اسبرانزا و معركة القاهرة
 

[CENTER][COLOR=Navy][SIZE=5][FONT=Arial Black]السلام عليكم ورحمة الله



[COLOR=Red]اسبرانزا و معركة القاهرة[/COLOR]


[color=#990099][size=3](اضغطو على جميع صور الموضوع لمشاهدتها بحجم اكبر[/size][/color])


[url=http://www.50005000.com/Egypt/Cairo/C001.JPG][IMG]http://www.50005000.com/Egypt/Cairo/001.JPG[/IMG][/url]




يمكن إذا قريتوا اسم الموضوع بتقولون وش السالفة هو انت رايح تبي تزور القاهرة ولا رايح تحارب ، عشان كذا بعطيكم سبب تسميتي للموضوع بالشكل هذا.

إنا الي قبل 15 يوم من ألان لو تقولون لي رح لم مصر كان قلت لكم ما أروح لها لو ما بقا في الدنيا ديره غيرها ، لا تلوموني على التفكير و الاعتقاد هذا ، الكلام اللي كنت أسمعه من بعض الزملاء اللي راحوا لم مصر و بعض اللي كنت اقرأه عنها كان يهول و يخوف و يسبب ازعاج للشخص حتي قبل ما يروح لها.

تصوروا الليلة اللي قررت أروح فيها للقاهرة قابلت بعض الزملاء في الاستراحة و مسكوني واحد واحد و خذ نصايح و تعليمات الين وجعني بطني من الديره و بغيت اهون في ذيك الليلة نفسها.

[COLOR=Magenta]من بعض ما قالوه الربع الزملاء كان ما يلي:[/COLOR]

-) انتبة لا تأكل من أكلهم ترا يجيلك تسمم على طول! ( [COLOR=Green]طيب انا اذا ما أكلت من أكلهم وين أكل فيه؟[/COLOR]).

-) ترا الشحاتين بيغثونك و بينشبون فيك ، انتبه لا تعطيهم شي ولا تكومو عليك و يمكن يسرقونك.

-) ترا ألديره ما تمشي إلا بالبخشيش ، اذا كنت تبي امورك تمشي بخششهم ولا تراك تعطلت.

-) ترا الشيش اللي عندهم كلها شينة و بتصدع منها على طول.

-) ترا بينلعب عليك في التكاسي ولا بيدك حيلة.

-) اذا بغيت تشتري شي في المحلات تراهم بيزيدون عليك الاسعار ، اذا شفت السعر غالي لا تشتري من احد ([COLOR=Green]طيب وين اشتري منه؟[/COLOR]).

-) انتبه لين بغيت تقطع الشارع ، ترا السيارات ما توقف لحد و اكيد بيصدمونك.

-) لا تشيل معك فلوس و خل دراهمك في الفندق.

-) وزع دراهمك في مخابيك ولا تخليها كلها في مخبات وحده.

-) صفط الجنيهات على واحد واحد و حطهن في مخبات و صفط الخمس جنيهات بنفس الطريقة و حطها في مخبات ثانية ، و سو نفس الشي بالعشرة و العشرين و الخمسين و المائة جنية ([COLOR=Green] انا وين اجيب كل المخابي هذي ، يبي لي البس بنطلونين على السالفة هذي![/COLOR]).

-) قفل الباب من جوا اذا ركبت في السيارة.

-) اذا جاك واحد و معه سكين و قال لك عطني دراهمك عطها له ولا تقاومه.

عاد بعد كل النصايح هذي تلوموني على اني اقول اني رايح لم معركة في القاهرة، ولا وش رايكم.

_______________________________________

هذي مقدمة للموضوع اللي انا قاعد اجهز فيه عن رحلتي اللي انا توي جاى منها من القاهرة.
الموضوع و تعذروني على الشي هذا بيكون طويل و بياخذ مني الكثير من الوقت لكن ابحاول بقدر المستطاع اني اخلصة لكم في اقصر مده ممكنة.

[COLOR=Magenta]اللي إلقاء في اول أجزاء الموضوع.[/COLOR][/FONT][/SIZE][/COLOR][/CENTER]

شكلها تحمس هالرحله

بس صدق يبي لك تفصل جينز بست جيوب

هلا اسبرانزا يابعد حيي يالله يالغلا جب الرحله

ترانا بننتظر هنا وبيطقنا السكني أن تأخرت لا تتأخر

:)

اجل ما قالوا لك إذا وقفوك الشرطة لا توقف تراهم مهمب شرطة ولكن نصابين ، وعليهم بدل عسكريه ومعهم سيارة شرطة. اما ان قروشك تخدمك فهذا صحيح ، ويكفي إنه سافر معي واحد ، يوم وصلنا والا موكب كامل ينتظره
بالونانات والسيارة اللي عليها أعلام ، وهو شخص عادي ، لكن يدفع فلوس.. وطالما هذي أول زيارة لك وما سكنت إلا في فندق 5 نجوم ، فتراك مارحت لمصر!!
لعلي اتكلم عنها في رحلاتي ، فمعلوماتي عنها واجد..
تحياتي

[FONT="Arial"][SIZE="5"][COLOR="Red"]ثار التميميه[/COLOR]

انشاءالله الموضوع بالفعل يعجبك عند اكتمالة.

اما سالفة المخابي الكثيرة فصار اللي قال لي الكلام هذا من جنبها.




[COLOR="red"]ذيب السنافي[/COLOR]

افا يا الذيب تخاف من السكني:D

لا ابشر بسعدك هذا الجزء الاول من الموضوع بيمزل الحين



[COLOR="red"]المشرف العام[/COLOR]

هلا ببو عبدالله.

الحين دامك خبير في الديرة وراك ما جيت معي يوم اني قلت لك <<<<< (تراني ما قلت له الا ونا في القاهرة:D )

و من ناحية ان دراهمك تخدمك فنا اشهد والله.

بالنسبة للفندق الخمس نجوم ، فهذا شي لزوم اذا الواحد سافر و معه زوجته ، هو لو انا رايح بلحالي كان سكنت على الرصيف و صرت اسبرانزا في الشارع:D


لكم الشكر و التحية[/SIZE][/FONT]

[align=center][size=5][font=Arial][color=#FF0000]اسبرانزا و معركة القاهرة[/color]


[color=#0000FF]- الجزء الأول -[/color]




روحتي للقاهرة كانت بدون أي تخطيط أو تجهيز ، كانت وليدة الساعة زي ما يقولون .

يوم الجمعة 15/7/2005 و بعد ما تغديت و عمرت الراس براس باشا يحبه قلبكم ، بديت اهوجس في خته لي انا و المعزبة في إجازة قصيرة و سريعة ( [color=#009900]مديري في العمل كان قايل لي لا توريني وجهك الا بعد 15 يوم و بدون ما تقدم إجازة هدية من عندي[/color]) ، المشكلة ان مديري ما قال لي الكلام هذا الا يوم الربوع ، يعني ما كان عندي وقت اخطط أي رحلة لاي مكان ، انا ما اخفي عليكم كان ودي اروح لم فانكوفر و تسبدي تقاطر عليها ، بس المشكلة ان فانكوفر كانت محتاجة تأشيرة ، و التأشيرة يبي لها على الأقل أسبوع.

المهم بعد اخذ و عطاء مع المعزبة في الموضوع أقنعتني نروح للقاهرة على يوم الثلوث او الربوع القادم ، اتصلت على مكتب الحجوزات حقت السعودية عشان احجز لي كرسيين .

[color=#0000FF] و فيما يلي الحوار اللي دار بيني و بين موظف حجز السعودية:[/color]


[color=#FF0000]موظف الحجز:[/color] حجز الخطوط السعودية ، عبداللـه العتيبي.
[color=#0000FF]اسبرانزا:[/color] السلام عليكم اخوي عبداللـه ، تكفاء و اللي يرحم والديك شف لي كرسيين على اقرب رحلة من الرياض الي القاهرة.
[color=#FF0000]موظف الحجز:[/color] اجل عجل تبي تروح للقاهرة ، شكل الحر ذابحك.
[color=#0000FF]اسبرانزا:[/color] أي والله يا اخوي عبداللـه الحر ذبحنا في الرياض و ناوي اتبرد في القاهرة ([color=#009900]يعني انا وش كنت ابرد علية و اقول ، طنشو بس[/color])
[color=#FF0000]موظف الحجز:[/color] اقرب كرسيين متوفرة بتكون السبت 23/7/2005.
[color=#0000FF] اسبرانزا: [/color]افاااا يا عبداللـه الله يخلي لك العجيز و الشايب ، شف لي موعد اقرب من هذا.
[color=#FF0000]موظف الحجز:[/color] الاسم الكريم لو سمحت.
[color=#0000FF]اسبرانزا:[/color] ([color=#009900]افاا ورآه يسأل عن اسمي شكلي رحت فيها[/color]) ، انا اسمي اسبرانزا يا خوي عبداللـه.
[color=#FF0000]موظف الحجز:[/color] اسبرانزا؟؟ ، اسبرانزا ولد مين.
[color=#0000FF]اسبرانزا:[/color] ([color=#009900]شكلة يحسبني شخص مهم[/color]) ، انا اسبرانزا ولد ابو اسبرانزا.
[color=#FF0000]موظف الحجز:[/color] اييييييه ، وانعم يا اسبرانزا ( [color=#009900]شكله وده يقول و ما قالت[/color]) ، الحقيقة هذا اقرب موعد فيه كراسي مؤكده.
[color=#0000FF]اسبرانزا:[/color] طيب لحظه تكفاء خلني اشاور المعزبة.
[color=#FF0000]موظف الحجز:[/color] بتشاور المعزبة!! ،، اية خذ راحتك.


[color=#0000FF]الحوار التالي دار بيني و بين المعزبة:[/color]

[color=#0000FF]اسبرانزا:[/color] حبيبتي يا بعد روحي ، مافيه حجز على السياحية للقاهرة ، نهون و نقعد في الرياض.
[color=#FF0000]المعزبة:[/color] والله اللي ما قعدت في الرياض ، تبي انت تقعد في الرياض اقعد و انا اروح مع اهلي ، هم يدبرون لي حجز.
[color=#0000FF]اسبرانزا:[/color] يا بعد قلبي انا مقدر استغني عنك ولو دقيقة وشلون تخليني و تروحين مع اهلك.
[color=#FF0000]المعزبة:[/color] اذا ما تبيني اخليك بلحالك يا اسبرانزا ، دبر نفسك و شف لنا حجز ولو على الدرجة الأولي.
[color=#0000FF]اسبرانزا:[/color] ابشري يا حياتي ، احجز لك على الأولي لو أروح أبيع الهوندا عشان اشتري التذاكر.


[color=#0000FF]رجعت و كلمت موظف الحجز ، و دار الحوار التالي:[/color]

[color=#0000FF]اسبرانزا:[/color] اخوي عبداللـه شف لي حجز على اقرب رحلة لو على الأفق او الأولي ( نغزتني المعزبة و هي مكشرة و قالت الاولي بس) ، ولا اقول اخوي عبداللـه خلها على الاولي بس.
[color=#FF0000]موظف الحجز:[/color] طيب ، خلك معي ثواني ،،،،، اقرب حجز بكره السبت الساعة 0750 في الصباح.
[color=#0000FF]اسبرانزا:[/color] لا هذي قريبة مره ،،، شف لي شي بعد يومين او ثلاثة.
[color=#FF0000]موظف الحجز:[/color] مافيه حجز على الأولي الا بكره ، و اقرب موعد بعد كذا بيكون يوم الثلاثاء 26/7/2005.
[color=#0000FF]اسبرانزا:[/color] (والله مشكلة ، بكره قريب مره) طيب ما فيه حل ثاني احجز لي على رحلت بكره.


بعد صلات العصر نقزت لم مكتب الذياب للسفر و السياحة اللي جمب البيت و محطني بسعر 8500 ريال ذهاب و إياب على الأولي للقاهرة.
يوم شفت السعر غالي كذا قلت للهندي حق المكتب اجل خل الروحة على الأولي و الرجعة على السياحية، و نزل السعر الي مبلغ 7000 ريال.

شريت التذاكر و رجعت للبيت ، المعزبة يوم شافت التذاكر و تطير من الفرحة و تقول لي يدك على 2000 ريال عشان أروح اشتري لي ملابس للسفر.
بغيت أقول للمعزبة يوم طلبت الدراهم ورا ما تاخذين من ملابسك اللي تارسة الدالوب ابو عشر درف ، بس قلت النفسي اشتر نفسك يا اسبرانزا و عطها اللي تبي لا تروح فيها.

ثاني يوم اللي هو يوم السبت ، يوم الرحلة طلعت انا و المعزبة لم المطار من الساعة 0530 في الصبح عشان ما نتأخر ، يوم وصلت للمطار و أنادي لي هندي عشان يشيل العفش و رحت لم الكاونتر حق قص البوردانق باس ، و انا أروح أماسك سراء مع اللي ماسكين سراء، سألني الهندي اللي شايل العفش هي تذكرتي أي درجة ، فقلت له و انا طاق ذيك الابتسامة العريضة ، درجة أولي يا صديق ، ناظرني الهندي ذيك النظرة الغريبة و مدري ليه كان وده يصفقني و سحبني من يد و وداني لم كاونتر ثاني ما كان فيه احد.
طلع فيه كاونتر خاص بلي يسافرون على الدرجة الأولي و انا ما ادري ([color=#009900]لا تشرهون ترا عمري ما سفرت درجة أولي[/color]).

قصيت البوردنق باس و رحت للجوازات و خلصت منهم ، بعدين رحت و قعدت على الكراسي اللي عند البوابة حقت طيارة القاهرة.
و انا جالس على الكراسي عند البوابة قلت للمعزة وري ما نروح نتمشي في المطار و نستمتع بطريقة عمرانه الفريدة ، واحنا نتمشي لقيت صالة مكتوب عليها لركاب الدرجة الأولي ، انا مدري وشي الصالة هذي ، فرحت لمهم و اكتشفت انها للمسافرين على الدرجة الأولي ، يقعدون فيها على كنباتها المريحة بدال الكراسي الحديد اللي عند البوابة ، و زيادة على كذا كان في الصالة اكل و شرب ببلاش.

بعد ما قعدت في الصالة حدود نصف ساعة ، اعلن المذيع الداخلي حق المطار بموعد إقلاع رحلتي ، اخذت المعزبة مع يدها و ركبنا الطيارة.

يا الدرجة الأولي تونس و زينة ، كراسيها كبر كراسي السياحة بربع مرات ، و من كبرها اذا جيت اباخذ المجلة اللي في مخبات الكرسي اللي قدامي لازم اقوم و امشي حول كيلو الين أوصل لها.

تقهوينا علي الطيارة و اكلنا من قدوعهم و افطرنا ذاك الفطور الزين , و انا مديت رجلين الكرسي حقي و فردت ظهر الكرسي الين صار تقل سرير .
هذا السفر ولا بلاش ، انا معادني مسافر الا درجة أولي بعد كذا.

طلعت الكميرة و نشبت في الدريشة عشان اصور المطار و الرياض من السماء ، بس ما قدرت لان الدنيا كانت معججة ([color=#009900]عاصفة رملية[/color]) ذاك اليوم .


[img]http://www.50005000.com/Egypt/Cairo/002.JPG[/img]

هذا كراسي الدرجة الأولي ، الدرجة الأولي ما كان فيها الا خمس ركاب.



[img]http://www.50005000.com/Egypt/Cairo/003.jpg[/img]

[img]http://www.50005000.com/Egypt/Cairo/004.JPG[/img]

[img]http://www.50005000.com/Egypt/Cairo/005.JPG[/img]

[img]http://www.50005000.com/Egypt/Cairo/006.JPG[/img]

بعد ما اقلعت الطيارة بحدود ساعة ، خف العج شوي ، فخذت الكم صوره هذي و الظاهر انها حول مدينة الوجه.



[img]http://www.50005000.com/Egypt/Cairo/007.jpg[/img]

و الصوره هذا اول ما وصلنا للبحر الأحمر.



[img]http://www.50005000.com/Egypt/Cairo/008.JPG[/img]

الطيارة مشت فوق البحر الأحمر حدود نصف ساعة قبل ما تدخل البر المصري من عند قناة السويس ، و هذي صوره لطرف الجزيرة العربية المقابل لسيناء .




[url=http://www.50005000.com/Egypt/Cairo/009C.JPG][img]http://www.50005000.com/Egypt/Cairo/009.jpg[/img][/url]

[url=http://www.50005000.com/Egypt/Cairo/010C.JPG][img]http://www.50005000.com/Egypt/Cairo/010.jpg[/img][/url]

اول ما دخلنا مصر بعد ما تعدينا مضيق السويس ، طلعت لنا السحب المتفرقة هذي. إشكالها كانت حلوه.



[img]http://www.50005000.com/Egypt/Cairo/011.JPG[/img]

[img]http://www.50005000.com/Egypt/Cairo/012.JPG[/img]

[img]http://www.50005000.com/Egypt/Cairo/013.JPG[/img]

بعد ما دخلنا البر المصري بحدود الربع ساعة ، بدت الطيارة في الانخفاض ، و هذي صور السحب و إحنا نقرب منها و بعدين ندخل تحتها.



[img]http://www.50005000.com/Egypt/Cairo/014.JPG[/img]

[img]http://www.50005000.com/Egypt/Cairo/015.jpg[/img]

[url=http://www.50005000.com/Egypt/Cairo/016C.JPG][img]http://www.50005000.com/Egypt/Cairo/016.jpg[/img][/url]

[url=http://www.50005000.com/Egypt/Cairo/017C.JPG][img]http://www.50005000.com/Egypt/Cairo/017.jpg[/img][/url]

و هذي صور للقاهرة من الطيارة يوم قربنا منها.



هبطت الطيارة و أقوم امسك المعزبة من يدها و خذ ركض عشان أوصل للجوازات قبل الزحمة ([color=#009900]واحد من الشباب موصيني على الشي هذا عشان ما يكون قدامي سرا طويل[/color])
يوم وصلت للجوازات خفت ، لأنه ما كان فيه احد غيري و العالم كلهم كانو ورأي ، على طول نصيت واحد من الكونترات و أعطيت جوازي و جواز المعزبة لضابط مصري على كتفة 3 نجوم ، الضابط ختم الجوازات بعدين دسهم مع دريشة صغيره لم غرفة صغيره ورآه ، انا استغربت من الحركة هذي و رحت لم الغرفة الصغيرة اللي ورآه ولا فيها موظف مصري مدني قاعد يسجل بينات جوازي و جواز المعزبة على كمبيوتر ([color=#009900]شكل الضابط ما كان يعرف يطبع[/color]).

بعد ما خلصت من الجوازات و أروح لم السير حق العفش و انتظر حدود 5 دقايق ، و اثنا انتظاري جاني احد العمال المصريين حقين عربيات العفش و سألني اذا انا ابي عربية ، فقلت له لا و رحت خذت عربية بنفسي ([color=#009900]الشباب كانوا يقولون لي خذ عربيتك بنفسك لان العامل بيغثك و يطلب زود فلوس على تحميل العفش عن التسعيرة الموجودة[/color]) ، لذالك سمعت كلامهم و حملت عفشي بنفسي ، المهم شوي ولا السير حق العفش بدا يشتغل و طلعت شناطي هي اول الشناط اللي طلعت ( [color=#009900]الظاهر فيه احد في مصر دارين اني جاي أزورهم و قال يدلعني شوي[/color]) ، طبعاً قيل لي بعدين ان شناط الدرجة الأولي هي اول الشناط اللي تطلع.

حملت عفشي و نصيت الباب اللي يطلع من المطار ، و أول ما طلعت مع الباب لفيت يمين لم كاونترات سيارات التكسي حقت المطار ([color=#009900]يسمونها ليموزينات و هي مغير هوندايات اكسنت او كورلات[/color]) ، اول ما شافوني و حتي قبل ما اصل الكاونتر ولا ذاك المصري ناقز لي و معه دفتر فواتير و سألني "[color=#FF0000]البية رايح فين[/color]" قلت له فندق الكونراد فقال لي السعر 66 جنية ، تركته و رحت و خليته ([color=#009900]الشباب كانوا قايلين لي ان سعر التوصيلة مفروض ما تزيد عن 45 جنية[/color]) ، المهم جاني واحد ثاني و قال لي سعر التوصيلة 57 جنية ، فقلت له ما يخالف و اكيد ارتفاع السعر هو بسبب الموسم السياحي.

دفعت المبلغ لواحد إعطاني فاتورة و طلب مني الحقة ، لحقته فطلعنا برا مبني المطار على الشارع و قال لي انتظر الين يجي اليموزين ، اثنا انتظاري لاحظت شي غريب انه مافية سيارات تمر ، كان فيه فقط باصات تمر كل كم دقيقة ، سألت عن الشي هذا فقالو لي ان هذا تنظيم جديد و انه فقط الباصات تجي هنا و تاخذ الركاب الي مواقف السيارات بالإضافة الي سيارات اليموزين الخاصة بالمطار.

بعد حدود 10 دقايق من الانتظار ولا سيارة اليموزين جاية ([color=#009900]طلعت كيا كورية من الصغار[/color]) ، ما امدا سواق السيارة يوقف و يفتح الشنطة عشان احط العفش الا و ذوليك الثلاثة اللي مدري وين جو منه امتناقزين و ماخذين عفشي و محملينه في الشنطة حقت السيارة ، بصراحة انا اندهشت من الخدمة الممتازة و قلت في نفسي انهم اكيد دارين اني كنت راكب درجة أولي في الطيارة ، اندهاشي ما طول لمن الثلاثة مسكو سرا قدامي قبل ما اركب السيارة و كل واحد ماد يده يبي المعلوم ، انا انحرجت قدامهم و دخلت يدي في المخبات اللي كنت مصفط فيها الجنيهات الواحد واحد و طلعت ثلاث جنيهات و أعطيت كل واحد منهم جنية.

حرك سواق التكسي من المطار بس قبل ما يطلع من منطقة المطار وقفنا عند عسكري كان جالس تحت مضلة صغيرة و سألني العسكري عن اسمي و وين انا رايح له ، كان العسكري يسجل المعلومات في دفتر معه و قال لي سواق التكسي ان السبب هو لو يصير لي شي او انساء عفشي يعرفون السيارة و السواق اللي وصلني ( [color=#009900]انا اعجبتني الحركة هذي[/color]).

و انا في الطريق الي الفندق سألني السواق اذا كانت هذي أول مره اجي للقاهرة ، فقلت له اية ، هو ما صدق خبر و بدا يكلمني و يشرح لي عن كل شي نمر جمبة ، اكثر شي شد انتباهي ولا كنت متوقعة هو نظافة الطرق و الخضار اللي على جمبها ، الحقيقة كان مغاير لما توقعته ، من الاشياء الثانية اللي شدت انتباهي هو كبري طويل مشينا علية في السيارة ، يقول السواق ان طول الكبري 22 كيلو و يخترق القاهرة ، من الأشياء المثيرة على جوانب الكبري هي العماير و البيوت اللي لأزقة في الكبري على طول ، بحيث ان سكان البيوت و العماير هذي ممكن يطلعون من درايش او بلكونات بيوتهم على الكبري على طول.

وصلنا للفندق بعد حوالي 30 دقيقة ، الفندق كان يطل مباشرة على كورنيش النيل و موقعة كان حلو.



[url=http://www.50005000.com/Egypt/Cairo/018C.JPG][img]http://www.50005000.com/Egypt/Cairo/018.jpg[/img][/url]

هذي صورت الفندق من الخلف.




عند مدخل الفندق كان فيه عساكر يفتشون كل سيارة رايحة للفندق.
دخلت للفندق و رحت للاستقبال و طلبت غرفة ، سألني موظف الاستقبال اذا كان عندي حجز فقلت له لا ( انا ما امداني أسوي أي حجوزات فنادق قبل ما اسافر) ، قال لي الموظف ان سعر الغرفة العادية هو 120 دولار من غير الضرائب و الخدمة و ان السعر هذا يزيد الي 160 دولار بعد يومين لانه يكون بداية الموسم السياحي عندهم.
سالت موظف الاستقبال الغرفة بتكون في أي دور فقال لي ان الغرف اللي بالسعر هذا تكون بين الدور الثالث و السابع ، انا ما جاز لي ان الغرفة ماهي في اعلى الفندق فقلت له اني ابي غرفة في الادوار العلي من الفندق ، رد على الموظف و قال ان الغرف في اعلى الفندق هي في منطقة الغرف التنفيذية ([color=#009900]Executive[/color]) و ان سعر الغرفة هو 160 دولار و يزيد بعد يومين الي سعر 210 دولار بدون ضرائب او خدمة.

اخذت غرفة في الأدوار التنفيذية و كانت في الدور 21 ، بعدين طلب مني موظف الاستقبال جوازي و خذه و صوره و سألني اذا معي بطاقة ائتمان ، فقلت له لا ما معي فطلب مني مبلغ تحت الحساب مقداره 1000 دولار ، عطيته الفلوس فطلب مني شي يثبت ان المعزبة هي زوجتي ، اعتذرت منه و قلت له اني ما توقعت انكم بحاجة الي شي يثبت الشي هذا ، فقال لي ما فيه مشكلة.
اعطاني موظف الاستقبال كرتين لفتح باب الغرفة و بعدين اخذني احد موظفين الفندق اللي معه العفش للغرفة ، اصنسيرات الفندق عجيبة ولا تتحرك الين تحط فيها مفتاح الغرفة حقتك ، وصلت للغرفة و دخل الموظف العفش و بعدين جا لمي و عرفت انه يبي المقسوم ، قمت دخلت يدي في المخبات اللي فيها العشر جنيهات و طلعت له عشره جنية و أعطيتها له.



[img]http://www.50005000.com/Egypt/Cairo/019.jpg[/img]

هذا صورت الممر اللي فيه الغرفة. و اعتذر منكم لاني ما عندي صور للغرفة.



رتبت عفشي في الغرفة و حطيت جوازي و تذكرتي و فلوسي في الخزنة حقت الغرفة.

بعدين طلعت لم بلكونت الغرفة و اخذت مجموعة الصور التالية.



[url=http://www.50005000.com/Egypt/Cairo/020C.JPG][img]http://www.50005000.com/Egypt/Cairo/020.jpg[/img][/url]

[url=http://www.50005000.com/Egypt/Cairo/021C.JPG][img]http://www.50005000.com/Egypt/Cairo/021.jpg[/img][/url]

هذا النيل و كورنيش النيل إمام الفندق.



[url=http://www.50005000.com/Egypt/Cairo/022C.JPG][img]http://www.50005000.com/Egypt/Cairo/022.jpg[/img][/url]

[url=http://www.50005000.com/Egypt/Cairo/023C.JPG][img]http://www.50005000.com/Egypt/Cairo/023.jpg[/img][/url]

هذي مباني مركز التجارة العالمي جمب الفندق.



[url=http://www.50005000.com/Egypt/Cairo/024C.JPG][img]http://www.50005000.com/Egypt/Cairo/024.jpg[/img][/url]

[url=http://www.50005000.com/Egypt/Cairo/025C.JPG][img]http://www.50005000.com/Egypt/Cairo/025.jpg[/img][/url]

[url=http://www.50005000.com/Egypt/Cairo/026C.JPG][img]http://www.50005000.com/Egypt/Cairo/026.jpg[/img][/url]

[url=http://www.50005000.com/Egypt/Cairo/027C.JPG][img]http://www.50005000.com/Egypt/Cairo/027.jpg[/img][/url]

هذي منطقة شبرا و وكالة البلح و ورش الحدادة خلف الفندق.



[url=http://www.50005000.com/Egypt/Cairo/028C.JPG][img]http://www.50005000.com/Egypt/Cairo/028.jpg[/img][/url]

هذا الدور الثالث من الفندق و فيه المسبح و مطعم و جلسات حلوه.



[color=#FF0000]اشوفكم في الجزء الثاني من معركتي في القاهرة.[/color][/font][/size][/align]

[quote]و من كبرها اذا جيت اباخذ المجلة اللي في مخبات الكرسي اللي قدامي لازم اقوم و امشي حول كيلو الين أوصل لها[/quote]

علينا يامناحي؟؟

اذا كيلو الطياره كم حجمها

خخخخخخخخخخخخخخخخخخخخخخخ

عالاقل انت ازين مننا

اذا جينا نسافر امي وابوي لازم يقعدون اولى ويحشرونا سياحي :(

لين لقيت لهم حل الا وهو اني اقعد بالطياره اخر من ينزل انا

حتى مره من المرات واحد من المضيفين قالي وش تنتظرين انزلي

خخخخخخخخخخخخ تفشلت يومها

بس من بعدها صارو ياخذوني اولى :)

الله

الله

أقول أسبرانزا الدعوى فله أنا ودي أروح مصر بعد الأختبارات آخذ لي نقاهه وش رايك ؟؟

بس تراني عزابي مايصلح لي السفر ولا وش رايك أقضب أرضي أزين؟؟؟

بس والله ماشاء الله عليك تمشي وتصور مايستغربون أهل البلد ولا مضيفين الطياره من تصويرك أربع وعشرين ساعه

[FONT="Arial"][SIZE="5"][COLOR="Blue"][COLOR="Red"]ثار التميميه[/COLOR]

منهو مناحى هذا اللي انت تكلمينة:D

بعدين اذا انتي ما عمرك ركبتي طيارة طولها كيلو فهذا ما يعني اني انا ما ركبتها:eek:

شكلك والله غاثتن اهلك اللي جادعينك في السياحية و هم طالعين في الاولي.:D

ورا ما تكتبين موضوع عن ذكرياتك عشان نعرف السبب:D

مشكوره على مداخلتك الجميلة في الموضوع يا مناحيه (يعني اخت مناحي)



[COLOR="red"]ذيب السنافي[/COLOR]

تبي الصراحه يا الذيب انا يبي لي سفره معك.

والله انك وسيع صدر و تؤنس ، و انا في السفر جدي اكثر من الازم ، بكذا نلتقي في نصف الطريق.

شف مصر ونيسه و اهلها ونيسين بس ما كانت اللي في البال بالنسبة لي.

يعطيك ربي العافية و مشكور على المشاركة الكريمة


لك اجمل تحية[/COLOR][/SIZE][/FONT]

[align=center][size=5][font=Arial][color=#FF0000]اسبرانزا و معركة القاهرة[/color]


[color=#0000FF]- الجزء الثاني -[/color]


بعد ما انتهيت من تصوير المناطق المحيطة بالفندق من بلكونة غرفتي ، لقطت جوالي السعودي و دقيت على [color=#FF0000]محمد الحوت[/color] على الرقم ([color=#009900]0020105206096[/color]) ، طبعاً بتقولون منهو محمد الحوت ، هذاعطاني رقمه واحد من الشباب و قال لي انه عنده مكتب و يأجر سيارات بسواقيها باليومية.


[color=#009900]و فيما يلي الحوار اللي دار بيني و بين الحوت:[/color]

[color=#0000FF]اسبرانزا:[/color] السلام عليكم ، الأخ محمد الحوت.
[color=#FF0000]الحوت:[/color] وعليكم السلام ،، ايوه يا باشاء مين معاي.
[color=#0000FF]اسبرانزا:[/color] معاك اسبرانزا من السعودية ،، انا الان في فندق الكونراد و عاوز لي سيارة بسواقها ، عاوز السيارة تكون حلوه و جديدة و السواق يكون ممتاز.
[color=#FF0000]الحوت:[/color] دنتا تامر يا باشاء ،، انتا عاوز السيارة تكون قديده يعني موديل 2005.
[color=#0000FF]اسبرانزا:[/color] ايوه يا حوت انا عاوزها قديده ،، موديل 2005 بيكون كويس.
[color=#FF0000]الحوت:[/color] طيب يا باشاء انا عندي السيارات ديت:

[color=#009900]تويوتا كورولا بسعر 250 جنية
متسوبيشي لانسر بسعر 250 جنية
كيا نوقيرا بسعر 200 جنية
دايو بسعر 180 جنية[/color]

هاه انتا عاوز أي وحده.
[color=#0000FF]اسبرانزا: [/color]يا حوت سياراتك صغيرة ما فيش سيارات اكبر و احسن من كدا.
[color=#FF0000]الحوت:[/color] فيه يا باشاء عندي ابو عيون قريئة بس موديلها 2003 بسعر 550.
[color=#0000FF]اسبرانزا:[/color] ابو عيون قريئة ؟ وشي ذي.
[color=#FF0000]الحوت : [/color]يعني مرسيدس 200 ، اية مالك يا باشاء مش عارفها.
[color=#0000FF]اسبرانزا:[/color] طيب الاسعار هذي نهاية يا حوت.
[color=#FF0000]الحوت:[/color] أي والله يا باشاء مش ممكن تيقي باقل من كذا.
[color=#0000FF]اسبرانزا:[/color] طيب خليني افكر في الموضوع و ارد عليك.
[color=#FF0000]الحوت:[/color] اوكي يا باشاء انا في انتظار.

بعد ما خلصت مكالمتي مع الحوت ، و خوفاً من انه يكون رافع على الاسعار دقيت على جوال وحده تشتغل في مكتب الطيار للسفر و السياحة في القاهرة ([color=#009900]كان معطيني رقمها واحد من الشباب و قال لي اشيك على اسعار السيارات عندهم يمكن تكون زينة[/color]).

قالت لي حقت المكتب ان سعر الكورولا بالسواق عندهم بمبلغ 110 دولار في اليوم.
يوم عطتني السعر هذا رجعت و كلمت الحوت و طلبت منه يرسل لي الكورولا على الفندق على الساعة اربع العصر.
عند الساعة اربع العصر ولا سواق الكورولا يدق على من جواله دقة وحده و يقفل ، فدقيت عليه و قلت له اني انا و المعزبة نازلين الحين.


[color=#0000FF]قبل ما اكمل الموضوع انا نسيت اقول لكم تفاصيل وقت الرحلة:[/color]

[color=#009900]الطيارة اقلعت من الرياض الساعة 0800 ، بعد تأخير عشر دقاق
وصلنا للقاهرة الساعة 1030 ، يعني بعد ساعتين و نصف طياران.
طلعت من مطار القاهرة حدود الساعة 1100 دقيقة.
وصلت للفندق حدود الساعة 1230.
السواق جاني في الفندق الساعة 1600[/color]


[color=#0000FF]الحين نعود للموضوع[/color].

ركبت الكورولا و كانت الحقيقة نظيفة و جديدة و السواق كان في حدود 45 سنة و كان جداً محترم و مهذب و اكتشفت بعدين انه سواق ممتاز. ([color=#009900]اللي يبي رقم تلفون السواق يرسل لي على الخاص ، بس تراه مشغول الين نهاية شهر 8 ميلادي من السنة هذي[/color]).



[img]http://www.50005000.com/Egypt/Cairo/029.JPG[/img]

هذي صورت الكورولا و يظهر فيها السواق ، الصورة هذي اخذتها من احد الشوارع الفرعية لشارع جامعة الدول العربية بعد كم يوم من وصولي للقاهرة.


طلبت من السواق اللي كان اسمة ([color=#009900]علي[/color]) يودينا لم محل نتغدا فيه و يكون كويس ، سألني السواق عن نوع الاكل اللي ابية ، فقلت له لو اكل بحري يكون كويس.
اقترح السواق انه يوديني لم مطعم اسمة فش ماركت ([color=#009900]Fish Market[/color]) ، و المعزبة أيدته لانها تقول انها راحت للمطعم من قبل مع أهلها في سفرات سابقة للقاهرة.

رحنا للمطعم و اللي كان موجود على مركب بحري ثابت أسمة مركب اميريكانا ([color=#009900]Americana[/color]) ، المطعم كان موجود في اعلى دور من المركب ، وكان في المركب مجموعة من المطاعم مثل تشليزي و فرايديز.

دخلنا المطعم و قعدنا على طاولة تطل على النيل و طلبنا المنيو ([color=#009900]قائمة الطعام[/color]) من الجرسون ، فقال النا انه لازم نروح نختار نوع المأكولات البحرية اللي نبغاها من عند ما يشبة الكاونتر الكبير اللي مليان ماكولات بحرية طازجة.



[img]http://www.50005000.com/Egypt/Cairo/030.JPG[/img]

هذي صوره للمطعم من جوا.




[url=http://www.50005000.com/Egypt/Cairo/031C.JPG][img]http://www.50005000.com/Egypt/Cairo/031.JPG[/img][/url]

و هذي صورت المأكولات البحرية الطازجة على الكاونتر.



انا يوم شفت الربيان حقهم و تبدا سعابيلي تقاطر ، ياهو ربيانهم كان كبير و ياخذ العقل من زينة ، قلت للي على الكاونتر ياخذ لي نصف كيلو من الربيان و يقلي نصفه و يشوي النصف الثاني ، وأخذت بعد قطعت هامور و قلت لهم يقلونها.

رجعت انا و المعزبة و قعدنا على الطاولة فيما يطبخون الربيان و الهامور ، شوي ولا الجرسون جايب معه صينية كبيره عليها 8 صحون صغيره كل صحن فيه نوع مختلف من السلطة و المقبلات.

اخذت صحن ثومية و صحن حمص و صحن فتوش.
طلبت لي انا و المعزبة ببسي ، و بعدين جا الربيان ، و خذ اكل الين طلعت عيوني.

بعد ما شبعت انا و المعزبة طلبت الحساب ، و انا حاط في بالي ان السعر بيكون ظربة من كثر ما اكلنا من الربيان و السمك و السلطات (الثومية كانت زينة مع الربيان فطلبت منها صحن ثاني) ، جاب لي الجرسون الحساب ولاه مع الخدمة فقط 190 جنية ([color=#009900]حوالي 125 ريال[/color]) ، يا بلاش.



[img]http://www.50005000.com/Egypt/Cairo/032.jpg[/img]

هذي صورت الفاتورة.



المطعم بصفة عامة كان زين و نظيف و طبخهم كان جداً ممتاز.

بعد ما خلصنا من المطعم و ننزل لم كافية اسمه القراند كافية ([color=#009900]Grand Cafe[/color]) و كان موجود في الدور الأرضي للمركب عند المدخل.

طلبت من الجرسون شيشة تفاح باشاء ، فقال لي انه ماعندهم الا تفاح بحريني ، فقلت العوض ولا القطيعة هات التفاح البحريني.
و يا ليتني ما طلبت شيشتهم ، كانت تنسم من كل جهه ، والراس يفشل من صغره ، والله ان الريال السعودي المعدني اكبر منه.

ناديت على حق الشيشة عشان يشوف لي حل مع التنسيم اللي من عند مدخل الهوز في الشيشة ، قام حلها يقالك بانه جاب قطعت ورقة ثانية و لفها على مكان التنسيم.



[img]http://www.50005000.com/Egypt/Cairo/033.jpg[/img]

هذا راعي الشيشة الصعيدي يضحك يوم قلت له ان الشيشة مثل خشتك.



بس في النهائة راس الشيشة كان بس 5 جنية ( 3 ريال) ، لكن فيه نقطه ما اخذت بالي منه يوم دخلت الكافية ، الحد الادنا من الطلبات 25 جنية للشخص ، الا اذا كنت ماكل في الفش ماركت ، انا ما اخذت الفاتورة من المطعم معي ولا كنت مستعد اروح للمطعم عشان يعطوني اياها علشان 50 جنية ( [color=#009900]ترا الريال حوالي 1.5 جنية ، انتم عاد احسبو كم طلعت بالريال[/color]) ، لكن ما خليت لهم الدراهم لاني خليت المعزبة تطلب لها ايسكريم و ببسي و موية ، فكملت الـ 50 جنية.

بعد ما طلعت من الكافية قلت للسواق يوديني للفندق عشان نريح شوي ، و طلبت منه يرجع لنا على الساعة 11 بالليل.

وصلت للفندق على الساعة 8 مساً ولا الشمس توها باديه تغرب ( [color=#009900]الشمس ما تغرب في القاهرة الا حدود الساعة 8:30 بالليل[/color]).

طلعت لم بلكونت غرفتي مره ثانية عشان اخذ صور مع غروب الشمس.




[url=http://www.50005000.com/Egypt/Cairo/034C.JPG][img]http://www.50005000.com/Egypt/Cairo/034.JPG[/img][/url]

هذي صوره للمنطقة الموجودة خلف الفندق مع غروب الشمس.




[url=http://www.50005000.com/Egypt/Cairo/035C.JPG][img]http://www.50005000.com/Egypt/Cairo/035.JPG[/img][/url]

و هذي من إمام الفندق لكورنيش النيل و النيل و جزء من القعدة الموجودة في الدور الثالث للفندق.




[url=http://www.50005000.com/Egypt/Cairo/036C.JPG][img]http://www.50005000.com/Egypt/Cairo/036.JPG[/img][/url]

هذا مسبح الفندق في الدور الثالث من الفندق.


و انا في البلكونة و قاعد اخذ الصور اللي فوق جتني المعزبة و معها في يدها ربع جنية و قالت لي انها فازت به ، انا استغربت و سألتها وشلون فزتي بالربع جنية فقالت لي انها حبت تاكل من بطاطس اسمه شبسي كان فوق الثلاجة في الغرفة ، فيوم فتحت الكيس حق البطاطس طلع لها الربع جنية هذا.
طبعاً الشي اللي ما تدري عنه المعزبة ان سعر كيس البطاطس هذا اللي ما يسوا نصف جنية هو 20 جنية في الفندق ، لكن ما قلت شي للمعزبة عشان ما أضيق صدرها و قلت لها انها مبروكة و محضوضة اللي فازت بالربع جنية هذا.



[img]http://www.50005000.com/Egypt/Cairo/037.JPG[/img]

هذي صورت الربع جنية اللي فازت به المعزبة و كلفني 20 جنية.

طلعت للبلكونة مره ثانية و اخذت كم صوره إضافية للمنطقة بعد ما غربت الشمس.



[img]http://www.50005000.com/Egypt/Cairo/038.JPG[/img]

هذي الجلسات الموجودة في الدور الثالث من الفندق.




[url=http://www.50005000.com/Egypt/Cairo/039C.jpg][img]http://www.50005000.com/Egypt/Cairo/039.jpg[/img][/url]

و هذي صوره لكورنيش النيل و النيل.


انا الحقيقة أعجبتني الجلسات الموجودة على الدور الثالث ، فقلت للمعزبة ور ما ننزل و نجلس فيها الين ما يجي السواق.
قالت لي المعزبة خلاص انت انزل و انا بلحقك بعد شوي.

توكلت على الله و نزلت للدور الثالث من الفندق ، و رحت للجلسات و كانت احلي من ما توقعت و بالذات الجلسات العربية منها.
جلست و طلبت لي راس شيشة ( [color=#009900]طبعاً ما عندهم باشاء فخذت تفاح مدري وشو[/color]) ، و انا جالس امزمز في الراس ولا شلت ذيك البنات ( [color=#009900]6 بنات [/color]) مقبلات و جلسو في الجلسة اللي جمبي ، طبعاً البنات لا حجاب ولا يحزنوون و مغير بناطلين جنز من القصار ([color=#009900]البرمودات[/color]) و بلوزات ضيقات وثنتين من البنات اللهم يا كافي كانت بلوزاتهم قصيرة و بطونهم طالعة ([color=#009900]لا يطلع لي احد و يقول انا وراني مطير عيوني فيهم و قدرت اعرف كل التفاصيل هذا عن ملابسهم ، ترا انا لي النظرة الأولي ، و كل هذا شفته في النظرة الأولي[/color])

انا الحقيقة خفت على نفسي من البنات هذول اللي اعتقدت في البداية انهم مصريات ([color=#009900]طلعو سعوديات لاني عرفت لهجتهم و كلامهم عن المدينة اللي هم منه في السعودية. و تراني ما قطيت اذني عليهم ، هم اللي كلامهم كان عالي و كله كركره و ضحك[/color]) ، فنا كنت واحد وسيم و حليوه و قاعد بلحالي ، زياده على كذا خفت ان المعزبة تجي و تشوفهم جالسين في الجلسة اللي جمبي و تطب في بطني ، ولا امداني اكمل تفكيري في الموضوع الا والمعزبة مقبلة ، انا في اللحظة هذي تصورت انها نهاية الدنيا و اني بروح في خرايطها.

المعزبة ما امداها تقبل على و تشوف البنات اللي جالسين في الجلسة اللي جمبي الا وكشرت عن انيابها ([color=#009900]يا رب سترك يا رب[/color]).

يوم جت المعزبة عندي و تمسك يدي و تجرني و توديني لم جلسات ثانية بعيده عن البنات و هي اللي تقول لي "[color=#FF0000]انا ما يمديني اتركك كم دقيقة الا و تشبك مع البنات[/color]" و خذ تهزئي ، انا طبعاً حاولت ادافع عن نفسي بس من وين ادافع ، عمركم وقفتو تريلة بسيكل ، هذا كان وضعي.



[img]http://www.50005000.com/Egypt/Cairo/040.JPG[/img]

الصوره هذي اخذتها لمبني الفندق و انا جالس في جلسات الدور الثالث.

يوم جت الساعة 11 بالليل ولا السوق يدق على و يقول لي انه عند باب الفندق ، نزلت له انا و المعزبة و طلبت من السواق انه يوديني لم مركب على النيل مدحه لي واحد من الشباب و يقول ان جلساته بالليل حلوه ، المركب اسمة بلو نيل ([color=#009900]Blue Nile[/color]) ، وصلنا للمركب و طلعنا على اعلى دور فيه ([color=#009900]سطح المركب[/color]) و كان فيه مطعم لبناني اسمة رويل قراند كافي ([color=#009900]Royal Grand Café[/color]) ، المركب كان حليوه و فخم الحقيقة ، بس المشكلة ان المكان كان زحمة و انا ما كان عندي حجز ، فحطوني على طاولة صغيرة في الممر ، و كل ما جاء واحد بيعدي لازم يصدم فيني.



[img]http://www.50005000.com/Egypt/Cairo/041.JPG[/img]

[img]http://www.50005000.com/Egypt/Cairo/042.JPG[/img]

هذي صور المركب من الخارج ، واعتذر لكم عن ردات الصور ، بس كانت يدي لين الحين ترتجف عقب التهزيه اللي جتني من المعزبة.([color=#009900] وترا الصور اختها في زياره لاحقة للمركب بعد كم يوم بالليل[/color])

طلبت لي شيشة تفاح بحريني و ببسي لي انا و المعزبة ، وقعدت حدود نصف ساعة بعدين طلعت من المركب ، الجلسة في المطعم اللبناني كانت زينة و المكان فخم و زين و كان فيه وحده تغني صوتها كان جداً جميل ، بس لاني ما عندي حجز حطوني في محل مهوب زين.

انا عاد قبل ما اطلع من المحل اخذت رقم جوال مدير المطعم عشان اذا جيتهم المرة الثانية اسوي لي حجز ، و هذا رقم جوال مدير المطعم جمال ([color=#009900]0020101697997[/color]).

يوم ركبت السيارة طلبت من السواق يوديني لم مكان ثاني يكون كويس ولا هو بعيد عن المنطقة لان الوقت تأخر، وداني السواق لم مطعم على النيل اسمة هابي دولفن ([color=#009900]Happy Dolphin[/color]) ، دخلت للمطعم اللي كان على شكل خيمة كبيرة بدون جوانب ، ولا المكان من جد مزحوم و فيه عوائل كثيرة و معها بزران كثر التراب ، المكان كان عائلي بحت. و اغلب اللي فيه كانو سعودين او خليجين.

قعدت ادور في المطعم و ادور لي على طاولة فاضيه ( ما كان عند مدخل المطعم احد يجلس الناس) و انا ادور على طاولة جاني واحد يشتغل في المطعم و سألني اذا كنت ادور على طاولة ، فقلت له اية و جلسني على طاولة أرضيتها مفروشة بالسجاد و قال لي هذا المكان الوحيد المتوفر و ترا ما يقدم شيش في منطقة الطاولة بسبب السجاد، انا اضطررت اقعد على الطاولة هذي الين تفضاء احد الطاولات الثانية ، انتظرت حدود 10 دقايق ولا فضاء شي من الطاولات اللي تطل على النيل ، يوم مر من عندي احد موظفي المطعم سحبته من يده و قلت له يدبر لي طاولة و اني ابكرمة على الشي هذا ، رد على الموظف و قال عيب يا باش انا مدير المطعم و مش عاوز حاجة ، وقال لي عن احد الطاولات اللي تطل على النيل و بلغني ان اللي جالسين علية دفعو الحساب و انه اول ما يقومون لازم القط المعزبة و اركض بها للطاولة قبل ما يجلس عليها احد ثاني.
انا طبعاً تعجبت من كلام مدير المطعم بس قلت لنفسي اني في مصر و مفروض اني ما استغرب.

المهم انا ركزت نظري على الطاولة اللي مفروض اصحابها يقومون و فسرت عن ذرعاني و قلت للمعزبة تفصخ الكعب اللي هي لابسته و اول ما يقومون اللي على الطاولة تروح معي طيران للطاولة قبل ما يأخذها احد.
راحت دقيقتين بعدين 5 دقايق و بعدين 10 دقايق و اللي على الطاولة ما قامو.

انا قفلت معي و قمت رحت الهم عند طاولتهم و وقفت فوق رؤوسهم الين قامو و تركو لي الطاولة.
تراني والله اني ماني عربجي ولا راعي مشاكل ، بس للحاجة اسبابها.

جاني الجرسون للطاولة و إعطاني قائمة الطعام ، فطلبت لي كباب و كفتة بتلو ([color=#009900]انا ما اكل لحم الغنم و الضاني ، هذا ليه انا محروم من المشويان في السعودية[/color]) مع صحن ثومية و ببسي و شيشة و المعزبة طلبت ورق عنب بالكوارع و فته.

قعدنا في المطعم حدود ساعتين و كان حساب الأكل مع الشيشة ([color=#009900]ترا الشيشة يجي معها راسين بسعر 8 جنية للاثنين[/color]) حدود 160 جنية.

المكان بصفة عامة حلو و بالذات للعوايل لان فيه وز وبط على النيل عند المطعم و فيه مركب بحري يطلع في جولة على النيل لمدت نصف ساعة كل ساعة بسعر 5 جنية للشخص.
بالإضافة الي ان جلساته حليوه ولا باس بها.

و اعتذر منكم عن عدم توفر صور للهابي دولفين ، بس انا الحقيقة نسيت اصور المحل.

بعد ما طلعت من المطعم رجعت للفندق حدود الساعة 2 الصبح و حطيت راسي و نمت.

[color=#FF0000]هذا نهاية الجزء الثاني من الموضوع و قبل ما انهيه تراني ما أنصحكم تأكلون كفته و كباب في المطعم هذا ، و السبب بقوله لكم في الجزء الثالث من الموضوع.[/color][/font][/size][/align]

الله

وش ذا الصور ترى أنا أروح وطي مع الأكل وخصوصاً لين كان في سفر يجي له طعم حلو

لا لالا

أنت تبينا نسافر يا أسبرانزا شكلي بتوكل على الله

[FONT="Arial"][SIZE="5"][COLOR="Blue"][COLOR="Red"]ذيب السنافي[/COLOR]

ابد انت اجزم على القاهرة و بتلاقينا قدامك.

هو انا يحصل الاقي خوي سفر يحب الاكل مثلي و اقول لا:D

لك الشكر[/COLOR][/SIZE][/FONT]

[align=center][size=5][font=Arial][color=#FF0000]اسبرانزا و معركة القاهرة[/color]


[color=#0000FF]- الجزء الثالث -[/color]

[color=#009900]((الصور اللي تحتها جملة ([color=#FF0000]اضغطو على الصورة لترؤها بحجم اكبر[/color]) تقدرون تشوفونها بحجمها الاصلي قبل التصغير))[/color]


إكمالا للجزء السابق و بعد ما حطيت راسي و نمت كم ساعة صحيت مره ثانية ولا جسمي كله يوجعني و حرارتي مولعة و كل شوي و انا رايح للحمام ، المحظور حصل و الشي اللي كان الكل يحذرني منه صار ، جاني تسمم من شي آكلته و اغلب الضن بيكون يا الكباب و الكفتة او الثوميه اللي اكلتهن في مطعم الهابي دولفن.

تحملت على نفسي و قدرت اكمل نومي الين حدود صلات الظهر ، بعدين قمت من النوم ونفس الإعراض السابقة كانت ما تزال ظاهرة على ([color=#009900]إنا كان نصحني احد الشباب باني اخذ معي خيشت بصل للقاهرة و كل يوم أكل لي وحده عشان حسب كلامه اتفادا التسمم ، و كانت هذي طريقته لمن يروح لم مصر[/color]) ، انا عاد على كثر ما سافرت و زرت ديار كثيرة و كنت في بعضها اشتري من اللي يبيعون أكل في الشارع ، كانت هذي أول مره يصير لي الشي هذا.
لكن ما حبيت ان الشي هذا يخرب على التمشية في القاهرة فدقيت على السواق و قلت له يجيني حدود الساعة 3 بعد الظهر.

يوم جاني السوق و أخذني انا و المعزبة طلبت منه يودينا لم الملحق التجاري التابع لفندق رمسيس هيلتون عشان كود اني انا و المعزبة نتسوق فية ، و بالفعل وصلت السوق و دخلته ولاه يخترش بالعالم و بالذات القهوة الموجودة عند الدرج المتحركة.

درت انا و المعزبة شوي في السوق و كان ودها تشتري كم جلابية لها و و عشان تأخذ لها كم وحده على شكل هدايا للأهل في الرياض.

دخلنا محل والله اني ناسي أسمة عند مدخل السوق و كان متخصص في الجلابيات المصرية ، قعدت انا و المعزبة نقلب في هلجلابيات و كانت الحقيقة جداً جميلة و راقية ، بس يوم سألنا عن السعر تركنا المحل و طلعنا منه ، تصوروا ان الجلابيات على 3000 و 4000 و 5000 جنية ، لا وصناعة مصرية.

كملنا دورانا في السوق و كان فيه محلات عندهم جزم و شناط صناعة مصرية بس صايره تقليد لماركات عالمية مثل قوتشي و جيفاشي و برادا و ما شابة ذلك ، بس طبعاً كانت مصنعيتها تمشي الحال ، ولكن أسعارها كانت معقولة نوعاً ما ، يعني الشنطة النسائية المتوسطة الحجم كانت بحدود 120 جنية و ما شابة ذلك.

بعد ما لفلفنا شوي في السوق ، حسيت بشوي تعب فرحت انا و المعزبة لم القهوة اللي عند مدخل السوق و جلست و جاب لي الجرسون قايمة المشروبات و الماكولات عندهم و بلغني ان الحد الأدنى من الطلبات عندهم هي 25 جنية للشخص الا اذا كنت من سكان الفندق فماعليك حد ادنا.
طبعاً أخذت لي شيشة و بارد ، و المعزبة خذت لها ام على ([color=#009900]انا مدري وش يحببكم في ام على هذي ، شكلها يجيب الهم[/color]) بس طبعاً ما قلت شي للمعزبة لأنها تحب ام على هذي و هذا مزاجها هي.

بعد ما قعدنا في السوق حدود الساعة و نصف و اكلم السواق و اطلب منه يمرني في السوق ، وبالفعل بعد حدود 5 دقايق كنت انا و المعزبة في السيارة ، وين نروح ؟ ، طلبت من السواق يوديني لم سوق جديد في القاهرة كانو قالو لي عنه الشباب و اسمة ستارز سينتر ([color=#009900]Stars Center[/color]) في منطقة اسمها هليوبليس ([color=#009900]Heliopolis[/color]) انا مدري وش معنا هيليوبليس ذي بس اسمها الحقيقة يضحك ، السوق هذا لأزق في فندق الانتركونتيننتل اذا انا ماني غلطان في اسم الفندق ، المشوار للسوق كان الحقيقة بعيد و اخذ مننا حدود نصف ساعة بالسيارة ، منطقة هيلوبيليس موجودة في الطرف الشمال غربي من القاهرة و فيها بران واجده.

اول ما وقفنا على الشارع اللي قدام السوق ([color=#009900]مدري ليه كانو مانعين دخول السيارات الي المواقف اللي قدام السوق[/color]) و قعدت أناظر في السوق من برا ولاه كبير بكل ما تعنية الكلمة و ضخم بشكل ملفت.



[url=http://www.50005000.com/Egypt/Cairo/043C.JPG][img]http://www.50005000.com/Egypt/Cairo/043.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

[img]http://www.50005000.com/Egypt/Cairo/044.JPG[/img]

[img]http://www.50005000.com/Egypt/Cairo/046.jpg[/img]

[img]http://www.50005000.com/Egypt/Cairo/047.JPG[/img]

هذي صور السوق من برا.



دخلنا السوق و مرينا من داخل جهاز كشف المعادن و المعزبة حطت شنطتها في جهاز زي اللي في المطارات ( [color=#009900]ترا الشي هذا موجود في كل الفنادق و الأسواق اللي انا رحت لها[/color]) دخلنا السوق و بديت انا و المعزبة ندور فيها ، و الحقيقة من كبره انقلب راسي و ضعت ، السوق كان مكون من 5 ادوار و فيه محلات ماركات عالمية انا استغربت وجودها في القاهرة لأنها غالية جداً.

أخذنا انا و المعزبة لنا ساعة و إحنا ندور في السوق ، بعدين قررنا نشوف لنا مطعم او قهوة نقعد فيها بشرط يكون فيها شيشة ، و بالفعل لقيت مطعم و قهوة في منطقة من السوق اسمها كنوز خان الخليل ( [color=#009900]الحقيقة انا ما اخذت باللي من اسم المطعم ، بس هو موجود في الدور الثالث من السوق[/color]) ، قعدت في المطعم و طلبت لي انا و المعزبة شي ناكله ، و بعد الاكل طلبت لي زي العادة شيشة.



[url=http://www.50005000.com/Egypt/Cairo/048C.JPG][img]http://www.50005000.com/Egypt/Cairo/048.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

هذي منطقة كنوز خان الخليل اللي فيها المطعم ، و كان فيها محلات كثيرة تبيع التحف و المنتجات المصرية.



بعد ما قعدنا في المطعم حدود الساعة قلت للمعزبة ورا ما نروح نشوف لنا فلم في السينما حقت السوق ، رحنا للسينما و انا حبيت اشوف فلم بات مان الجديد ، بس المشكلة ان اقرب عرض للفلم كان الساعة 7 مساً بينما كان الوقت في ذيك اللحظة حدود خمس و نصف ، ألغينا فكرة الفلم و قررنا نترك السوق.


[img]http://www.50005000.com/Egypt/Cairo/049.jpg[/img]

[url=http://www.50005000.com/Egypt/Cairo/050C.JPG][img]http://www.50005000.com/Egypt/Cairo/050.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]


[img]http://www.50005000.com/Egypt/Cairo/051.jpg[/img]

[url=http://www.50005000.com/Egypt/Cairo/052C.jpg][img]http://www.50005000.com/Egypt/Cairo/052.jpg[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

[img]http://www.50005000.com/Egypt/Cairo/053.JPG[/img]

[img]http://www.50005000.com/Egypt/Cairo/054.JPG[/img]

هذي كم صورة للسوق من الداخل.



بعد ما طلعنا من السوق قلت للسواق يرجعنا للفندق ، و إحنا في طريقنا للفندق دقو اهل المعزبة عليها تلفون و طلبوا منها انه تطلع معهم لأنهم ناوين يروحون لم كم محل في القاهرة و يتمشون شوي و يمكن يشوفون لهم فلم في السينما ( [color=#009900]اهل المعزبة كانو توهم واصلين للقاهرة[/color]) ، قلت لي المعزبة خل نروح لم اهلي و نتمشي معهم ، لكني كنت تعبان ولا فيني شدة على التمشية ، فقلت لها تروح هي معهم و تتركني مع السواق عشان اطلع انا وياه و نلفلفل شوي بالسيارة عشان اقدر اخذ لي كم صوره من مناطق متفرقة من القاهرة.

و بالفعل وديت المعزبة لم شقت أهلها و رجعت انا للفندق و ريحت فيه الين حدود الساعة 9 بالليل.
يوم جت الساعة تسع و اطلع انا مع السواق و راح وداني لم شارع جامعة الدول العربية و قعدنا نلفلف فيها شوي ، بس المشكلة ما قدرت أصور فيها شي لان الدنيا كانت مظلمة و خفت الصور ما تطلع واضحة ( [color=#009900]انا أخذت مجموعة من الصور لشارع الجامعة الدول العربية في يوم ثاني[/color]) ، بعد ما لفلفنا شارع جامعة الدول العربية بعض الوقت قلت للسواق يودينا لم محل نقعد فيه بشرط يكون فيه شيشة ، وداني السواق لم مطعم او قهوة اسمها العمدة على نفس شارع جامعة الدول العربية ، القهوة كانت مزحومة بشكل كبير و اغلب اللي فيها كانو خليجيين ، أخذت لي إنا و السواق عشاء خفيف و بعدها لحقت العشاء برأس شيشة ، قعدنا في المطعم حدود الساعة و نصف بعدين طلعنا منه حدود الساعة 12 بالليل.

طلبت من السواق يوديني لم بعض الأماكن الشعبية في القاهرة عشان أصورها ، السواق اقترح على انه يوديني لم منطقة خان الخليل اللي فيها مسجد الحسين ، إنا قلت له ما يخالف و توكلنا على الله لمها .
وصلنا خان الخليل و وقف السواق السيارة عند رصيف قدام حارت الباطنية ، يوم قال لي ان هذي هي الباطنية قلت له خل ندخلها عشان أصور فيها شوي ، فقال لي إن الحارة قفلت قبل كم سنة و سوروها و قاعدين يبنون في منطقتها حديقة كبيرة أو ما شابة ذلك.

مشيت انا و السواق على رجلينا لم حواري خان الخليل و هذي بعض الصور اللي أخذتها للخان مع بعض الأفلام القصيرة.


[img]http://www.50005000.com/Egypt/Cairo/055.jpg[/img]

[img]http://www.50005000.com/Egypt/Cairo/056.jpg[/img]

[img]http://www.50005000.com/Egypt/Cairo/057.jpg[/img]

[img]http://www.50005000.com/Egypt/Cairo/058.JPG[/img]

[img]http://www.50005000.com/Egypt/Cairo/059.jpg[/img]

[img]http://www.50005000.com/Egypt/Cairo/060.jpg[/img]

هذي بعض المحلات و الحارات الصغيرة اللي دخلتها.


[img]http://www.50005000.com/Egypt/Cairo/061.jpg[/img]

هذي قهوة الفيشاوي و الناس اغلبهم قاعدين في حواري الخان و قدام المحلات.


[url=http://www.50005000.com/Egypt/Cairo/062C.JPG][img]http://www.50005000.com/Egypt/Cairo/062.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

و هذي قهوة و مطعم نجيب محفوظ من برا.


خليت إنا و السواق قهوة نجيب محفوظ على يمينا و مشينا في دهاريز مظلمة ولا فيها احد لان المحلات اللي فيها كانت قفلت .


[url= http://www.50005000.com/Egypt/Cairo/063.MOV ]و هذا فلم قصير للحارات و الدهاريز المظلمة اللي مشينا فيها.[/url]
الفلم 19 ثانية و حجمه 5.77 ميقا


بعد ما طلعنا من المنطقة المظلمة و صلنا لم منطقة كانت المحلات فيها لساه فاتحة و كان فيها ناس كثيرين.


[url=http://www.50005000.com/Egypt/Cairo/064.jpg][img]http://www.50005000.com/Egypt/Cairo/064C.jpg[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

هذي صوره من المنطقة اللي طلعنا لها.



[url=http://www.50005000.com/Egypt/Cairo/065.MOV]و هذا فلم للمنطقه اول ما طلعنا لها ، السواق يقول ان الطريق يودي لم العتبة ، عاد انا مدري وش قصده بالعتبة ، بس الظاهر انه يقصد عتبت مسجد الحسين.[/url]
الفلم 9 ثواني و حجمه 3 ميقا


[url=http://www.50005000.com/Egypt/Cairo/066.MOV]و هذا فلم و إحنا في طريقنا للعتبة.[/url]
الفلم 13 ثانية و حجمه 4.2 ميقا.


[url=http://www.50005000.com/Egypt/Cairo/067.MOV]و هذا فلم ثاني و احنا في طريقنا للعتبة ، المحلات و الناس كثرت كل ما قربنا من عتبت مسجد الحسين.[/url]
الفلم 19 ثانية و حجمه 5.9 ميقا.


[url=http://www.50005000.com/Egypt/Cairo/068C.JPG][img]http://www.50005000.com/Egypt/Cairo/068.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

[img]http://www.50005000.com/Egypt/Cairo/069.JPG[/img]

[img]http://www.50005000.com/Egypt/Cairo/070.JPG[/img]

[img]http://www.50005000.com/Egypt/Cairo/071.JPG[/img]

و هذي صور لنفس منطقة الفلم السابق.



اول ما وصلنا لنهاية الحارة اللي كنا نمشي فيها و لفينا يسار طلعت لنا ساحة كبيرة فيها قهاوي كثيرة و العالم فيها كثر النمل ، من كثرهم أصحاب القهاوي حاطبين كراسي و طاولات قدام محلاتهم بامتداد لا يقل عن خمسين متر والعالم قاعدين على الطاولات هذي يتقهوون و يشيشون ، و قدام القهاوي هذا كان مسجد الحسين ، الحقيقة المسجد كان كبير .



[img]http://www.50005000.com/Egypt/Cairo/072.JPG[/img]

هذول بزرين لقيتهم قاعدين يبيعون خبز على الرصيف قدام القهاوي


[url=http://www.50005000.com/Egypt/Cairo/073C.JPG][img]http://www.50005000.com/Egypt/Cairo/073.JPG[/img][/url]
[size=3][color=#FF0000]اضغطو على الصورة لترؤها بحجم اكبر[/color][/size]

هذي صوره للقهاوي.



[img]http://www.50005000.com/Egypt/Cairo/074.JPG[/img]

و هذي صورت مسجد الحسين جنب القهاوي.



بديت انا و السواق نمشي قدام القهاوي و متجهين لم شارع جنب المسجد و كل مل مريت قدام احد القهاوي ينشب فيني واحد من اللي يشتغلون فيها " اتفضل يا بية ، لتفضل يا باشا ، عندنا احلى طاولة ليك" و من الكلام هذا ، انا عاد مسوي نفسي ثقيل و طنشتهم ولا سألت فيهم.
انا مشيت قدام القهاوي الين وصلت لنهاية الشارع الموازي لسور المسجد ، يوم شفت ان ما فيه الا محلات عادية ولا فيها شي جديد ديورت و رجعت لم منطقة القهاوي.




[url=http://www.50005000.com/Egypt/Cairo/075.MOV]الفلم هذا صورته و انا راجع للقهاوي اللي قدام الساحة اللي فيها مسجد الحسين[/url].
الفلم 22 ثانية و حجمه 6.9 ميقا.



[url=http://www.50005000.com/Egypt/Cairo/076.MOV]الفلم هذا أيضا صورته و انا قاعد امشي قدام القهاوي و يظهر فيها احد المصاريا النشبة اللي يبدون يعزمون على الواحد عشان يقعد في قهاويهم.[/url]
الفلم 22 ثانية و حجمه 6.6 ميقا.



يوم انتصفت قدام القهاوي و اتذكر اني ما اخذت أي صور او افلام للمنطقة اللي كنت مريتها من شوي و كانت جنب سور المسجد. رجعت للمنطقة نفسها و صورت الأفلام التالية:




[url=http://www.50005000.com/Egypt/Cairo/077.MOV]الفلم هذا و انا راجع للمنطقة اللي جمب سور مسجد الحسين (1)[/url]
الفلم 10 ثواني و حجمه 3.1 ميقا


[url=http://www.50005000.com/Egypt/Cairo/078.MOV]الفلم هذا و انا راجع للمنطقة اللي جمب سور مسجد الحسين (2)[/url]
الفلم 14 ثانية و حجمه 4.5 ميقا.



يوم خلصت من تصوير الأفلام و ارجع لم القهاوي و انا ناوي اقعد و اريح و اخذ لي راس شيشة.
و انا قاعد امشي للقهاوي و تنشبي فيني ذيك البزقة ([color=#009900]البنت[/color]) اللي عمرها كان حوالي 9 سنوات و قعدت تقرقر على " نفعني يا بيه ، نفعني يا بيه ، نفعني يا بيه" و انا مغير مطنشها ولا معطيها وجه.
و صلت للقهاوي و قعدت على طاولة في اول صف من الطاولات ، لكن البزقة ما خلتني في حالي و بتلت ناشبة فيني ، انا قفلت معي و هاوشتها و قلت لها تقلب وجها و اني منيب معطيها شي ، رديت على البنت و قالت " ربنا يخليك يا بيه و ينبت شعرك نفعني" إنا اندهشت من كلامها و ما أمداني أفيق من تحليل للي هي قالته إلا و قالت لي " ربنا يخليك يا بيه و يخسسك شويا و تطلع رفيع كدا و حليوة" انا انصدمت من كلامها للمرة الثانية ، صحيح ان الصلعة بدت تطلع شوي بس مو الي ذيك الدرجة و صحيح اني سمين لكني ما على وسيم و حليوة ([color=#009900] يا شين اللي يمدح نفسه[/color]) انا قلت ان بتلت البزقه هذي بكلامها بتفضحني قدام الناس ، فطلعت لها 5 جنية و عطيتها لها و قلت الها تضف وجهها.

قعدت في القهوة حدود النصف ساعة مزمزت فيها على راس الشيشة بعدين انزعجت من الزحمة و كثر الناس و قلت للسواق يله نمشي خل نرجع للفندق ( [color=#009900]الحساب حق الشيشة و علبتين ببسي في القهوة كان 25 جنية ،كانت الشغلة نهابة حتا شيشتهم كانت تجيب المرض[/color]).



[url=http://www.50005000.com/Egypt/Cairo/079.MOV]الفلم يظهر فيه عدد من رجال الشرطة الواقفين قدام الطاولة اللي انا جالس عليها[/url]
الفلم 10 ثواني و حجمه 3.4 ميقا



الفلم هذا صورته و انا جالس على طاولت القهوة ويظهر فيه بعض العساكر الكثيرين الموجودين في المنطقة.
احد ألاشيا الغريبة اللي لاحظتها في كل أجزاء القاهرة اللي رحت الها هو كثر رجال الشرطة و اللي في بعض الأحيان أكثر من الناس ، السواق يقول لي ان الشرطة في القاهرة عددهم كثر عدد سكانها.

مشيت انا و السوق للسيارة من نفس الطريق اللي جينا منه فصورت كم صوره و فلم و إحنا نمشي.




[img]http://www.50005000.com/Egypt/Cairo/080.JPG[/img]

[img]http://www.50005000.com/Egypt/Cairo/081.JPG[/img]

هذي صور القهاوي و إحنا نبتعد عنها.




[url=http://www.50005000.com/Egypt/Cairo/082.MOV]الفلم و انا ماشي في الشارع و رايح للسيارة (1)[/url]
10 ثواني و 4.3 ميقا


[url=http://www.50005000.com/Egypt/Cairo/083.MOV]الفلم و انا ماسي في الشارع و راجع للسيارة (2)[/url]
11 ثانية و 3.7 ميقا


[url=http://www.50005000.com/Egypt/Cairo/084.MOV]الفلم و انا ماشي في الشارع و راجع للسيارة (3)[/url]

12 ثانية و 4 ميقا


[url=http://www.50005000.com/Egypt/085.MOV]الفلم هذا و انا امشي في الشارع و راجع للسيارة (4)[/url]
12 ثانية و 4 ميقا


[url=http://www.50005000.com/Egypt/086.MOV]الفلم هذا و انا امشي في الشارع و راجع للسيارة (5)[/url]
14 ثانية و 4.5 ميقا

[url=http://www.50005000.com/Egypt/087.MOV]الفلم هذا و انا امشي في الشارع و راجع للسيارة (6)[/url]

7 ثواني و 2.7 ميقا.

و صلني السواق للفندق ، و أول ما وصلت حطيت راسي و نمت من التعب ، لكن جسمي كان ما زال يوجعني و حرارتي مرتفع شوي.




[color=#FF0000]التقيكم في الجزء الرابع من معركتي في القاهرة[/color]

[color=#009900]تعذروني على كثرت مقاطع أفلام الفيديو و رداة تصوير بعضها و كبر حجمها ، انا موضوع التعامل مع الأفلام جديد على و لا اعرف اضبطها زى ما اعرف اضبط الصور.[/color][/font][/size][/align]

حلوووو ياحلوووووووو

بس أنت تجهز للتسمم من الحين شكلك متسمم ورايح فيها

وعلى فكرة الشباب الي أعرفهم ويروحون القاهرة يسبون أكلهم يقولون ماهوب زين أبد

بس الي يروحون لسوريا يقولون والله يافيه ذيك المشاوي الي تخليك تمشي ريوس من حلاتها

وأنا مدري والله لكن لعلنا نجرب طعامهم في يوم من الأيام ونحكم

مشكور وبانتظار الأجزاء الجديده

بصراحه رحله ممتعه ياسبرنزا

[grade="00008B FF6347 008000 4B0082"]بانتظار الجزء الرابع[/grade]

مازلنا في الانتظار

وأسأل الله يكون الفرج قريبا

[FONT="Arial"][SIZE="5"][COLOR="Blue"][COLOR="Red"]ذيب السنافي
ثار التميميه[/COLOR]


اعتذر منك عن التأخير في اكتمال الوضوع.

و اليوم انشاءالله بعطيكم الموضوع كله[/COLOR][/SIZE][/FONT]

[FONT="Arial"][SIZE="5"][COLOR="Red"]اسبرانزا و معركة القاهرة [/COLOR]

[color=#0000FF]- الجزء الرابع -[/color]


في اليوم الرابع من وصولي للقاهرة طلعت إنا و المعزيبة مع السوق بعد صلاة الظهر و طلبت من السواق يشوف لنا مطعم نتغدا فيه ، السواق العم على اقترح مطعم الأكلات البحرية على شارع جامعة الدول العربية و أسمة ([color=#009900]قدوره[/color]).



[url=http://www.50005000.com/Egypt/Cairo/086C.jpg][img]http://www.50005000.com/Egypt/Cairo/086C.jpg[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[img]http://www.50005000.com/Egypt/Cairo/087.jpg[/img]

هذي العمارة اللي على شارع الدول العربية اللي فيها المطعم.



[url=http://www.50005000.com/Egypt/Cairo/088.JPG][img]http://www.50005000.com/Egypt/Cairo/088C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]

هذا مدخل المطعم.



أول ما دخلنا المطعم كان فيه على اليسار أحواض كبيرة فيها أنواع مأكولات بحرية كثيرة جزء منها إنا كانت أول مره أشوفه.
إنا قربت من الأحواض و بديت اسأل عن أنواع المأكولات الموجودة ، أكثر ما استغربت له هو شي يوم سألت عنه قالوا هذا أسمة فياقرا ، أخذت لي زي العادة شوي ربيان و سمك و طلبت منهم يقلونه ، يوم جيت ابوخر عن الأحواض عطاني الشخص اللي كان يأخذ الطلبات ورقة و قال لي اذا جلست على احد الطاولات عطها الجرسون عشان يعرف طلبك..

الجلسات في الدور الأرضي للمطعم قليلة و ماهي زينة ، فطلعت للدور الثاني و كان شوي مزحوم فطلعت للدور الثالث و كان الناس فيه قليل ، رحت و قعدت لي على طاولة جنب الشباك.

جاني الجرسون و و سألني اذا ابي شوربة مأكولات بحرية ، قلت له لا و سألته اذا عندهم نوع شوربة ثاني ، فكان جوابه لا فما أخذت لا انا ولا المعزبة الشوربة ، اخذ الجرسون طلبي من المشروبات و سألني اذا ابي سلطات فقلت له اية و طلبت منه يجيب لي كل أنواع السلطات اللي عندهم عشان اختار منها.
بعد كم دقيق جاب الجرسون حدود 6 أنواع سلطة اخترت منها المقسوم ، بعد كم دقيقة جا الطلب حقي من الربيان و السمك.
طبعاً بعد ما دغيت من الربيان و السمك الين معاد قدرت أتحرك طلبت شي يساعدني على التهضيم ، و طبعاً أفضل شي للتهضيم بالنسبة لي كان راس شيشة.

الأكل في المطعم كان يجنن و أفضل من مطعم الفش ماركت بكثير ([color=#009900]هذا من وجهت نضري[/color]).
و سعر الغدا كان معقول و في حدود 200 جنية

بعد ما طلعت من المطعم طلبت من السواق يلف لف شوي في شارع جامعة الدول العربية عشان اقدر اخذ بعض الصور.

و هذي مجموعة من الصور للشارع و للطريق للفندق:


[url=http://www.50005000.com/Egypt/Cairo/089.jpg][img]http://www.50005000.com/Egypt/Cairo/089C.jpg[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[img]http://www.50005000.com/Egypt/Cairo/090.JPG[/img]

[img]http://www.50005000.com/Egypt/Cairo/091.JPG[/img]

[img]http://www.50005000.com/Egypt/Cairo/092.JPG[/img]

[img]http://www.50005000.com/Egypt/Cairo/093.JPG[/img]

[img]http://www.50005000.com/Egypt/Cairo/094.jpg[/img]

[url=http://www.50005000.com/Egypt/Cairo/096.JPG][img]http://www.50005000.com/Egypt/Cairo/096C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[url=http://www.50005000.com/Egypt/Cairo/097.JPG][img]http://www.50005000.com/Egypt/Cairo/097C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[url=http://www.50005000.com/Egypt/Cairo/098.JPG][img]http://www.50005000.com/Egypt/Cairo/098C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[img]http://www.50005000.com/Egypt/Cairo/099.JPG[/img]

[img]http://www.50005000.com/Egypt/Cairo/100.JPG[/img]



بعد ما انتهينا من اللفلفة في شارع الدول العربية قررت انا و المعزبة نروح نشتري بعض الإغراض من الملحق التجاري التابع لفندق رمسيس هيلتون و نتفرج لنا على فلم في السينما.

وصلنا للملحق التجاري و تمشينا فيه بين المحلات و شرينا المقسوم من الاغراض ، بعد كذا قررنا نطلع للسينما الموجودة على ما اعتقد في الدور السادس من الملحق التجاري.
و انا و زوجتي نمشي للدرج الكهربائية المؤدية للدور الثاني جتنا بنت مصرية و سلمت علينا و قالت لزوجتي "[color=#FF0000]هو أنتي أخذتي الرقم لمن دخلتو مع باب المجمع يا مدام[/color]" ، ردت عليها زوجتي ([color=#009900]انا ما أتدخل في الحوار اذا كان فيه حرمة متعلقة من الموضوع[/color]) ، أي رقم ، ردت عليها المصرية و قالت "[color=#FF0000]رقم المسابقة يا مدام ، إحنا احتفالاً بالموسم السياحي في القاهرة قررنا نوزع جوائز على 20 عائلة مصرية و 20 عائلة عربية[/color]" ردت عليها المعزبة و قالت لها لا احنا ما أخذنا الرقم اللي انتي تتكلمين عنة.
فطلبت مننا المصرية نجي معها للكاونتر حقهم في الملحق التجاري عشان تعطينا الرقم ، وافقت زوجتي و طلعنا مع البنت إلي الدور الثاني و ودتنا لم كاونتر كان فيه واحد مصري بدا يقرقر علينا عن موضوع انه بيعطينا جوائز و ما شابة ذلك بدون أي مقابل و المطلوب هو فقط ان إحنا نسوى دعاية لشركتهم ، بعدين طلع المصري ثلاث كروت ، و قال لنا نمسح المنطقة المضللة فيها و ممكن نفوز بتذكرة لدخول السينما او ممكن نحصل على كمبيوتر او أثاث منزلي ، و مهما كانت الجائزة اللي بتطلع لنا فحنا بندخل في سحب على جائزة مقدارها مليون جنية.
هو كانت قرقرت كثيره و مقنعه بشكل كبير ، وانا ما شكيت في أي شي كان يقوله.
مسحت المعزبة على واحد من الكروت و طلع لها جملة ([color=#009900]جائزة عينية[/color]) ، فقال المصري ان لنا جائزة قيمة و بنحصل عليها في احتفال بيقام في مقر الشركة حقتهم و انهم بيقدمون لنا في الاحتفال بعض المشروبات و المأكولات الخفيفة المجانية و ما شابة ذلك من الكلام.

سألني المصري اذا كنت أبحضر الاحتفال و الحصول على الجائزة ، فقلت له ما يخالف و ما يضر نحصل على جائزة مجانية.

فقال لي المصري اني لازم ادفع 50 جنية كتأمين عشان يضمنون اني اجي لهم الساعة 6:30 في نفس اليوم الي نفس الكاونتر هذا و أنهم بيؤدوني في سيارة تابعه لهم الي مكاتبهم.

انا ما جاز لي كلامه ، بس بعد ما تشاورت مع المعزبة قررنا ان المبلغ بسيط و مافيه مشكلة و ان المهم نشوف وش عندهم.

اعطيت المصري 50 جنية و عطاني ايصال على ورقة ما كتب عليها أي معلومات عن شركتهم او ما شابة ذلك.

بعدين بلغت المصري ان احنا بنرجع في الموعد المحدد ، بس ان احنا بنروح في سيارتنا الخاصة و ليس في سيارتهم ، هو مدري ليه ما أعجبه اني بروح للمكاتب حقهم في سيارتي و مع سواقي ، لكن لمن شاف اني مصر على كلامي ما قال شي.

لأنه ما كان فيه وقت اني انا و المعزبة نشوف فلم و نطلع منه قبل الساعة 6:30 حسب الموعد مع المصري ، قررت اننا نرجع للفندق و نقعد فيه الين الوقت المحدد.

يوم جت الساعة حدود 6 مساً طلعت مع المعزبة من الفندق و رحنا للملحق التجاري حق رمسيس هيلتون و عند الساعة 6:30 طلعنا للكاونتر و لقيت المصري اللي أرسل معي واحد من شركتهم في سيارتي .
يوم طلعنا للسيارة و شاف السواق المصري اللي معنا مدري ليه تضايق شوي و سأله "انتا من أي شركت إسكان" ، رد علية المصري و قال له انه مهوب من شركة إسكان و انه فقط بيودينا للاحتفال و حضور عرض بسيط و جميل عن شركتهم.

وصلنا للشركة اللي كانت في عمارة على شارع جانبي في شارع جامعة الدول العربية.

دخلنا العمارة مع المصري و طلعنا للدور الثاني اللي كان فيها مكتبهم و كان فيها أيضا مطعم مكدونلدز ( [color=#009900]المطعم كان يطل على الشارع و له باب جانبي على الدور الثاني من العمارة[/color]).

دخلنا المكتب اللي ما كان علية أي لوحة تدل علية و كان بابه الخارجي زجاجي صغير و متكسر ، يوم دخلت المكتب كان فيه منطقة استقبال صغيرة فيها كم كرسي بلاستيك و كاونتر علية كم بنت مصرية ، المكتب كان فيه كم عائلة سعودية او خليجية قاعدين في منطقة الاستقبال.
قعدت في الاستقبال حدود 5 دقايق ، و خلال الخمس دقايق هذي دخل للمكتب مجموعات إضافية من العوائل الخليجية.

بعد ما عدت الخمس دقايق نادوا على اسمي من كاونتر الاستقبال و رجعوا لي الخمسين جنية اللي أخذوها مني و طلبوا مني اجلس الين يجي دوري.
بعد كم دقيقة جا واحد مصري و نادا على اسمي و طلب مني اجي معه.
مشيت مع المصري و دخلني مكتب صغير و صك ورآه الباب.

سلم علينا المصري و سألني اذا نبي نشرب أي شي.
بعدها بدا يقرق كم دقيقة عن شركتهم ([color=#009900]الغريب انه ما قال اسم الشركة[/color]) ، بعدين قال اهم كلمة في جميع ما قاله ، قال إنهم يتخصصون في التايم شير ([color=#009900]اللي تدفع فلوس و تحصل على سكن في فنادق على مستوى العالم [/color]) ، أول ما قال الكلمة هذي قلت له شكراً و مسكت زوجتي مع يدها و جيت أبطلع مع باب المكتب ، المصري قام و لحقني و حاول يقنعني في موضوع التايم شير هذا ، بس انا طنشته و قلت له ما ابي تايم شير لانه كله نصب و احتيال.
طلعت انا ويا زوجتي من المكتب و ألعماره و كلمت السواق عشان يجي يأخذنا.
أول ما وصل السواق قررت إني أصور المبني اللي فيه المكتب ، طلعت الكميرة حقتي ويوم جيت اخذ ألصوره ولا وحده من البنات اللي في الاستقبال طالعة من المبني ([color=#009900]الظاهر كانت لاحقتنا[/color]) و قالت لي "[color=#FF0000]انتا بتعمل اية بتصور العمارة[/color]" انا رديت عليها و قلت لها ايه انا أصور العمارة هو الشي هذا ممنوع ، ما امد المصرية ترد الا وسواق سيارتي ناط و جاي جنبي و قال لي صور على راحتك و ركز على ان مدخل العمارة ما فيه لوحة للشركة ، و بالفعل صورت العمارة و يوم جيت اركب السيارة و تجيني البنت المصرية و تقول لي "[color=#FF0000]طيب أنتا ليه ما اخذتش الجائزة بتعتك[/color]" ، انا طنشتها و ركبت السيارة و حرك السواق.
قال لي السواق ان هذول زيهم زي الكثير من الشركات المشابهة ينصبون على السياح الخليجيين و يبيعونهم التايم شير هذا و اذا جو يستخدمونه ما قدرو.
انا كان عندي فكرة عن الموضوع هذا و حتي شفت ناس يسوون حركات مشابهة في سوق صحاري في الرياض.


[url=http://www.50005000.com/Egypt/Cairo/101.JPG][img]http://www.50005000.com/Egypt/Cairo/101C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]

هذي صورة مدخل العمارة اللي فيها مكتب الشركة النصابة.



بس على مين اسبرانزا ما ينضحك علية ، دنا قدع.

طلبت من السواق يودينا لم محل نريح فية ويكون حليو و ممكن ناكل فيه وجبة خفيفة بشرط يكون فية شيش.

ودانا السواق لم مطعم و مقهي على شارع لبنان عند منطقة شارع جامعة الدول العربية أسمة سيدرز ([color=#009900]Cedars[/color]).

[url=http://www.50005000.com/Egypt/Cairo/102.JPG][img]http://www.50005000.com/Egypt/Cairo/102C.JPG[/img][/url]
[size=3][color=#FF0000]اضغطو على الصوره لرؤيتها بحجم اكبر[/color][/size]


[img]http://www.50005000.com/Egypt/Cairo/103.jpg[/img]

[img]http://www.50005000.com/Egypt/Cairo/104.JPG[/img]



المطعم كان حليل و جلساته و بالذات اللي جنب الجدار على الكنبات.

قعدنا في المطعم حدود ساعتين ( و كانت تكلفة العشاء الخفيف مع المشروبات و الشيشة في حدود 80 جنية) بعدها طلعنا و قلنا للسواق يودينا لم المجمع التجاري التابع لفندق القراند حيات.
وصلنا للمجمع بعد حدود 30 دقيقة ، المدخل المؤدي للفندق كان علية حراسة شديدة و كان مع رجال الشرطة كلاب تشمشم السيارات عشان تتأكد ان مافيها متفجرات.

تمشينا في المجمع شوي و مرينا بعض المحلات و بالذات الماركات العالمية.
المعزبة شافت بعض ألاشيا اللي في السوق و بالذات الشناط بس ما شرت منها شي لأنها تقول ان أسعارها نفس أسعار السعودية و على الأقل اللي في السعودية مضمون أنها أصلية.

طلعنا للسينما اللي في المجمع و سألنا عن موعد العرض القادم للأفلام ، فقالو لنا انه الساعة 12 بالليل ، ولان الساعة كانت توها 10 قررنا انا و المعزبة نرجع للفندق و نخلي شوفت الفلم ليوم ثاني.

رجعنا للفندق و كملنا ليلتنا في المطعم الموجود على الدور الثالث للفندق.


[color=#009900]و كان هذا نهائية يومنا الرابع في القاهرة[/color]

[COLOR="Magenta"]الي اللقاء في الجزء الخامس[/COLOR][/SIZE][/FONT]

[FONT="Arial"][SIZE="5"][COLOR="Red"]اسبرانزا و معركة القاهرة[/COLOR]


[color=#0000FF]- الجزء الخامس -[/color]


قبل ما ابدا في تفاصيل الجزء هذا حبيت اصحح غلطة انا طحت فيها في اسم المطعم اللبناني الموجود على مركب النيل الأزرق ([color=#009900]بلو نايل[/color]) ، انا كنت قلت ان اسم المطعم رويل قراند كافي و هذا غلط اسم المطعم الصحيح هو ([color=#009900]جار القمر[/color]).

[color=#0000FF]ألان نرجع لتفاصيل الجزء الخامس:[/color]

في اليوم السابق و بعد ما رجعنا السواق للفندق كنت طلبت منه يروح يحجز لي طاولة على مركب الفراعنة.

و يوم أصبحنا ثاني يوم جاني السواق للفندق حدود الساعة 1:30 الظهر عشان يوديني انا و المعزبة للمركب اللي موجود المقر حقه في محل أسمة القرية الفرعونية على النيل.
المركب يقوم برحلتين يومياً الأولي الساعة 2 بعد الظهر و يقدم فيها ألغدا على المركب اثنا تجوله على نهر النيل لمدة ساعتين.
و سعر الشخص الواحد 120 جنية.

و فيه رحلة الساعة 8 بالليل و يقدم فيها العشاء على ظهر المركب اثنا تجوله في النيل لمدة ساعتين و سعر الشخص 180 جنية.

طبعاً فرق السعر هو بسب حجم البوفيه يكون على العشاء اكبر.

وصلت انا و المعزبة للمركب و كان السواق حاجز لنا الطاولة رقم واحد جنب البوفيه على طول.

إنا جاز لي موقع الطاولة و قلت لنفسي هذي فايدة الحجز المبكر ، أول ما انطلق المركب في جولته النهرية على النيل فتحو البوفيه حق ألغدا ، وعينك ما تشوف الا النور العالم كانو تقل مشافيح ما عمرهم شافوا أكل ، انا خفت الناس يبدون يتضاربون على الأكل بسبب طريقة تكومهم علية.
إما إنا فما كنت عجل و انتظرت الين الناس خفو قبل ما أروح للبوفيه.
و أكون صريح معكم البوفيه حقهم ماهو ذاك الحد و متواضع.

بعد ما أخذت بعض الأكل من البوفيه قررت اطلع لم سطح المركب عشان اقدر أتفرج على النيل و اخذ بعض الصور.
و يا ليتني ما طلعت لم سطح المركب اللي على الدور الثاني ، لأني اكتشفت ان الجلسات في الدور الثاني أفضل من جلسات الدور الأول بكثير.

[color=#0000FF]المهم طلعت على سطح المركب و أخذت الصور التالية:[/color]



[img]http://www.50005000.com/Egypt/Cairo/107.JPG[/img]

[img]http://www.50005000.com/Egypt/Cairo/108.JPG[/img]

[img]http://www.50005000.com/Egypt/Cairo/109.JPG[/img]

[url=http://www.50005000.com/Egypt/Cairo/110.JPG][img]http://www.50005000.com/Egypt/Cairo/110C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[img]http://www.50005000.com/Egypt/Cairo/111.JPG[/img]

[img]http://www.50005000.com/Egypt/Cairo/112.JPG[/img]

[url=http://www.50005000.com/Egypt/Cairo/113.JPG][img]http://www.50005000.com/Egypt/Cairo/113C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/114.jpg][img]http://www.50005000.com/Egypt/Cairo/114C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق القراند حياة



[url=http://www.50005000.com/Egypt/Cairo/115.jpg][img]http://www.50005000.com/Egypt/Cairo/115C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق الجزيرة في نصف الصورة و برج القاهرة في يسار الصورة



[img]http://www.50005000.com/Egypt/Cairo/116.JPG[/img]

[url=http://www.50005000.com/Egypt/Cairo/117.JPG][img]http://www.50005000.com/Egypt/Cairo/117C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[img]http://www.50005000.com/Egypt/Cairo/118.JPG[/img]

[img]http://www.50005000.com/Egypt/Cairo/119.JPG[/img]

[img]http://www.50005000.com/Egypt/Cairo/120.JPG[/img]

[url=http://www.50005000.com/Egypt/Cairo/121.JPG][img]http://www.50005000.com/Egypt/Cairo/121C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/122.JPG][img]http://www.50005000.com/Egypt/Cairo/122C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/123.jpg][img]http://www.50005000.com/Egypt/Cairo/123C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق القراند حياة




[url=http://www.50005000.com/Egypt/Cairo/124.JPG][img]http://www.50005000.com/Egypt/Cairo/124C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق القراند حياة و جنبه فندق الفور سيزونز



[url=http://http://www.50005000.com/Egypt/Cairo/125.jpg][img]http://www.50005000.com/Egypt/Cairo/125C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق الشيرتون



[url=http://www.50005000.com/Egypt/Cairo/126.jpg][img]http://www.50005000.com/Egypt/Cairo/126C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا فندق الجزيرة




[url=http://www.50005000.com/Egypt/Cairo/127.JPG][img]http://www.50005000.com/Egypt/Cairo/127C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/128.JPG][img]http://www.50005000.com/Egypt/Cairo/128C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/129.jpg][img]http://www.50005000.com/Egypt/Cairo/129C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

العمارة الكبيرة اللي في النص هي فندق رمسيس هيلتون




[url=http://www.50005000.com/Egypt/Cairo/130.JPG][img]http://www.50005000.com/Egypt/Cairo/130C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

المبني اللي على اليمين هو فندق النيل هيلتون و اللي على اليسار هو رمسيس هيلتون اما اللي في النص فنا مدري وشو.



[url=http://www.50005000.com/Egypt/Cairo/131.JPG][img]http://www.50005000.com/Egypt/Cairo/131C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

اول مبني على اليمين هو فندق هيلتون شبرا و الي جنبه هو فندق سمير اميس انتركونتيننتل



[url=http://www.50005000.com/Egypt/Cairo/132.JPG][img]http://www.50005000.com/Egypt/Cairo/132C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

[url=http://www.50005000.com/Egypt/Cairo/133.JPG][img]http://www.50005000.com/Egypt/Cairo/133C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا طرف من فندق القراند حياة على النيل و فيه جلسات على طرف النيل اسمها القرية النوبية ، الجلسات فيها حلوة جداً




[img]http://www.50005000.com/Egypt/Cairo/134.JPG[/img]

[url=http://www.50005000.com/Egypt/Cairo/135.JPG][img]http://www.50005000.com/Egypt/Cairo/135C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذي صورة لفندق القراند حياة.



[url=http://www.50005000.com/Egypt/Cairo/136.jpg][img]http://www.50005000.com/Egypt/Cairo/136C.jpg[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]

هذا مسجد موجود على جزيرة في وسط النيل.




[url=http://www.50005000.com/Egypt/Cairo/137.JPG][img]http://www.50005000.com/Egypt/Cairo/137C.JPG[/img][/url]
[size=3][color=#FF0000]اضغطو على الصورة لرؤيتها بحجم اكبر[/color][/size]



[COLOR="Magenta"]و للجزء الخامس بقية[/COLOR][/SIZE][/FONT]

[FONT="Arial"][SIZE="5"][COLOR="Red"]اسبرانزا و معركة القاهرة[/COLOR]


[color=#0000FF]بقية الجزء الخامس[/color]


بعد ما انتهينا إنا و المعزبة من جولتنا النهرية على المركب الفرعوني حدود الساعة 4 العصر ، ركبنا السيارة و توجهنا للفندق.
و إحنا في الطريق للفندق قالت لي المعزبة إن الوقت بدري و انه ودها تروح لم احد الأسواق و تبدأ تشتري الهدايا للأهل في الرياض.
طبعاً إنا ما أرد للمعزية طلب و قلت لها تختار أي سوق ودها تروح له ، المعزبة قالت انه ودها تروح لم سوق اركيديا (Arkadia) و الموجود على كورنيش النيل و بالقرب من فندق الكونراد اللي إحنا ساكنين فيه.
لكن قبل ما نوصل للسوق طلبت من السواق بعد ما ينزلن فيه انه يروح لم مطعم الرويل قراند كافية الموجود على مركب السرايا على النيل و يحجز لنا طاولة تكون حليوه و على النيل.



[url=http://www.50005000.com/Egypt/Cairo/138.JPG][img]http://www.50005000.com/Egypt/Cairo/138C.JPG[/img][/url]

مدخل السوق من الخارج



دخلنا للسوق و بدينا لفلف فيه و ندور على المحلات ، إنا انطباعي الأول عن السوق انه يقلب الرأس فالواحد ما يدري من وين يطلع للأدوار العلوية و من وين ينزل.

المحلات في السوق كانت كثيرة بشكل خيالي و السوق مغير ممرات طويلة و كل ممر الظاهر فيه 100 محل.



[url=http://www.50005000.com/Egypt/Cairo/139.jpg][img]http://www.50005000.com/Egypt/Cairo/139C.jpg[/img][/url]

[url=http://www.50005000.com/Egypt/Cairo/140.jpg][img]http://www.50005000.com/Egypt/Cairo/140C.jpg[/img][/url]

[url=http://www.50005000.com/Egypt/Cairo/141.JPG][img]http://www.50005000.com/Egypt/Cairo/141C.JPG[/img][/url]

صور للسوق من الداخل



المعزبة تقل ما صدقت على الله و خذ تسوق و شرا ، و إنا صاير بنك متحرك كل ما قالت المعزبة إنا أعجبني الشي هذا إنا أرد عليها و أقول لها ما يغلي عليكي يا حياتي و ادفع.

انا عن نفسي اكثر ما اعجبني في السوق هو المطعم الموجود في الدور الثاني من السوق و كان اسمة ([color=#009900]تصدقون نسيت اسم المطعم[/color]) المهم كان حليل و جلسته كانت حلوه و بالذات اللي كانت تطل على النيل و كورنيش النيل.

بعد حدود ساعتين من الدوران في السوق رجعت انا و المعزبة للفندق و قعدنا فيه الين حدود الساعة 11 بالليل.

يوم صارت الساعة 11 بالليل مرنا السواق و ودنا لم مطعم الرويل قراند كافية على مركب السرايا.



[url=http://www.50005000.com/Egypt/Cairo/142.JPG][img]http://www.50005000.com/Egypt/Cairo/142C.JPG[/img][/url]

هذا المدخل المؤدي للممر اللي يودي للمركب



[url=http://www.50005000.com/Egypt/Cairo/143.JPG][img]http://www.50005000.com/Egypt/Cairo/143C.JPG[/img][/url]

هذا مدخل المركب



[url=http://www.50005000.com/Egypt/Cairo/144.JPG][img]http://www.50005000.com/Egypt/Cairo/144C.JPG[/img][/url]

[url=http://www.50005000.com/Egypt/Cairo/145.JPG][img]http://www.50005000.com/Egypt/Cairo/145C.JPG[/img][/url]

هذي جوانب المركب من الخارج



طبعاً للي ما يعرف مركب السرايا هذا ليس مركب حقيقي إنما هو مبني على شكل مركب فوق النيل لكنة ثابت ولا يتحرك.

دخلنا للمطعم و قعدت إنا و المعزبة على طاولتنا و كان موقعها على جنب المركب و يطل على النيل مباشرة ، لكن الطاولة كانت صغيرة و جاية على جنب شوي و مكانها كان أيضا ضيق.

أول ما دخلنا للمطعم كان الناس فيه قليل ، لكن بعد حدود الساعة بدو الناس في التوافد و صار المحل مزحوم بزيادة.



[url=http://www.50005000.com/Egypt/Cairo/146.JPG][img]http://www.50005000.com/Egypt/Cairo/146C.JPG[/img][/url]

هذي صوره لجزء من المطعم من الداخل.



اثنا جلوسي على الطاولة و إنا أتطلع اللي النيل و المباني الموجودة على جانبه الأخر قدرت التقط الصور التالية.



[url=http://www.50005000.com/Egypt/Cairo/147.jpg][img]http://www.50005000.com/Egypt/Cairo/147C.jpg[/img][/url]

المبني اللي في ألصوره هو فندق الهيلتون رمسيس



[url=http://www.50005000.com/Egypt/Cairo/148.JPG][img]http://www.50005000.com/Egypt/Cairo/148C.JPG[/img][/url]

[url=http://www.50005000.com/Egypt/Cairo/149.JPG][img]http://www.50005000.com/Egypt/Cairo/149C.JPG[/img][/url]

[url=http://www.50005000.com/Egypt/Cairo/150.JPG][img]http://www.50005000.com/Egypt/Cairo/150C.JPG[/img][/url]

و هذي صور متفرقة أخرا

بعد حدود ثلاث ساعات في المطعم و بعد ما كثروا فيه الناس ، قررت إنا و المعزبة الرجعة للفندق و ننام و ننهي يومنا الحافل.

[COLOR="Magenta"]و بهذا انتهاء الجزء الخامس من معركتي في القاهرة[/COLOR][/SIZE][/FONT]

[FONT="Arial"][SIZE="5"]
[color=#FF0000]اسبرانزا و معركة القاهرة[/color]

[color=#0000FF]الجزء السادس[/color]


في اليوم السادس من تواجدي في القاهرة قررت إنا والمعزبة نروح لم منطقة حول الهرم اسمها كرداسة ، كرداسة هذا كان أشار على فيها بعض الشباب قبل ما أروح للقاهرة و كانوا يقولون لي إن في المنطقة أو القرية هذي شارع كله محلات لبيع الجلابيات النسائية و الرجالية.

فقررنا نروح لكرداسة هذي ، فكلمت السواق و جاني على الفندق حدود الساعة 1 بعد الظهر و انطلقنا إلي كرداسة.

المشوار من الفندق إلي كرداسة كان في حدود 30 دقيقة ، و كان الطريق في نهايته جداً جميل و بالذات عندما يكون الطريق محاط بالمزارع المختلفة من جانبية.

يوم وصلنا للمنطقة ولاها كانت زى القرية الصغيرة و على الشارع الرئيسي فيها عدد من المحلات اللي تبيع الجلابيات المختلفة ، لكن اغلب المحلات كانت على شارع جانبي طويل فيه العشرات من المحلات المتخصصة في بيع الجلابيات ذات الصناعة المصرية.

[url=http://www.50005000.com/Egypt/Cairo/151.JPG][img]http://www.50005000.com/Egypt/Cairo/151C.JPG[/img][/url]

[url=http://www.50005000.com/Egypt/Cairo/152.jpg][img]http://www.50005000.com/Egypt/Cairo/152C.jpg[/img][/url]

[url=http://www.50005000.com/Egypt/Cairo/153.JPG][img]http://www.50005000.com/Egypt/Cairo/153C.JPG[/img][/url]

[url=http://www.50005000.com/Egypt/Cairo/154.JPG][img]http://www.50005000.com/Egypt/Cairo/154C.JPG[/img][/url]

[url=http://www.50005000.com/Egypt/Cairo/155.JPG][img]http://www.50005000.com/Egypt/Cairo/155C.JPG[/img][/url]

هذي صور من الشارع



طبعاً زى ما انتو لاحظتم من الصور فان الشارع صغير و أرضيته مدري هي من الزفلت اللي منتهية صلاحيته او من الرمل المضغوط ، إنا مدري وش أرضيت الشارع بالضبط بس إنا أنصحكم تنتبهون و انتم تمشون في الشارع لا تاطون على شي مهوب زين.

الحقيقة إن الجلابيات و بالأخص النسائية منها كانت في قمة الروعة و تصاميمها كانت جداً جميلة رغم إني اعتقد إن أسعارها كان مبالغ فيها و بالأخص أنها صناعة مصرية و تباع في مصر ، لكن أسعارها بالمقارنة بالجلابيات المشابهة لها في السعودية ارخص بكثير.

المهم إني إنا و المعزبة ضفينا من الجلابيات ملي شنطة الكورولا و انطلقنا في طريقنا عائدين إلي القاهرة بعد حدود ساعتين من التجول في كرداسة.

لأني إنا و المعزبة طلعنا مباشرة لكرداسة من الفندق و لا تغدينا ، فكنا جوعانين و نبي نأكل أكلة مضبوطة.
بعد مداولات موسعة بيني و بين المعزبة و بمشاركة سواق السيارة قررنا نروح لم مطعم الروشة و قندهار الموجود على شارع جامعة الدول العربية.


[url=http://www.50005000.com/Egypt/Cairo/156.JPG][img]http://www.50005000.com/Egypt/Cairo/156C.JPG[/img][/url]

هذا المبني اللي فيه المطعم.



المطعم كان لبناني و هندي مشترك و كان في الدور الثالث من عمارة على شارع جامعة الدول العربية ، و كان للمطعم اصنسير خاصة فيها مدخلة على الشارع مباشرة.


[url=http://www.50005000.com/Egypt/Cairo/157.jpg][img]http://www.50005000.com/Egypt/Cairo/157C.jpg[/img][/url]

هذا اصنسير المطعم.



ركبنا الاصنسير و طلعنا للمطعم ، و كان المطعم شبة فاضي لان الساعة كانت حدود 5 العصر ، قررنا نطلب أكل هندي و نخلي اللبناني.
طلبنا عدت إطباق هندية منها الرز البرياني بالدجاج و السمبوسة الهندية و الدجاج التندوري بالإضافة إلي المشروبات و السلطة.
أكل المطعم بصفة عامة كان عادي ولا فيه ذاك التميز و كانت أسعارهم شوي غالية لان فاتورة الأكل كانت في حدود 350 جنية.

بعد ما أكلنا في المطعم رجعنا للفندق و ريحنا فيه و بالليل طلعنا مره ثانية لم مطعم جار القمر على مركب النيل الأزرق ([color=#009900]بلو نايل[/color]) ، بس المرة هذي كنت أرسلت السواق لمهم بعد ما ودانا للفندق و خليته يحجز لنا طاولة مضبوطة على الجلسات اللي كان فيها كنبات.
قعدنا في المطعم حدود ساعتين بعدين رجعنا للفندق و نمنا.
و كان هذا نهائية يومنا السادس في القاهرة.



[color=#0000FF]اليوم السابع في القاهرة[/color]


في هذا اليوم طلعت إنا و السواق بلحالنا بعد ما تركت المعزبة في الفندق لأني كنت بروح لم مكتب الخطوط السعودية عشان أقوم بتأكيد حجز العودة للرياض.

و بالفعل جاني السواق في الفندق حدود الساعة 1 بعد الظهر و رحت إنا وياه لم مكتب الخطوط السعودية اللي كان في منطقة اعتقد وسط البلد على شارع مدري والله وش أسمة ، بس هذا مهوب الفرع الموجود في شارع جامعة الدول العربية.



[url=http://www.50005000.com/Egypt/Cairo/158.JPG][img]http://www.50005000.com/Egypt/Cairo/158C.JPG[/img][/url]

هذا مكتب الخطوط السعودية.



اول ما دخلت المكتب طاح قلبي من كثر الناس اللي قاعدين ينتظرون دورهم و قلت لنفسي الظاهر إني منيب طالع من المكتب إلا ثاني يوم ، إنا ما أمداني أكمل تفكيري و تحسري على نفسي من الزحمة اللي قدامي إلا و جاني احد موظفين المكتب و سألني إنا على أي درجة مسافر ، إنا رديت علية و قلت له إن تذاكري درجة أولي فقام و إعطاني رقم عشان انتظر دوري.
بس إنا الحقيقة استغربت من رقمي لأنه كان 85 و الرقم اللي على الشاشة كان 530 و بعدين يقلب كل كم ثانية و يشير إلي رقم 84 ، إنا ما أمداني أكمل تفكيري في الموضوع إلا و الرقم 84 اللي على الشاشة يتغير و يصير الرقم اللي على الشاشة 85 و هو نفس رقمي ، إنا في اللحظة هذي أدركت إني لكوني بطران و مسافر على الدرجة الأولي فنا أخذت رقم خاص بركاب الدرجة الأولي و انه لي سرا خاص فيني.
يا ليتكم شفتوني و إنا نافخ ريشي و امشي تقل نعامة رافعة رأسها و رائح لم الكاونتر و كل المساكين اللي حولي منطقين و قاعدين ينتظرون لهم كم ساعة ، في اللحظة هذي عرفت قيمة تذكرة الدرجة الأولي.
المهم إنا رحت للكاونتر اللي طلع فيه رقم التذكرة اللي معي ، و أول ما أقبلت على الكاونتر و تقوم الموظفة المصرية حقت الخطوط السعودية و ترحب فيني و تقول لي أتفضل يا سعادة البيه ([color=#009900]والله و صار اسبرانزا بيه في أخر زمانه[/color]) ، إنا ما أمداني اجلس على الكرسي اللي قدام الكاونتر إلا و ينقز لي ذاك المصري اللي كان جالس مع ركاب الدرجة السياحية الضعوف اللي ينتظرون دورهم من كم ساعة و يبدأ يزاعق على الموظفة و يقول لها " [color=#FF0000]إنا بالي 3 ساعات بنتظر دوري بعدين يقي ده و يخش ابلي ، ليه ولا لأنه سعودي[/color]" إنا ما أخفيكم نويت اطب في المصري و أقول له إيه إنا سعودي و هذي طياراتنا و إذا مو معجبك رح اركب في طياراتكم حقت الخطوط المصرية المخيسة ([color=#009900]تراني والله حبيب ولأني راعي مشاكل بس المصري جرح مشاعري لما نزلني من مرتبة بيه إلي مرتبه بدون اسم هي ده[/color]) ، بس الله فكه مني لما ردت علية الموظفة و قالت له إني معي تذكرة درجة أولي و إني لي سرا خاص فيني و انه إذا مهوب معجبة الموضوع يروح يشتري تذكرة درجة أولي و يلاقي نفس المعاملة ، الموضوع ما انتهاء عند الحد هذا و المصري بتل يصارخ و يصر إن الموظفة تخدمه هو أول ، الموظفة في اللحظة هذي رفعت سماعة تلفونها و طلبت الأمن حق المكتب ، شوي و يجي ذاك المصري اللي تقل بعير من كبره و يسحب المصري اللي كان يصارخ من رقبته و يجدعه مع باب المكتب ، ياهو المصري اللي كان يصارخ مسكين و تقل فرخ دجاجة في يد البعير و الغريب انه ما نسم ولا بكلمة يوم قضبة البعير من رقبته.
تدرون عاد بعد هذي أول مره أحس إن الخطوط السعودية تستأهل من يركب طياراتهم. بس في نفس الوقت إنا قضبت ارضي و صرت مؤدب بزيادة لا يحيني البعير و يقضبني إنا أيضا من رقبتي.

بعد عشر دقائق من دخولي للمكتب طلعت منه و إنا منهي كل أموري ، حتى السواق ما لقيته لأنه الظاهر متعود على إن الخطوط السعودية يتأخرن ، فاضطررت اتصل علية و انتظره حدود 5 دقائق الين جاني و أخذني.


[url=http://www.50005000.com/Egypt/Cairo/159.JPG][img]http://www.50005000.com/Egypt/Cairo/159C.JPG[/img][/url]

هذا مبني مقابل للخطوط السعودية



و إنا في طريقي للفندق و لأني عارف إن المعزبة مهيب متوقعة إني أكون خلصت بالسرعة هذي قررت إني أروح مع السواق لم منطقة خلف الفندق اسمها وكالة البلح لأنه كان ودي أتمشي فيها و اخذ للمنطقة كم صوره


[url=http://www.50005000.com/Egypt/Cairo/160.JPG][img]http://www.50005000.com/Egypt/Cairo/160C.JPG[/img][/url]

هذا الشارع الرئيسي اللي علية منطقة وكالة البلح.



وكالة البلح هذي عبارة عن محلات و أكشاك تبيع كل شي يجي في بال الواحد ، من ملابس مختلفة إلي سجاد مصري إلي زهور صناعية و حتى قطع غيار السيارات الجديدة و المستعملة.



[url=http://www.50005000.com/Egypt/Cairo/161.JPG][img]http://www.50005000.com/Egypt/Cairo/161C.JPG[/img][/url]

هذولي ناس يبيعون ملابس في شوارع وكالة البلح.



[url=http://www.50005000.com/Egypt/Cairo/162.JPG][img]http://www.50005000.com/Egypt/Cairo/162C.JPG[/img][/url]

و هذا واحد يبيع زهور صناعية و جنبه واحد يبيع ذرة و اللي بعده يبيع برشومي.



[url=http://www.50005000.com/Egypt/Cairo/163.JPG][img]http://www.50005000.com/Egypt/Cairo/163C.JPG[/img][/url]

و هذول ناس يبيعون سجاد ، و السجاد كانت أسعاره جداً معقولة و رخيصة مقارنة بأسعار السعودية.



[url=http://www.50005000.com/Egypt/Cairo/164.JPG][img]http://www.50005000.com/Egypt/Cairo/164C.JPG[/img][/url]

و هذي محلات تبيع أغطية السيارات ([color=#009900]طربال السيارة[/color])



[url=http://www.50005000.com/Egypt/Cairo/165.JPG][img]http://www.50005000.com/Egypt/Cairo/165C.JPG[/img][/url]

و هذي محلات تبيع قطع غيار السيارات.



إنا خلصت من الدوران في وكالة البلح بعدين رجعت للفندق.

بعد ما رجعت للفندق قررت إنا و المعزبة نتغدا في احد مطاعم الفندق ، و بعد الغداء رحنا لم سوق الستارز سينتر اللي في هليوبليس و تمشينا في السوق و تفرجنا لنا على احد أفلام المعزبة المفضلة ([color=#009900]فلم رعب امريكي[/color]).
الفلم كان اسمه هوس اف واكس ([color=#009900]منزل الشمع[/color]) ، أول ما دخلنا صالة السينما و قعدنا نفضنا البرد لان الكراسي حقننا كانت تحت المكيف على طول ، فقالت لي المعزبة خل نغير الكراسي ، بس إنا قلت لها خل ننتظر الين على الأقل يبدأ الفلم عشان ما نجلس في كراسي ناس ثانين ، بعد حدود العشر دقائق و قبل ما يبدأ الفلم بشوي غيرنا كراسينا و قعدنا في كراسي ثانية.
شوي ولا الموظف حق صالة السينما جاينا و طلب مننا تذاكر الجلوس حقتنا ، يوم شاف التذاكر قال لنا إنا هذي ماهي كراسينا و إنا أحنا لازم نرجع لم الكراسي اللي أرقامها في التذكرة.
إنا قلت للموظف إن الكراسي اللي أرقامها في التذكرة مكانها بارد ولا نقدر نقعد فيها و إن صالة السينما شبة فاضيه و اغلب الناس اللي بيشوفون الفلم قعدو في كراسيهم و انه لو جا احد بيقعد في الكراسي اللي أحنا فيها بنقوم و نقعد في مكان ثاني ، الموظف ما جاز له كلامي و إصر إننا نرجع كراسينا الأصلية ، إنا قفلت معي و قلت إنا معاد أبي أشوف فلمكم و بروح استرد فلوسي ، و بالفعل طلعت من صالة السينما ، و أول ما طلعت من الصالة ولا الموظف لاحقني و يقول لي "[color=#FF0000]البيه عاوز يغير الكرسي بتاعوه[/color]" ([color=#009900] يقول لي بيه الظاهر انه درا إني مسافر درجة أولي[/color]) ، قلت له إيه ابغا أغير الكراسي فاخذ مني تذاكر السينما اللي معي و غاب دقيقتين و بعدين جاني بتذاكر جديدة و أرقام كراسيها هي نفس الكراسي اللي طلب مني أقوم منها ، عطاني الموظف التذاكر و قعد يتميلح شوي ([color=#009900]شكله كان يبي بخشيش ، بس إنا جحدته ولا عطيته شي[/color]).

بدا الفلم و قعدنا نتفرج علية ، و بعد ساعة من بدايته ما دريت إلا و ينقطع الفلم و تصير الشاشة بيضاء و كل الأنوار اللي في صالة السينما تولع و كل اللي في الصالة قاموا من مكانهم ، انا مدري وش السالفة و اقعد أتلفت في اللي حوالي و أقول لنفسي هو الفلم قضاء و إنا مدري ولا وش السالفة ، التفت لم شاشة السينما حقت الصالة ولا مكتوب عليها استراحة 15 دقيقة ، إنا في اللحظة هذي مدري اضحك ولا أصارخ ولا وش أسوي إنا أول مره ادخل صالة سينما يقطعون فيها الفلم من النص و يقولون استراحة.
لكن إنا في القاهرة و كل شي جائز.

كملت إنا و المعزبة الفلم للنهاية بعدين تمشينا في السوق شوي و رجعنا للفندق ولا عاد طلعنا منه ذيك الليلة و كانت سهرتنا في المطعم الموجود على الدور الثالث المطل على كورنيش النيل.

[color=#0000FF]و كان هذا نهاية اليوم السابع من معركتي في القاهرة.[/color]


[COLOR="Magenta"]الي اللقاء في الجزء الثامن من معركتي في القاهرة[/COLOR][/SIZE][/FONT]

[FONT="Arial"][SIZE="5"][COLOR="Red"]اسبرانزا و معركة القاهرة[/COLOR]


[color=#0000FF]الجزء الثامن[/color]


في اليوم الثامن من وصولي للقاهرة جاني السواق حدود الساعة 2 الظهر و طلعت إنا و المعزبة معه ، طلبت من السواق يشوف لي مطعم حول شارع جامعة الدول العربية و يكون فيه أهم شي شيشة عشان تعديل المزاج بعد الأكل.

السواق ودانا لم مطعم أسمة اكسبريسو ([color=#009900]X-presso[/color]) على شارع شهاب المتفرع من شارع جامعة الدول العربية.


[img]http://www.50005000.com/Egypt/Cairo/166.JPG[/img]

هذا المطعم من برا



الحقيقة المطعم ما كان إلي ذاك الحد ، لكن ما عاق أكلنا المقسوم و عدلت الرأس و بعدين قضبنا الباب.

و إحنا نمشي في الشارع قدرت اخذ كم صوره من السيارة:

[img]http://www.50005000.com/Egypt/Cairo/167.JPG[/img]

[img]http://www.50005000.com/Egypt/Cairo/168.JPG[/img]

[img]http://www.50005000.com/Egypt/Cairo/169.JPG[/img]

[img]http://www.50005000.com/Egypt/Cairo/170.JPG[/img]

[img]http://www.50005000.com/Egypt/Cairo/171.JPG[/img]

[img]http://www.50005000.com/Egypt/Cairo/172.jpg[/img]

[img]http://www.50005000.com/Egypt/Cairo/173.JPG[/img]

[img]http://www.50005000.com/Egypt/Cairo/174.jpg[/img]

[img]http://www.50005000.com/Egypt/Cairo/175.jpg[/img]

[img]http://www.50005000.com/Egypt/Cairo/176.jpg[/img]



و مع مشينا في الشارع مرينا جنب واحد يبيع بطاطا حلوة على عربية ، المعزبة ما أمداها تشوف البطاطا الحلوة إلا وتنشب في حلقي و تقول أبي منها ، إنا حاولت اقنع فيها أنها يمكن ما تكون نظيفة لأنها تباع في الشارع و أنها هي حلوة بما فيه الكفاية ولا تحتاج بطاطا حلوة عشان تحلو أكثر ، بس بدون فائدة ، المهم إنا رضخت لطلبها و قلت للسواق يروح يشتري كم حبة من البطاطا الحلوة.

[img]http://www.50005000.com/Egypt/Cairo/177.JPG[/img]

[img]http://www.50005000.com/Egypt/Cairo/178.JPG[/img]

هذا السواق و هو واقف عند اللي يبيع البطاطا الحلوة



كلت المعزبة البطاطا الحلوة و إحنا في طريقنا لم سوق اركيديا و اللي كنا ناوين نروح له و نكمل تسوقنا ، بعد حدود 10 دقائق من أكل المعزبة للبطاطا الحلوة إلا وهي ماسكه بطنها و تقول ابي ارجع ، وقفنا على جنب الطريق و المعزبة ريحت بطنها ، بعدين قالت لي أنها بتسمع كلامي ولا عاد هي ماكلة شي من الشارع ، ([color=#009900]شفتو يا بنات دائم اسمعوا كلام أزواجكم تراهم ابخص[/color]).

رحنا لم سوق اركيديا و تقضينا ، و في نفس الليلة طلعنا و تفرجنا لنا على فلم عادل امام ([color=#009900]السفارة في العمارة[/color]) في المركز التجاري التابع لفندق القراند حياة.

و كانت هذي نهائية يومنا الثامن.

ما تبقاء من سفرتي للقاهرة قضيتها انا و المعزبة في التجول في نفس الأماكن إلي رحنا لها سابقاً ، لذلك ماني جايب لها ذكر.

في اليوم الحادي عشر من وجودي في القاهرة ، كانت رحلتي للرياض الساعة 12 الظهر ، فطلعت من الفندق الساعة 10 الصباح و كان كل شي تمام في المطار و في الطريق الي الرياض.

[color=#0000FF]و هذي بعض الصور من مطار القاهرة [/color]:


[img]http://www.50005000.com/Egypt/Cairo/179.jpg[/img]

[img]http://www.50005000.com/Egypt/Cairo/180.jpg[/img]

هذولي العمال في القاهرة قاعدين يحملون العفش في الطيارة



[img]http://www.50005000.com/Egypt/Cairo/181.JPG[/img]

هذي طيارة سعودية ثانية في مطار القاهرة و كانت متجهة الي جدة.



[img]http://www.50005000.com/Egypt/Cairo/182.JPG[/img]

[img]http://www.50005000.com/Egypt/Cairo/183.JPG[/img]

[img]http://www.50005000.com/Egypt/Cairo/184.JPG[/img]

هذا مطار القاهرة



[img]http://www.50005000.com/Egypt/Cairo/185.JPG[/img]

[img]http://www.50005000.com/Egypt/Cairo/186.JPG[/img]

هذي بعض طائراه خطوط جوية مختلفة في مطار القاهرة



[img]http://www.50005000.com/Egypt/Cairo/187.jpg[/img]

[img]http://www.50005000.com/Egypt/Cairo/188.jpg[/img]

هذي صور من فوق منطقة مطار القاهرة أول ما أقلعت الطائرة



[img]http://www.50005000.com/Egypt/Cairo/189.JPG[/img]

[img]http://www.50005000.com/Egypt/Cairo/190.JPG[/img]

[img]http://www.50005000.com/Egypt/Cairo/191.JPG[/img]

[img]http://www.50005000.com/Egypt/Cairo/192.JPG[/img]

[img]http://www.50005000.com/Egypt/Cairo/193.JPG[/img]

هذي صور و إحنا نقرب من الرياض و الطائرة تستعد للهبوط



[img]http://www.50005000.com/Egypt/Cairo/194.JPG[/img]

[img]http://www.50005000.com/Egypt/Cairo/195.JPG[/img]

[img]http://www.50005000.com/Egypt/Cairo/196.JPG[/img]

هذي صور لمطار الرياض بعد ما هبطت الطائرة



[glow=0000FF][line][/glow]



[color=#FF0000]المفترض و اللي أكيد تعتقدونه ألان هو إن معركتي في القاهرة انتهت بعودتي للرياض ، و هذا اللي إنا كنت اتوقعة ، لكن ما حصل يختلف فمعركتي لم تنتهي فقد اضطررت إن أعود للقاهرة للمرة الثانية بعد فقط 12 يوم من مغادرتي لهل.
سفرتي الثانية كانت اضطرارية و ذات أهمية كبرا بالنسبة لي ، أهمية إنا اعتقد أنها مسألة حيات أو موت.
لذلك تابعوني في الأجزاء القادمة عشان أقول لكم عن السبب اللي اضطرني أعود للقاهرة و أواصل معركتي فيها.[/color]

لكم أجمل تحية


[COLOR="Magenta"]لتقيكم في الجزء التاسع من معركتي في القاهرة[/COLOR][/SIZE][/FONT]

[FONT="Arial"][SIZE="5"]

[color=#FF0000]اسبرانزا و معركة القاهرة[/color]

[color=#0000FF]الجزء التاسع[/color]


بعد ما رجعت للسعودية من سفرتي للقاهرة و كان هذا في يوم الثلاثاء 26/7/2005 ، و في نفس اليوم اتصلت علينا ام زوجتي و قالت لنا إن حجزها هي و زوجتي و اثنين من إخوان زوجتي للقاهرة تأكد مع الخطوط السعودية و أنها ودها تروح للقاهرة و تغير جو كم يوم.
الحجز اللي كانت تتكلم عنه هو حجز إنا سويته لهم عن طريق الانترنت و كانوا على قائمة الانتظار على الدرجة السياحية ولا توقعنا باي شكل من الإشكال انه يتأكد عشان كذا كنت سافرت إنا و زوجتي و خلينا أهلها في الرياض.
طبعاً للتوضيح إنا كنت ذكرت في أول أجزاء الموضوع إن أهل زوجتي كانوا وصلوا للقاهرة و كنت اقصد بهلها هم أخوالها و ليس أمها و إخوانها.

المهم في الموضوع إن ام زوجتي نشبت فيني و في زوجتي عشان نرجع معها مره ثانية للقاهرة لأنها و حسب كلامها ماهية ممبسطة في القاهرة بدون بنتها.

زوجتي الحقيقة ما كانت متحمسة للرجعة و لكن ما كانت تحب تزعل أمها و إنا ما كنت اقدر ازعل ام زوجتي لأني لو ازعلها و ارفض إن زوجتي تروح معها للقاهرة فكأني زعلت زوجتي.
إنا طبعاً ما كنت قادر أروح معهم لأني كنت مضطر ارجع للعمل و استلم مركزي الجديد في العمل و تمديد إجازتي كان بيعني لا مبالة مني.
لذلك وافقت إن زوجتي تروح مع أهلها مع بقائي إنا في الرياض ، رحت و شريت تذكرة سفر لزوجتي بس كانت سياحية لأني ما لقيت كراسي متوفرة على الدرجة الأولي ، بس حرصت اني احجز العودة لزوجتي على الدرجة الاولي.

و في يوم سفرهم للقاهرة و اللي كان يوم السبت 30/7/2005 و عند الساعة 1 الظهر طلبت مني زوجتي أوديها للمطار لان أبوها بيودي إخوانها و أمها للمطار ، إنا أكون صريح معكم فكرت في الموضوع بشكل من العجز و شوي منطقية و قلت لها ، بما إن فيه سيارة رابحة للمطار إنا وشوله أروح بعد ، طبعاً المعزبة ما جاز لها كلامي و زعلت و طلعت للمطار مع أبوها و هي مقفلة معها مني.

خلال الأيام القليلة التي تلت سفرت زوجتي مع أهلها إلي القاهرة كنت على اتصال دائم مع زوجتي و كنت أحاول أرضيها بما استطعت من الكلام و لكن بدون فائدة ، إنا مشكلتي إني حنون و عاطفي بزيادة ولا أحب ازعل احد مني فما بالك اذا كانت زوجتي اغلي ما عندي هي اللي زعلانة مني.

المهم إنا بديت أفكر في طريقة ممكن أراضي فيها زوجتي بعد ما ترجع من القاهرة ، ففكرت و قلت لنفسي إني لو اشتري لها هدئيه و أعطيها لها أول ما ترجع ممكن الشي هذا يرضيها و يرجع الأمور إلي ما كانت قبل ما تزعل.
و بالفعل توكلت على الله و رحت لم مجوهرات لازوردي حقت العثيم اللي في شارع الستين في الملز و طلبت منهم يفصلون لي هدية تكون حلوة و بسيطة ، اتفقت مع المحل على الهدية المناسبة و دفعت لهم الفلوس و بلغوني بان الهدية بتكون جاهزة بعد خمسة أيام.

خلال الأيام التي تلت ذلك المعزبة كان زعلها مني يتزايد ولا ادري وش أسوي ، حتى الهدية جئ في بالي أنها قد لا تكون كافية لأنها بتستلمها فقط بعد رجوعها للرياض.

قعدت لي حدود اليومين أفكر في الحل المناسب و قررت إن الحل الوحيد إني أروح للقاهرة بنفسي و أعطي الهدية لزوجتي في القاهرة ، المشكلة هي في عملي و الطريقة اللي ممكن اخذ من مديري التنفيذي إجازة بدون ما تتأثر نظرته لي و يخيب ظنه فيني خصوصاً و انه إعطاني ثقة كبيرة عندما رقاني و عيني مدير على احد الإدارات اللي تتبع له.

الحقيقة إنا عجزت إلقاء تفسير مناسب ممكن أعطية لمدير و اطلب منه إجازة و إنا توي جاى من إجازة.

زي عادتي تهورت و قلت زوجتي الغالية أهم من وظيفتي و رحت لم مديري و إنا شايل في يدي عقالي ([color=#009900]إنا في العمل ما البس ثوب لبسي دائما هو بدله ، لذلك كان شكلي غريب و إنا ادخل على مديري و في يدي عقال[/color]) ، دخلت على سكرتارية مديري و طلبت مقابلته ، و ما اخفيك كانت عيونهم طائرة و شكلهم كانوا متخوفين مني و إنا اطلب مقابلة المدير و في يدي عقال ، المهم بعد كم دقيقة سمح لي بمقابلة المدير و دخلت علية و في يدي العقال ، مدري ليه حسيت إن المدير خاف و طاح قلبه و كان شكله وده يرفع السماعة و يطلب الشرطة العسكرية ، عاد مديري يعرف إني ودي من زمان اغولة بسبب قشارته و قسوته في التعامل معي ، و رغم إني كنت اظرس على سالفة تمحيطة بالعقال إلا إني ماني راعي مشاكل و مهما يكون تعامله معي فهو في النهائية مديري و لازم اكن له كل احترام.

أول ما سلمت على المدير بعد ما دخلت مكتبة و قبل ما يرد على السلام سألني و هو يتعتع "[color=#009900]اسبرانزا ورا في يدك عقال[/color]" إنا ما رديت علية و قربت من مكتبة و قبل ما ينطق بكلمة ثانية إلا و إنا جادع عقالي قدامه على مكتبة ، هو الحقيقة طاح قلبه و شكله ما عرف وش يقول أو وش يسوي فسألني "[color=#FF0000]وش السالفة ورآك جدعت العقال على مكتبي[/color]" انا رديت عليه و قلت له هذا عقالي و إنا جدعته عليك و إنا داخل على الله ثم عليك انك ما ترد طلبي ، المدير انقلب حالة فوق تحت و تغيرت ملامح وجهه من تكشيرة و خوف إلي ابتسامة عريضة ما عمري شفته ابتسم زيها ، رد على المدير و قال "[color=#FF0000]هات ما عندك قل لي وش تبي و إنا أشوف وش اقدر أسوي[/color]" ، إنا قلت له إني عندي ظروف عائلية قاهرة و ان المسالة تعد بالنسبة لي حياة أو موت و إني أبي إجازة لمدت 3 أيام.
الحمد لله رد على المدير بالموافقة و هو مبسوط و يضحك.

في نفس اليوم دخلت على موقع الخطوط السعودية على الانترنت و سويت حجز للقاهرة يوم الاثنين 8/8/2005 لكني ما حصلت حجز مؤكد إلا على الدرجة الأولي في رحلة الساعة 10:45 دقيقة بالليل و سويت أيضا حجز على الانتظار في نفس اليوم الساعة 7:50 الصباح لأنه كان ودي أوصل القاهرة من أول اليوم ، حجز العودة حقي كان في نفس يوم عودت زوجتي على رحلة يوم 11/8/2005.

طبعاً إنا من النوع اللي يحب المفاجآت لذلك ما بلغت زوجتي عن نيتي السفر للقاهرة .

زوجتي و أهلها كانوا ساكنين في فندق رمسيس هيلتون لذلك حرصت إني اتصل على وحده يعرفها احد الشباب تشتغل في مكتب الطيار للسفر و السياحة في القاهرة ، طلبت منها تحجز لي جناح في الفندق و قلت لها إن زوجتي ساكنة في نفس الفندق و إني ابغا أفاجئ زوجتي بسفري للقاهرة و سكني في الفندق.

خطتي كانت إن إدارة فندق رمسيس هيلتون يتصلون على زوجتي في يوم وصولي و يقولون لها انه تم ترقيتها للسكن في جناح بدل من السكن في غرفة عادية مع أهلها و إن الترقية هذي هي أرضا لها لأنها ما كانت مرتاحة في الفندق و إن الشي هذا كان بأمر من المدير العام لفنادق الهيلتون في القاهرة.

إنا من ناحيتي بلغت زوجتي قبل يومين من سفري للقاهرة إني أرسلت خطاب شديد اللهجة اللي مدير عام فنادق الهيلتون في القاهرة و شرحت فيه عدم رضا زوجتي و أهلها عن الفندق و طريقة تعامله معها هي و أهلها ([color=#009900] زوجتي كانت اشتكت لي أنهم ركوهم في استقبال الفندق حدود ساعتين قبل ما يسلمونهم الفندق و أنهم طلبوا منهم يدفعون لهم مبلغ تأمين قبل ما يستلمون الغرفة مع العلم بأنهم كانوا دافعين قيمة الفندق كاملة من الرياض ، و أنهم رفضوا يستلمون مبلغ التامين إلا بالجنية المصري من ما اضطر زوجتي أنها تروح تغير الفلوس اللي معهم و كانت أيضا تشتكي من خدمتهم و ما اللي ذلك[/color]).

قبل سفري للقاهرة بيوم اتصلت على زوجتي و قلت لها إن مدير عام فنادق الهيلتون في القاهرة اتصل على و انه وعدني يصحح الأخطاء اللي وقع فيها الفندق و انه بيرضي زوجتي و أهلها بتغيير غرفتهم اللي غرفة اكبر و أفضل.

في الليلة اللي تسبق سفري للقاهرة اتصلت على السواق اللي كان معي في أول سفره و بلغته إني بوصل للقاهرة بكره و إني أبيه يشتغل معي اثنا وجودي في القاهرة ، السواق اعتذر مني و قال لي انه مشغول مع ناس اثنين و وعدني يشوف لي سواق ثاني تكون معه سيارة زينة و يكون ممتاز. و إن السواق بيستقبلني في المطار.

نسيت أقول لكم إن حجزي للقاهرة في الصباح يوم 8/8/2005 كان تأكد.

يوم السفر توجهت للمطار و ركبت الطيارة اللي اكتشفت إن الدرجة الأولي فيها ما كان فيها إلا 6 ركاب مع إن الكراسي تزيد عن 40 كرسي ، و الغريب إني كنت على قائمة الانتظار الين قبل الرحلة بيوم واحد.

وصلت للقاهرة حدود الساعة 10:30 الصباح و كان السواق ينتظرني في المطار ، السواق كان أسمة محمد ([color=#009900]ابو طالب[/color]) و رقم تلفونه ([color=#009900]0020105337973[/color]) ، السواق كان معه هونداي سوناتا جديدة و كان سعرها في اليوم 200 جنية ، السواق الحقيقة كان جداً محترم بس كان يعيبه عدم معرفته ببعض الأماكن في القاهرة ، أول ما طلعت مع السواق طلبت منه يؤديني لم مكتب الطيار للسفر و السياحة و اللي كان على الطريق من المطار اللي الفندق و قابلت الموظفة اللي كنت نسقت معها و دفعت لها تكلفة حجز الجناح في الفندق ( [color=#009900]سعر الليلة في الجناح كانت 500 دولار[/color]) و طلبت منها تتصل على إدارة الفندق عشان يتصلون على زوجتي و يبلغونها أنهم بيورونها جناح تم ترقيتها هي و أهلها للسكن فيه و إن الجناح بيكون جاهز بعد ساعة.

إنا وصلت للفندق و قابلت الموظفة اللي كان تم التنسيق معها عشان موضوع الجناح لزوجتي ، و أخذتني للجناح و حطيت فيه الهدية اللي كنت جايبها معي لزوجتي و حطيت مع الهدية كرت مني لزوجتي ، بعد كذا رحت و توزيت في غرفة جانبية تتبع للفندق و لكن اللي يشوفها يحسبها غرفة ثانية منفصلة و طلبت من موظفة الفندق أنها تروح تجيب زوجتي و أهلها و توريهم الجناح و تقول لهم أول ما يدخلون الجناح أنها بتتركهم 5 دقائق و بعدين ترجع لهم.

و بالفعل راحت الموظفة و جابت زوجتي للجناح و إنا أراقبهم من الغرفة الجانبية و بعدين طلعت الموظفة و تركتهم.
بعد حدود الخمس دقائق إلا و زوجتي تتصل على و هي مبسوطة و فرحانة بالهدية و ماهي عارفه إنا وشلون قدرت أحط لها الهدية في الغرفة و إنا في الرياض.

سولفت انا و زوجتي كم دقيقة على التلفون و كانت جداً مبسوطة من المفاجئة فقلت لها إن المفاجآت كثيرة و إن هذي أولها ، و إنا اسولف معها على التلفون طقيت على باب الجناح اللي هي فيه مع أهلها و قلت لها بالتلفون إني اسمع باب غرفتهم يطق ، هي طبعاً استغربت انا وشلون سمعت ان الباب يطق و رحت تفتحه.

زوجتي فتحت الباب و كنت إنا واقف قدام الباب.


[COLOR="Magenta"]إلي اللقاء في الجزء العاشر من معركتي في القاهرة[/COLOR][/SIZE][/FONT]

[FONT="Arial"][SIZE="5"]
[color=#FF0000]اسبرانزا و معركة القاهرة[/color]

[color=#0000FF]الجزء العاشر[/color]


غرفتي في فندق رمسيس هيتلون كانت في الدور 22 و كان الدور هذا توه مجدد ، فرش الدور و الغرف كانت جديدة الجدران و الأبواب كانت كلها توها مدهونة بوية و هذا كان حد التجديد.
ثلاجة الغرفة كانت جداً صغيرة و وسخة ، التلفزيون كان بدون اللون و موشوش و كان حجمه فقط 21 بوصة ، يعني باختصار فندق رمسيس هيلتون هو أسوى فندق 5 نجوم إنا شفته في حياتي و بصراحة الغرفة اللي إنا كنت مأخذها في فندق الكونراد بسعر 260 دولار في الليلة كانت أفضل من الجناح اللي إنا أخذته في الهيلتون أبو 500 دولار بلف مرة.
و أضف على كل هذا الزحمة الغير طبيعية في الفندق و اصنسيراته القليلة و الصغيرة و اضطرار الواحد للانتظار ما يقارب 30 دقيقة في بعض الأحيان حتى تقدر تركب الاصنسير.
بالإضافة اللي ذلك إن الفندق هذا ما ينفع للعوائل بأي شكل من الإشكال ، و اللي كنت أشوفه كان من جد مخزي بشكل كبير.
كل هذا كوم و خدمة الفندق السيئة و كأنك تتعامل مع موظفين همهم الأول و الأخير هو انك تدفع و تدفع و تدفع.

الميزة الوحيدة في الفندق و التي يتميز فيها على كل فنادق القاهرة هو المنظر الرهيب اللي الواحد يشوفه من بلكونة الغرفة ، إنا كان عندي في الغرفة بلكونتين و كنت اقدر أشوف الفرع الشمالي و الجنوبي من النيل و كان المنظر لا مثيل له و بالأخص بالليل.
لكن للأسف ما أخذت ولا صوره في سفرتي الثانية للقاهرة لأني ما أخذت الكمرة حقتي معي و السبب هو ان هدفي من الروحة هو زوجتي و ليس التصوير و توثيق الرحلة كما كان الحال في سفرتي الأولي.

يوم وصولي للقاهرة جلست في الغرفة طول اليوم الين جت الساعة حدود 11 بالليل و بعدها طلعت إنا و زوجتي و أمها لم مطعم الرويل قراند كافية على مركب البلو نايل لان باقي اهلها و أخوالها كانوا مجتمعين فيه.

ثاني يوم من وصولي للقاهرة تغديت إنا و زوجتي و أمها في مطعم اسماك قدورة و بالليل عزمت أهلها و أخوالها في مطعم السلطان ، و حرصت أعزمهم في مكان جديد لأنهم رفضوا أشاركهم في حساب الليلة السابقة على مركب البلو نايل.
مطعم السلطان كان جديد بالنسبة لي و عرفني عليه السواق و رحت للمطعم و حجزت فيه طاولة من عصر نفسي اليوم.
إنا مدري وين كان موقع المطعم فيه من القاهرة بالضبط بس كان مكانهم جداً جميل و حرصت على جلسة على النيل مباشرة.
إنا أنصحكم بالمطعم لأنه كان جداً جميل و الفرق الموسيقية اللي فيه كانت جداً ممتازة ، من المطربين اللي كانوا يغنون في المطعم كان شعبان عبدالرحيم و مجموعة أخرا من الفرق الممتازة.
بس إنا اليوم اللي إنا رحت فيه للمطعم ما كان شعبان عبدالرحيم يغني فيه ، لأنه كان فقط يغني في المطعم أيام الاثنين و الربوع.
يمكن يعيب المطعم هو الحد الإدناء من الطلبات للشخص الواحد و اللي كانت 250 جنية.

إما يوم الأربعاء و كان يوم الثالث في القاهرة فحرصت فيه إني أروح للخطوط السعودية في الصباح عشان تأكيد الحجوزات و باقي اليوم قضيته إنا و زوجتي و أمها في الذهاب إلي كرداسة في الظهر و بالليل كان في السوق اللي يتبع لفندق النيل هيلتون.
تبون الصراحة و إنا أتجول في فندق النيل هيلتون لقيته أفضل و اقل زحمة بمراحل من فندق النيل هيلتون ، و لو قدر لي ارجع للقاهرة و كنت مضطر اختار بين الفندق هذا و فندق رمسيس هيلتون لاخترت فندق النيل هيلتون بدون تردد.

ثاني يوم توجهنا للمطار و ركبنا طيارتنا العائده إلي الرياض

و هذي كانت نهائية معركتي في القاهرة.


[color=#0000FF]اتمنا يكون الموضوع قد حاز على رضاكم.[/color]


[COLOR="Red"]استودعكم الله[/COLOR][/SIZE][/FONT]

أقول اسبرانزا رووووووووح ياشيخ الله يفتحها بوجهك :)

قسم بالله أنك شنب بس تدري أكثر شيء أعجبني رومنسيتك ياشيخ وأدعوا القراء ليتابعوا معي كلام أنت قلته أعلاه والله أني كوش ظهري يوم قريته :
[quote]بعد حدود الخمس دقائق إلا و زوجتي تتصل على و هي مبسوطة و فرحانة بالهدية و ماهي عارفه إنا وشلون قدرت أحط لها الهدية في الغرفة و إنا في الرياض.

سولفت انا و زوجتي كم دقيقة على التلفون و كانت جداً مبسوطة من المفاجئة فقلت لها إن المفاجآت كثيرة و إن هذي أولها ، و إنا اسولف معها على التلفون طقيت على باب الجناح اللي هي فيه مع أهلها و قلت لها بالتلفون إني اسمع باب غرفتهم يطق ، هي طبعاً استغربت انا وشلون سمعت ان الباب يطق و رحت تفتحه.

زوجتي فتحت الباب و كنت إنا واقف قدام الباب[/quote]
والله أنك عاطفي

أمووووووووت في المواقف العاطفية الي زي كذا

أقول لبى قليبك ياشيخ:)

وترى والله من وصفك كني مسافر معك شيء جميل جداً :)

[FONT="Arial"][SIZE="5"][COLOR="Blue"][COLOR="Red"]ذيب السنافي[/COLOR]

هلا والله و غلا بالذيب

والله اني متوقع انك ترد على الموضوع ، فنت بكل بساطة روح المنتدى.

اما المواقف العاطفيه هذي ، فهي لزوم عشان تلعب بعقل الحريم (الله يستر بس عقب هالجملة).

لك كل الشكر و التحية[/COLOR][/SIZE][/FONT]

[quote]هلا والله و غلا بالذيب[/quote]
المهلي مايولي
[quote]والله اني متوقع انك ترد على الموضوع ، فنت بكل بساطة روح المنتدى.[/quote]
شوف أنا سياستي رد على المواضيع الي تعجبك وأنت مواضيعك حلوووووووووة مثل روحك :)
[quote]اما المواقف العاطفيه هذي ، فهي لزوم عشان تلعب بعقل الحريم (الله يستر بس عقب هالجملة).[/quote]
الله يستر شكلك توهقت بس بقولك مافيه حرمة تسوي ذا المواقف كلها لها ألا أكيد راح تغفر لك :)
الشكر لله ياولد عمي نسباً وأخوي فخرياً :)

[FONT="Arial"][SIZE="5"][COLOR="Red"]ذيب السنافي[/COLOR]

الشكر لك يا خوي ذيب

الموضوع زاد حلاوه بمشاركاتك الكريمة[/SIZE][/FONT]

رد: اسبرانزا و معركة القاهرة
 

طرح رائع

يسلموووووووووووووا

رد: اسبرانزا و معركة القاهرة
 

تسلم اخوى..ياسر
رحله رائعه وامتعتنها ووصف ماشاء الله
حسيت انى مخاويتك ههههههههههههه
وصور رائعه
يعطيك العافيه..

رد: اسبرانزا و معركة القاهرة
 

[font="comic sans ms"][size="6"][color="purple"]ابو يا111سر


يعطيك العافيه على سرد قصتك الرائعه والمواقف الاروع


صووووووووووووووووووور رائعه


تسلم على النقل يعطيك العافيه على جهودك [/color][/size][/font]

رد: اسبرانزا و معركة القاهرة
 

تسلم على اطلاعنا

موضوع راقي

موووووووودتي

رد: اسبرانزا و معركة القاهرة
 

[center]رائع
بارك الله فيك [/center]

رد: اسبرانزا و معركة القاهرة
 

ابو ياسر
معلومات طيبه
لاهنت

رد: اسبرانزا و معركة القاهرة
 

رائع ما طرحت
تحياتي ومودتي
000