لويحان
 

هو عبد الله بن عبد الرحمن بن عبد الله بن عثمان العنقري التميمي، ووالدته من عائلة الشاعر الشهير عبد الله بن سبيل، وعديله الشاعر الشهير أيضاً سليمان بن شريم، اما سبب تسميته بـ "لويحان" فقد اطق اصلاً على أحد أجداده المباشرين وهو من شيوخ ثرمدا وكان في بحبوحة من العيش وكان كريماً في الوقت نفسه وكان يلوح لعابري السبيل راجلين أو على ظهور الإبل، كان يلوح بكم ثوبه "المرودن" لاستضافتهم وإكرامهم وأخذ أخبارهم وكانوا يختصرون اسمه بـ "لويحان".
في بلدة "نفي" التي انجبت الشاعر عبد الله بن سبيل والشاعر سعيدان الملقب بـ"مطوع" نفى عاش ابن لويحان بداية حياته ومن "نفي" انتقل إلى الكويت لطلب الرزق، عمل بالغوص عشر سنوات ثم عاد إلى نجد حيث امتهن الزراعة ثلاث سنوات في بلدة الشعراء، ثم انتقل إلى بريدة ومكث هناك 12 سنة حيث عمل بالتجارة في الإبل، وكان يقضي بعض وقته مع بعض أصحابه في مدينة عنيزة ويتردد على الرياض للسلام على الملك عبد العزيز ويلقي أمامه بعضاً من قصائد المديح والحماسة، وفي شهر رمضان من عام 1353هـ أرسل الأمير محمد بن عبد العزيز –رحمه الله- السيارات لنقله هو وأسرته من بريدة إلى مكة المكرمة ليستقر في حي الشامية، أحد أحياء مكة المكرمة.شارك في حصار الرغامة، وفي فتح المدينة المنورة برفقة صاحب السمو الملكي الأمير محمد بن عبد العزيز –رحمه الله- كما شارك في فتوحات الجنوب برفقة الأمير الملك فيصل بن عبد العزيز –رحمة الله-
في عام 1402هـ فاجأه المرض في محافظة الدوادمي، وكعادته في فعل الخير فقد أمر صاحب الأيادي البيضاء والسبَّاق إلى الخير دوماً صاحب السمو الملكي الأمير سلطان بن عبد العزيز بنقل الشاعر الكبير بطائرة الإخلاء الطبي من الدوادمي إلى المستشفى العسكري بالهدا بمحافظة الطائف حيث توفى رحمه الله في 25/11/1402هـ عن تسعين عاماً، وقد تزوج من 11 امرأة ، له من الأبناء 10 ومن الأحفاد 46 حفيداً.. رحمه الله واسكنه فسيح جناته.
لويحان مدرسة فى الشعر وشعر المحاورة على وجه الخصوص وهو شاعر نجد في عهد الشريف يبارز
اهل الحجاز كأ حمد الازورى وميشع القثامى ويحضر الشريف هذه المبارزة ،وما هو ليس فى
ديوانه محاورات له مع هذيل وقبائل الحجاز يحفظها الناس هناك
وللويحان قوله : ياحمامة غريبة عند باب السلام 000 وهى مشهورة ،واهل
الرديات يقولون دائما اللويحانيات نسبة الى لويحان وهى طروق شعرية

محطات في حياة الشاعر الكبير لويحان:
1. ولد في بلدة (نفي) في عالية نجد.
2. عاش بالعالية بين نفي وبلدة (الشعراء) فترة من الزمن.
3. التحق بثورة الشريف.
4. سافر إلى البحرين ثمَّ الكويت.
5. عاد إلى نجد وسكن في بيت من الشعر خارج مدينة بريدة وعمل بتجارة الإبل مع العقيلات مدة 12 عاماً.


وقال :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شبيت واليوم شايب والهدف واحد واعرف السّلوم =مــا حب هرج القفا ولا انقل (النمّة) ولا امشي بها
ما اصادق الاّ الرجــال إلاّ يفكون الحسب واللزوم =مـــا اني بصــادق طيورٍ مـــا تعشيهــا مخاليبهـــا[/poem]

وهذان البيتان اختارهما علاَّمة جزيرة العرب الشيخ حمد الجاسر حين قدّم لديوان لويحان في طبعته الأولى وقال لويحان يرحمه الله:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يقولون الرجال أهل العقول اليا منك وليت الدّاب= اليـــــا منك قطعت الـــراس مـا عـاشن الاذنـابي[/poem]

وقال:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألا يـا راكب اللي تقطع البيدا براعيهــــــا= بعيدٍ زورهـا عن كوعها ما هي بعكيه
تفز اليا منه زما بالدرب قشعة عينها فيها= كما فزّت فريدٍ باشهب البارود مرمية[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحـة مـا هملـج الطـرف بنعـاس = مـا فـاض مـن نجـم عيونـي تخيلـه
لا باس يا عيني على السهر لاباس = علـى وليـف فـات مـا القـى مثيـلـه
عنا قطع شوف المواصل له ارماس = ولا في يدي من نابي الارداف حيله
فيما مضى ياخذ جوابي من الراس = واليـوم لا عانـي وانـا مـا اعنـي لـه
العشرة اللي ما توثق على سـاس = تطيـح لــو صــارت حـصـون طويـلـة
يــا ونـتـي منـهـا المعالـيـق يـبـاس = صبـري قضـى مـا باقـي الا قليـلـه
صبرت صبـر صابنـي منـه وسـواس = صـبـر لــه النـفـس العـزيـزة ذليـلـة
على وليـف حـال مـن دونـه اليـاس = والـيـاس طـــب للـقـلـوب العلـيـلـة
من يتبع المقفي مـرده بـا لافـلاس = مثـل الـذي بالقيـظ يـدفـق صميـلـه
هــذي دروب الـحـب جـــده ودراس = الله يمـضـيـهـا بـسـتــر وجـمـيـلــة
موفـق للخيـر يـا ظـبـي الاطـعـاس = لا تحـسـب الدنـيـا باهلـهـا طـويـلـة
الصاحب الغالي تحطه على الراس = والـلــي يــــودك لا تــــدور بـديـلــه
صـلاة ربــي عــد مـاهـب نسـنـاس = عـلــى نـبــي وضــــح الله دلـيـلــه[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحمامـه غريبـه عنـد بـاب الـسـلام = شفت رسم الهوى بأطراف جنحانها
ذكرتنـي طـواريـق الـهـواء والـغـرام = حارت الرجل بالمسعى على شانها
رسمها رسم نجداللي سقاه الغمام = يـاعـرب كــن زهــر لــورد بأوجـانـهـا
عقبهاالعـيـن مـاذاقــت لذيذالـمـنـام = مـن يلـوم العـيـون بـشـوق خلانـهـا
أتنـشـد ولا جـانــي وكـيــد الـعــلام = عسكرالقلـب عقبـه مـات سلطانهـا[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أبديت ما أخفيت واخترت المصيب من النهاديب =أبيات يفهم لها من كان له قلب لبيبي
قالوا لي الناس شبت وقلت ما يزملني الشيب =من عاش ما مات لا بدّه من الدنيا يشيبي
الشيب ما فيه لابن آدم مناقيد وعذاريب =غذّاه فضل الشباب وراح مرجاعه صعيبي
تسير الأقدار بالمخلوق تشريق وتغريب =برّق يزين القمر وإذا انتهى وقته يغيبي
كل على قد حاله مونس منها تجاريب =شي يعالج وشي يعجز عنه الطبيبي
يا طيّب العقل ما تكمل بدنياك المطاليب =تطيب لك حاجتين وثالثهن ما تطيبي
والرزق عند الخالق اللي يعلم الغيب =يرزق ضعيف العزوم ويرزق الشهم النجيبي
كثر الحرص ما رزق فرخ الغراب ولا أشبع الذيب =كم ليلة بات جايع بأطراف الغريبي [/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من عاش في حيله وكذب وتهاويل= يا سرع من عقب الطلوع انحداره
والشور ما ينفع قلوب المهابيل =كالزند وان حرك تطاير شراره
لو تأمره بالعدل يعرض على الميل =يستل على رايه بربح وخسارة
مثل الجدي مرساه ليله نهاره =والطبع ما ينزال غيره بتبديل
والحنظلة لو هي على شاطي النيل =زادت مرارتها القديمة مرارة [/poem]

رد: لويحان
 

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أقول فعّال الجميل يسود =والطيب ما له بالرجال حدود
ومن شح في جاهه وفي بذل ماله =عدّه مع اللي باللحود أرقود
إلى صار يدركها ولا يفتخر بها =عن البيض جنب للخصال السود
يفخر بجدان تحت غايب الثرى =وهو عن سنعهم معطي أصدود
ما كل مالود يجي مثل والده =شتان ما بين الردى والجود
حشى ما أخص بها من الناس واحد =والشاهد الله والعباد اشهود
أشكر بها أهل الثنا والمروة =اللي لهم فعل الجميل يعود
نطاحة الواجب على اللين والقسا =عسى لهم كل الليال سعود
وأنا أقول لا نطح المراجل وهيبه =والطيب ما له بالرجال احدود [/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحة البارح البارح سهرت وعفت أن النوم =لولا محبة عشيري كان ما سهرت عيوني
إن كان باكر وليل القابله مثل أمس واليوم =أطول علي السهر وأنا احسب إن أمر يهوني
أسهر على اللي مصيب ضامري ماني بمليوم =لولا الغرابيل ما جر اشهب الذيب اللحوني
والله لولا الحيا وأدري من المنقود واللوم =أخاف من هرجة تبعد ظعونه عن ظعوني
إني لخاطر عليه وما يصيب العبد مقسوم =وأبهج ضمير صريع فيه ناعمة الغضوني [/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شي سمعته كل ما مني ارتج =وأصبحت ما ادري يا عرب وين أوجه
أنا من الشي الغريب اتحرج =الوادي المجهول اسنع مدرجه
يا لجتي لجة محال إلى لج =ليالها وأيامها مستلجة
عليك يا راع الحجاج المدعّج =دالوب قلبي كل بحر يرجه
كنه هدير الشام في موسم الحج =في ما قف تسمع للأسماع ضجة
الود عقب صخيف الروح يسمج =مثل الذي ما تقبل النفس حجه [/poem]
وله ايضا ..
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صبرت صبر صابني منه وسواس =صبر له النفس العزيزة ذليله
على وليف حال من دونه الياس =والياس طب للقلوب العليله
من يتبع المقفي مردّه بالافلاس =مثل الذي بالقيظ يدفق صميله
هذي دروب الحب جده ودراس =الله يمضيها بستر وجميله
موفق للخير يا ظبي الأطعاس =لا تحسب الدنيا باهلها طويله[/poem]

رد: لويحان
 

محاورته
الملك فيصل رحمه الله كان يحب شعر المحاوره وهذه احدى مساجلاته مع الشاعر لويحان الذي بدأ المحاوره قائلا :


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليله الليله الليله نبا الطاروق طرقٍ غريب=مثل الدراهم الى قاموا صيارفها يعدونها
والله ما ادري يطيب لسيدي والا ما يطيب=ان كان ما ناسبت لك يا سنادي جزت من دونها [/poem]

فقال الملك فيصل :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الليله الليله الليله شواريبٍ تحد الشريب=والاجنبيه الى وردت على المارد يحدونها
ياذيب ياذيب ياللي جر صوته في علو الشذيب= ذكرت عيني وهلت واهملت من عقب مظنونها [/poem]

قال لويحان :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عندي خبر بك جروحٍ ما يسر بها علاج الطبيب=مير انحروا روضة التنهات ساكنها يداوونها
من قال ابا اصبر وابا اكنا الجرح لين انه يجيه العزيب=يصير بين الرجا والياس باعوها ويشرونها [/poem]

فقال الملك فيصل :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما نيب زملٍ عليها من بعيد ولا قريبٍ طنيب= يا عسرها وانت تحسبها ولو صديت يا هونها
تراي لو صرت عنه ابعيد مرجاعي عليهم قريب= والديره اللي نحل ابها عدانا ما يحلونها[/poem]
ــــــــــــــــــــــــــــــــــــــــــــــــــــــــــ

هذه الأبيات الرائعة والتي رووها اكثر الشعراء بأنها للملك فيصل رحمه الله ويرد عليه الشاعر المعروف عبد الله بن لويحان رحمه الله اليكم هذه الأبيات للملك فيصل :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يامل قلبٍ كل ما جا الليل جاه خلاج=يلوج ويتلج بالصدر والعربان ممسيني

انا متحير مادري عن المدخال والمخراج=الا وا عمس رايي ما لقيت اللي يقديني

الا يا مجيب دعوة من تصافق فوقه الأمواج =انا بحماك يا والي الخلايق لا تخليني

الا يا وجد روحي وجد من خلوه بالمسهاج=كسير الساق بنحور المعادين المغليني

الى من دك هاجوسي ولو اني على ديباج =ولو جا لي جميع البيض غيره ما يسليني

الا واهني مخلوقٍ يفرّج ضيقته لا داج =الى منه دخل بالسوق غادٍ له مياديني

ترى بعض العرب عمله بروحه مثل عمل سراج=يضوي للعرب والنار في جوف المسيكيني [/poem]


فرد عليه الشاعر عبد الله بن لويحان بلأبيات الآتيه :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يا مسندي دنياك ما تحتاج ما تاحتاج=ترى اللي سالم منها تعادل فيه رمحيني

تصبّر والفرج يا مسندي من صاحب الأفراج=يا كودك عقب صبرك تستعيد العشر عشريني

ورا ما تعتبر باللي يضدنه ضلاف العاج=يورد حمله الجاير ويصبح خاطره زيني

تراني مستعدٍ لك على المقعاد والمنهاج=سبب ما أزعلك يزعلني وما يرضيك يرضيني

مانيب الصاحب اللي يوم يبدي به لزومه ماج=حاشا لله ماجي عن لزومك يا بعد عيني [/poem]

رد: لويحان
 

هذه المحاورة تجمع بين القوة والطرافة والمتعة بين الشاعرين لويحان الازوري و جميل بن حاسن المطرفي الهذلي:

يقول لويحان :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا ماريت مثل هذيل واحد يقرش العيدان=ليا جار الدهر قاموا على اليابس يحطبونه

وهم ماهم فقارا عندهم معزا وبل وضان=عساهم بالزمان اللي يجيهم رافع قرونه[/poem]

جميل:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تمدّح يا عميل الخير وأنته قاصر الجنحان=ليا ماأصبح مديد البدو ضوّك ما تشبونه

تحمد لربي اللي حت منك القمل والصيبان=بعد ظلا يسيّر في علو الثوب وردونه[/poem]
لويحان:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عسى ربي يجينا بالمطر من رايح الامزان=على نجد العذا اللي مايجيها منتقل شونه

ديار المرجله ماهي كما ديرتك يا الفقران=وأهلها يركبون الخيل والعايل يضدّونه[/poem]
جميل :
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليا جاك المطر سالت ضواحي نجد والشعبان=وقمتوا تقنصون الفار والضفدع تصيدونه

وحشت الورع والحرمه تلم الفقع فالزبلان=على المرقوق يا لويحان لضيوفك تحطونه[/poem]

لويحان:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا ماني سواتك يا جميل أبقنص الوبران=ليا منّه جحر فالغار عودتوا تحفرونه

واناثيكم يبيعون اللبن والغزل واليدمان=وتشري به من الابطح وليتك جزت من دونه[/poem]

جميل :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ترى بيع اليدام اشرف من اللي يخرز الحذيان=يخرز الصمط من داخل ويجر السير بسنونه

ترى بعض الصنايع يا عميلي دونها التركان=كما اللي يشرب الدخان وأهل العلم ينهونه[/poem]

لويحان:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تراني مستحي من شيخكم واللي حضر ماهان=لكنك يا ولد حاسن تجر الشوك بغصونه

اشوفك ياجميل مجوّد الخوصه كما السرقان=وثوبك ثوب قوماني وبه ناسٍ يعرفونه[/poem]

جميل:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلامك زين وانته زين يا مطيبك يا لويحان=لكنك يا عميل الخير تنظر كاحل عيونه

أنا ماني سواتك فالقرايا تنقز الحيطان=ليا صاحوا عليك انحشت وأهل الغرب يوكونه[/poem]

لويحان:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا داخل على الله من كلام الزور والبهتان=نباها طيّبه والصبح كلٍ راح في شطونه

أنا شايب واحب اللعب يا حاسن مع الشيبان=لكنك ليش ترسل فوقي اللي ينفض جنونه[/poem]
جميل:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا عمي وعمك خادم للملك والسلطان=وابوي ابوي لامني حضرت اسد من دونه

ليا منك عدلت يجيك مني عدل في الميزان=ليا عمت البحر تلقى رياجيل يعومونه[/poem]
لويحان:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كمنك يا ولد حاسن قعدت الدرب في يدعان=لمن هو حج بيت الله وربك ما تخافونه

ترى السارق ليا منه سرق يصلب على العمدان=يجره خادم ابن سعود والعسكر يدفونه[/poem]

جميل:
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قعدت الدرب يوم انك تبات مع المره طيّان=واخذت ريال جمرك فوقكم وانتم تخبرونه

ومولانا جمعنا لين سرنا كل ابونا اخوان=وطاك اللي وطاني والله اعطى الحكم مامونه[/poem]

لويحان :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علامك ما نطحت البارق اللي جاء مع الريعان=علامك ما نطحت البارق المفتن تحربونه

عطيتوا ضلع كبكب تنقلون الزاد والورعان=تبون الجيّد اللي كان اهاليكم يعبدونه[/poem]
جميل :
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علامك ما حربت الباشه اللي قبله العثمان=يسيّر في عنيزه تنكره ولا تقرّونه

نصيحه لا تعرّض لاأمر من هو كل يون بشان=وحنا ما عبدنا غير معبود تعبدونه[/poem]

رد: لويحان
 

لعبد الله اللويحان هذه القصيدة وقد قالها في مصر فقد كان يتمشى في شارع فؤاد فرأى ما تقر به عينه ويبهج خاطره من المناظر الحسنة فمن أجل ذلك ساعدته قريحته فقال :

[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ان مت في شارع فؤاد ادفنوني=ياطا على قبري بنات مزايين
ما عاد اكذّب عقب شافت عيوني=بنات من نسل البوش والسلاطين
شفت الزهور بناعمات الغصوني=ما دونها حارس على العسر واللين
احدٍ يدور للبضاعة زبوني=واحدٍ تفسح قاضبين القوانين
شارع به أجناس على كل لوني=ما داج فيه اهل الحسد والشياطين
ياعاذل راعي الهوى ما تموني=تنقد وعنك الناس ما همب دارين
الناس في سجات ما يسمعوني=الوقت عدل ومثله الناس عدلين
ياهل العقول الطيبة سامحوني=كل برايه يحسب العشر عشرين[/poem]

رد: لويحان
 

وللشاعر عبد الله اللويحان أيضا هذه الهجينية اللي يقول فيها :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من صد واقفا فلا لك به مطاليب = ريح فؤادك ولا لك بالكلوفه
تراك ما تلحقه لو تركب الجيب = عينك تشوفه وكنك ما تشوفه
انشد مجرب وتكفيك التجاريب = والطرق لاهل التجاريب معروفه
انصح به اللي يعشقون الرعابيب = هذي نصيحة ولا فيها حسوفة[/poem]

رد: لويحان
 

[B][SIZE="5"]من قول الشاعر عبد الله اللويحان والمناسبة ان واحد من اصدقائه سأله وقال : يالويحان وش كثر عندك من الحلال ؟ قال لويحان عندي ما ساتر لحالي .... فلزم عليه صاحبه فقال لويحان : لو حضي بالريال مثل حضي بالرجال كان انا اليوم من أغنى اهل المملكة وقال لويحان :[/SIZE][/B]



[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
أنا صديق الطيبين المناعير = اللي لهم كسب المعالي اعشاقه
حضر وبدو نطاحة الشر والخير = صادقتهم واخذت منهم صداقه
حلالة المشكل كبار المخاسير = ياسعد منهم له عضود ورفاقه
زبن المخيف الى رمته المقادير = بالجاه والا المال والا الحماقه
وآخذ من ارياهم قوي المشاوير = والطيبة ماهيب منهم شفاقه
مانيب اصادق مايلين الدناقير = عيال العفون من الخيوط الدقاقه
اللي مجالسهم نميمة وتعيير = مالي بهم من فضل ربي علاقة
فضل من الباري حسين التدابير = مانيب للاصحاب قطاع ساقه
ورزقي على اللي بالسما ينهض الطير = يكسر على الملواح عقب انطلاقه
ودنياك تمضي بين ورد ومصادير = قد قيل قبلي ما بها راس طاقه [/poem]

رد: لويحان
 

محاورة بين لويحان وأحمد الناصر:

كانت هذه المحاورة هي أول ردّية في البرنامج الذي نظمته كلية الآداب بجامعة الملك سعود بالرياض لشعراء الرد. كان هذا البرنامج في عام 1396هـ في أرض جامعة الملك سعود بالدرعية قبل ان يكتمل إنشاء مباني الجامعة.حضر الحفل في ليلته الأولى الأمير سلمان بن عبد العزيز أمير منطقة الرياض وعدد من الأمراء والوزراء وعدد كبير من محبي شعر المحاورة.
بدأ البرنامج بردَّية بين لويحان وهو طاعن في السن وبين أحمد الناصر، وإليكم المحاورة :


لويحان :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلامي يا من حضر رديَّةٍ حلوة وسمحة مقاد=رديَّةٍ وافيه واطلب من احمد زين مردودهـا
يا سيِّدي يابن سٍيدي برّقوا بالجمع والانفراد=انتم حكم ملعبتنا وانتم الحضّار وشهودها[/poem]


أحمد :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا مرحبا بالعميل اللي طروقه بالمحاضر جداد=اعداد وبل المزون اللي تهز الضلع برعودهـا
يا لله عليك اتكالي يا عظيم الشان والاعتماد=يا مدبّر الكون دبّر نفسك عبدك وانت معبودها[/poem]


لويحان :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شبيتّ واليوم شايب ما تبعت اللي يحب العناد=تلطم خدود الأوادم واسود اللطمات بخدودها
يا ما اعتدوني وجوني مار صار الدرب صعب سناد=والناس لولا حمقها طمعت الاجناب بحدودها[/poem]
أحمد :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما وكل آدم على ذريته ربك وكيل العباد=خل الاوادم تصادم خيل طاردها ومطرودها
يا للوح كلٍ اليا جيته يقول اني عقيد الشداد=والطيبه هينه في حال والا حال ياكودها[/poem]
لويحان:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا ادفن القرص في جمرٍ تلظَّى ما ادفنه في رماد=احب بيض المعاني كلها ومجنبٍ سودها
من طرّد الهرج يبلش ثم يبلش مثل داب الجراد=الناس تفهم وتعرف طيب التمرة بعنقودها[/poem]

أحمد :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان شفت لك مجتمع ما ترغبه جنّب وصر بالحياد=تمسي وتصبح سليم ولا يجي سمعتك منقودها
خل السوالف تجي وتروح قدّام الشتا والبراد=ودك تسولف ونفسك ما درينا ويش مقصودها[/poem]

لويحان :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا على الشاعر المتكبر المرجوج مالي جلاد=اقول ويقول غيري كل نفسٍ نقصها زودها
يقول انا الشاعر اللي ماظهر مثلي على وفت عاد=شعره على ناس مثلي مدها من قال ما جودها[/poem]

أحمد :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الحمد لله لا تقومٍ تصبحنا ولا من هجاد=والناس بالملعبه يا للوح تبذل كل مجهودها
خابرك فيما مضى رجلٍ صبور وبالمعاني ستاد=مالك ومال العرب والناس تنحى الناس بزنودها[/poem]


لويحان :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما احب كشف السراير والمعاني في ضميري جداد=يوم ان بعض العرب يدخل على الأموات بلحودها
الفاهم الفاهم اللي شاطرٍ بالحل والانعقادما هو بيرمي من الجمرات في غبّات بارودها[/poem]


أحمد :
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ان طعت شوري تركّد والقرار الزين رمي الركاد=ترى الفتن ما تصيب الاّ من العربان مقرودها[/poem]

رد: لويحان
 

كان مرةٍ من المرات وهو في مصر فخرج هووبعض اصدقائه إلى محل معروف عند اهل مصر باسم ـ القناطر الخيرية ـ
فلما وصلوها فإذا هي مزدهرة بالأشجار والماء العذب والمنظر الذي تبتهج له النفوس
وعند ذلك رأى عبد الله اللويحان حنظلة كبيرة
فظن في نفسه انها بطيخة أي ( حبحبه ) يعني ( جحه ) فذاقها الشاعر.. فإذا هي حنظلة ( شرية ) شديدة المرارة ، فقال هذه الأبيات :[/SIZE]
[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]

شعرٍ مثل يافاهمين التماثيل = كل يجي شعره بحسب اقتداره
من عاش ينظر بالسنين المقابيل = يذوق من العقب البروده حرارة
الطيب يخلق مع قلوب الرجاجيل = ماهوب في بنك التجارة تجارة
والرزق من عند الولي بالتساهيل = ماهوب بالقوة ولا بالشطارة
من عاش في حيلة وكذب وتهاويل = ياسرع من عقب الطلوع انحداره
والشور ما ينفع قلوب المهابيل = كالزند وان حرك تطاير شراره
لو تامره بالعدل يعرض عن الميل = بستل على رايه بربح وخسارة (1)
والطبع ما ينزال غيره بتبديل = مثل الجدي مرساه ليله نهاره
والحنظلة لوهي على شاطي النيل = زادت مرارتها القديمة مرارة
هذا مثل يافاهمين التماثيل = كل يجي شعره بحسب اقتداره[/poem]

رد: لويحان
 

قال لويحان حين لم يطب له المقام في البحرين:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هاضني وابدا كنيني يــــوم طبيت المنــامـــــــه =ديــــرة مـــــا طبهـــا جدي ولا ابوى القريبي
يـــا ولي العرش منهـــا كف رجلي بالسلامــــه = قبــل مــــا يلحق جديد العمــــر فلاَّج الطليبي
اتنحــر نجد حيث ان نجد مضبــوط كمامـــــــه = ضابطـــه مقدم هل العوجا منزحـــة الحريبي
والله ان ركبي على هرش ومن فوقه مسامــــه = اشهب ذيلـــــه مشلوط كن جلـــده جلـــد ذيبي
في هبايب نجد وارقى من عدامه في عدامـــــه =شربي الما الهمج بأوطاني كما شرب الحليبي
انه اشوى من ركوب الغوص مع خطو الفدامه = ما يحوش الليل معهم غير مقــــرود النصيبي[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حداني على قطع الخبط غزّة الناعـور= وأنا قبل غزه سالم الدين واشـــــوالي
أصافح بعمري والشقا واشغل المقدور= ولا لي بكتب الدين والزرع مدخــال
ولا عرف جلوى والمخانيق وام القور= كليف تعبها والله اعلم بالاحــــــــوالِ
كليف تعبهــا كن شغّالها مصخـــــــور= ولو نام طول الليل ما منش مقيــــالِ
تمنيت لو اني على اللي تكب الكــــور= طليق الايادي تقطع الفنتق الخــــالي
أبا انحر ديــــارٍ تسمع الريل والبـابور= ديار الرخا ما قالوا الصاع بريـــــالِ
أبـــــا هدي عليكم يا فلاليح مني شور= الى صار كلّش دين من راعي المـال
ترى تركته في مطلب العز والمذخور= أقوله وأنا ما نذرت حالي عن أفعالي[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يعنيك يــا زول نطحني بــــــايمن الــــسوق=بالمـــــدّعى حادرٍ من عند ســــوق الجودريـــه
ما نيب اعرفه لا شك انه لطلاّب الهـــوى عوق=يسوق راعي الهوى سوق المنجّب للمطيــــــــه
بغيت اباريه والى انه مع المطــــــــرق مـرفوق=والى ان ما في يدي حيلــــــه ولا لي مقدريــــه
ماسوق ماسوق يا قلب الخطا ماسوق مــــاسوق=لـــــــو ان عندك معرفـــــــه مــــا تولّع باجنبيّه
يـــــــــا عود موزٍ يديره بـــارد النسناس برفوق=فيه الثمر مـــــــــال يطرب راعي العين الشقيه
يا ناس عمر الفتى لــــو طالت الأيام ملحـــــوق=والمسعد اللي يحصــــل مقصده والنفس حيــــه
واين انت يالصاحب اللي في حفيّ اليد ما ثوق؟=ابدي لك الســــالفه وتشوف هي حق أو خطيه؟
واحفظ لسانك ترى البلوى تـــراقب كل منطوق-تـــــرى البلاوي مركّبــــةٍ على لفظ الزريــــــة
انا تحدّرت لبـلاد الريــــــــــاض وصاحبي فوق=متى على خير تلتم الرعيـــة بــــــــــــالرعية؟[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عز الله اني داله القلب ومريح=لين اعترض لي بالهوى مودماني
الصاحب اللي جرح القلب تجريح=تجريح سيل في عروض المحاني
لولا الحيا لاطوح الصوت واصيح=على عشير عنه شطني نحاني
لوا عشيري قد هاك اللحاليح=يكسر عليه العصر في ذهلاني
سقا دياره مرزمات المراويح=آمين ياللي ترزق المودماني[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شفت لي جادل منها فوادي سقيم=من غزايز هل العادات قبل الكمام
ناطحتني عصير اليوم حول الحطيم=بين زمزم وركن الملتزم والمقام
الملابس نعيمة فوق جسم نعيم=كن في لبته مخراج بدر التمام
عود موز يهزه مستقيم النسيم=ناركم يازريف الطول برد وسلام
أعطبتني وانا من قبل هذا سليم=داخلٍ الحرم عابد ولا لي مرام
الحرم في ما يذبح جريم لجريم=كيف ما تمنع الفعال يابن الامام
كان ما تنصر المظلوم فالله كريم=ينتصف لي بحقي وآخذه بالتمام
أنت مثلك مجرب والمجرب حكيم=مايلوم المولع في طريق الغرام[/poem]

رد: لويحان
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يامال فرقا العين الا يامال فرقا العين=يابعد الفرق بين الناس ياخلاق ياكافي
خطاة الزول صورة يحسب الجمعة ضحا الاثنين=يغر الاجنبي زوله وفي ملبوسه الضافي
فالى منك قرعت زناد عرفه مع هل التثمين=لقيته عملة ما تندرج مع كل صرافي
يحسب ان الهوى خبلان قضبت مفرع السوقين=يعقب له ثلاث اوجاب يذري فوقه السافي
هبيل فواد يمرح له بعنة لابة سارين=تكوبع في عباته وانسدح والهجن زلافي
الا ياتابع المقفين تتبعهم وهم مقفين=نقاصة عقل ياللي تتبع اللي معطي قافي
ربيع ما تذوق احماه لو يذكر نباته زين=فهو من حض غيرك فيه له مربع ومصيافي
ورا ما تعتبريادابشه والا الذهين ذهين=يقيسك في طرف حبله وياخذ سدك الخافي
ترى درب الشكاله والسعادة صد عنك يمين=حشا لله ما تارد وتشرب مشرب صافي
لقيت الشور ما ينفع ويقعد عيلة الغادين=على مثل ايش ابا انفخ لي على كير وهو طافي
يقوله واحد راضي على الاقصين والادنين=وكل هلال لا بده انه بيكبر وينشافي[/poem]

رد: لويحان
 

كان فندق ناشيونال في ميدان إبراهيم باشا في القاهرة مقر كبار الشخصيات العربية الذين يزورون القاهرة، وفيه يتجمع أتباعهم وزوراهم وعن هذا يقول لويحان:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طبيت مصر اللي به اجناس واشكال =واشتقت اولف لي بيوت جديدة
دخلت ناسيونال ياكثر الازوال =الكل منهم من ديار بعيدة
أحد يسلم ردة مالها امثال =ينشدك لين انك بعلمك تفيده
واحد إلى ما انه صدف يمه الفال =دنّق براسه تقل يقرا جريدة
ياعل راسه عن علابيه ينزال =آمين يا منشي الغيوم السديدة [/poem]

رد: لويحان
 

يعطيك العافية


صعوووووووب

رد: لويحان
 

تسلم اخوى..يزيد على طرحك
ويعطيك العافيه

رد: لويحان
 

يعطيك العافيه على النقل

رد: لويحان
 

[center]منقول رائع لشاعر جزل
وبيض الله وجهك يابوعبدالله [/center]

رد: لويحان
 

صح لسانك الشاعر وسلمت لما قدمت لنا

رد: لويحان
 

[font=arial black][size=5][color=darkgreen]رائع جدا [/color][/size][/font]
[font=arial black][size=5][color=darkgreen] [/color][/size][/font]
[size=5][font=arial black][color=darkgreen] سلمت الايادي و يعطيك العافية[/color][/font][/size]
[font=arial black][size=5][color=darkgreen] [/color][/size][/font]
[font=arial black][size=5][color=darkgreen]***********[/color][/size][/font]

رد: لويحان
 

[size="5"][font="comic sans ms"]تسلم الايادي على النقل المميز
يعطيك العافية[/font][/size]