شالح بن حطاب بن هدلان
 

شالح بن حطاب بن هدلان . . . شاعر علم من مشاهير شعراء ((قبيلة قحطان)) . . . جمع الشعر والفروسية فكان يترجم أفعاله بشعره فخلد مواقفه التي عرفت بالبطولة والتضحية والفداء وكان حكيماً نافذ البصيرة يلجأ إليه أفراد قبيلته أو القبائل الأخرى لحل مشاكلهم فيحتكمون إليه ويحكمونه لما عرف عنه من نزاهته وحياده فأصبح محط احترام قبيلته والقبائل الأخرى.
عاش شاعرنا شالح بن هدلان حتى سنة 1340هـ تقريباً وقد كان له أخ يسمى ((الفديع)) يماثل أخاه ((شالح)) في كل شيء وكان يغامر بشجاعته إلى أبعد الحدود . . . وقد تحمل الفديع كل مشاكل الحياة عن أخيه شالح الذي يحبه ويعرف مكانته وفيه يقول شالح:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا واخـون لي عقب فرقـاه باضيـع=كنـي بما يجـري على العمـر داري

أخـوي يـا ستـر البنـي المفاريـع=ومطلـق لسـان اللي بهلـها تمـاري[/poem]


ولما توفي الفديع رثاه شالح برائعة منها هذه الأبيات:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وأخـوي ياللي يـم قـارة خفافـات=من عاد عقبـه يبي يستـر خمالـي

ليتـه كفـانـي سوبقعـا ولا مـات=وأنـا كفيتـه سـو قبـرٍ هيـالــي[/poem]



وقد كان الشاعر شالح بن هدلان حكيماً بشعره بشكل قل أن يوجد له مثيل فقد كانت قصائد الفرسان كلها نتيجة إلى الحرب والضرب والطعان أما شالح فله قصائد بالحكمة لا تقل عن قصائده بالحماس قوة والملفت للنظر في شعر شالح أنه يجمع الحماس والحكمة في قصيدة واحدة أو بيت واحد كقوله في هذه الأبيات:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا ليـا كثـرن الأشـوار ما شيـر=والله مـاتـي واحـدن ما دعـانـي

أنـا رفيقـه بالليـالـي المعـاسيـر=وإلاّ الـرخـا كلـن يسـد بمكانـي

وشورى ليا هجت ليالـي المظاهيـر=شلفـا عليـها رايـب الـدم قـانـي

شلفـا معـودها الجـدع المشـاهيـر=يـوم السبـايـا كنـها الديـدحانـي[/poem]



ومن أشهر قصائد (( شالح بن هدلان )) تلك القصيدة التي لا تزال الناس ترددها حتى الآن لما حوته من غرابه في المعنى وقوة بالتصوير والتعبير فقد رثى شالح ولده ((ذيب)) وهو على قيد الحياة بقوله:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما ذكـر به حيٍ بكـى حي يا ذيـب=واليـوم أنـا ببكيـك لو كنـت حيـا

يا ذيب يبكـونك هل الفطـر الشيـب=إن لايعتـهم مثـل خيـل المحيــا

وتبكيـك قطعـانٍ عليـها الكواليـب=شيـال حمـل اللـي يبـون الكفيـا

وتبكيـك وضـحٍ علقـوها دباديـب=إن رددت مـن يمـة الخـوف عيـا

ويبكيـك من صكـت عليه المغاليـب=إن صاح بأعلى صوت يا هل الحميـا

ننزل بك الحـزم المطـوف لياهيـب=إن رددوهــن نـاقليـن العصيــا

أنا أشهـد إنك بينـنا منقـع الطيـب=والطيـب عسـرٍ مطلبـه مـا تهيـا[/poem]

رد: شالح بن هدلان
 

[poem=font="simplified arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ذيبٍ عوى وأنا على صوته أجيـب=ومن ونتي جضت ضواري سباعـه
عز الله إني جاهل ٍ ما أعلم الغيـب=والغيب يعلم بـه حفيـظ الوداعـه
يالله يـا رزّاق عِكـف المخالـيـب=يا محصـي خلقـه ببحـره وقاعـه
تفرج لمن صابه جـروح ٍ معاطيـب=وقلبه من اللوعـات غـادٍ ولاعـه
إن ضاق صدري لذت فوق المصاليب=مانيب من يشمـت فعايـل ذراعـه
صار السبب مني على منقع الطيـب=ونجمي طِمَن بالقاع عقب إرتفاعـه
يا طول ما هجيتهـن مـعْ لواهيـب=ولاني برادي كسرها مـن ضلاعـه
ويا طول ما نوختها تصـرخ النيـب=وزن البيوت إللـي كبـار ٍ رباعـه
وأضوي عليهم كنهم لـي معازيـب=إليا رمـى زيـن الوسايـد قناعـه
أضوي عليهم واتخطـى الأطانيـب=وآخـذ مهاويـه الجمـل باندفاعـه
أبا أنذر إللي من ربوعي يبا الطيـب=لا ياخذ إلاّ مـن بيـوت الشجاعـه
يجي ولدهـا مـذرب كنّـه الذيـب=عِز لِبُـوه وكـل مـا قـال طاعـه
وبنت الردي ياتي ولدها كما الهيـب=غبـنٍ لبُـوه وفاشلـه بالجمـاعـه
يا كبر زوله عند بيـت المعازيـب=متحـرّي ٍ متـى يـقـدّم متاعه [/poem]

رد: شالح بن هدلان
 

يعطيك العافية


صعوووب

رد: شالح بن هدلان
 

تسلم يالطائر
مافتحت معاى بس اكيد مبدعه
وتسلم على طرحك
تحياتى..

رد: شالح بن هدلان
 

الطائر
رائعة جدا
شكرا لك

رد: شالح بن هدلان
 

نقل مميز يستحق العوده
ولا هنت

رد: شالح بن هدلان
 

[center]لاهنت
ومشكور على النقل الرائع [/center]

رد: شالح بن هدلان
 

صح لسانه
مختارات رائعه
يعطيك العافيه

تسلم
ابدعت وامتعت
تحياتي

جزاك الله خيراً
على ما افدتنا به
ودي واحترامي

خالص الشكر والتقدير
على كل جهودك الرائعه
تقبل اطيب التحيه

خالص الشكر والتقدير
على كل جهودك الرائعه
تقبل اطيب التحيه

شكراً
على ما اتحفتنا به
تحياتي

الف شكر
على ماجاد به قلمك
تحياتي الطيبه

وفقك الله
وسلمت اناملك
تحياتي وتقديري