محمد كاتب هذه الشجره ، ولحمد بن محمد كاتب هذه الشجره ثلاث اولاد : محمد الشاعر المشهور المولود في بلد ثادق سنة 1205 هـ سنة جلوتنا وذلك ان عبدالعزيز بن محمد بن سعود لما ملك بلد حرمه امر بهدم بعض بيوتها وقطع بعض نخيلها .. وجلا بعض من اهلها وذلك سنة 1193 هــ .
وكان ممن جلا حمد بن محمد كاتب هذه الشجره وعمه فراج واولاده وسكنو في القصب ثم رحلو منها الى ثادق وولد الابن محمد بها كما ذكرنا ، وحفظ القرأن وتعلم الخط وكان خطه فائقا وتكلم بالشعر في صغره ومدح عمر بن سعود بن عبدالعزيز ( المؤسس الاول للدوله السعوديه في جزيرة العرب ) بقصائد كثيره ثم سافر قاصدا بلد الزبير وهو ابن 17 سنه وصار نابغة وقته في الشعر وله اشعار مشهوره عند العامه نرجو الله ان يسامحه .
ولم يزل هناك إلى ان توفي في الكويت سنة 1247 هــ في الطاعون العظيم الذي عم العراق والزبير والكويت فيكون عمره 42 سنه وليس له عقب رحمه الله"
قال الاستاذ خالد الفرج عن سبب رحيله من ثادق الى الزبير :
نشأ ابن لعبون في عصر اشتداد الدعوه الدينيه بعد قيام الشيخ محمد بن عبدالوهاب ، وكان في طبعه ميال الى اللهو والبطاله ، فلم توافقه تلك البيئه ،
وقال الدكتور عبدالعزيز بن لعبون عن وفاء الشاعر لحبيبته :
ظل ابن لعبون الشاعر وفيا لحبيبته التي اختار لها اسما مستعار وهو ( مي ) وقد اختاره لمطابقة مجموع ارقام حروفه الابجديه مع ارقام حروف اسمها الاصلي ( هيله ) فكلاهما خمسون ( كانو الادباء يرقمون الاحرف كالاتي : ابجد هوز حطي .. يعطونها ارقام افراد تصير أ = 1 ، ب = 2 ، ج = 3 ، ........ ي = 10 /// والعقود كلمن سعفص : ك = 20 ، ل = 30 ، م = 40 ، ن = 50 ....... ص = 90 ///// والمئات قرشت ثخذ ضظغ : ق = 100 ، ر = 200 ، ش = 300 ............غ = 1000
ظل ابن لعبون يردد اسم مي وكان له أمل بوصالها .. وه كانت حليله لاحد مشايخ المنتفق ، وبعد وفاته خطبها ابن لعبون فرفض اهلها تزويجها له ، فتزوجها احد العرب المتغلبين في على بلد ديلم في ايران .. عندها طفح كيل ابن لعبون ويئس منها فبث كل اللي بصدره في قصيدة مؤثره اختلطت فيها ابيات اللوعه لزواجها مع ابيات الهجاء لزوجها والدعاء على بلد ديلم بالنيازك تدكها واختتم القصيده بتصريح ابن لعبون باسم حبيبته بقوله :
والله لولا الحيا واللوم ** لا صيح واقول يا هيـــله
لم يستقر ابن لعبون القرار في بلد معين ، فما ان بلغ 17 حتى ترك ثادق مسقط راسه في المحمل من نجد في تنقلات وترحال اما رغبه منه او رغم عنه ، ففي هذه السن المبكره 17 هاجر الى الزبير ، ومنها نفي إلى الكويت ، ثم سافر الى البحرين ، ومنها هرب عائدا الى الكويت حيث امضى بقية حياته حتى مات
ابن لعبون والزبير :
جاء ابن لعبون للزبير عام 1222 هـ وخرج منها عام 1243 هـ كان هجائه للزبير من تأزمات نفسيه مرت بالشاعر وهو في الزبير على ثلاث مراحل .. ضيق الحال ، وزواج مي الثاني ، عداوة ابن زهير له واجلائه
الاولى :
بداية سكناه فيها عام 1222 هـ الى وقت تعلقه بمي ، وانتظام اجوائه الجماليه وذلك عام 1228 هـ ، فهو في هذه الفتره مغمور وغير منصهر في المجتمع ، وانما علاقته بابناء عمه انه جائهم صغير ولا خطر لصغير حتى تظهر مواهبه واثارها .. وكان في ضيق من الحال والدليل قصيدته اللي يقول فيها : البارحه بالدار صارت ضغاين ** بيني وبين الدار ومكالمن شين ( راح اوردها كامله في نهاية هالجزء )
والمرحله الثانيه :
من عام 1239 هـ اي بعد 17 عام من اقامته بالزبير حيث زواج مي من الديلمي ورغبة اهلها عن تزويجها منه ، واحساسه بجفاء الكبراء له .. خصوصا اهل الجاه والتدين الي ما راق لهم لهوه ، واحسن انهم يستحلون الكلام فيه وينالون من سلوكه في مجالس الزعماء ، فجاشت قريحته بالقصيده اللي مطلعها :
لو باتمنى قلت يا ليت من غاب = عمـّـا جرى باللوح واللي كتب به
... الى ان قال :
رجالهم ما يسفه الا اليا شاب = مثل القرع يفسد اليا كثر لبـّـه
صدوقهم عندي خنوبن وكذاب = والبحر مثل الليل ما ينشرب به
ضراغمن عند الخوندات واطواب = واليا طلع للدو تلقاه دبـّـه
الى ان وصل
اهل العمايم والنمايم والاصحاب = مد الحبل في ذمـّـهم واحتطب به
بعدها توجع من رحيل مي الى الشرق
خف القطين وحين قوضن الاحباب =هبت لنا من نسمة الشرق هبه
حامل هواها القلب في ليل الاتعاب = حمل ثقيل ما ادري وين ابى اذبه
لو صار في قبرن ومستور بتراب = كان الحقه يا بن حمد واصطحب به
المرحله الثالثه :
حادثة اخراجه من الزبير لاسباب ظاهرها اللهو التشبيب وباطنها العداء المستحكم بين ابن لعبون وابن زهير .. وهنا صب ابن لعبون جام غضبه على ابن زهير والمجتمع المحافظ من اهل الزبير اللي وشى به لدى اهل الحل والعقد، فقال في ذلك قصيدته الداليه اللي خاطب با ابن ربيعه :
ذا حس طار او ضميرك خفوقه = يدق به من نازح الفكر دقاق
الحي هو حيـّـك وطابت وفوقه =والدار هي دارك وهذيك الاسواق
ياعبيد خل اللي تشكل بسوقه = شيخ وهو عبد يذكــّـر بالاعماق
وبعد ما احرق ابن زهير ووصفه بالعبد قال له :
العبد عبد هافيات عموقه =ان جاع باق عمومته وان شبع ماق
والحر حر ينهضنه سبوقه =والبوم يلعي في الخرابات خفاق
قم لا رعاك الله وقرب سبوقه =ثم ارفعه عن دار غاقه وغرناق
واستمر بالهجاء على الزبير وسكانها كافه
بع بالهجر وصال حي تشوقه = دار عساها للزرايا بتيفاق
دار الشنا للي بها والمعوقه = ما تنبغي لو هي على سبع الاطباق
دار بها الوالد كثير عقوقه =واللي يعقونه مصلين الاشراق
تلقى بها هذا على ذا يسوقه = الله يعزك .. والخوندات بسحاق
راعي الوفا منهم عميله يبوقه = وتلقاه حلاف مهين وملاق
الى اخر القصيده
وجذور هالمرحله الثالثه من مراحل هجائه للزبير بدت عام 1238 هـ قبل زواج مي بسنه حيث عاد محمد بن ابراهيم الثاقب للمشيخه عقب ما قتل ابوه ابراهيم فأزاح يوسف ال زهير عن السلطه بمعاونة حمود بن ثامر ال سعدون فقال ابن لعبون قصيده يأرخ فيها اللي صار عن الامس حيث اجلى محمد بن ثاقب من الزبير ، وعن قبل الامس حيث قتل ابوه ابراهيم ، وتخوفه من يومه وغده لجفاء بن ثاقب وتصديقه للوشاه .. وتبرم من المجتمع الزبيره وعرّض بابن زهير في هالقصيده اللي مطلعها :
قبل امس انا حيران .. وامس مسايم = واليوم مشتانٍ .. وباكر ابي اسيم
برق الجفا مني لحي جرايم = وانا بهمّن عن طريق الملازيم
ادخل على الله عن جميع الهضايم = وبكاف .. ها .. يا .. عين .. صاد .. وحا .. ميم
الى اخر القصيده
وله ايضا
مالون يا قلب دوى به جراح = بهداك لي ما ترعوي قول نصاح
ياقلب لو هب الهوى لك وناح = يالك تجيبه يالغوي وين ماراح

رد: محمد بن لعبون
 

وهذه قصيدة فيها يشكي ضيق الحال بالزبير وهي من بداياته :

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
البارحه بالدار صارت ضغاين=بيني وبين الدار ومكالم شين
طال المجال وصار معها عواين = تلومني بعقوقها قلت : وليـّـن
يالايمي بعقوقي الدار عاين = افعالها واسمع مرد ام وجهيـن
يا دار من بد القرى والمداين = اشوف من غاليت بك علقني الدين
احرم وحلل بك واغابي واباين = يالعنبوك اركض معك دوم لاوين
مع طول حبي لك بسر وعلاين = ما شفت من حبي لك الا عمى العين
حاربت خلاني وسميت خاين = وصاحبت خلانك على شان ترضين
ونزلت بك نسل الخدم والزناين = منزل بني عمي ادور لك الزين
ارجي صفا وصلك ولا هوب هاين = وافرح بيوم القاك وانتي تغطين
واحكي البلاغه فيك وانتي رطاين = وانا اتصدى لك وعني تلهين
واصون من لاهو لعرضي بصاين = وارفا لخملاتك ولا انتي بترفين
قاسيت فيك الضيم واتلا الذناين = يا دار هل لك بعد هذي تهزّيـن ؟
يا دار ادير الراي بك من عواين = اشوفها بديارتك جعل تهبين
لكنني من سطوة الله راين = يرميك من قوس المقادير بالبين
تضحي ربوعك للرزايا رهاين = مرميـّـة بالواو والجيم والعين
مكشوفة عورتك مالك خداين = مرجومة بالشر يا (.......) البين
لها بنات بالخنا من ملاين = رجل العروس ومن بنات ام نجوين
ننزل برضاك وبك رضا كل فاين = مطرودة الاجواد ما انتي بتبغين
ما يشرب الموزا على ماك ماين = الا وعندك له على الزيغ ماوين
كم قاد ضيفك يا عجوز البطاين = من صغرتك لأهل الاشواق من حين
اخفى ضيا وجهك وذا الكبر باين = بصباح وانتي تجحدينه يا حدين ؟
سمعك ثقيل والظهر منك لاين = وجفونك اندالن وغصونك الوين
ما بك رجا والله يقطع رجاين = حاولت من سكناك ذال وميمين
عدنا نبي بك بالمحافل نزاين= لا عاد فيك الزين ياكومة الشين
خاب الذي بك من سفاهه يداين = ومغالين برضاك وانتي تغلين
واليوم لو يجنى من ارضك خزاين = تنعاف لكن ما لقي منك تلقين
ممطر على حيـّـك منايا حواين = وان فاته الوسمي فهن قيد ثلثين
لو عاينك من صوب الاقبال عاين = ولا سقى مغناك يا عجب تغانين
يمحي حياة وغم الامحال داين = لازال يوم الثلاثا ثلاثين [/poem]

رد: محمد بن لعبون
 

وهي عباره عن مرثيه كتبها في محبوبته التي تدعى بأسم(مي)وكان يحبها حبا شديدا
عفيفا،نقيا،وقد هام في سماء حبها،حتى وافتها المنيه وهي في طريقها للحج،وتعتبر هذه المرثيه من أشهر
المرثيات على الأطلاق حيث ذاع صيتها،وأنتشرت ولازالت تردد حتى يومنا هذا،ومن أجمل من تغنى بهذه المرثيه
عازف الربابه المعروف/مشعان بن مجول ، وهي ضمن موجودة هنا على الربابه.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
سقى صوب الحيا مزن تهامى=على قبر بتلعات الحجاز
يعط بها البختري والخزامى=وترتع فيه طفلات الجوازي
وغنى راعبيات الحماما =على ذيك المشاريف النوازي
صلاة الله مني والسلاما =على من فيه بالغفران فاز
عفيف الجيب ماداس الملاما=ولا وقف على طرق المخازي
عذولي به عنود مايراما =ثقيل من ثقيلات المراز
أبو زرق على خده علاما =تحلاها كما نقش بغازي
عليه قلوب عشاقه ترامى=تكسر مثل تكسير القزاز
ألا ياويل من جفنه على ما=مضى له عن لذيذ النوم قازي
تكدر ماصفى ياما وياما =صفالي من تدانيها المجاز
ومن قلبه الى هب الولاما=يجرونه على مثل الخزاز
ليالي مشربي صفو المداما =وثوب الغي منقوش الطراز
مضى بوصالها خمسة عواما=وعشر كنهن حزاة حازي
بفقدي له ووجدي والغراما=تعلمت النياحة والتعازي
وصرت بوحشة من ريم راما=ومن فرقاه مثل الخاز بازي
عذولي في هواها بالملاما=يعزيني وأنا مانيب عازي
وكل البيض عقبه لو تسامى =فلا والله تسوى اليوم غازي
سلينا لاحلال ولاحراما=عليهن الطلاق بلا جوازي
حياة الشوق فيها والهياما =وجعد فوق منبوز العجاز
وخد تم به بدر التماما =وقد منه يهتز اهتزاز
فلا بي عقبها زاد ولاما =وجزت من الهوى والغي جاز
وخضت بحور ليعات تطامى =خلاف الخل مادري وين ابازي
نكيف الهم في قلبي ترامى =وجيش البين بالغزوان غازي
اريده وانكسر كسر السلاما =بسيف جرده ماهوب هازي
على بخت الدهر ليته تعامى =وخلاها وليته مايوازي
وليتي ماحكيت بها وياما =بكيت لها وفي قلبي حزاز
اظل هايم دوم دواما =همومي فيه تنحاز انحياز
اباح الله يامن بالملاما=يسلم يوم ترزاه الروازي
اسلم له ولا رد السلاما=عزيز من عزيزات عزاز
وصلاة الله مني والسلاما =على قبر بتلعات الحجاز[/poem]

رد: محمد بن لعبون
 

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
حي المنازل بديم خـــــــــزام =تحية الجار للجـــــــــــــــارة
تحية العاشق الـــــــــــــروام =لمورد الخد فــــــــــــــي داره
واسجد لها سجدة الخـــــــدام =قدام سادات وكبـــــــــــــــاره
من ولف دار لإبن عـــــــوام =شبت بنار الحشا نـــــــــــاره
أذكر بها مامضى بــــــــأولام =ان كان تنفع التذكــــــــــــاره
فوق الأميلح قطين خيــــــــام =مضروبة دار مــــــــــــــاداره
منازل ياعلي مـــــــــــــــــادام =تنزل بها مي مع ســـــــــــارة
علمي بهم من ثمان أعـــــوام =أيام ثوبي خضر خــــــــــــــاره
وأيام عيشي رغد وأيـــــــــــام =أهلى هل الغي وأنصـــــــــــاره
إن قلت للورق قم لي قــــــــــام =يقوم يلعي على اشجــــــــــــــاره
وأسهر الى مالرقيبه نــــــــــــام =وأشوف بي ياعلي شــــــــــــاره
بالغي ماناب أنا بـــــــــــــــــــرام =ألحق دليل الهـــــــــــــــــوى داره
ضرب الهوى بي وشام وشـــــام =شفته وشاعت لك اخبــــــــــــاره
واليوم صارت خيال احـــــــــــلام =ماعاد بالدار ديـــــــــــــــــــــــاره
مامن وليف لخلـــــــــــــــــــه دام =لو فيه من سادته شـــــــــــــــاره
يمضي الشهر ياعلي والعـــــــــام =ماحيت الجار للجـــــــــــــــــــــاره [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
حي المنازل شمال الكوت =تحية الريم حواشــــــــــه
منازل ياعلي وبيــــــــوت=مدهل هل الحص وقماشـه
غرايب حسنهن منعـــــوت=وعزي لمن هيضن جاشــه
طرادهن مايذوق القـــــوت=وعينه من النوم منحاشــــه
تمر في كل عصر تفـــــوت=تضحك وهي عاد غشاشــه
حنا بهواهن لبسنا بشــــوت=ومن الغرابيل دشداشــــــه
اطلب عسى ياملا مامـــوت=الا على جرفة فراشــــــــه[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
حي المنازل جنوب السيف =ممتدة الطول مصفوفــــــه
أمشي على زينها واقيــــف=في حبها الروح مشغوفــــه
دار الخدم والكرم والضيـف=دار المناعير معروفــــــــه
دار العجب والطرب والكيف=والأنس والفن ودفوفـــــــه
علمي بها من ليالي الصيف =يوم البخت ناشرٍ نوفــــــــه
أيام حظي يقص السيــــــف=يشرب من المي بكفوفــــــه
يادار ربعي عساك الريـــــف=ترتع جوازيه وخشوفــــــــه
لي فيك غصن يهيف يعيــــف=محبتي فيه مخلوفــــــــــــــه
مثل عظيم البها ماشيــــــــف=مهرة وزير ومعسوفـــــــــه
ماشوف منهم لفا تعريـــــــف=ياوجد عيني على شوفــــــــه
ليته يزورن ولو بالطيـــــــف=وتفارق القلب هاللوفـــــــــه [/poem]

رد: محمد بن لعبون
 

[poem=font="Simplified Arabic,5,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
صوت على الفرقا بليل لعي به =والبرق مثل كفوف دقاقة الطار
يغديك مرة ومرة تقتدي بـــــــه=كنك غرير بالمنازل ومحتــــــار
ولا أظنك أول من تزايد نحيبــه=شفق على ذيك المنازل بتذكــار
منازل توري الحبيب لحبيبـــــه=ياما قضى المشتاق منهن الأوطار
ينساك كانك نسيت الذي بـــــــه=أسقاك خمر مابه أثم ولا عـــــار
يوم الحبايب والقرايب قريبــــه=واليوم ماظني على الدار ديــــار
ينشد بها الساري يبي من يجيبه=ولا جاوبه غير الصدى هو والاحجار
ماهو عجب ماريت به من عجيبه =أصبر على جور الليالي والأقدار
هذا مضى ياراكب له نجيبــــــــه=تفري الدياجي تقل صندوق سحار
زل المزاح وراح صبري حطيبه =من جادل ركب على اعضاي منشار
عجاب لعاب ولاني لعيبـــــــــــــه=وان قاربك قربه كما لهبة النـــــار
خيله تدوسك قبل صوت الرقيبــه=قطاع ماصول للأرواح جــــــــزار[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
حمام ياللي على نبنـــــــــــوب=في شيلة الفن بيطـــــــــــــاره
بالله عليك انحر الرعبـــــــوب=واسجع بفن علـــــــــــــى داره
وان قال وش لك من المطلوب=قله من الولـــــــــــــــف زواره
الى تبسم حسين الذــــــــــــوب =حص فلق عنه محــــــــــــــاره
خده كما بارق من صـــــــــوب =والا كما فرع جمــــــــــــــــاره [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
قال الذي هيضه رعبـــــوب=حط الجفا دوبه ودوبــــــــي
مياس لأهل الهوى محبوب=هرجه عجاريف وعجـــوبي
خده سواة الفذر مشبــــــوب=شفته ضحى مر من صوبــي
والجيد جيد المها مسلــــوب=والعين ياعين الاشبوبـــــي
مدلول في حجته مكتـــــوب=ياهل الهوى لاتقادوا بـــــي
خلتني اركض لها وألــــوب=مثل المهيبيل واهوبـــــــــي
حطت عن النوم والمشروب=مثل البزازين بعبوبـــــــــــي
ومن الوصل ماقضت لي نوب=ومن السقم فصلت لي ثوبي
يالايمي صدها ماهـــــــــــوب=رمح تلقاه بجنوبــــــــــــــــي
صبري لبلواي صبر ايـــــــوب=واحزني احزان يعقــــــــــوبي
الطالب ارهى من المطلوب=ومغالب الله مغلـــــــــــــــوبي[/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
فلا ذر نور الشمس والشمس خدك=ولا القمر السيار يوم أنت سايـــــر
عليها ملامي كلما ذر شـــــــــــارق=وعتب كبير حيثه ام الكبــــــــــــاير
وأنا أقول ياعواد ظني وفكرتـــــــي=وكثرة مديحي فيك ماهوب بايــــــر
ورح ياخلي القلب مني وحيهـــــــا=وقل ياعويض النفس عند الحضاير
ويامي لي بك من قديم مـــــــــــودة =ووصل الى انجلت جميع المرايــــر
يزيد الفتى المفتون ممشاه بالهوى=ويشوف مامثلي لمثله مغايــــــــــر
كما شار له مركب بريح يسنــــــــه=ياهوم وهو في غبة الما يخايــــــــر
فلو يدري فيه اني راعي مــــــــودة =وكم وقفت وقفت بأدناه حايـــــــــــر
ووقفت مريض له على جمرة الغضا=وسلطان هجره للمحبين حايــــــــــر
أحاثي ملاقة المواعيد عندهــــــــــم=وبرد الشتا فيها وحر الهجايــــــــــر
ألا واشقا قلبي من الضيم والعنـــــا=وصفق الهوى يامي في كل عايـــــر
يقولون جور الحب يا مي هيــــــــن=وحبك لجى بي لاجي بالضمايــــــــر
أشوف زرع القلب قد هاف والتـوى=وعيني تهل الدمع كدر وحايــــــــــر
فلو يمموني بأسفل اللحد قبلــــــــــه=وجوني لقوني يمة الشرق دايـــــــر
فلا مقصدي في دين عيسى بن مريم=دخول فلاكن يوم تبلى السرايـــــــــر
ألا ياطبيب الهند بالله داونــــــــــــي=وروحي على جرف من الموت هاير
وتطلب وأنا بعطيك روحي ومهجتي=وما بالصراير لي وما بالذخايــــــــر
وهذي بنات أمي ضحت لك بمالهــا=وهذي بنات العم تدي البشايـــــــــر
وهذي جروحي ياطبيبي قديمــــــــه=تقلب على بعد وويش أنت شايــــــر
الى هبت الشرقي علينا تجـــــــددت=وكبرت علينا ياطبيب الصغايـــــــــر
ومي ثمان سنين ما خلت زولهــــــا =أعود وسايلها على ويش صايـــــــر
مواعيدها بالقيض والقيض انقضى=وهذي بروق الوسم مثل الذخايـــــر[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
نح يالقميري عليك الطوق=من فوق ملتج بانـــــــــات
أقول له نح بقول الشــــوق =ماأسقيك بالغي كاساتـــــي
راعي الهوى مايذوق الذوق=والنوم ويون وناتـــــــــــــي
عصر قضيته بطيب وفـــوق=وأظن مافات ماياتـــــــــــي
قضيت بين النقا والبـــــــوق =شهري ودهري وساعاتــــي
مع جادل لامها معشــــــــوق=ماطعت فيها ملامــــــــــــات
سحارة العين والمنطـــــــوق=والخد ميا وماياتــــــــــــــــي
من شفت مطرودها ملحــوق=واليوم راحت براحاتــــــــــي
والقلب فيها يخفق خفـــــــوق=وانحل بالغي حالاتـــــــــــــــي
بالبال لك خادم ماســــــــــوق=ناديت يازاكي الــــــــــــــــذات
يهل يامي دمع المـــــــــــــوق=فوق الندامة ندامــــــــــــــــات
ماناح ورق وناض بـــــــــروق=الا استمالت صباباتـــــــــــــــي
عليك لا يابعد معلــــــــــــــــوق =مطواح لبة حشاشاتــــــــــــــي
لك بالحشى يالغضي صندــــوق=وبموق عيني مقامـــــــــــــــات
منازل مابها مخلـــــــــــــــــوق =غيرك وغيرك فلا ياتــــــــــــي[/poem]

رد: محمد بن لعبون
 

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
لو بالتمني قلت ياليت من مــــات =حيث الطرب ومزاح الاحباب فاته
أو يقلب الحزن الطويل الذي فات =ينفاه في قلب الخلي وعداتـــــــــه
يفعل بونات تفافى بونـــــــــــــــات =مايفعل الشيخ الكبير بوناتــــــــــه
ياغابط راعي الهوى لك بــــــلذات =ينبيك عن مضمون غبنه سكاتـــــه
ماأخفى نضيح العين واخفى البشاشات =الا يخاف من العدو وشماتــــــــــــه
حكى وادع البين يبغى المراعـــــاة =وأعطاه منضوح النيا في حكاتــــــه
يقرا فرامين على الخد وآيــــــــــات =خط بقرطاس الدهر من دواتــــــــــه
أمك وأبوك وكل ذيك القرابــــــــــات =ماحد يسد السيل عنك بعباتــــــــــــه
يامجزعه دمع جرى بالمداخـــــــــاة =ان كان عندك غير قلبك فهاتــــــــــه
تذكر مراكيض مضت لك وهيهـــــات=ماتنفع المذبوح طولة قناتـــــــــــــــة
اطلب سوى هذا الطلب والذي فـــــات =غنى بها حادي الظعن في حداتــــــــه
ويلاه لي من غمس الايام ذلفـــــــــات =تحول مابين المحب وحياتــــــــــــــــه
وسهام غارات المقادير عجـــــــــلات =ماظنها المظلوم تسبق دعاتـــــــــــــه
وقلوب عشاق كما وصف مقـــــــــلاة =وقفت على المطلوب تاخذ زكاتـــــــــه
من حين مادارت فنوني بلجــــــــــــات =ولا لقت ذات شبيهه لذاتــــــــــــــــــــه [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
لو بالتمني قلت ياليت من غـــاب =عمى جرى باللوح واللي كتب به
كيف اتمنى والقلم بيد كتـــــــــاب=من جف ذاك اليوم وانا بتـــــــــبه
أمي وأبوي اللي رموني بالأسباب=ياليتها يوم أعرست مارمت بــــــه
وانا مريض مارضت عنه الأبواب=تبت عقول بالقضا مارضت بــــــــه
كن زمان نابني منه مانـــــــــــــاب=صد وتصاديد على غير ســــــــــــبه
يفتر فيه لصاحب الفكـــــــر دولاب=ارى غراب البين فيها نعب بـــــــــه
أهله على ماقال شرواك بالبــــــــاب=مثل السمك بالماي ماينقضب بـــــــه
رجالهم مايسفه الا الى شــــــــــــــاب=مثل القرع يفسد الى كثر لبــــــــــــــه
صدوقهم عندي خنوب وكـــــــــــــذاب=والبحر مثل الليل ماينشرب بـــــــــــه
ضراغم عند الخوندات وأطـــــــــواب=والى طلع للدو تلقاه دبـــــــــــــــــــــــه
والا فراعي نجد من طالعه هــــــــــاب=تراه مثل السيف ماينلعب بـــــــــــــــه
اهل العمايم والنمايم والأصحــــــــــاب=مد الحبل في ذمهم واحتطب بـــــــــــه
خف القطين وحين قوضن الأحبـــــــاب=هبت لنا من نسمة الشرق هبـــــــــــــه
تحملت منها الروايح بالأطيـــــــــــــاب=وغير البختري والنفل مانشت بـــــــــه
كني الى هبت من الريح مشــــــــــراب=من فقد وجدي به ومن كثر حـــــــــــبه
لو صار في قبر ومستور بتــــــــــــراب=كان الحقه يابن حمد واصطحب بـــــــه
ينفع صريع فيه بالظفر والنــــــــــــاب=ماينفع المبطون في النزع طبـــــــــــــه[/poem]

رد: محمد بن لعبون
 

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قال من دمعه على خده سكيب =في مساه الين نجم النسر غاب
في ديار مالقى فيها قـــــــــريب=أو رفيق يحتفي به بارتحــــــاب
دمع عيني فيه منصب صبيــــب=في جباها مثل مامور الســحاب
كل من لي في رباها من حـــبيب=أو صديق جعله الله للذهــــــــاب
بعتهم بيعة حصان فيه عيــــــــب=واستجرت بظل من يروي الحراب
عند منهو دوم للداعي مجيـــــــب=ميمر ماصك للعانين بـــــــــــــاب
قل عسى يفداه من لا هو عريب=وان وعد يسقي شراب من سراب
عند ابو مالك ملاذ اللي مـــــــريب=مطلق الكفين مامون الجنـــــــــاب
ماسعى المذكور في سعي يعيــــب=أو تميز غير في طرق الصــــواب
بالمحافل والمقافل له خطيــــــــــب=والثنا لازال به نزه الشبــــــــــــاب
وان حمى ميدانهم ماله لعيـــــــــب=وان حكى منهم فهو ذرب الجواب
شوق من جعده كما جثل السبيب=سترها المذخور ومهدي الصعاب
ماينال الجود غيره لو يشيـــــــــب=مثل ابو مالك على سن الشبـــــاب
مثل روض سايل يزداد طــــــــــيب=بالمروة والثنا دون الصحــــــــــاب
أمر ينهى وفي جيله غريـــــــــــــب=حاكم لازال ومطاع مهــــــــــــــــاب
كاسب العليا وللعيال ذيـــــــــــــــب=للدنايا مايوالف كالعقــــــــــــــــاب
مامدحته غير هو نعم الصحــــــيب=ابلج مثل الفهد ماصاد جـــــــــــــاب
يشتري للجود لو نوله تعيــــــــــــب=والنزل والجار عنده بالرحـــــــــــاب
قالت الحساد ذا مدح عجيــــــــــــب=قلت لاطاب النجيب المدح طـــــــاب
ماحد بأولاد سالم من يخيــــــــــــب=ماعلى جدواه للعاني حجــــــــــــاب
يدعي بحماك من لا له نصيــــــــــب=بالمروه والمراجل والحســــــــــــاب
وانت حامي سورها وانت النجـــــيب=يلتجي بك من بدنياه استــــــــــراب
شاهد لك من فعالك مايغيــــــــــــب=بالديار وعند من طق الاطنــــــــــــاب
نافل به للبعيد وللقريـــــــــــــــــــــــب=بالجدا مثل الذهب عند التــــــــــــــراب
وانت عين الكل ياسقم الحـــــــــــــريب=بالوطيس وبالعطا مثل الربــــــــــــــاب
دام عزك دوم في عز رتيـــــــــــــــــب=ماعنا لك من سلام مستطــــــــــــــاب
ذا وصلو ياحضور على الحبــــــــيب=عد ماوبل تساقط من ســـــــــــــــحاب[/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
غرامي ليه ماتسلي علاما = بك الليعات أو صابك هياما
أو الديجور لما أضفى جناحه = قزت عيني اذا المخلوق ناما
الى منه بغت عيني تهملج = نفاه الهم وانزاح الملاما
اعالج فكرتي بالهون واعذل = وقلبي باح واشتد الغراما
تزايد بي هوى بالقلب وانحل = بجسمي والهوى بالقلب هاما
انا المفجوع يامشكاي فيني = يخجل الشمس في نوره الى ما
تبين حسنه المكنون واسفر = على العالم كما بدر التماما
الى منه نوى قتلي بساعه = نهض طرفه وسلهم ياسلاما
تكسر لي بلب الصدر عبره = واهل الدمع مني بانسجاما
تشبه لي يفكر لي لكنه = صفات الحور او در يتامى
وبثغره خيط شبه القوس لولو = وعينه سل لي فيها حساما
نعيم القد صافي الخد حبه = سطى بالقلب وأرث بي سقاما
سواد الخال في صفحة بياضه = على خد زها نقش الوشاما
وشخصه كنه الريم المعزل = وسواد مجدله مثل الجهاما
وكشحٍ هاضم وكتفه وردفه = كما طعسٍ تلبده الغماما
والى منه تكلم ذاب قلبي = ذريب النطق منحوب العماما
وكف طاب يزهى له بنانه = خضاب الطيب مع ريح الخزاما
وحمر بالمذارع يذبحني = وبحيده خمسة عقود تماما
زها حسنه رياح من جماله = بزهر الروض زاهيه الزماما
وهو يزداد في غاية دلاله = وانا مهموم ليعاتي عظاما
ألا ياحادي الاضعان ارفق = تحمل له تحيات وسلاما
على المحبوب لو هو لي تنوى = لقتلي والقتل فعله حراما
ومع ذا ياهل العبرات دنوا = لنا عشر من الهجن الهماما
أباصل من محني في وداده = ودمع العين في خدي نظاما
أباصل من ذبحني وامتحني = وحبه بالحشا بنى خياما
تمام القول آخرها نصلي = على المختار ماناح الحماما[/poem]

رد: محمد بن لعبون
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ألا يـابــارق يــوضــي iجـنـاحــه = شـمـال وابـعـد الـخـلان iiعـنــي
عـلــى دار بــشــرق iiالـبـراحــة = تمخلـت مــا بـهـا كــود iiالهبـنـي
لكـن بهـا عقـب ذيـك iiالشـراحـة = الــى مـريـت بـاسـم الله جـنـي
يـفـز الـقـلـب فـيـهـا iiللصـبـاحـة = الــى قـامـت حمامتـهـا iiتـغـنـي
صفقت براحـة مـن فـوقiراحـة = يعـود ان الحمـامـة خـيـر iiمـنـي
وانـا ان كـان لـي بالـنـوح iiراحــة = فـانـا ابـنـوح دهــري مــا iiاونــي
وانــا مانـيـب مثـلـك iiبالـوقـاحـة = علـى الطـاروق طـرب iiومتهنـي
ولا روجـعـت فــن فــي iiبـراحـة = عـلـى نبـنـوب غـصـن مرجـهـن
وقـالـت جـامـع كــل الـشـراحـة = ولاانت بسامـع ذا الصـوت iiمنـي
ومثـلـك يـدعـي زايــد فـصـاحـه = وطـريـح الـغــي لازمـتــه iiيـــون
ابـات الليـل فـي رجـوا iiصبـاحـه = وادق مـن النـدم بالعـود سـنـي
ولا ثوبـي غـدا يـطـرخ iiشـلاحـه = يـــدق الـقــاع ردنـــه ومتـثـنـي
عليهـم صـار خـدي بــه iiقـراحـه = من الفرقى وشفني ويش كني[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black"]
يا علي صحت بالصوت الرفيع = يــا مـــرة لا تـذبـيـن iiالـقـنـاع
يا علـي عندكـم صفـرا صنيـع = سنـهـا ياعـلـى وقــم iiالـربـاع
نشتـري ياعلـى كـأنـك iiتبـيـع = بالعـمـر مـيـر ماظـنـي تـبــاع
شاقنـي ياعلـي قمـرا iiوربيـع = يوم أنا آمر و كل امري iiمطـاع
يوم أهلنـا وأهـل مـي iiجميـع = نازلـيـن عـلـى جــال iiالـرفـاع
ضحكتـى بينهـم وأنــا iiرضـيـع = ما سوت بكيتـي يـوم iiالـوداع
هم بروني وأنـا عـودي iiرفيـع = ياعلـي مثـل مـا يـبـرا iiالـيـراع
طوعوني وأنا مـا كنـت iiاطيـع = وغلبونـي وأنـا ظـفـر شـجـاع
وجد عيني علـى ظبـي iiتليـع = عندكم كن فى خـده iiشمـاع
شيبتـنـي وأنــا تــوّي رضـيـع = جاهل تـوّ فـي سـن iiالرضـاع
سايمين الهـوى يـا مـن iiيبيـع = سايميـن الهـو لاهـل iiالـرفـاع
وانت يا لايمـي جعلـك iiتضيـع = مـا تمـاري بهـا مثـل iiالشعـاع
ودي اسـلاه والـكـون iiالفنـيـع = سلوتي ياعلـي مـا iiتستطـاع
دون مي الظبي وام iiالوضيـع = والثعـالـب وتــر بـيـع الـشـراع
ورأس ريع دخل فى بطن ريع = مستطـيـل ووديـــان وســـاع [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black"]
يا ذا الحمام اللي سجع iiبلحـون = وشـبـك عـلـى عيـنـي iiتبكيـهـا
ذكرتنـي عصـر مضـى iiوفـنـون = قـبـلـك دروب الـغــي iiناسـيـهـا
أهـلــى يلـومـونـي ولا يـــدرون = والـنـار تـحـرق رجـــل iiواطـيـهـا
لا تطري الفرقى على المحزون = مــا أدانــى الفـرقـى iiوطـاريـهـا
اربـع بناجـر فـى يـد iiالمجـمـول = تــوه ضـحــي الـعـيـد iiشـاريـهـا
انـا اشهـد انـه كـامـل iiومـزيـون = مثل البدر سنا الليل شارع iiفيها
يـا مــن يياصـرنـي أنــا iiمفـتـون = روحـي تـرى فيهـا الــذي iiفيـهـا
يـا مـن يعاونـي علـى iiالغلـيـون = والــدلــة الـصـفــراء iiمـراكـيـهــا
سـتـه بنـاجـر وأربـعـه iiيـزهــون = وأن أقـبـلـت فـالـنـور iiغاشـيـهـا
أبـو هـيـا طــرب يشـيـل iiفـنـون = مـــا ثــمــن الـدنـيــا iiوطـاريـهــا [/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا منـازل مـي فـي ذيـك iiالحـزوم = قبلـة الفيحـا وشـرق عـن iiسنـام
فـي سـراب عـن جوانبهـا يـحـوم = طافحـات مثـل خـبـز فــي iiيــدام
ما بكت فيهـا مـن الفرقـى iiغيـوم = مـن نظيـر العيـن الا عــن iiغــرام
من هموم في قلوب في iiجسوم = فـي بيـوت فـي ديـار فـي iiعـدام
دار مــي يــوم مــي لــي iiتـقـوم = قومة المامـوم مـن خلـف iiالامـام
يـوم مـي تحـسـب الدنـيـا iiتــدوم = وان عــجــات الـصــبــا دوم iiدوام
فـي نعيـم تحسـبـه لـزمـا iiلــزوم = مثل منزلنـا علـى (ديـم iiالخـزام)
يـوم هـي توريـك خـد بـه iiوشـوم = يفضـح البـراق فـي جنـح الظـلام
كـنـه القنـديـل بالـزيـت iiمـخــدوم = شـبـتـه دايـاتـهـا عـنــد iiالـمـنــام
داعـجــات غـانـجـات لـــو تــــروم = كنهـن فـي كنهـن بـيـض iiالنـعـام
والهـواوي مـن هواهـن iiمـحـروم = غـيـر وصــل لا حــلال و لا حــرام
يا سنين لي مضـت مثـل الحلـوم = كنهـن فـي دار ابـن عــوام iiعــام
عل غريم الشوق يشبع منك يوم = شبعـة المسكيـن بايـام iiالـصـرام
او تلمـيـن الشـمـل لــم iiالـهـدوم = يـا ليالـي السعـد عـودن iiبالتـمـام
قالـت اللـي فـات ماهـو iiبمعـلـوم = ردتـه لـك وانـت سالـم iiوالـسـلام [/poem]

[poem=font="Simplified Arabic,5,sienna,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يـا منـازل مـي عـن قبـة iiحـسـن = من يسار وعن قبـر طلحـة iiيميـن
فـي ربــوع كــل مافيـهـا iiحـسـن = فـي ديــار كــل مافيـهـا iiحسـيـن
غـربـن شموسـهـا iiواغلنـطـسـن = موحشـات مــا يـبـات بـهـا iiامـيـن
سـاريـات كنـهـن الــى ارجـســن = بالمـدامـع دافـنــات بـهــا جـنـيـن
مــا دريــت ان الـعـذارى iiيلبـسـن = ثــوب دال خالـطـه نــون iiوسـيـن
دار مـي يــوم مــي لــي iiتـسـن = سنةالعـشـاق عـونـك يــا عـويـن
دارهــــا يــــوم الازار iiمــورســـن = والخصر مشغول والسروال iiجين
ظبيـة القنـاص فـي صبـح ومسـا = درة الـغــواص مـشـراهـا ثـمـيـن
تسحب القيلات من فوق اطلسن = الـهـوى مـيــال ورداهـــا iiخـنـيـن
يـوم حظـي جالـس لـه iiمجلـسـا = مهتنـي بوصـال صافـيـة iiالجبـيـن
غنجـة العينـيـن والـخـد الحـسـن = والقـوام ان قـام عـود الياسمـيـن
كم عذلني في هواها مـن لسـن = حـاسـد بـالـغـي حـــلاق iiمـهـيـن
بــادرنــي بـالـمـلامـة وجـلـســن = عند راسي كالخضـاري لـه iiونيـن
عاذلاتـي فـي هـواهـا iiويخـسـن = هالخبز ماهوب مـن ذاك iiالعجيـن
اطلقـت يمـنـاي مـلـوي iiالـرسـن = وبـعـدت بوصالـنـا غـبـر السـنـيـن
هـبـت ريــاح الحبـايـب iiنسنـسـن = في ربـوع كـان ماتـذرى iiالطحيـن
ونشـدنـي بالعـنـا يــوم افـلـسـن = ربما لي او عسـى لـي او iiقميـن
واحمـد الله يــوم ردن iiواختـسـن = والــثـــنـــا لله رب iiالـعـالــمــيــن [/poem]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
بالنعـاثـل مـرنـي طـفــل iiيـسـيـر = ثـم علـى درب المفيـرق iiشفـنـاه
ثــم قـفـى لـيـن خـلانـي حسـيـر = حسبـه الله مايـخـاف مــن iiالالــه
لبـسـه المـاهـود وثـيـاب iiالحـريـر = والمبيسـم بالدجـا يوضـى iiسـنـاه
لـو يجـي عبـاس باشـا مـا يسـيـر = والشريف حسين سيـر مـن iiوراه
سائـلـك بـــالله يـــا طـيــر تـطـيـر = لين عرض الحيـد وقـع فـي iiجبـاه
وان مشى كنه يوطي لـه iiحصيـر = ومن الغوى يا طا على ردن العباة
كـن يـزوي القلـب كـالـوب iiقصـيـر = والتمـنـي مــا نـفـع لـــو iiقلـتـنـاه [/poem]

[poem=font="Simplified Arabic,5,black,bold,normal" bkcolor="transparent" bkimage="" border="double,4,darkblue" type=0 line=0 align=center use=ex num="0,black"]
حـي المنـازل تحـيـة iiعـيـن = لمصـافـح الـنـوم سـهـرانـة
والا تحـيـة غـريــق iiالـديــن = مـعـسـر و وافـــاه iiديــانــه
منـزل فـريـد البـهـا iiوالـزيـن = عطـبـول مكحـولـة iiاعيـانـه
ودي بنسيانـهـا ومــن iiايــن = سلطـان قلـبـي وشيطـانـه
اتبع هواها من اين الى iiاين = واحظـى بشوفـه iiورضوانـه
وابغضت الادنين iiوالاقصيـن = واحببت قومـه علـى شانـه
ما شفت برق سرى ما iiبين = ذيـــك الـحـواجـب iiبلـيـوانـه
ومـجـدلات عـلـى iiالمتنـيـن = سافـات خانـة علـى iiخـانـة
والبطـن والخصـر iiوالنهديـن = والعـنـق والعـيـن واوجـانـه
والـى دعـاك الولـع ياشـيـن = دعــوى الـمـدوة iiلظمـيـانـه
وين اشتكي ما دهاني وين = مـشــكــاي لله سـبـحـانــه
واقول ياهـل الهـوى iiعزيـن = مـا قـال محـسـن iiلعثمـانـه [/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قالت فريجَه لورقٍ ناح= يا مَالْ سلاَّل الأرْواحِ
يالورق عَطْني هَواك وشَاح=واعطيك طَوقي و مِسباحِي
لَي عاد وَصل الغَريم سفاح= ودمُوع الاعْيَان سفَّاحِ
خِذ ما صفَا لك ترى الأرْوَاح=يَسْري عَلَيها و يِنزاحِ
ابر القلم وادْنِ لي وضّاح= واكتب من القيل ما لاحي
واكتب لعين الغضي ما لاح=قيلٍ كما نظم مسباحي
من كوكبٍ يفرق السبّاح= ما ينزحه دون ميّاحي
سَاعَة وصّالٍ وأنا شفَّاح= تِهبّ هَبَّات الارياحِ
أنا عَوينٍ ولك نَصّاح= بالغي ما نَابْ مَزَّاحِ
أصبِح واخَلِّي الهَوى مِسراح=وامْسي عَلى مَي مِرواحي
عمهُوجةٍ جِيدها وَضَّاح= والخَد مِثل القُمَر صاحِي
قَضَيت بين الهوى مزَّاح= ما فات مَعهِن بَالافراحِ
أسْهَر إلين الفَجر ينباح= وارقد إلى اكبر ضَّحى الضَّاحي
ولا هَقَيت الوَلَع يا صاح= يطرَّنِي طَرَّةَ اَلْحاحِ
إلاَّ انت يالورق ما تِنْصَاح= فَانَا عَلى البّاب مَدَّاحِ
فتَحت قفْلٍ بلا مِفتاح= وأنا للَقْفال فتّاحِ
ضَيفٍ عنا لك يِريِد مْراح= يا عِنق ريميَّة الضَاحِي
قالت ملاوي عَلى ما راح= يا مَالْ سلاَّل الأرْواحِ[/poem]

رد: محمد بن لعبون
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ذا حِس طارٍ او ضميرك خفوقهْ= يدقّ به من نازح البين دَقَّاق
الحيّ هُو حيك وطابت وفوقهْ= والدار هي دارك وهذيك الاسواق
يا عبيد خل اللي تشكل بسوقهْ= شيخٍ وهو عبدٍ يذكر بالاعماق
يا قلب وان كانت علومك صدوقهْ= بينك وبين الدار عهدٍ وميثاق
شرواك ينشد عن مغاني تروقهْ= حيثك محبٍّ للمغاني ومشتاق
تذكر بها عيش مضى ما تذوقهْ= يا عونة الله يوم تقسيم الارزاق
إلا ولك فيها مقامٍ طروقهْ= يا عبيد لبسك ناعم الشاش ورقاق
العبد عبدٍ هافياتٍ عموقهْ= ان جاع باق عمومته وان شبع ماق
والحرّ حرٍّ يرفعنه سبوقهْ= والبوم يلعي بين الاَسواقْ خفاق
بع بالهجير وصال حيٍّ تشوقهْ= دارٍ عساها للرزايا بتيفاق
دار الثنا للي بها والمعوقهْ= لو هي عن الدولة على سبعة احواق
دارٍ بها الوالد كثيرٍ عقوقهْ= واللي يعقونه مصلين الاشراق
راعي الوفا منهم عميله يبوقهْ= تلقاه حلافٍ مهينٍ و ملاق
بأركانها المستور ضاعت حقوقهْ= وحقوق داني الجد جت له بالاوفاق
يمسي عريب الخال فيها و نوقهْ= ترعى من الوجلا بها نور الاشفاق
يغدي صبوحه في جباها غبوقهْ= في نازح البيدا من اللال رقراق
كم جر مصقول النمايم بسوقهْ= عليك لبقٍ في مناباه ورقاق
دون العشاير هافياتٍ عروقهْ= والفعل ما يعتاض به طيرة الغاق
ما بين شقاقٍ ورافي شقوقهْ= وشمات مخلوقٍ وعصيان خلاق
تلقى بها هذا على ذا يسوقهْ= الله يعزك و الخواندات بزحاق
يامال هطالٍ صدُوقٍ حقوقهْ= يشبه كما ليلٍ على صبحٍ انساق
ياضي كما حرب النصارى بروقهْ= يطرب له البهلول منهم ويشتاق
يفتل نداف الطها من طبوقهْ= مثل النعام ان ذارهن زول تفاق
ترفا مريضات النسايم فتوقهْ= لجبٍ عسى ما في نوِيه بتيفاق
تسوقه الغربي والأخرى تعوقهْ= مترادفٍ مبناه طاقٍ على طاق
يفتر عن مثل الدحاريج موقهْ= أربع ليالٍ مدلجاتٍ على ساق
وخامس تشوف الدار و الثلج فوقهْ= مثل السرير مجللٍ عاد برواق
تلقى العذارى حسرٍ في صفوقهْ= ياضي لميع خدودهن مثل الاوراق
بين الطموح وبين من شاف شوقهْ= صرعى بها من غير خمرٍ وترياق
تسمع بذا زَجرْ الملك في صعوقهْ= قضى القضا وَالتَّفت السَّاق بالسَّاق
عمت مغاني لاهيٍ في فْسُوقهْ= يظنها خِضْر بن دابيل و اسحاق
رواد بهُمْ ما رادْ بيضا سحُوقهْ= من طولها تمضي على سبعه اطباق
منشي الخيال الى غشى في شروقهْ= يحده اللاهب ويغويه براق
كل النجيب وكل ماله يسوقهْ= وكل العقب ومن بغا الطيب ما ماق
واللي يرى ضد الوفا ما يذوقهْ= يدق به من نازح البين دقاق[/poem]

رد: محمد بن لعبون
 

[poem=font="Simplified Arabic,5,indigo,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
نح ياحمام الهوى بسجوع= يا من يسومه وانا بيعه
ما فيك كود العنا و فجوع= وقرور قلبي و تصديعه
ياعلى ذالي شهر واسبوع= الطم كما تلطم الشيعه
راعى الهوى زايده مقطوع= قلبه معلق بشريعه
دُونكْ ثْوَيبي مِزوع مْزُوع= فتق ظفوري بترقيعه
راعي الهوى دايمٍ مسبوع= بالليل تكثر سعاسِيعه
وجدي على الجادل المربوع= اللي خذ القلب تفجيعه
أمني على شوفته و اموع= والنفس فيها طميميعه
وخِْديدْ مَي يشع اشعوع= مثل القمر في ترابيعه
تغريك في قولها كعكوع= حمر الخواتم باصابيعه
قلب الخطا يا على مطبوع= بالصدر تخفق بترميعه[/poem]

رد: محمد بن لعبون
 

[poem=font="simplified arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
احمد المحمود ما دمع همل=أو عـدد ماحـال واد له وسال
أوعدد ما ورد وارد الدحل=أو رمـى دلوه وما صدر ومال
أو حدا حاد لسلمي أو رحل=سارهاك الدار أو اس المحال
احمده دوم على حلو العمل=سامع الدعوى ومعط للسؤال
ما على راك لعا واعلى ومل=حاول الطاعه على ما صار حال
ماحلا لو لا صدور له وهل=لو ورد ماعدها الماله أطال
مارد حاله على حال الوحل=طالما حس لروحه لامحال
راد رود للمها سمه سحل=عاد صل لسعه سل وال
مادعى داع الهوى إلا وسل=روح مطرد الهوى ماله وسال
ماعلى مارود دمعه لو هطل=لا ولا مسراه عاد للهمال
ماورا ماهو عصى وال المهل=مالك العالم وعلام الاحوال
ماسك صارم هلاكه والكسل=ماسك لعراه معدوم العدال
عادم علم الهدى ماله وهل=هالدهر دوم على طول الامال
ماوراهم كود هادام الامل=للملا حراس الارواح سال
لوعطاه أو مهله ماله مهل=هل على طول الدهر عمرأطال
ماسعاها سالك إلا رحل=لاولا له كودلحده والهوال
لورأى حاله وماله للملل=لام لوامه على دارالملال
دار لهو ما لها طر عدل=ماعداها لهوها دوم وعال
حارس سلال روحه ماسأل=ماعلى ما راد له راعه وهال
ماعدا كاس المراره ما الحول=للو رود ومالورد له عطال
وارد كاسه ومع أهل الطلل=مالوا هم له دوم وحال
حال حاله لو روا له ما وصل=عاده أملاك كرام للسؤال
وسط لحد مامعهكود العمل=أوسواد الدود مع سو المال
واعلى حل عرا ماله سهل=عطله لهو الهوى دوم ومال
سامر أهوال الهوى وأهوى وحل=ماطوا سده وعاده للهيال
حاول السلوى وساوي للأسل=والهوى له ساحر سله سلال
راحمه وال الملا وال عدل=صور العالم على حلو الكمال
دوم صلو عدما هدهد وهل=أو عدد ماحام أو هل الهلال
محمد علا على كل الملل= واله ماهل مامور وسال[/poem]




[poem=font="simplified arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
كل شـيء غيـر ربـك والعمـل=لـو تزخـرف لك مـرده للـزوال
مـا يـدوم العـز عـز الله وجـل=فـي عـدال ما بـدا فيـه امتيـال
والـذي ينقـاد بـزمـام الأمــل=لا تغبطـه فـي زغتـري الهبـال
استغفـر الله عـن كثـر الـزلـل=واستعيـن اعنايتـه في كـل حـال
زاح دهـرك يـا محمـد بالغـزل=والغـزال اللـي تهـزا بالغــزال
والخدود اللي كما وصـف السجـل=نكستـك بالسقـم نكـس الهــلال
والجبيـن اللـي بروقـه تشتعــل=مـع جعـود كنـها داج الليــال
والنهـود اللـي غـذتـك بالمهـل=والمرض منها ومن قبـل الحمـال
رنـة الخلخـال تحـدث لك وجـل=مع كمالك ما استحيت امن الرجـال
واهـل ذاك البيـت من هذا النـزل=داستـك خفـراتهـم دوس النعـال
كم طرقـت لبابهـم عجـل خجـل=للطوافـة وانت ما تبغـي السـؤال
ما طرق فوق الـورق أو من أجـل=قال من لولا الهـوا ما كـان قـال
عن سفاهك فـي هواهـم لا تسـل=يا محمـد ما بقـى فيـك احتمـال
عاشـروك فليـت من يلقـى بـدل=عشرتـه ويـاك يا بيـس البـدال
تـوبـة لله عـن ذيــك النجــل=والـردوف اللي كما نفـد الرمـال
والشفايـا اللي كمـا ذوب العسـل=من جنى جناتهـا السلسـال سـال
عاطـلات الريـم وادمـي الرمـل=مع نباتـه ظلـهم عنـدي ظـلال
توبـة المغتـر حـاط بـه الأجـل=بالعجل يـا أيهـا الراجـى محـال
بـادره مـادام لـك فيـها مهــل=فالمنـايـا رايحـات بـك عجـال
واسأل اللي يستجيـب لمـن سـأل=هو يجيبه محتفـى بك حيـث قـال
واسأله باسـرار ما جـاب الرسـل=واسمه المخزون في علمـه تعـال
والملائكـة الكـرام أهـل المحـل=وأوليـاه الموصليـن بـه الحبـال
يسمح اللي فات في وقـت الجهـل=واسع الغفران وان ضـاق المجـال
غافـر الـزلات حـي لـم يـزل=لـو ذنـوبـك راجحـات بالجبـال
العفو والصفـح هو للصفـح أهـل=والكـرم والجـود جـوده والنـوال
ياهل التقـوى ويا ضافـي الفضـل=طلبـةٍ لي مـن عطايـاك الجـزال
من روايـح رحمتـك عـل ونهـل=لهل حسن الظـن بك يا ذا الجـلال
والسموحـه منك يـوم لـم تـزل= جملة الأجسـام فـي قبـري يهـال
فإن ذا الدنيـا كما ضـرب المثـل=والحياة ابهـا كمـا طيـف الخيـال
والعـزيـز ابهـا يـذل وينخـذل=ويبتلـي فيـها ومـا فيـها وبـال
كم رأينـا مـن نعيـم واضمحـل=مـع حبيـب نـازل فيـها وشـال
يا عديـم الـرأي لو هـي بالعقـل=ما سوت عندك على بختـك عقـال
مخلفات اقطوف عن زهـر النفـل=لـو تزخـرف لك مـرده للـزوال[/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
عـلامـه مـا ينابينـي عـلامـه=ويخفـي مـا بقلبـه مـن غرامـه
ويخلـف سنـة العشــاق فيــها=ومثلـه مـا يغابـي فـي كلامـه
وهذي صفحـة القرطـاس عنـدي=ودنـي لـي داوتـي يـا سلامـه
اخـط للـي خطـه بـه ســلام=علـى بعـد التنايـف والمهـامـه
يـروح ابهـا النسيـم إلـى تعـالا=ونفـخ الطيـب مختـوم ختـامـه
ابا اجبـر قلـب من فيـها خليـع=صـريـع بـدد الهجـران لامـه
يسلـم كلمـا صفيــت اصلــي=ويفطـر فـي هواهـا من صيامـا
وصالـه غيرهـا مـا دام ينسـى=ويذكرهـا ويقحـص مـن منامـه
وحـال حالهـا طـول التجنــي=كـرسـم دارس خفيـف اعلامـه
براني اصدودها واقصـور حظـي=وطـول اوعودهـا بـرى القلامـه
بحــورٍ دايــم منـها وصــد=وهجـران إلـى يــوم القيـامـه
أراهـا بينهـن واصــد عنــها=صدود المستحـي شـرب المدامـه
وأنـا لـي نظـرة بالقلـب تقفـي=وتقبـل عبـرتـي منـها لامــه
وراح وباح وصلـه لـي وصبـري=وتشلـع فـي هـوى مـي خيامـه
يقولـون العـذارى صـف هواهـا=ووصفي قاصرن عن ريـم رامـه
سـواد النـاس فـي عينـي عبـاة=وهـي مصيوغـة فيـها عـلامـه
وقـالـوا نـال منـها مـا تمنـى=وانا مـا نلـت منـها الا الندامـه
تـواعدنـي بحـول غـب حـولٍ=وتفصلنـي بقـولتـها السـلامـه
وكم لي ناصـح مـن غيـر لـبٍ=ايعـرض بالنصيحـه فـي ملامـه
خلي البـال همـه من غير همـي=سـواة الفيـل نفعـه في عظامـه
حبيب حين يضحك لي وهـو لـي=عـدو مـا عـدت قلبـي سهامـه
لكـن عيـونهـا تقضـي وتدنـي=اقلوب اهل الهـوى لعـاب دامـه
هواهـن والسهـر والبيـن قلبـي=وعرضتـها العوافـي بالسـلامـه
بـخـد نـاعــم منـها وجيــد=ورفـراف كمـا ريـش النعـامـه
تقـول ادواك مـا بيـن الشفـايـا=وذاك السيـف حـدر مـن لثامـه
وشامت ناظـره كالبـرق يوضـي=يمين الزلـف يسـارٍ عن وشامـه
رفيـف اخدودهـا والرعـد فيـها=حنيـن مواصـل فيـها هيـامـه
تريف افياضـها وتزهـي رياضـه=ولـو بينـي وبيـن أهلـه قوامـه
وخيـر البعـد والقـرب ايتقضـي=حيـاة خيـرهـا يامـى خـامـه
عسالي يـوم يسمـح لـي زمانـي=عـلامـه مـا ينابينـي عـلامـه[/poem]

رد: محمد بن لعبون
 

[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
يا عبيد من قصت يمينـه شماله= يشوف فعله ذاك عدل ولـو مال
احسب رفيقي يستحي من ظلالـه= واثره الى شاف المواليـم خيال
يابـادي بالقـول هــذا بداله= قول بدل قول ومال عوض مـال
والكل منـا لـو يطـاوع مقاله= القول واجد والحكي عند للافعال
الصدق يبقى والتصنـف جهالـه= والقـد مالانـت مطاويـه بتفال
افهم نباي وعرضـه مـن قرالـه= بينت لك ما يعتني الكذب رجال
انشدك مـن قفـا وخلـى عياله= في ذمة العدوان والحرب ما انجال
ترمي شررها مثل صفـر جمالـه =والبيض تنخـى والمناعيـر ذلال
واللي بكفـه صيـرم او سلالـه= مثل الذي خضب يمينه والاشمـال
تقول عذراهم عسى الستـر فالـه= ماكـل رجـال اشوفـه برجـال
واقرب قريب له الى شاف حالـه= لا ناشد عما جرى لـه ولا سـال[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="solid,4," type=0 line=0 align=center use=ex num="0,black"]
شيخ الطوايف نعم من هو لجاله=سور السرايا يوم الاهوال تنهال
ماهوب فخر لك تتقي بجاله=اثرك صحيح مثل ما قال من قال
رجل تقضى للطرب من خواله=واعتادهم يبغى العشا قبل عبدال
بالعون فادي من مضامن اجياله=ويش الفكر وان عاجلك فخ حبال
ما ينطح السيل المحلتم خياله=في واسع البطحا سوى كفة الجال
والعز ما يعني لمن لا عنا له=يا شارب بكفوف غيره من اوشال
هذا ومن قصت يمينه شماله=خسران في حاله مع غالي المال[/poem]

رد: محمد بن لعبون
 

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
هب النسيم اوياب ريحـان لحبـاب = وترنحت أغصان قلـبي بتطريب
وأحيا هشيم القلب من عقب ما شاب = من كثر ما تمرح عليه اللواهيب
قمت اتنشّق ريحتـه بين الاطيـاب =وانشق شـذا ورد بعرف الهباهيب
لمـا تحققته الى نفـحت اسلاب =صافي الثنا يـا سيد جمـل الرعـابيب
ختله نقا عشب عليه الحيا طـاب = او عـطر شامي من مغـانيه له جيب
او مـا ورده يوم شاف الهـوا هاب =وتارجت لافـاق من نفحته طيب
طيب لـو شمه زكيم الهوى طـاب =وستجرحت منه لقـلوب المصاويب
ليمن جلست اويـاه في شراه وعتاب =يفتي به القاضي وجـاهل وكتيب
لا هوه سـالي عن ودادي ولا نـابـ = سـالي سوداده والمحبـه تعـذيّب
ان غاب شخصه عن نظيري فلا غـاب =عن خاطري حبه وأنا عنه ما غيب
ان قـام لي في حندس الليل طراب =يجلي أسى العـاشق بضحك وتـاديب
حبه تبـلاني وأنا اجور هل شاب =حتى كبرت وصرت من يملت الشـيب
اطرب واغني له مثل ما جبت له جاب =عذب الشناي في الهوى مثل ماجيب
إن قلت أنا جـاعل لميعـادك أسباب =ولا يستوي بينك وبيني منـاديب
قال الهوى عيب على المرؤ لي شاب = ان الهوى ما جاز مع جملت الشيب
انته تجوز امطوع وسط محـراب =وش لك بحب النـاعمات الخراعيب
جـاز الهوى لجويهل بعد مـا شاب =خذ له زمـان وهمته في اللواعيب
قفيت وقفـا يوم القمر غـاب =وسريت لـه تحت الدجى سرية الذيب
نادى من انت قلت ضيف على الباب =جن الدجى له ما لقى له معازيب
جاكم على ميعـادكم قال محنابـ =ربعك ولا نـاعدك خبث ولا طيب
ان قلت عندي شاهد قال كذاب = احضر اشهودك عندنا كانك مصيب
قلت الجبـين وغرة فيك وحجاب =وجـوزين حمر علـقن بالكلاليب
قال و بعد قلت المحابيس وخضاب =وسـود الي فكت تليث العراجيب
قال واشهودك شرعنا ليس يرضاب =قلت السبب قال اشهودك كذاذيب
قفـيت كني محمل وسط لعباب =سمّر طبع من غـير شرع ولا جيب
هذا الذي يوثـق بتلعات لرقـاب =شروات من يـاثق بغيم الفياهيب
او ليش ما حطيت قفل على الباب = وحطيت دون القفل ناس حجاجيب
الي يغـوص الهير من دون تباب =وش حيلـته لو العطايـا المواهيب
لو بن خميس ايشم من نفح لاطياب =دش الهوى واستعذبته الكواعيب
لو بن علي ينظر محل الحقب ذاب =ذوب الرصاص بحاميات القواليب
لو هو نظر صافي البها يوم ينساب =يمشي دنق مشي الحمام الرعابيب
شروا القميص اليوسفي حين ما حاب= فتح بصر يعقوب في حين ما جيب
وش حصل التالي ولو جاب ما جاب= الفضل للاول على الخبث و الطيب
مـني لمن نـاداه قـوسين بوجاب= صلاة وتسليم تعم الاصـاحيب[/poem]

رد: محمد بن لعبون
 

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ياراكب من فوق مثل السبرتات=حمراء هميم من ابكار معفات
تلقى الكواعب من بنات العمارات=يبكن أخو نوضا على رأس ماطال
يبكن بدم ليس بالدمع يخلط=على عقاب العندليات مسلط
والله فلا مثله على الخيل يقلط=ولانقلن الخيل مثله برجال
يالبيض كبن الحلي والعشارق=وابكن أخو نوضا مروي المطارق
الي ركب من فوق ملس المعارق=لحق الوسيق ورد الاول على التالي
عليك يامروي حدود الهواري=ياللي بوجهك للمروة مواري
يمينك أكرم من هبوب الذواري=وأثقل من ايش عند ضربات الابطال
حللت ياما ضيف ليل قريته=وكم عود زان بالملاقا سقيته
وكم ابلج خلف السبايا رميته=عليه شقن العماهيج الابطال
حللت ياما قد حما من مرنه=واركا سنان الرمح بقطيهنه
ياليت غضات البني مابكنه=ولاعليه الرمل بالقبر ينهال
حللت ياريف الهجافا وياريف=والخيل في الميدان مثل الخواطيف
يوم العوادي تنسف البوش تنسيف=عيا عليهن مسلط وافي الافعال
وأن زرفل المظهور وارخا الاعنه=والجيش عرجد والرمك يشعثنه
ادلا على ركن من الخيل كنه=جلمود صخر حطه السيل من عال
ان زرفل المظهور وأقفا مع الريع=واقفن عليه معاجات المصاريع
والغبو شانت به وجيه المداريع=ماشان وجهه بالملاقا ولازال
وأن قرطبوها بالعدد والكراديس=وتقابلت شعث النضا بالملابيس
وتعاقبوا ضرب القنا والعبابيس=يروي حدود السيف من دم الابطال
لاواعشيري ليتني مابكيته=لو في يدي حل وعقد فديته
وبكل ماتملك يميني شريته=بالبوش والغرس المظاليل والمال
لاواعشيري مسلط هو ذرا الجود=لاقي ذرا العليا حجا كل مضهود
اللي اعتلى من فوق ماتقحم العود=الخيل من ضربه عن المال تنجال
اليوم موفي لي ثلاثة عشر يوم=لالذ لي زاد ولاطاب لي نوم
من يوم جاني عن حجا كل مضيوم=ريف المجنا مسلط ذرب الافعال [/poem]

رد: محمد بن لعبون
 

[poem=font="simplified arabic,5,darkred,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
ما لون يا قلب دوى به اجراحي=بهداك لي ما ترعوي شور نصاح
ياقلب لو صاح الهوى لك وناحي=بالك تطيعه يالغوى وين ما راح
كب السفاه وما حوى من مزاحي=ظامي ظعونه ترتوي دمع سفاح
من كان له بالدوى من ملاحي=طب فهو ما ينقوي عنه ياصاح
يا صاح لو بعد النوى والمشاحي=يا عاذلي يا المنتوي كان ينساح
مازال يوم مالتوي لي جناحي=راعي الفراق وينزوي كلما صاح
حاجب مسراة الغوى والفلاحي=والجود وصله ينطوي عقب وضاح
من شب له نار الضوي والضواحي=ينقال له نعم الخوى مطلق الراح
احمد حديثه له رواة اصحاحي=الريح والبرق الضوي كلما لاح[/poem]

رد: محمد بن لعبون
 

رحم الله الشاعر الفحل بن لعبون
والف شكر يابوعبدالله

رد: محمد بن لعبون
 

[font="comic sans ms"][size="5"][color="darkred"]الله
شخصية شعرية عظيمة تستحق البحث
وتستحق القراءة

لاااهنت ابو عبدالله[/color][/size][/font]

رد: محمد بن لعبون
 

شكرا للنقل والمجهود الطيب

شاعر رائع بن لعبون

لاهنت ابو عبدالله

تحياتي وودي

رد: محمد بن لعبون
 

ابو عبد الله
مجهود تشكر عليه
موروث شعبي يستحق
منا كل الاهتمام
تحية طيبة

رد: محمد بن لعبون
 

[font="comic sans ms"][size="6"][color="magenta"]الطا111ئر،،،


طرح رائع وجهود تشكرون عليها ،،،


قصائد قمة الجمال والابداع ،،،


وشكر على الإظافه ،،

يعطيكم العافيه جميعا[/color][/size][/font]

رد: محمد بن لعبون
 

مشكووووووور ابو عبد الله

مجهود رائع

رد: محمد بن لعبون
 

تسلم على النقل الرائع
يعطيك العافيه

رد: محمد بن لعبون
 

[font="arial"][size="5"][color="black"]الطائر المهاجر

جمّل الله حالك .. ماقصرت
معلومات ثريه عن هرم من أهرام الشعر
نستفيد منها كثيرا .. ولك جزيل الشكر والتقدير [/color][/size][/font]

رد: محمد بن لعبون
 

اختيار اكثر من راااائع

سلمت يدك

صعوووووووووووب

رد: محمد بن لعبون
 

[font="comic sans ms"][size="5"]تسلم يمينك اخوي الطائر المهاجر
كنت بحاجة لهذا التقرير عن

شاعر كبير مثل محمد بن لعبون

جهد تشكر علية ستتكرر زياراتي لهذا المتصفح
ربي يعطيك العافيه[/size][/font]

رد: محمد بن لعبون
 

[font=arial black][size=5][color=slategray]يعطيك العافيه[/color][/size][/font]
[font=arial black][size=5][color=slategray][/color][/size][/font]
[font=arial black][size=5][color=slategray]وسلمت على نقلك الشامل..[/color][/size][/font]

رد: محمد بن لعبون
 

رحم الله الشاعر الفحل بن لعبون
والف شكر يابوعبدالله