![]() |
فضايح الطفولة ...
آه على ذيك الايام ........:rolleyes:
والله كانت رهيبه ...............صحيح الطفل على نموه السريع تمرعليه احداث لايمكن ينساها ............. نبي كل واحد يدخل يذكر لنا موقف إلى الان راسخ بذهنه من ايام الطفوله ......ومخبيه ولا احد يدري عنه إلى الان ......:eek: :D :eek: [SIZE="5"][COLOR="Green"][/COLOR][/SIZE] |
مره كنت رايحه للبقاله اشتري حلاو .....(الفلوس سارقتها من اخواني )وامي طالعه .....ايام وانا بزر كانت الشوارع مليانه بزارين عادي كنت اروح للبقاله !!!!الحين ياويل الي يفتح الباب .......
المهم رايحه اركض قبل مااحد يشوفني ويكشفني ..... وانا طالعه من البقاله وطاااااااااااايره إلا وتجي ذيك السياره وتطيرني .........صدمه خفيفه بس اذكر اني طرت وحلاوي انتثر .... وبسم الله كني قطوه ....قمت عادي .... اذكر في ذيك اللحظه كان همي ان مايشوفني احد وانكشف الله يخلف علي .... وبسرعه اجمع حلاوي والرجال مرتاع (فيك شي... يعورك شي ...اوديك للمستشفى ..اوديك لبيتكم ...) لا لا مافيني شي ...... وامشي عادي وانا خايفه يلحقني ويعلم ابوي .............. ويوم شفته طلع على الشارع العمومي .........واركض على بيتنا ...واصك الباب ....واركض على السطح واتوزى ورى الجدار واكل حلاوي كله .......... وبعد ماخلصت ......نزلت ولاكن شي حاصل ......... ----------------------------- وهذا سر الطفوله عاد لاتعلمون احد.............. |
ههههههههههههههههههههه
يا حبي لك والله ياالخياله ذكرتيني ببعض المواقف مواقف الطفوله تفشل هههههههههههههه يوم كنت صغيره قبل ما ادرس كان مقابل بيتنا على طول مدرسه ابتدائي اولاد المهم اذا جاء عليهم رياضه طارت الكوره وطاحت في الشارع و كنت انا واختي ناخذها وندخل البيت هههههههههه المشكله اننا بنات وما نلعب كوره واذا جانا عمي هو مدرس رياضه نعطيه الكوره هههههههههه مسوين كرماء ونعلمه انها من المدرسه اللي مقابلنا ويضحك ويقول بعدي والله جمعوا لي من هالكور <<< امحق عم تحياااااتي لك :) واذا تذكرت موقف بجي مره ثانيه :) |
اثري مو بلحالي احب السرقه ههههههههههه
|
هناك ذكريات كثيرة يمكن تقسيمها الى مايلي:
مؤلمة مفرحة شقاوه بين البين .. المؤلمة ذكرياتي مع المطوع الشديد اللي تحدثت عنه في الكشكول اللي كان مرهبنا. بين بين : انك يشترون لك اهلك سيكل ولو مهوب جديد ، وتروح توريه خوي لك في نمار وانتم ساكنين في الديرة ، في صباح يوم الإمتحان ، وتجي متأخر ورغم انهم سمحوا لك تختبر لكن مع الإرهاق الشديد ما تقدر تجاوب وترسب في المادة .. الشقاوة أنه يعجبك علك ابو جنيه في بقالة صغيره (فتحه وحدة)صاحبها وليد حضرمي جالس وراء طاولة عرض الحلاو والعلوك ولأن ما معك قروش تشتريه فتقرر انت وخوي لك ، انه يغفص راس الحضيرمي على الطاولة كنه يمزح معه ، على مايشوف وش رايح اسوي ، واثنائها اخذ لي غمطه ، وانحاش انا وخويي.. المفرحة ، ماذكر هالحين شئ بعينه .. لي عودة.. شكرا على الفكرة الرائعة تحياتي |
الخياله رهيب موقفك أنتي وأم فيصل
وأنا بتذكر وجيب لكم |
ههههههههههههههههههههه سرقات حلوه
ههههههههههه اقصد مواقف حلوه هههههههههههههه |
انا واختي مواقف قسم بالله تموت ضحك
المهم هي تبداتستفزني واناماأمسك اعصابي اقولكم مره في بيت جدتي ايام البرد وخالاتي وعيالهم مجتمعين وممنوع احد يطلع الحوش لانه موت برد رحت انا واختي وبنت خالي وطلعنا من دون احد يدري المهم ماادري وش صار وتهاوشنا وكانت ليلة العيد فانا مامسكت اعصابي وخذت الشبشب وانتم بكرامه ومن بعيد على وجهها ياليته على وجهها جات مباشره على عينها وصار اللي حولها بنفسجي وعطيتها عيديه مستحييييييييييييييييييييييل تنساها ومره كنا عند البحر ونأخذ من الحصى ونرميه هي كانت قدامي واقول لها بعدي ومب راضيه جيت انا وخذت الحصى (الحصى كانت كبيره شوي مب صغيره) ورميتها وجت على راسها وماأشوف الا دم وامي تهاوشني المهم الباقي خلوه مشفر خخخخخخخخخخخخخ ومره ببيت جدتي ايام البرد شرينا ايس كريم بابو من دون مااحد يدري وقعدنا بالمستودع ناكله وشافونا البزارين ونبي عسكريم ومن هالنقاشات(الا مهاوشات) واخذنا تهزيئه من خالي كرهتني بشيء اسمه بابو بس من جد مواقف ماتنسي |
أنا أكتفي في موقف لي مع الحيوانات وهي تجتر (تعلك) ياهي تقهرني
أنا يوم اني صغير كنت أحب العلوك كثير الى درجة أني كل ماشفت عنز والا خروف يجتر قمت أصيح وأقول لامي طقيها خليها تعطيني علك:) |
ههههههههههههههههههههههه
يا حليلكم والله بصراحه أنا مواقفي كثير وما ودي أجيب العيد كله مشفر عن الفضايح تسجيل حضور ومتابعه بس خذوا هـ القصه على الطاير <=== ما يقدر ما يشارك مره كانت عندي قطوه ( مسوي فيها أتي كيت ) هههههههههههههههه المهم كانت عندنا حديقة كبيره شوي فجأه قطوتي الجميله <=== ركزوا على الجميله ههههههههههههه راح تركض وفجأه طمرت على الجدار وطيحت ضاطور وكلته عاد هي كلته وإلا ما كلته اقسم بالله فتحت باب الشارع ونطلتها وصكيت الباب وع الله يقرفها وأنا على نياتي كنت أجيب لها كل يوم لبن الصافي ( يوم كان برتقالي وفيه صوره واحد لابس رياضه وجالس معه كوره ) وهذي أخرتها :( |
[quote=دلع ماله سنع]ههههههههههههههههههههه سرقات حلوه
ههههههههههه اقصد مواقف حلوه هههههههههههههه[/quote] ______________________________ تضحكين علينا ؟؟؟؟؟؟؟؟؟؟؟ يعنني بريئه .......... من اسمك بينه الشطانه ... نستنى فضايحك.........:d :d |
المشرف العام
___________ والله السرقه منتشره عند اعضاء المنتدا >>>اشوى مو انا بلحالي ههههههههه ننتظر رجعتك --------------------- اصاله تميم طلعي ......طلعي ......انا متاكده من كثر الفضايح ما تدرين وش تنقين نستنا رجعتك حبيبتي ......... ________________________ نجود وش هالعنف ههههههه __________________________ سناعيس ههههههههههههههههه نستانا فضايحك شكلك شقي وانت صغير .... __________________________- كماند اقوووووووووول مسويلي فيها ياي اتقرف !!! عطنا الفضايح .........الله من الفضايح والله شكلك راعي مقالب من وانت صغير ... نستنى رجوعك ............ ___________________ |
هههههههههههههههههههههه
حلوه مواقفكم خاصه سناعيس ههههههههه والمشرف العام في لبقاله هههههههههه يعطيكم العافيه وبأنتظار البقيه <<<<تحمست |
[quote]وأنا على نياتي كنت أجيب لها كل يوم لبن الصافي ( يوم كان برتقالي وفيه صوره واحد لابس رياضه وجالس معه كوره ) [/quote]
أمش ياكوماند أثرك جاهلي من أيام الفراعنه وأيام العرابجه الأولين أبو عرب وشلته خخخخخخخخخخ :) خخخخخخخخخخخخخخخخخخخخ حسبي عليك أثرك تذكر ذاك ابو فنيله حق الرياضه وماسك كورة على لبن الصافي أجل أكيد تذكر ذاك اللبن الي كانوا يحطون فيه هدايا جوا الكرتون خخخخخخخخخخخخ أذكره كذا وأنا صغير والعتب على الذاكرة ومرة أذكر في مزرعة الفيحاء حقت الامير بندر بن عبدالعزيز كنا رايحين هناك وحنا تعرفون ماخذين على سياكل سته وعشرين حقت الهنود وماخذين على فك كفر السيكل وغطسه في طشت علشان تعرف من وين التنسيم وكنا نصنع نبابيط تصنيع محلي لصيد العصافير والزواحف ونحوها هذي حياتنا المهم نرجع لصلب الحديث دخلنا المزرعه وسرحت أنا وأخوي وندخل الغرف ولين وش نشوف البطيط طبعاً أشياء عمري ماشفتها سياكل كبيره ونركب عليها وتطيح وننحاش وكان محذرينا مانروح لم القصر لكنا ملاقيف دخلناه وكل ذا فيه وأذكر دخلت غرفه كبيره وفيها سرير وجنبها مسبح السرير كبير مرة والمسبح بعد كبير وألوان وزخارف ونطلع منها ونروح (بالنسبه للغرفه أزعجنا أمي بها عدة أيام مستغربين غرفة نوم فيها مسبح الكلام ذا له مايقرب م عشرين سنه) المهم نطلع لحوش كبير فيه طيور كبيرة ونتغافل الحارس أذكر اسمه زغلول وندخل ونطرد ورى ذي الطيور الكبيرة نبي نركب فوقها أنا وأخوي وكسرنا رجل وحده من هالطيور وجاء يزاعق زغلول يا أولاد ...... اطلعوا من هنه ومسكنا وجرنا لأبوي وعلم علينا ومسكنا ابوي قدامه قال عيب تسوون كذا مايصلح الأمير مضيفنا وتخربون عليه ترى بيعلم عليكم الملك ونخاف نحسب الملك حاجه كبيره يعني خخخخخخخخخخ المهم اكتشفنا فيما بعد أن الطيور الكبيرة الي كسرنا رجل وحده منهن كان طير نعام ولا قد شفناه في حياتنا وقيمة غاليه ذيك الأيام أم هالايام بتراب الفلوس حتى حنا عندنا في حديقة بيتنا نعام ومات كله من طردي البزران مابقى ألا وحده حيه لانها قويه خخخخخخخخخخخخ ========================================== كل هذي ماهي فضايح لكن سوالف أما الفضايح ودي أقول والله العظيم أن تموتون ضحك وتستغربون ذولا مجانين ولا صاحين بس ماودي لأن شريكي في الإجرام والقتل والدماء موجود في المنتدى وبيزعل علي إذا طلعت الفضايح خخخخخخخخخخخخخخخخخ :) لهذا بخلي الطابق مستور :) |
افى ماهقيتها من الذيب ما يصير ذيب .....ويخاف
بخخخخخخخخخخخخ |
وش نسوي حكم القدر فارض علينا قبوله
مانقدر نزعله ولا خوف بمعناه الدارج لا ,,,,بس خوف على زعله :) |
ليش مانقول مغامرات الطفوله لأنها كانت على براءه وكانت غير مقصوده.....
وأكبر همهم (( وشلون نلعب وبس))....... |
أنا عندي بلاوي ....................
أعطيكم إياها على دفعات ............ يوم كان عمري سنتين .............بس بصراحه أنا ما أتذكر .....أبوي يقولي عنها ..... كنت نحيفه مره لدرجة إن أهلى كانوا طالعين من بيت خالي وكانت هابه ريح قويه وطبعاً أبوي ماشي للسياره وأنا أمشي وراه والهوى يبعدني عنهم وكنت أمشي في مهب الريح وأبوي من وراي يحاول يمسكني وكان يقول إن الهوا مطيرني عن الأرض بضع سانتيمترات ..........إتخيلوا الشكل يعني مافيه أحد مثلي جرب الطيران . |
اااااااااااهههههههههههههههههههههههههههههههههه
انتم خياااااااااااااااااااااااال |
[COLOR="Blue"]هههههههههههههههههههههههههه
قبل ما أعلمكم فضا يحي أبي أقولكم ألشاهي حرق شفا يفي وانأ إقراء لي الخيالة وأم فيصل>>>>> يوم انه مافي راسك كوره وش هوله تأخذين كوار البزارين:) الخيالة مدري هي الروعه ولا خايفه من العلقه اللى بتجيكِ عشان كذا ماحسيتي بالصدمة :) شكل جسمك حديد ماشاء الله تبارك الله سامحوني قلت حسبي الله عليكم :) من قوة الضحكة ألشاهي انكب على أبي أروح اغسل وأجي أعلمكم ببعض الفضايح :)[/COLOR] |
[quote]تضحكين علينا ؟؟؟؟؟؟؟؟؟؟؟
يعنني بريئه .......... من اسمك بينه الشطانه ... نستنى فضايحك.........:[/quote] مو قصة ضحك بس والله نسيت كل شي بس اكيد بذكر شي واجي اقوله |
[COLOR="Blue"]رغم إني رجال إلا إني أخاف من شي اسمه كلاب الله يكرمكم
كنا في الهدا وحولنا فيه واحد من الشيوخ نازل ومعهم كلاب صيد وكلاب إشكالها غريبة أكرمكم الله المهم إنا كنت جني من الجن وانأ صغير حتى الحجارة كنت امتحنها:) المهم في الظهر يوم إن العالم هاجعة وانأ اطلع بشويش والق هاك الكلب اللي منبطح تحت السوبر وش فيني ما أصكه على جبهته بحصاة قام يركض ورأي ومن الروعة شفت شكله سنه أسد شكله غريب وطردي في ها القوا يل المشكلة إني اركض وانأ ابكي وصريخ الظاهر اللي في مكة سمعوني شوي إلا طلع رجال من مخيمهم وصرخ علية وراح لمهم طبعاً كل الناس طلعت وشا فوني وانأ أصيح والكلب يركض ورأي ومن عقبها لها اليوم وانأ أخاف من شي اسمه كلب وربي إذا شفت الكلب خلاص أتسمر في مكاني الفضايح واجد خلوها على الله[/COLOR] |
غريب ضحكتني بموقفك وأنا عندي ذكريات مع الكلب
يوم كان عمري 5 سنوات كنا رايحين بيت عمتي وكان ولدهم توه جاي من أمريكا ويقلك جايب معه كلب عشان يحرس البيت المهم الكلب كان متروك من دون حبل ........وكنت أنا ويا أخوي وأختي التوئم في الحوش .......... وما درينا أللا هذا ألي جاينا يركض" الكلب " وهاك يانحش ونركض حوالي البيت درناه أكثر من مره وهو ما زال ورانا أخوي ويا أختي كان فيه باب مفتوح كانوا سابقيني يعني انا بعدين الكلب وراي على طول هم دخلو مع الباب وأنا ما أمداني خذت لي دوره حول البيت مره ثانيه وكنت أصارخ فطلعت بنت عمتي "كبيره" وفتحت يدينها عشان أضمها وتنقذني من الكلب وفعلاً ما صدقت خبر أرتميت في حضنها وقعدت أصيح ..........وإلى الأن وانا مرتاعاه من الكلابه |
اما انا طفولتي بريئه ما فيها شي
|
[QUOTE=شموخ سدير]اما انا طفولتي بريئه ما فيها شي[/QUOTE]
[COLOR="Blue"] علينا طلعي المستخبي:)[/COLOR] |
تذكرت موقف والله لو تدري عني خالتي .......ياويلي ,,,
مره جتنا خالتي وبنتها كانت ام اربعه شهور تقريبا وانا في خامس ابتدائي ..... قالو بنروح لسوق وباخلي بنتي عندك وبجيبلك هديه إذا تذكرون (البسطه )لعبه كنت احبها عباره عن كرتون مقسم اقسام صغيره وفيه هدايا وحلاو ..... المهم قلتلهم طيب وراحو العصر ..... وبعد شوي قامت هالبنت تصيح وتصيح ما عاد عرفت وش اسويبها وانا وراي (سالي) تبي تبدا وذا البنت ما سكتت وش اسوي ....؟ واشيل البنت وادور بها وادور وادور الى ما دخت انا يقالي بدوخها وتنام المهم وقفت والبنت الضعيفه عيونها ما وقفت ماغير تتقلب .....وطقتني الروعه .........وقعدت تغشي ...ياربيه وش اسوي بهالعله ....... ومسكينه نامت وانا ارجف .....خفت تجي خالتي وتشوف بنتها عيونها تتقلب وتهاوشني لاكن ستر الله جو بعد ما نامت وراحو لبيتهم وهي نايمه وجابولي (البسطه ) |
اجل الحال من بعضها
اظني في حدود 4 سنوات ، كنا ساكنين في طلعه ، وكان فيه كله وجرايتها مجحره في تكرمون برج احد البيوت فجيت ورجمتها ، إلا وتنطلق علي ، واتدربى من راس الطلعة ولا تسمع إلا صراخي ، واشوى فزع واحد من الجيران وانقذني. ولكن اللي يخافون من الكلاب واجد ، وحنا كبار في البعثة عزمنا واحد من المدرسين وحنا 3 ورحنا له في بيته الذي تحيط به مزرعة وفيها خيول ، المهم وصلنا عند باب بيته ، وينفتح الباب وينطلق علينا هكالكلب إللي كنه حصان من كبره ، وواحد من الزملاء حط رجله وهو يلحقه والأخ يدور حول السيارة وهذاك يطرده ، وانا اقول بيني وبين نفسي الحمدلله إنك انت اللي انحشت وطردك ، لو تأخرت شوي الظاهر رايح اكون انا المطرود ، اخيرا طلع الدكتور وكلم الكلب ووقف عن طرد الرجال.. |
من جد احسدكم على الذكريات انا ما عندي وللاسف ولا ذكرى
لان الشارع ممنوع نطلع له مطاق ما اطاق لان اخواتي الاكبر مني اذا لزم الامر يطاقون عني واذا كنا عند ناس والا شي ابد لازقه في امي ما ابعد ابد والى الان اذا رحنا لاحد معروف اني جنب امي يعني ما انفصلت عنا الا بس من سنتين صرنا اذا رحنا لاحد ممكن اقوم اجلس مع البنات وفي الغالب اكون جنب امي |
أنا يوم كانت في سنه سادس إبتدائي ..........كنت أكبر أخواني وكانت أحس نفسي حمه ومكان أمي
وقتها كانت أمي والده وجاي لنا ناس يزورون أمي "كانت ولاده قيصريه " المهم جهزت الشغاله الشاي ثلاثة أباريق شئ بدون سكر وشئ بسكر والثالث كان نعناع ..............جيت أشيل الصينيه علشان أوديها لمجلس الحريم كل شئ أوكي إلى أن قاموا إخوتي بمناداتي ..........أصاله كابتن ماجد .جاء ......... وكنت على الدرج 3 -4 درجات فأسرعت وزلت رجلي وينكب علي الشاي وأصرخخخخخخخ.......أأأأأأأأأأأههههههههه وتجي أمي من المجلس ويطلعون الحريم يبون يشوفون وش صاير .........المهم تخيلوا أمي المسكينه من الروعه علي نست أنها مسويه عمليه ومو لازم تشيل حاجه ثقيله .......والله وخذت الترمس حق المويه البارده وكان من النوع الكبير الحجم وتكبه علي وتسبحني به ......................................بس من جد خباله بزران |
طيب وش رايكم نشوف من اللي يتذكر وعمره سنتين
بالطبع رايح اكون واحد منهم ...ورايح اقول لكم وش اتذكر .. ومن اكد صحة التذكر .. |
سنتين ؟؟؟؟
للاسف ما اتذكر ........ ممكن اول ذكرياتي من عمر اربع سنوات ........ |
[COLOR="Blue"]اليوم بقولكم عن شي اسمه النذالة الأخوية
كنت في زيارة لأخوي وكان عنده سيكل سباق اختى اشترته له وكان فرحان فيه ومتخيل نفسه انه بطل سباق سيأكل على مستوي العالم وكل ما أقوله عطني دوره يعي وما يخليني العب فيه عاد إنا قمت اخطط وش لون أخربه أو أسوي أي شي مقابل إني العب فيه وفي يوم من الأيام كان يبي يروح للحوش عشان يسقي الزرع ويراقب ويشوف وش أخر التطورات العادة يروح مع احد أو بالباص أو تكسي لان الحوش بعيد المسافة مايقارب الـ 30 إلى الـ 40 كيلو قلت له ليش ماتروح في السيكل وهذا سيكل سباق سريع تروح بسرعة وتجي بسرعة المهم الرجال ماكذب خبر وحط رجله مع صلاة العصر وما رجع إلا بعد صلاة العشاء بساعتين من شدة الألم رجع يمشي وهو مفوحج ماهو قادر يركب السيكل ولا هو قادر يمشي زي الناس ومع هذا قهرني معي على العب في السيكل وأربعه أيام وأختي تسو يله مساج ومازلت اذكر فيها الى يومنا هذا ويرد على ويقول وربي انك مجرم والمفروض تكون مكان شارون يقول إنا مخطرة على بالى فكرة التعذيب وش لون فكرة فيها ،،،، أقوله عشان ثاني مرة ما تعي على لا منى قلتلك عطني دوره تحسون إني بري وعلى نياتي صح بس تخيلوا واحد يمشي مفوحج [/COLOR] |
جا على بالي شي يوم كنت صغير ............
يوم كنتم اصغار ما كنتم تحسون ان احد يمشي وراكم .؟؟؟؟؟؟؟ بالله اذكر اني دائما لما امشي مكان مافيه إلا انا احس بهالشي.............. |
هذا ناتج عن خوف الأهل على البنت بالذات دائما ما يحرصونها ، لاياخذها احد ، فتعيش تحت تأثير هذا الهاجس
|
الساعة الآن 05:20 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة