مختارات رشيد الزلامي
 

يامعالج الجرح
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامعالج الجرح صبري واصلا ً مـاده=وعلاج قبل امس زاد الجرح ماسـرّه
احرجتني في سؤال مااعرف ابعـاده=والناس للناس محتاجـه ومظطـرّه
اخفض جناحك ترى دنيـاك حـداده=وترى سليمان قبلك خاطـب الـذرّه
وجرحي ترى مايبي دكتور وعيـاده=يحتاج قلـب رحيـم ونظـرة حـره
وان كان جرحي بقى والطب مافـاده=اعود وانصحك ياقلبـي ميـة مـرّه
لا عاد تحلـم بشـي فـات ميعـاده=قد ايش تبكي وكبـدك ليـه محتـرّه
اصبر علـى ماقضـاه الله ومـاراده=يكفيك فعـل الزمـن بمحمـد الـدرّه
ويكفي من الوقت خمس عقود وزياده=ماعاد خلـت بكبـدك قطـرة مـرّه
وان قلت انا في زمان فات لي عـاده=دارت رحاة الزمـان وجتـك مفتـرّه
ريح ضميرك وخل الوقـت وجهـاده=لعل خير الزمـان يفـك مـن شـرّه
اما يقوم الجمـل شقـران بشـداده=والا تهب الهبـوب وتقتـل الجـرّه [/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الزلامي كيف رمح الهوى صابـه=والهوى ماصابنامن على اولنـا
ياهل البيت الخضرسكـرو بابـه=سكروبيبانكـم ياعـرب عـنـا
وامسكواورع الهوى اللي بلشنابه=كـل ماجينامـن الـزام قابلنـا
هزرمش العين والاضحـك نابـه=ضحكـة ٍمنهاالنجـوم يتهاونـا
امسكـوه ببيتكـم قبـل نبلابـه=وأن طلع لاتامنون العتـب منـا
لايكلمناولايطـلـع الـجـابـه=لوصبـاح الخيركـنـه يلعـنـا
مايخاف الله ولايرحـم اصحابـه=جاهـلا ًبعيونـه السوديفتـنـا
اتمناحـرب مـدفـع ودبـابـه=والعيـون السودعنّـا يصـدنـا
بس ياهل الورع متنامن اسبابـه=مايردالمـوت لاانتـم ولاحـنـا
ورعكـم يلعـب ودنيـاه لعابـه=مـادرى انــا قدلعبناوهـونـا
مالقينافي طريق الهـوى ثابـه=زتنافـي بحرالاهـوال واهملنـا
الهوى علـه ولاتوجـد اطبابـه=دايمـا ًراعيـه مفتـون ومعنـا
ودنابيت الهوى نقطـع اطنابـه=ونطلب الوالي عسى العفويشملنا [/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عجيـب ياقلبـي وعجبتـك دوبــك=ماشوف علم ٍجايـزاً لـك و معجبـك
ياقلـب حاسبنـي وحاسـب ذنوبـك=ماادري بخـلان الرخـاوش مرغبـك
وش ولعـك فـي نـاس ماقلـدوبـك=ولاثمنـوا حقـك وقامـوا بواجـبـك
ربعـاً يذريهاالـذرى عـن هبـوبـك=خسـران لوتشكـي عليهـم مصايبـك
ان كـان ماتلمـس يدينـك جيـوبـك=في ذمتـي مامنهـم اللـي يصاحبـك
وان حصلـوا مقصودهـم ربعـوبـك=سووا لك الخـط الزلـق ليـن يقلبـك
وعندالنهايـه برقـوا وضحكـوا بـك=كم من ضحـوك ٍيستغيبـك ويشذبـك
اليـوم صدقانـك وباكرحكـوا بــك=وبعدالرجـا منـهـم تكدرمشـاربـك
هراجـة المجلـس ليامالقـوا بــك=شيـاً يقولـونـه حـداهـم تنكـبـك
ومالوبسـوق المهزلـه ونزلـوا بـك=ضعاف العقول اللي تسولف على الدبك
يحكي بك اللي عاجزاً عـن دروبـك=لافـاعـل ٍفعـلـك ولاهومجـنـبـك [/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهـن ابـن هــن مــاوالله ارداك=ومااردى نصيب اللي يسوي سواتـك
ومااردى نصيب اللي من البعد ينصاك=يبا العشا ويشوف بعـض احركاتـك
تحلق الشـارب مـن الديـن يـاذاك=ودك تخـدع المومنيـن بصـلاتـك
لكـن وش تكسـب بدينـك ودنيـاك=لا صار ترك الواجبه مـن صفاتـك
لا صـار ضيـف الله تلقيـه علبـاك=باقي علومـك خشهـا فـي عباتـك
الجـود مافقّـرك والبخـل مااغنـاك=ولا تحسب انك مت من موت شاتـك
الخاتمه مـن يـوم هـاذي سوايـاك=بالله لا تعـطـي عتـابـه بـنـاتـك
تكثر بنا الرديـان مثلـك وشـرواك=وتـروح تشمتنـا الرجـال بشماتـك[/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوقـت يامقـسـى عـنـاه وعـذابـه = حطـاب ليـل ولـه معاويـن وفـزوع
احد (ن) منـه يمكـن يعالـج صوابـه =واحد (ن) يموت بعلته مـوت جربـوع
يروح مثـل مقـاط محـد (ن) درابـه =لاحبـل يرقـى ولاصـوت مسـمـوع
بغـى يجيـب رشـاه ورشـاه جـابـه = مـن عالـي الشفـه على ضربـه الـكـوع
هـذاه مقـاط اللـى ارشـاه التـوابـه = واصبح مثل للناس فـي كـل موضـوع
قصـه مـقـاط وقصـتـى ماتشـابـه = اسباب وقـت وكـل قصـه لهـا نـوع
مقـاط صفـى فـي زمانـه حسـابـه = وانا بلشت في وقـت طامـع ومطمـوع
كم واحـد (ن) وقـت اللـزوم تهقابـه = واليـا نصيتـه غيـر الطبـع بطبـوع
والصاحب اللى صحبتـه ضحـك نابـه = يبينى ابقى لـه علـى الـدوم مـزروع
ان شـاف وجهـي قـال يامرحبـابـه = وان غبت ينسانى علـى راس الاسبـوع
واليـا نسانـى منهـو حظـره جنابـه = انسـاه واجعـل دونـه الخـط مقطـوع
وعيب (ن) عليـه كـان طقيـت بابـه =لونى امسي بالخـلا ميـت (ن) جـوع
من خلـقـه الدنـيـا تـجـوع الذيـابـه =بس المهـم تعيـش والـراس مرفـوع
وتكسـب بعـز النفـس قـدر ورحابـه = وتمشى على خط (ن) سليم (ن) ومشروع [/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله على اللي شوحتـه تقطـع الـدار=يوصل غريب الـدار ديـرة ربوعـه
أبيـه والله ميـر مغليـن الاسـعـار=والبنـك ماادلـه ولااعـرف فروعـه
وذي حالة الدنيـا لهـا ادوار وادوار=يومـن تواصلنـا ويومـن قطوعـه
وكـل البشـر فيهـم فقـارا وتجـار=ونفوس تتحمـل والاخـرى جزوعـه
وحتى بنـوك النقـد تعجـز وتنهـار=ماهوب انا عجزي بعـاد(ن) رموعـه
بس المهم ودون توضيـح الاسـرار=وضعي ووضع الجيب شكله ونوعـه
شريت لي جيب(ن)عسى ابوه للنـار=بانـت عذاريبـه مـن اول اسبوعـه
مزعج مع الصحراء ومزعج مع القار=ومـن يركبـه لازم يسكـر سموعـه
مثل الشبـح ماينقصـه غيـر طيـار=شكله وتصميمـه وممشـاه روعـه
من خف دمـه مابقـى فيـه مسمـار=ولايركبـون عيـال الانـذال نوعـه
مايركبـون الا سـفـاري وفكـسـار=آخر زمان(ن) جعـل بقعـا تصوعـه
خـلا رجـال المرجلـه مالهـم كـار=الذيخ لـو يبكـي مسحنـا دموعـه
الذيخ يشبـع فالفضايـل والاسـوار=والذيـب مايـدرى بفقـره وجوعـه
وقت(ن) يخلي صاحي الفكـر يحتـار=ويشوف من هول الدهـر مايروعـه
تلقى الفقير وفزعتـه خمسـة انفـار=وتلقى الغني كـل الجماعـه فزوعـه
ياعاشق الدنيـا تـرى مالهـا جـار=كما واحد(ن) في حبها طـار شوعـه
اليوم تضحك لـه وتعطيـه الانـذار=وبكـره تلحويهـا محانـي ضلوعـه
خلك علـى صكـات الايـام صبـار=ويوم(ن) يفوتـك لاتمنـى رجوعـه
اقفى على مافيه مـن خيـر واشـرار=نجم(ن) هوى مايندرى عـن طلوعـه
وماهي على كيفـك تمنـى وتختـار=ابعد على المخلوق من حـب كوعـه
يخبرك من ذاق المتاعـب والامـرار=وحـاول ولاجالـه زمانـه بطوعـه
ومرت به الدنيا على بعـض الاقطـار=في رحلة(ن) ماغيرت مـن طبوعـه
والله ماواطن عيشـة الـذل والعـار=مادام لـي شيمـه ونفـس قنوعـه
وقرش(ن) عزيز افضل من الفين دينار=من مصدر(ن) للذل يعلـن خضوعـه
ولو الوساده من صلافيـح الاحجـار=للراس اخير من التـرف والميوعـه[/poem]

رد: مختارات رشيد الزلامي
 

في رثاء السديري
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اليوم ياعين الشقـا ليـش تبكيـن=يبكي الحزين وعبرتـه وش تفيـده
والله ما ألومـك لوبقيتـي تهليـن=دمـعً يـداوي الحـزن ولايزيـده
هذا القضاء والقدر مافيـه تظنيـن=يطوي من التاريخ صفحـه جديـده
صفحة شرف هزت قلوب الملايين=توجد بها كـل الصفـات الحميـده
صفحة شرف حنا لهـا مستحقيـن=تبقـى لنـا والله فعـل مايـريـده
راضين بامر مكون الكون راضين=حيث انـه المالـك وحنـا عبيـده
كم راحلً من بين قومـن مقيميـن=ومع دورة الايـام شـدوا شديـده
هذا الصحيح انا على الدرب ماشين=ولا وكـاد انـا فقـدنـا فقـيـده
شخصية تعرف على العسر والليـن=سجل لها الماضي مواقـف عديـده
في صالح الدنيا وفي صالح الديـن=ونفس تموت بمثـل هـذا شهيـده
وابوزيد حبه في قلـوب المحبيـن=بقلوب كل الناس ضخـمً رصيـده
مرحوم ياريف الضعاف المساكيـن=زومـان شيـال الحمـول المكيـده
ريف الضيوف اللي من البعد لافين=وعز الصديق وضد منهو ضديـده
العام ياعين الشقـا وش تخبريـن=أبعث له أسراري من أرضبعيـده
واشكي له الغربه وبعـد المحبيـن=وظروف عشت ابها حيـاةً زهيـده
مشاكلً تكـوي كبـود البعاريـن=يذوب منها القلب لـو هـو حديـده
ويرد لـي رد الرجـال الحكيميـن=ويحل موضوعي ببيـت القصيـده
وكنا على عهد الوفا منـه مرهيـن=وحل القضاء المحتوم دون الوعيده
اليوم ياعين الشقـا ليـش تبكيـن=محمد رحل مع درب خالد عضيـده
ندعوا لهم دعـوة حجيـج ملبيـن=بجنة عدن لاهل الصفات الحميـده
واليوم ياشعر النبط عنـك عازيـن=عفناك لـو عشنـا حيـاة مديـده
اختل وزنك مابقـا لـك موازيـن=تراك طيرن طايرن مـن جريـده
يالله ياقابـل صــلاة المصلـيـن=
تجعل لهم عن واهج النار تاميـن=وتجبر عزانا في النفوس الشديـده[/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الشعر ماني مقترح دستوره=ولاني وكيل أدم على مذخوره
ولكن من شيٍ يحز بنفسي=هاضت به افكاري وهي مجبوره
شعر النبط شفته بوسط الشارع=يمشي ويسحب رجله المكسوره
وما شاهدت عيني عرفت اسبابه=زان الزمان وبانت المصروره
الشعر سارت هيبته ماطيه=تشاوتوه الربع مثل الكوره
يشوته الفارس وجاه الحارس=ينقز على رجله ويلطم زوره
واهدافهم يا للأسف مكشوفه=اغراض شخصيه وصوت وصوره
يستخدمون الشعر لبسط حاجه=وش هالبشر منهيةٍ مأموره
إما هذم رَجلٍ بدون مبرر=او يمدحه مدحٍ يمس شعوره
مدحه بوجهه يعتبر مسبه=إذا كان يعرف مستواه ودوره
ولا تهيض عمنا متغزل=واعطى الجهاز الحر من ميسوره
يصف بنات الناس وصفٍ خاطيء=وداوم بحلقٍ كنه الماصوره
ثم قال أنا شاعر وجاك محدر=يعدّ حاله ناجحٍ من دوره
هو ما درى ان الشعر مضلومٍ به=وإنه بشر وصحته محظوره
يا من ظلمت الشعر خاف من الله=خله يعيش وحالته مستوره
يا الربع كلمة شعر تبغى شاعر=مثل السديري يوم غاص بحوره
وابن ربيعه والخلاوي راشد=ولا عبيد العلي يوم عصوره
ومثل القضاه ومحسن الهزاني=وابن شريم اليا رفع باكوره
وابن حميد وشالح القحطاني=ولاهي عن اهل المعرفه مقصوره
ولاني مجامل مع هذا والثاني=اعدّ شعار النبط وابحوره
واللي ما هو قنعان ينشد عني=يزورني للبحث ولا زوره
وعندي اللقاء كلٍ يجرب حظه=ولاني وكيل أدم على مذخوره[/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اذا جهلت انشد تـرا مابهـا عيـب=لاتنخدع للجهـل وانـت السبايـب
عيب الفتي مافيـه شـك ولاريـب=ترك الفروض وقطع وصل القرايب
والعيب ترك ملزمـات المواجيـب=وتبع الردي ومجالسة كـل خايـب
والتجربه برهـان مافيـه تكذيـب=اذا جهلت انشد من القـوم شايـب
بيض النواصي حجته كلهـا شيـب=من كثر مامرت عليـه المصايـب
ولاقول يوجد شايب يعلـم الغيـب=الغيب يعلـم بـه مديـر الهبايـب
لاشك يوجد شايـب لـه تجاريـب=من الفكر شاف الدهـر والعجايـب
قد صارع الدنيا علي الخبث والطيب=في الغوص والافوق عوص النجايب[/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامتعب الأقدام ماشي على ويـن=مع جرّة جاها العجـاج ودفنهـا

ارجع وعدّ خطاك وحده وثنتيـن=واكبح جماح النفس والزم رسنها

لاتامن الدنيا ترى وضعها شيـن=ماعاد به دنيـا صحيـح بدنهـا

لاصاروا العقّال مثـل المجانيـن=واصبح ردي العرف يامر وينهى

انا مجـرّب والتجـارب براهيـن=اراهن الأيـام واكسـب رهنهـا

منها عرفت الفرق بين الفريقيـن=سبحان من صاغ العقول ووزنها

وان كان صح ان التجارب براهين=ضمنتها لن كان ربـي ضمنهـا

رفقة ردي المعرفة بعتهـا ديـن=على زبون " ضمّها واحتضنهـا

بغى يجيني بالثمن قلـت بعديـن=امسك فلوسك لين ننشدك عنهـا

مابعتك الاّ سلعة" يااحمر العيـن=ابيعهـا وابيـع حتـى ثمنـهـا

والله مبي فيها الثمن لو قرشيـن=بس المهم اني تخلصـت منهـا [/poem]

رد: مختارات رشيد الزلامي
 

قصيدة وادي العقيقي
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

البـارحـه يــوم الثـريـا تـويـق=ييـوم كـلٍ فـي لذيـذ الكـرى راق
وقفت ليـن الشـوف جالـه بريـقـ=مثل السراب اللي علـى البعـد لهـاق
أخيـل بـرق صـوب واد العقـيـق=يماشفت مثلـه يفضـح الليـل بـراق
عـسـاه يسـقـي دار ذاك الفـريـق=يلو رغبتي ما عـاد بـاقٍ لهـا بـاق
وذيـك الديـر مانـي عليهـا شفيـق=يتطيب منها النفس وتضيـق الاخـلاق
قزرت عمـري فـي بحرهـا غريـق=يمتحمـل ٍ كـل المتاعـب والارهـاق
لين انكشف وجـه العـدو والصديـق=يوالرفقه اللي حبلهـا رمـث ودقـاق
ولا كلفـت نفـسٍ بـمـا لا تطـيـق=يتبينت لـي كنهـا شمـس الإشـراق
وانا ليـا شفـت الجفـا مـن رفيـق=يوصار الامل حبر ٍ على بيض الاوراق
قابلـت غلطـاتـه بـوجـهٍ طلـيـق=يونظرت له نظـرة محـب ٍ ومشتـاق
أعطيـه حتـى مـن منامـه يفـيـق=يلا كلمته سمّعت ولا خاطـرٍ ضـاق
حتـى يعـرف انـي رفيـقٍ حقيـق=يوليا انحرف ماهو على بـاب الارزاق
يروح في دربـه وانـا فـي طريـق=يمن خلقت الدنيا بهـا جمـع وافـراق
علـي بيبـان الفـرج مـا تضـيـق=يأسوقهـا فـي كـل ديـره وتنسـاق
وابعد عـن اللـي رفقتـه مـا تليـق=يماني علـى جنبـه معلّـق بمعـلاق
ياكثر مالي فـي الديـر مـن صديـق=يلا بارت العملـه وشحّـن الاسـواق
صداقـةٍ تبـنـا بـسـاس ٍ وثـيـق=لا عقربٍ تلـدغ ولا مـوس حـلاق[/poem]

رد: مختارات رشيد الزلامي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليااجتمعت الثنتين حاجة وشيمـة راس=وهـذي تنزلنـي وهذيـك ترفعـنـي

رفعت النظر والله عطاني نظر واحساس=وهي ميزه في كـل الاحـوال تنفعنـي

ولو كان بين الصم والبكم لي مجـلاس=هـذا مايكلمنـي والاخـر مايسمعنـي

حياة التجارب علمتنـي وانـا حسـاس=وخلتني اعرف نظرة العين وش تعنـي

وانا لو بدت لي حاجة عندبعض النـاس=اريد الكـلام وعـزة النفـس تمنعنـي [/poem]

رد: مختارات رشيد الزلامي
 

[QUOTE=الطائر المهاجر;309566][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامتعب الأقدام ماشي على ويـن=مع جرّة جاها العجـاج ودفنهـا

ارجع وعدّ خطاك وحده وثنتيـن=واكبح جماح النفس والزم رسنها

لاتامن الدنيا ترى وضعها شيـن=ماعاد به دنيـا صحيـح بدنهـا

لاصاروا العقّال مثـل المجانيـن=واصبح ردي العرف يامر وينهى

انا مجـرّب والتجـارب براهيـن=اراهن الأيـام واكسـب رهنهـا

منها عرفت الفرق بين الفريقيـن=سبحان من صاغ العقول ووزنها

وان كان صح ان التجارب براهين=ضمنتها لن كان ربـي ضمنهـا

رفقة ردي المعرفة بعتهـا ديـن=على زبون " ضمّها واحتضنهـا

بغى يجيني بالثمن قلـت بعديـن=امسك فلوسك لين ننشدك عنهـا

مابعتك الاّ سلعة" يااحمر العيـن=ابيعهـا وابيـع حتـى ثمنـهـا

والله مبي فيها الثمن لو قرشيـن=بس المهم اني تخلصـت منهـا [/poem][/QUOTE]

الله..... الله.. ابيعها وابيع حتي ثمنها

رد: مختارات رشيد الزلامي
 

[size=4][color=#008080]الطائر المهاجر

اختيار جدا رائع سلمت يداكِ لنقلك المميز
ودمت و سلمت و غنمت[/color][/size]

رد: مختارات رشيد الزلامي
 

يعطيك العافية


صعوووووووب

رد: مختارات رشيد الزلامي
 

تسلم اخوى
ومجهود كبير الله يعطيك العافيه

رد: مختارات رشيد الزلامي
 

صح لسانه
يعطيك العافيه على النقل

رد: مختارات رشيد الزلامي
 

[center]منقول رائع لشاعر جزل
وبيض الله وجهك يابوعبدالله [/center]

رد: مختارات رشيد الزلامي
 

الحقيقة

لن اوفيك لو قلت شكرا

لكن
الله يعافيك ويكثر امثالك

رد: مختارات رشيد الزلامي
 

[size="5"][font="comic sans ms"]تسلم الايادي على النقل المميز
يعطيك العافية[/font][/size]

رد: مختارات رشيد الزلامي
 

مشكوووور اخوي الطاير المهاجر
وبيض الله وجهكـ ماقصرت
وابدعت وامتعت بنقلكـ
تقبل مروووري

رد: مختارات رشيد الزلامي
 

سلمت يدك

صعووووب