محمد بن مسلم
 

من شعراء الأحساء ولادة والحريق أصلاً عاصر شاعر الأحساء سليم بن عبدالحي وتوفي 1280هـ
صاحب قصيدة :البارحه يوم الخلايق نياما ، المنسوبة خطأ لنمر العدوان
نهج محمد المسلم نهج محيسن الهزاني في بعض اشعاره ، ولا غرابة في ذلك فالأثنين من بلدة واحده ، وان كان محمد قد رحل مع والديه إلى الأحساء فليس هناك ما يدل على انقطاعها من الإتصال ببلدتهما الأصليه مثل الكثير من اهالي نجد ، وقد توفرت لنا الكثير من الأدلة التي تؤكد ان القصيدة له ، وقد تمت مناقشة هذه الأدلة في الروابط التالية:
[url]http://www.alriyadh.com/2007/09/19/article280710.html[/url]
[url]http://www.alriyadh.com/2007/09/16/article279976.html[/url]
[url]http://www.alwatan.com.kw/Default.as...4230&pageId=69[/url]


[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البـارحـة يـوم الخـلايـق نيـاما=بيّحـت من كثر البكـا كل مكنـون
قمت اتوجد وانثر الماء على ما =من موق عين دمعها كان مخزون
لـي ونّـهٍ مـن سمعـها ما ينـاما=ونّة صويبٍ بين الاضـلاع مطعـون
والاّ كمـا ونّـة كسيـر الســلاما=خلـوه ربعـه للمعاديـن مرهون
فـي ساعـةٍ قـل الرجـا والمحـاما=فيمـا يطالـع يومهـم عنـه يقفـون
وإلا كما ونة رعابي الحماما =غاد ذكرها والقوانيص يرمون
تسمـع لهـا بيـن الجرايـد حطـاما=من نوحها تدعـى المواليـف يبكـون
والاّ خـلـوجٍ سـابـتٍ للهـيـاما=على حوارٍ ضايـعٍ فى ضحا الكـون
والاّ حــوارٍ نشقــوه الشمــاما=وأمه تطالـع يـوم جـرّوه بعيـون
يردون مثله والظوامي سياما =ترزموا معها وقامو يحنون
والاّ رضيـعٍ جـرّعـوه الفطــاما=أمه غـدت قبـل أربعينـه يتمّـون
عليـك ياللي شرب كـأس الحمـاما=صـرفٍ بتقديـرٍ مـن الله مـاذون
جاه القضاء من بعد شهر الصياما =صافي الجبين بثاني العيد مدفون
كسوه من بيض الخرق ثوب خاما =وقاموا عليه من الترايب يهلون
راحوا بها حروة صلاة الاماما =وعند الدفن قاموا لها الله يدعون
برضاه والجنة وحسن الختام =ودموع عيني فوق خدي يهلون
وحطوه في قبر غطاه الهداما =في مهمه من عرب الاموات مسكون
يا حفرة يسقي ثراك الغماما =مزن من الرحمة عليها يصبون
جعل البختري والنفل والخزاما =ينبت على قبر به العذب مدفون
مرحوم يالي ما مشي بالملاما =وجيران بيته راح ما منه يشكون
يا وسع عذري وأن هجرت المناما =ورافقت من عقب العقل كل مجنون
أخذت أنا وياه سبعة عواما =مع كثرهن بالكيف مامثلهن لون
والله كنه يا عرب صرف عاما =يا عونة الله صرف الأيام وشلون
وأكبر اهمومي من بزور يتاما = لا شفتهم قدام وجهي يصيحون
وأن قلت لا تبكون قالوا علاما =نبكي ويبكي مثلنا كل محزون
ولاقلت وش تبكون ؟ قالو يتاما =قلت اليتيم اياي وانتم تسجون
قمت اتشكا عند ربع عداما =وجوني على فرقا خليلي يعزون
قالوا تجوز وانس لامه بلاما =ترى العذارى عن بعضهن يسلون
قلت إنها لي وقفت بالولاما =ولو جمعتم نصفهن ما يسدون
ما ظنتي تلقون مثله حراما =ايضا ولا فيهن على السر مامون
وأخاف أنا من عاديات الذماما =اللي على ضيم الدهر ما يتاقون
أوخبلة ما عقلها بالتماما =تضحك وهي تلذع على الكبد بالهون
توذي عيالي بالنهر والكلاما =وانا تجرعني من المر بصحون
والله لولا هالصغار اليتاما =خايف عليهم يعدها لا يضيعون
لقول كل البيض عقبة حراما =واصبر كما يصبر على الحبس مسجون
عليه مني كل يوم سلاما =عدد حجيج البيت واللي يطوفون
وصـــــلّـوا على سيّد جميع الاناما =على النبي يللى حضرتوا تصلون


[/poem]

رد: محمد بن مسلم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


هذا زمان اظهر حلالك يعاديك=وتقوم له من عقب هذا تسول
لا قمت تذكر ما مضى من حسانيك=في حال الأول قال الأول تحول
حنا عيال اليوم عطنا ونعطيك=نقد بنقد وخل ما فات الاول
ذا اخر زمانك بتشوف المماليك=قامت ترفع والضواري تحول
وعن الـمعاني اقر ذا البيت يكفيك=ركب الرديف وراعي الكور حول
وأهل الغنا والجود صارو صعاليك=وأهل الفقر والبخل قامت تمول
يا ما تشوف من العجب ما يعنيك =إن متع الله في حياتك وطول
اكـذب وتلقــى لك مع الناس تسليـك =وإصدق وتتــرك لو تكون السِّموّل
فالحُر ما ضاقت عليه المساليك=لولا الضرورة والحرم والمعول
ولا يغرك كل زول يحاكيك=تحسبه صديق وهو قطوٍ يغول
يضحك بوجه لك وبالنصح يوريك=وهو على العـثره يرز المطول
وأحذر صديقك قبل تحذر معاديك=أن كنت عاقل فاليالي تدول
حسب لدرب ما مشوا فيه اهاليك=فالمرجله بالقمبزه ما تظول
اقنع بقسم الله وما كان معطيك=وبالماقف الي يتعبك لاتطول
وترى صديقك من بنفسه يواسيك=ويواصلك في مرزقه والمخول
ويسر وجهه لك وأن سمع كلمة فيك=واذا ضربت قال تنصار الاول
وأصدق صديقك ما حصل في تمانيك=فلا تخيل لك جهام تزول
تحسبه من هو بواهج القيض يسقيك=وهو سراب في هجير تبول
خف الأله وعامل الصدق ينجيك=في ساعة يخزى بها من تقول
كم صادق ينجى بضيق المساليك=وكم كاذب اومأ كراعه وشول
ثم أطلب الله مثل ما قيل في ذيك=يفرجْ لنا في ذا الزمان المهول
أسمع نصيحت واحدٍ ما يهفيك=واعبر على مركب زمانك ونول
وأحذر على نعمتْك من فعل اياديك=ترى النعم عند المعاصي تزول
وأزكى السلام التام من غير تشكيك=عليك يا تالي الرسل وانت الأول[/poem]

رد: محمد بن مسلم
 

وهذي قصيدة نادرة للشاعر الكبير الراحل / ابن مسلّم في حادثة عين الحارّة حيث يقول :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

خطبٍ دهانا وارجفت منه الأذهان =جتنا فجأةٍ ومالقينا لها عيون
خطب جليلٍ لو يصيب الصخر لان =لو هو حديد الصلف سالت له عيون
ما عاد يذكر له مع الإنس والجان =ولا تنفع الغاصة ولا اللي (يسيبون)
يا (هل الحسا)عندي عن الجور ميزان =أو آيةٍ من موعظة لو تسمعون
آمرِ بمعروفٍ على كل من كان =وانهو عن المنكر مثل ما تعرّفون
وش حدّكم بالله على كل شيطان =والعفو يوم أكره أنا غير ممنون
هرج القفا ما بيننا صار ديدان =والرزق هموا فيه لولاه مضمون
حتى صلاة الجمعة اللي لها شان =تفوت وانتوا في المواسم تبيعون
الاوله ضرٍ يداخل فالابدان =لا هو بطاعونٍ وهو شبه طاعون
والثانية ( الحارّة ) بعد عين الأعيان =غارت نهارٍ والخلايق يشوفون
العصر هي تجري كما شطٍ عمان =والصبح في ثبرك بالاقدام يمشون
يبست (افوههم) واصبح العيش عطشان =وامّا رجعها الله ا ومنين يافون
والعيش يزهي بين خوخٍ ورمان =وغرايسٍ ترّث بالاثمار وغصون
(ا الحارّة ) تبكيك من البدو غزلان =ومن الحضركل ا تلع الجيد مصيون
وبهايمٍ تورد ابجالك وفرسان =وطروش بدوٍِ توردك حين يظمون
يا خزنة الرحمن من غير حقران =أمشي باذن الله للناس يمشون
بالمصطفى المختار من نسل عدنان =ونوحٍ ويونس راكب الفلك مشحون
وابو بكر وعمر وعليٍ وعثمان =وباقي الصحابة والذي له يتبعون
وزابور بن داود وخاتم سليمان =والعرش الأعظم والذي له يحملون
ترد كوكبنا على حسن ما كان =ابعايشه مع آسيا مرة فرعون
صلاة ربي عد ما كوكبٍ بان =على الرسول وكل من له يوالون [/poem]

رد: محمد بن مسلم
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هب النسيم بريح ريحان الاحباب =وترنحت اغصان قلبي بتطريب

واحيا هشيم القلب من عقب ما شاب =من كثر ما تذري عليه اللواهيـــــب

قمت اتنشا ريحتة بين الا ســـــلاب =وانشق شذا عرفه بمور الهباهيب

يوم ٍ تحققته والى نكهة اطيـــــــــاب =صافي الثنايا سيد كل الرعابيب

خلته زهر عشب عليه الحيا طاب =اوعطر شاه ٍ من مغانيه قد جيب

اوما براسه يوم شاف الهوا صاب =وتأرجحت الافاق من نفحته طيب

طيب ٍ إلى شمه زكيم الهوى طاب =واستدملت منه القلوب المصاويب

ظبي ٍ على وجهه نبات الحيا ذاب =وابكا ثرا ثغره نبات الجناديب

من فوق متنه اسمر العرف سحاب =تسعين سوط ٍ له تدق العراقيب

قلبي تولع به وانا جاهل شــــــاب =حتى كبرت وصرت من حسبة الشيب [/poem]

رد: محمد بن مسلم
 

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أسباب ما هيض ضميري وهاجه=صبح الثلاثاء والخلايق يدوجون
مريت ظبي يشتري له حواجه=عليه ناس واقفين يظولون
نشدت وش هالظول قالوا تواجه=وايق تشوف بعينك اللي يشوفون
أن كان مالك في هوى البيض حاجة =اقضب طريقك خل فاتن ومفتون
بغيت أسير وصرت قضاي حاجه=نفس توازيني مواثيم وغبون
وجدك على مال تنوشه سماجه=ما يشتهي الفتنه فتى كود مجنون
قمت أتهايق لإن مثل السراجه =ظبي حجاجه بأحمر الموت مقرون
يبرم عليهم في طبوعه غناجه =يحيون من غنجه ومرٍ يموتون
يغضي إلاقذوه ريم الفجاجه=وإن قذّهم بملجلج العين يغضون
حكيه قروضات تقل في حجاجه =قوس بجر وقينتين يغنون
قوسة جبينه والوتر في حجاجه =وعيونه اللي بالمقادير يرمون
لو أن هدب عينه شجر في زراجه =شفت الجوازي في ظلاله يقيلون
مابه من المنقود كبر الحلاجه=إلا عيونه لاسطو ما يعيقون
بين اعتداله لامشى وانعواجه =غصن يميل وخيمتين يشيلون
قلب جرحته تبتصر في علاجه =ياكود من طيبك جروحه يطيبون
وش ذا التمخطر والتعب والدواجه =تجوز منها فالبدو عيشهم هون
تلبس ملابيس البهاء والبهاجة=وعن الوسخ ما تغسل إلا بصابون
وتشرب من الماء بارد في زجاجه=في روشي عن واهج القيظ مصيون
أو ما وهو يضحك ورطب مزاجه =ياهيه وين اذنينك اللي يسمعون
حلفت لو اعطي الحسا مع خراجه =على بيبان الحضر ما يصكون
عندي أحب من القرع مع دجاجه =هيم مجاهيم بالاقفار يرعون
واحب من لبس العبي والعلاجه =شاوية شقراً بها الشوك مدفون
وعن الحلو عدٍ كثير هماجه =اكرع برأسي فيه من غير ماعون
ومن البدو علج بدرج نعاجه =ولا سحاقي من الورس مدهون
كل يناظرعينته في زواجه=ترا البدو ما همب للحضر يبغون
واقفت سوات السيد عجل عجاجه =تقول أثر حضران ورقا يعشقون
حيذورك ياراكبين الحداجه=عن الحضر من مكرهم لا تصادون
ياليبت من يضون ليلة زواجه =يمشي على الاصابع من حيث ياعون
فالا وعوابي قلت قضاي حاجه=وقالوا من أنت قلت أنا دور ماعون
قلت المواجه قال ما من مواجه =اصبر علينا لين اهلنا يحدرون
والا فمت كم عنيتك من زناجه =في شرعتا قتل العشاشيق مسنون[/poem]

رد: محمد بن مسلم
 

فوق الابداع بكثير
تميز لا حدود له
دمت بكل احترام وتقدير

رد: محمد بن مسلم
 

[COLOR="Teal"]الطائر المهاجر

تحية تقدير و إعجاب لجهدك الراقى و إختيارك الرائع المتميز
دمت و سلمت و غنمت[/COLOR]

رد: محمد بن مسلم
 

شكرا للمجهود الطيب ابو عبدالله

نقل رائع لشاعر مبدع

لاهنت

تقبل مروري وودي

رد: محمد بن مسلم
 

جهد رائع تشكر عليه
الطائر المهاجر
تسلم ايدك وتحية طيبة

رد: محمد بن مسلم
 

الله يعطيك العافية

ابو عبد الله

مجهود رائع

تحيتي

رد: محمد بن مسلم
 

الطائر
شكرا على النقل

رد: محمد بن مسلم
 

تسلم على مجهودك الكبير
ويعطيك العافيه

رد: محمد بن مسلم
 

نقل رائع
وبيض الله وجهك

رد: محمد بن مسلم
 

الله يعطيك العافية

وعساك على القوة

نقل مميز وماتاتي الا بما هو مميز

رد: محمد بن مسلم
 

[font=arial narrow][size=3][color=purple]رائع جدا[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]ومجهود راقي [/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]تشكر عليه يابوعبدالله[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]دمت بكل خير[/color][/size][/font]
[font=arial narrow][size=3][color=purple][/color][/size][/font]
[font=arial narrow][size=3][color=purple]000[/color][/size][/font]

رد: محمد بن مسلم
 

[font="comic sans ms"][size="6"]الطائر تسلم على النقل الرائع
وصح لسانك
يعطيك العافيه على جهودك الواااااضحه [/size][/font]

رد: محمد بن مسلم
 

شكرا مشرفنا

صح لسان الشاعر

طرح رااااائع لاهنت [/center]

رد: محمد بن مسلم
 

جهود طيبة منكم
تحياتي

رد: محمد بن مسلم
 

[center][b][font="comic sans ms"][size="5"]تسلم يمينك على النقل الرائع ربي يعطيك العافيه[/size][/font][/b][/center]

رد: محمد بن مسلم
 

الى اخي الطائر المهاجر حقيقه تستحق الشكر الجزيل على هالموقع الكبير اللى يعتبر مكتبه تراثيه بحد ذاتها :) ولكن طال عمرك اتمنى تكملت القصيده اللى بدايتها : هب النسيم لآن انا في خاطري قاريها وابياتها اكثر من المذكور لكي يصبح المنتدى مرجع للمكتبه التراثيه اتمنى ان وجد عندكم ان تضعون القصيده كامله ولكم جزيل الشكر والعرفان

رد: محمد بن مسلم
 

الطائر
شكرا لك على ماقدمت ونقلت
رحم الله الشاعر
ولاهنت اخي

رد: محمد بن مسلم
 

[font=arial black][size=3][color=slategray]يعطيك العافيه[/color][/size][/font]
[font=arial black][size=3][color=slategray][/color][/size][/font]
[font=arial black][size=3][color=slategray]وتسلم على مجهودك..[/color][/size][/font]

بارك الله فيك
على ما تقوم به
تحياتي

بارك الله فيك
كتبت فقرأنا فاستفدنا
تحياتي واحترامي

احسنت
وفقك الباري
تحياتي

رد: محمد بن مسلم
 

يعطيك العافية

صعوووب

رد: محمد بن مسلم
 

اشكرك على النقل

لا هنت

رد: محمد بن مسلم
 

[font="comic sans ms"][size="6"][color="dimgray"]يعطيك العافيه
وشكرا لك على ماقدمت ونقلت
رحم الله الشاعر
ولاهنت اخي [/color][/size][/font]

رد: محمد بن مسلم
 

نقل رائع جدا
سلمت ولاهنت