قصة بلا عنوان:)الاجزاء كاملة
 

أشرقت الشمس على مدينة الرياض وكانت شوارعها شبه خاليه حيث كان اليوم يوم الخميس صباحاً الساعه 8والكل تقريباً نائم :)

===========
كانت خيوط الشمس الذهبيه تلامس الأطراف العليا لذلك البيت الصغير في حي الشفاء ومنظر خارجي يوحي بالسكينه والهجوع ....

لكن تخيل ندخل للباب الخارجي ولين ذيك المرأة التي تكاد تنهي العقد الخامس من العمر جالسة على الحديدة توازن النار تحت الحديدة علشان بتصلح المريصعات:D لزوجها وعيالها واسمها ام صالحوهي من النساء الي طبيعتهن هاديه تنادي بنتها( لننتقل للحوار مباشرة):

أم صالح : نورة نورة تعالي يايمه وجيبي معك العجين ولا تنصين تجيبين معك سكين ,,

نورة : لبيه يايمه هذا انا جايه

شوي ينفتح الباب ولين ذيك الغزيل وش حليلها عمرها 20 سنه ولابسه جلابيه حلوة وعامله شعرها قرن طووووويل ويوصل لنهاية ظهرها وعيونها وساع وعليها ذرعان سخاف من سخف ذرعانها تتعجب كيف شالت قدر العجين بدون ماتنكسر ذرعانها وعليها ذاك الساق المبروم الي كنه عصى خيزران :cool:

نورة : هذا العجين يا أحلى أم بالدنيا وهذي السكين تبين شيء ثاني يايمه ,,

أم صالح : اجلسي معي ياحبيبتي خليتس تعلمين ماتحرقين المريصعات ,,,

نورة : أنا تعلمتها يايمه بس ودي أتعلم على الجريش لين الحين ما أعرف لها يايمه ,,

أم صالح : ماعليتس يابنيتي اليوم لين جت أختس فوزيه بخليها تعلمتس عليها :)

نورة : هي بتجي اليوم أهم شيء تجيب عبودي وحمودي عيالها ولا تخليهم عند عمانهم ولا والله لا أعض خشمها خخخخخخخخخخخخخ

أم صالح : عاد رجلها بهواها يابنيتي إذا قال زوجها لا,,مافي يدها شيء وانا أمك ,,

نورة : يا الله بعض الرجاجيل يايمه مدري وشلون طبايعه حسبي عليه
=====================
خلصوا الفطور ويوم دخلوا لين أبو صالح جالسن عند التلفزيون يتفرج على المملكة هذا الصباح :)
====================
حطو الفطور عنده وحطوا صحين صغير فيه عسل أصلي جايبه الأب من واحد ثقه يجيبه من الجنوب عسل صدر وجابت نورة بريق الحليب والشاهي والكيسان والبيالات وحطتها
===================
أبو صالح : بعدي والله ببنيتي جعلي أشوف عيالتس

نورة : (استحت وحمرة خدودها ونزلت رويسها ) أها يبه وش قاعد تفرج عليه :o

أبو صالح : تصرفين ياطخمة الفرس :)

نورة : يووووووه يابوي خلاص عاد :o

أبو صالح : وين صويلح الله يصلحه

صالح : احتس يايبه في الحصان وولم العنان

أبو صالح : أي حصان أنت ياله بغل ويخب عليك

صالح : أفا يبه ماهيب هي

أبو صالح : يالخاسي أقومك لصلاة الفجر وتدخل الدورة وتتساهاني لين أروح وتعود تنوم ماتخاف من ربك

صالح : والله يايبه مدري غصب عني يعني أنا زي السكران ماني في وعيي ومرفوع عني القلم

أبو صالح : مرفوع عنك القلم يمال والله اللي الي يتلوى على جنوبك :D

صالح : يسلمك ربي يبه الله يخليك لنا فوق روسنا

أبوصالح : غصبن عليك يالهثوي خخخخخخخخخخخخخخ

صالح : غصبن علي ولا تزعل ياحلو أنت

أبو صالح : أفطر وخل عنك السوالف
=====================================

العصر جت فوزيه عند اهلها وهم عند الباب الي فتح لهم نورة وكانت لابسه ذيك التنورة البيضاء وعليها بلوزة ورديه وفالة شعرها ماشاء الله
========================
فوزيه : السلام عليكم

نورة : وعليكم السلام ياقلبيه حمودي امووووووووووووووووووووووواه ياقلبيه أشوى أنك جبتيهم ولا كنت متحلفه فيك هلا خالو عبووووووودي أموووووووووواه يحبي لكم ياحلوين :rolleyes:

فوزيه : مالت عليك يعني أنا مالي قيمه ألا بهم

نورة : بصراحه :p أيه

فوزيه : طيب أوريتس :mad:

فوزية : هلايمه (حبت راس أمها ) وشلونتس عساتس طيبه يمه وشلون أخواني وخواتي؟؟

أم صالح : ابشرتس الحمد الله شلون رجلتس وخالتس أم محمد

فوزيه خالتي ماعليها تسلم عليتس ومروحه معي كسوة لتس هديه وأما رجلي جعلها الفاقوش مبهذلني هالأيام ماغير أنتبهي لعيالتس أنتبهي لعيالتس ومدري وش أصالي عياله ولا بيته ولا اغسل ولا وش أسوي ماغير يامر وينهى ويضيق علي وبس ولا معونه أبطي عظم يعاوني :o

أم صالح : ماعليه يابنيتي هو جنتس وهو نارتس تصبري لين الله يفرجها

===============================================

ذاك اليوم سيروا على الجيران عندهم عزيمه وراح الكل ولا بقى أحد في البيت ألا نورة وعيال اختها
===============================================
(عزيمة الجيران)
جلست أم صالح جنب أم شليويح وفوزيه جنب أم السلمي وكان مقابلهم أم جارتهم المصريه أم زينات والسوريه أم هاني

أم شليويح : (وكانت ذرعانها مليئة بالذهب وكأنها محل مجوهرات متنقل وتفخة كأنها بالون وفي خشمها زميم محلي الظاهر أنه صفر) قالت : أبك الرجاجيل ذولا نتزين لهم ونتحلى وأبك ولا واحد معهم يقنيه المعروف والله ثم والله مايجيبهم ألا العين الحمراء الكلاب ذولا:D

أم السلمي : عني أنا مايقدر زوجي يفر يحبن مووووت ولا مني زينت له الكليجا راح بخرايطه وبعدين صحيح أنا رفلا بالبيت بس معوضته من نواحي أخرى أخلي أذانه يصفرن وحاطتن عليه قفول

أم زينات المصريه : الله الرقاله دول ولاد كلب:D لما تديهم بالجزمه يحبوك ولما بتخلي ليهم فرصه بياكلوك بس بصوا ياقماعه أدو ليهم فلوس بيجو لحد رجليلكو

أم هاني : شوبكن مش متفاءلات أنا جوزي عم بيأكلني كل يوم علقة ومابشتكي جوزي وهو حر والوحده منا لازم تصبر على جوزا,,, وبعدين شبكي يا أم صالح ماعم بتحكي أنتي وفوزيه بنتك

أم صالح : وش احتسي فيه يمال الفاقوش كلكن ماغير قاعدات تبهذلن رجالكم ولا قاعدين هم يبهذلونكم وأنا الحمدالله أبوصالح ماخلى علي قصيرة جعله ذخر لي ولعيالي وفوزيه لا تعاينونها رايه من رايي وماراح تقول شيء مالت عليكم حريم :mad:
========================================
طلعت أم صالح وبنتها فوزية رايحات البيت
=======================================
تلفون البيت يرن في بيت ابو صالح رن رن رن

ردت نورة : نعم (بنفخة رجاليه )

محمد : (صديق أخوها صالح ) صالح موجود

نورة : (عرفت صوته وهي معجبه فيه من سوالف صالح عنه ) لا والله مو موجود من أقوله ؟؟:confused:

محمد : قولي له محمد الله لا يهينك :o

نورة : أبشر
(طخ .....صفقت السماعه بوجهه)
=========================
وصلت أم صالح وفوزيه للبيت
=========================
أم صالح : النوري يالنوري

نورة : نعم يا ماما :rolleyes:

أم صالح : وين ابوتس واخوتس

نورة : مابعد جو يايمه

أم صالح :جيبي لي مويه وأنا أمك والله أني ظميانه

فوزيه : نورة ماصاحوا عيالي

نورة : لا بالعكس ياختي مبسوطين ومستانسين مع خالتهم ومالقاها ألا هم :)

========================
دخل صالح البيت ويا أبوه
========================
أم صالح : وينكم رايحين ياصالح ( والأبو كان صاد في المطبخ يشرب ماء)

صالح : رحنا نخطب لأبوي

أم صالح : وشو:eek: لا عاد وأنا امك صدق وين كنتم فيه

صالح : بكيفك أنا قلت لك وقد أعذر من أنذر :(

أبو صالح : وش فيكم خير ان شاء الله وشو الي صدق ومدري أيش ؟؟

أم صالح : ( تبكي ) هذي آخرة العشرة يابوصالح تخطب تبي تعرس علي:(

أبو صالح : (عرف السالفه ومقالب صالح ويلتفت على صالح وفي وجهه ذيك النظرة :mad: ) يالي ماتستحي تعال أوريك شغلك (وفسخ العقال ) تعال يالهيس الاجرب

صالح : (طق منحاش :D ) وش اسوي يبه أمي تحبك وتصدق بسرعه :D

أبو صالح : (يمسح دميعات أم صالح بطرف غترته ) أفا يا أم صالح ونتي مصدقه بعرس عليتس بعد هالعمركله معتس أفا أموت ولا أعرس عليتس بسم الله عليتس خلاص يابعد شيبات شنبي خخخخخخخخ :D

أم صالح : :o خلاص أصلن ما صدقت بس خفت ولدك جايبه على أنها صدق
==========================================================================

تعبت من الكتابه أكمل لكم الحلقة الثانيه بكرة وبفكر لكم بأحداث مثيرة وجميله وعاطفية :)

خخخخخخخخخخخ

وقسم بالله اني بس اقراء وضحك
مره مره تضحك القصه


ذيب بأنتظار باقي القصه والقصه تدور حول نوره صح؟

حسب الي ودكم أنا لين الآن مافكرت في أحداث معينه بس لين جاء بكره وجيت أكتبها لفيتها حسب الإتجاه الي أنه يناسب خخخخخخخخخخخخخ :)

لووووووول :p

ياهوه يا ذيب من جد منتا سهل ابداان;)

تسللللم ويعطيك العافيه

ولا تطول علينا بالحلقه الثانيه ;)

يعطيك العافيه ذيب قصه واقعيه
واحداثها مثيرةبانتظار النهايه
اسلوبك في سرد القصه سلس ومن
البيئه
سلمت وسلم فكرك
اجمل تحيه

تسلم ياذيبنا;)

والله عندك مواهب متخفيه:cool:


بانتظار الجزء الثاني بس لاتطوله
طلبت لاتكون النهايه حزينه زي القصه ألي قبلها:mad:
ترى ضاق صدري وصدقت ألي قبل:(

ولا ترى بحذفها:eek: <<<<<يعننها مشرفه القسم

لاأمزززززززززززززززززززززح
كل شي يجي منك حلو

تحياتي ياحياتي

الريم

ماما الخنساء

احساس انثى

أضحك الله أسنانكم بكل مسرة :)

مدام أعجبتكم شيء حلوووووووو الحين بكتب الجزء الثاني بس مدري وش أكتب لكن بأبعد الحزن عنها لأني اليوم مبسوط :)
أشكركم على المرور

قصة بلا عنوان :) الجزء الثاني2
 

في بيت في حي ظهرة البديعه جنوب الرياض :) كان ذاك البيت من طراز حديث وصغير كان في نفس اليوم العصريه قبل المغرب بنصف ساعه :)
=================================
جالس أبو محمد ومرته ومعهم ولدهم محمد بامان الله يشربون شاهي عقب وجبة الغداء الثقيله الي صلحتها أخت محمد ناديه ,,, شوي وهو يسولفون ألا جتك المطفوقه ناديه على البيبان زاحفه وتطمر ذيك الطمرة من جوا البيت للحوش وأمها وأبوها وأخوها محمد يشوفونها وكانت ناديه حلوة وأمورة ونشميه بس مهبوله وفيها رجه وعليها ذاك الشعر المنسدل فوق متونها لين نصف ظهرها ورابطها في يديها عند المعصم قطع قماش مشجره وعليها ذاك الخصر الي كنه خاتم تعجب كيف شال باقي جسمها ولونها حنطي فاتح وعيون مكحوله وسيعه وساقين ماشاء الله كنها قزاز من صفائها
================================
ناديه : هوا والله أني فرس الي طمرت ذا الطمرة كلها خخخخخخخخخخخخ:):D

أم محمد : وجع يالعوبى قصري حسس لايسمعونتس الجيران مالت عليتس <<<(الأم لسانها متبري منها :)):mad:

أبو محمد : خليها يا أم محمد تستانس وش عندها الضعيفة ضايقن صديرها حتى هالخبال حاسدتها عليه :p

أم محمد : يابو محمد بنتك ذي يبي لها أحد يشكمها مرجوجه

محمد : يايمه ترى البنات الي زي كذا لين تزوجت تغدي دجاجه خوفي من الي ساكته وهاديه وهي عزباء ترى هي الي تجيب الطعه:cool:

ناديه : لا والله أقول اسكت بس لا أفضحك :mad: <<<<<<<<(معلمها محمد الخبيل أن قليبه مع نورة )

محمد ::eek: وراتس عصبتي ياحبيبتي ياقمر يا أختي ترى أمزح أنا ولا أنتي أحلى وحده في العالم وراح تصيرين أطلق شنب وبيحمد ربها الي بياخذك أن الله عطاه مثلك

ناديه : أيه أحترم نفسك :cool:

أبو محمد : وشي فضيحته مسوي شيء هو علميني أخاف أنك تخبين على ذا الأثول ثم بكرة يجيب لنا مصيبه :mad:
ناديه : لا يبه أنت صدقت بس أبي أهبلبكم أنت وأمي :)

أم محمد : مالت عليتس يالعوبى يا المحليه يالمصديه ماتستحين على وجهتس:mad:

ناديه : يمه ليه أأأأأ مانيب أنا ماعاد أتحمل ذا العيشه يعني عشانه ولد تسخفين له وأنا تهاوشيني (تبكي):(

أبو محمد : تعالي وأنا ابوتس بسم الله عليتس كلكم في الغلا سوا يابنيتي جعل والدينا في الجنه بس أمتس حريصتن عليتس وتبيتس تطلعين مرة ولا موب قصدها شيء

==========================================================
شوي التلفون رن رن رن رن رن محمد قام يطالع الجوال ولين الأسم صويلح الدبشة يتصل بك :D
رد محمد على الجوال

محمد : ارحب

صالح : هلا والله وينك يا أم الهكي همانا متفقين تجي تقهوى عندي

محمد : يارجال وراك نسيت ترى اتفاقنا عقب المغرب ولا نسيت

صالح : والله أنا احسبه عقب العصر بس يالله خلاص عقب المغرب باضبط المشب وبشب الضو وبحتريك

محمد : خلاص يا أغلى صديق في العالم :cool:

صالح : خلاص أوكي :confused:

=========================================
صالح يهوجس : أغلى صديق؟؟؟!!!!:confused: وش قصته ذا قالب أخلاق معي لا هوب يتهزى بي زي أول ويحبني وينشد عني ؟؟؟!!!:confused:

محمد يهوجس : يالبيه ياصديقي ولا اقول يالبى النوري ولا عليك تبطي عظم أنت وشنبك المحلوق بس لأجل عين تكرم مدينه يالجحش:D أخ أخ يالنوري ياعمري يالنوري :rolleyes:
==========================================
جرس بيت صالح ررررررررررررررررررررررررررررررررررررررررن <<< ( جرس القديم ذاك الأخضر حق المدارس )

صالح : طيب طيب من عند الباب

محمد : أفتح الباب يالرخمه أنا خويك

فتح الباب صالح

صالح : هلا ابو حميد

محمد : لا هلا ولا مرحبا أنت بنت تقول من ورى الباب مين أفتح الباب وواجه الرجال يالدجاجه

صالح : ياخوي الطبع يغلب التطبع

محمد يهوجس : اقول يسلم راس الي مصبرني عليك ياشيخ وأبوك أخ يابوك أنا أشهد أنه شنب موب أنت الظاهر أنك طالع على خالك زكريا مالت عليك أنت وهو

صالح : الي ماخذ عقلك يتهنى به تفضل وراك قاعد تهوجس

محمد : اي والله يتهنى به أخ يالن .. قصدي أهوجس في الحياة في الحياة

صالح : تفضل هنا جنب المركى استرح

محمد : هلابك والله وش اخبار الوالد والوالده و..و..و..و والبيت كله أن شاء مرتاحين؟؟

صالح : ابشرك الحمد الله ,, أسمع بروح أنا شوي وبجي أوكي

محمد : اوكي
=============================================
في هذا الوقت كانت نورة ترسم موديلات فساتين علشانها تبي تخيط لها فستان بس جالسة عند حوض النخله الي في بيتهم في آخر البيت من الجهه الثانيه ولا درت عن ذولا وخبرها دايم أن أخوها بعد المغرب جالس في ذاك المشب يتفرج على مباراة على شيء في التلفزيون وراحت تبي تدخل المشب في نفس اللحظه الي كان محمد مكوكي على الضو يقلبها ويصلح فيها ,, ودخلت نورة المشب :)
==========================================
نورة : السلام عليكم <<<(وهي ساهيه تعاين في الرسمات )

محمد : (من غير شعور ولا انتبه ) وعليكم السلام والرحمه

نورة : (استغربت الصوت والتفتت) وقالت وش عندك ياصلوح ؟؟ وش قاعد تسوي ؟؟:confused:

محمد : ( توه انتبه للصوت الناعم ذا موب صوت خويه والتفت من الروعه بسرعه ) وقال هاه:eek:

نورة : يمه بسم الله :eek:

محمد : بسم الله :eek:

=============================================
وناحشت نورة وشقت الشعيب يم البيت وهي ماهيب في وعيها ,, والخبل محمد قعد فاتح ثمه ولا يدري وش يسوي وعرق وحالته حاله ومستحي ويقول في نفسه : والله الوهقه وش الي جابني عند ذا الدلخ مالت عليه والي توهقت الحين بتقول متعني ولا قصدي شيء أن لله وأنا إليه راجعون ,, بس خل عنك ياقلبيه كنت متوقعه أخلاق وحبيته على أخلاقه بس أثر الأخلاق معها جمال وعيون وكل شيء ياربيه وش ذا الزين عنك أنها على قولة ذاك يوم يقول حظيظ ربي عطى له يووووووه أنا ماعاد أصبر اليوم والله ماخلي ابوي ينوم مكلمه يجي يخطبها حسبي عليك ياصويلح الدبشه الي يشوف شكلك يقول وع أخذ من ذولا وأثر الجحش في الشارع والغزال في البيت :rolleyes: وأثناء غرق محمد في الأفكار والهواجيس دخل صالح وهو :mad:
===========================================

وبكره أكمل الباقي ولا يوم السبت تعبت من الكتابه وعندي شغل بخلصه :) :D

كل يوم تبهرني بشيء جديد من إبداعاتك المتميزه .............وإلى الأمام ياذيب السنافي... "إسم على مسمى"

حياك الله أخي رماد إنسان يخليك ربي :)

ومشكور على ردك وتعقيبك :)

ههههههههههههههههههههههههههاي اما ذا اللي يقوم وينخش ويرجع مره ثانيه ينوم ذا شكله من الحياه الواقعيه ههههههههههههههههههههاي وشدعوه اشوقفك مسوي قص ولزق لووووووووووووول تشكر ياعسل يامربى تفاح وجح يا قطو ياكبير تسلم يا ياقرفه يانعناع يا حبك شاهي مرصوص يا ملوخيه بالفراح يا انرب مربرب

ههههههههههههههههههههههههههههههههههاي ام الهكي عبارة عرابجه تستخدم للتهكم على الشخص

توشكر يابابا والله يسلم مخك ياشيخ اضحكت سني وضروسي مع بعض

فضحت أجل واحد أعرفه أنا خخخخخخخخخخخخخخخخخخخخخخخخخخخخ يقومونه للصلاة ويعود ينوم خخخخخخخخخخخخخخخخخخخخخخخخخ :)

يامستكه خخخخخخخخخخخخخ :) يالبى قليبك :)

مشكور على التكرم والمرور :)

أقول ياصياف على خبري أن عندك جامعه وأذكر قلت الكلام لي هذا مرة من المرات على الماسنجر بس مستغرب وين الجامعه شكل يبي من يعلم أبوك عليك أنت :)

قصتك رهييييييييييييييييييييييبه
وتوسع الصدر اكتبها العصر شوقتني اعرف الباقي ......
(تنفع في طاش ما طاش )ارسلها لهم انا متأكدة راح تفوز ........

العصر مزنوق ويمكن بكره وبعده بعد ما أدخل مزنوق مرة الوقت يداهمني في شغلات واجد لكن أوعدك أن شاء الله على السبت ألا أن انفكت الزنقه :)

مشكورة على مرورك :)

[QUOTE]وينك يا أم الهكي [/QUOTE]

يا خوي حط هامش فيه الترجمه ^_^

بس ياالله الوعد يوم السبت نشوف وش راح تكتب

وعلى فكره الى الان ونت مستقوي على الصيف [img]http://www.asmilies.com/smiliespic/3dsmilies/36_6_9[1].gif[/img]


[img]http://www.asmilies.com/smiliespic/brides/00113.gif[/img]
يا الله نشوفك السبت

يا
ا[quote]لدبشه
[/quote](يعني ايش الدبشه خخخخ شكلها سبه ولا)
مره ثانيه لاتقهرني كذا
تكتب بداية القصه ثم تتركنا بدون نهاية ولا لين يوم السبت بعداحححححححححح قهر

على العموم حلوه القصه وأنا والجميع بإنتظار باقيها بس لاتطول علينا علشان تقهرنا زياده خخخخ

ام الهكي: تقال للنصاب

الدبشة : البهيمه ويقال للغنم دبش اي بهايم عجماء <<<<<<<<<وهذا على اللهجه العاميه عندنا :)

======================
أحلام الخيال كان والله بودي أكملها هي ماراح تاخذ مني لأني أألفها على طول وانا على الكي بورد بس المشكله في الكتابه عندي كي بورد غبي :) بس زي ماوعدكم :)

شكراً لمرورك:)

عهود والله ودي أكملها بس غصب عني ما أقدر زي ماقلت للأحلام فوق

لأني منشغل جداً في عدة مواضيع ولا أستطيع التوفيق بين كل شغلاتي أكثر من كذا لأني خميس وجمعه بحبس نفسي في غرفه بين كتب الشرع والقانون أحل قضايا عندي لين أخلصها :)

مشكورة على مرورك وتعقيبك وأن شاء الله تكونين استمتعتي بالقصه إلى الآن :)

يعطيك العافيه ذيبنا

بانتظار الجزء الاخير

تحياتي ياحياتي

حياك يااحساس

وانتظري الجزء القادم الي اتمنى يكون الاخير:)

قصة بلا عنوان:)الجزء الثالث 3
 

نكمل قصتنا :)

================
دخل صالح وهو ضايق على محمد وكان وجهه:mad: فخاف محمد:eek: وقال في نفسه بس فهم الموضوع غلط عزالله الي رحت فيها شوي ألا وصالح يتكلم ويقول :

محيمد ياخي لاتلعب في النار قاعد أشبها وأزينها وتلعب فيها يمال والله العصى:mad:

محمد : أف ياشيخ الحمد الله حسبتك ضايق لشيء ثاني :p

صالح : وشو:confused:

محمد : لا مافي شيء وش اخبارك بس

صالح باستغراب :confused: : الحمدالله

====================================
في بيت أبو صالح كانت نورة جالسة تفكر بهذا الشيء وهي تتنفس بشده من أثر الجري والخوف والتوتر من الي حصل وكانت تقول في نفسها ياالله هذا محمد الي يتكلم فيه أخوي صالح دايم أثره في المجلس وأنا مادريت بس تدرين يانورة أحسن صدفه على الأقل أعرف شكله وأحسن شافني علشان يقتنع أني ماني زينه ولا يفكر فيني ألا وهو قانع موب كل يوم يتميلح في التلفون ويسوي نفسه ذرب (سبحان الله البنات دائماً يحقرن أنفسهن ولايرين أنفسهن جميلات ولا أدري حياء أو أنه عدم ثقه <<هذا الكلام بين القوسين من كلامي أنا ماله دخل بالقصه بس حبيت أعلق على هذي النقطه )
======================================
محمد طلع من عند صالح وراح البيت دخل البيت كان أمه وأبوه نايمين ولم يجد أحد صاحي ألا أخته ناديه جالسه على سريرها وجالسه تذاكر والنوم يغالبها
==========================
محمد : مساء الخير ياعصفورة

ناديه : أقول رح الله لايمسيك ألا بمثله خخخخخخخخخخ :)

محمد : حتى وفيك النوم ماتخلين الخبال مالت عليك :)

ناديه : أحترم نفسك ولا علمت أبوي وأمي عن نورة أنك..... أسكت ولا أعلم ولا تحترمني :cool:

محمد : مالت عليك باحترمك بس ساعديني

ناديه : وشو عليه يالأثول :D

محمد : مسموحه يا اخيتي ابي أقول لأبوي أبي أتزوجها وش رايك ؟؟:confused:

ناديه : كم تدفع يابابا:cool:

محمد : خلاص يابنت الحلال ضفي وجهك أبيك تساعديني وأنتي ماخذه الموضوع هزل :mad:

ناديه : تعال يا أوخيي والله أمزح خلاص أبشر وأنا بنت أبوي ابشر بالفزعه يالأطخم :D

محمد : الوعد بكرة أخلي كل شيء عليك أبوي يحبتس وأنتي بتقدرين تقنعينه :)

ناديه : أزهله والله لو أضطر أعلم خويتي [COLOR="Red"]وعد العبدالله [/COLOR]تكتب قصيده لأبوي فزعه معك خخخخخخخخخخخخخخ:D
=======================================
في الصباح جلس محمد وأبوه وأمه على الفطور بيفطرون ألا جت ناديه ومكتمه وساكته وشوشتها طايره وجلسوا يفطرون

====================
ابو محمد : وش فيتس ياظناي عسى ماشر :o

ناديه : مايجيك الشر ياشنب (وهي تلتفت من تحت لتحت لمحمد ;) وتغمز له )

ابو محمد : وش فيتس طيب :confused:

ناديه: مافيني شيء وتبدأ بطق العبرة وشوي وتشاهق وتصيح وتقوم من على الفطور

لحقها أبوها وأمها تقول خلها ذا الدلوعه لاتهمك خلها تطلع مرة موب كل بكية تبكيها بريال :mad: ووقفت ناديه برا في الحوش وأبوها جاء يمها

أبو محمد : وش بك يابنيتي عسى ماشر؟؟

ناديه : شفت رؤيا يايبه يموت فيها أخوي محمد

أبو محمد : أفا لا أن شاء الله فال الله ولا فالك

ناديه: ودقيت يايبه على الشيخ وقال هذي الرؤيا تفسيرها إن محمد الي بالرؤيا إذا ماتملك على وحده أسمها نورة أخت صديقه خلال شهر راح يموت

أبو محمد : لا تعلمين أخوك أكتمي الموضوع لين نخطب له البنت مفهوم

ناديه : مفهوم يبه :cool:
======================
دخلوا وناديه تضحك :D وتبتسم:) وتغمز ;) ومحمد طقته أم الركب داري أن أخته خبلى ويمكن جابت له مصيبه وهو مايدري وأبومحمد يشوف محمد من تحت لتحت بعيونه ويقول في نفسه لاوالله ياولدي مانخليك نزوجك عسى الله يحفظك
========================
نوره كانت تفكروهي ماسكه الكتاب تدرس بس غرقانه في الهواجيس وتقول في نفسها ياربيه تصدقين يالنوري أنه عاد مملوح وش حليله كنه بس البدر ليلة اكتماله ماشاء الله عليه الله يحرسه شوي ألا أمها داخله عليها
=======================
أم صالح : نوري وش قاعده تسوين ؟؟:confused:

نورة : هاه

أم صالح : من قال هاه سمع وأنا أمك

نورة : لا والله يمه ماسمعتك كنت قاعده أذاكر

أم صالح : والله يابنيتي أصايح ماجاب حلقي ولا سمعتيني كل هذا مذاكرة

نورة : :o والله ماعليش أختبار صعب ومركزة ولا سمعتك يمه سامحيني

أم صالح : ماعليك يابنيتي عارفه عسى الله يوفقتس وأوخيانتس والمسلمسن أجمعين قادر ياكريم :)

=============================================
محمد جاء لصالح وقاله بصراحه ياصالح أنا أبي أخطب أختك قام صالح ماصدق من الفرحه لأنه يعرف محمد رجال بمعنى الكلمه قاله أبشر بس وش المطلوب يعني يوم تقولي
قال محمد: أبي ...أبي ....أبي أشوف أختك بصراحه

صالح : وشو:eek:

محمد :لاتستغرب اشوفها وهي ماتدري علشان لو هونا لينها ماتتأثر نفسياً تصير كأني لا جيتها ولا شفتها

وقعد محمد يشرح له أحاديث رؤية المخطوبه والي كان محضرها في ذهنه قل لا يجي علشان يعالج أي ردة فعل راح تحصل أقتنع صالح

صالح : محمد طيب وشلون بخليك تشوفها :confused:

محمد : نادها وأطلب منها ماء وأنا بجلس في النافذة أشوف وهي ماتدري أني هنا والدليل من يوم دخلنا مع بعض وأنت مادخلت البيت وأهلك مايدرون أني معك صح

صالح : صح طيب بناديها خلك بالنافذة وتخبى ورى الستاير

محمد :طيب ياأحلى أبو نسب بالدنيا :)

صالح طلع برى وبدأ ينادي

صالح : يالنوري ....يالنوري ....يالنوري

نورة : طاط طاط أفتح الخط أووووووووووووووووووووووووونطله على البيبان وخر عن الطريق لاأصدمك

وتفتر نورة من عنده كنها تفحط

نورة :وش تبي يا ابوصلوح

صالح : مالت عليتس ولا لقيتي تنجنين ألا اليوم وكل يوم وأنتي هاديه وعاقله ورزينه

نورة : يوم لك ويوم عليك خلني أرفه عن نفسي شوي وش تبي ياابوصلوح :)

صالح :أبي ماء الله لايهينك :)

نورة : أوووووووووووووو ونطله على البيبان (وتزاعق بصوت عالي)واحد مويه للمعلم وصلحه لأحلى معلم أبو الصلح باشا :D

==============
دخل صالح على محمد ولين محمد مخقخق ومتعلق في النافذه وفاق ثمه ويلتفت على صالح وهو :)
============

صالح : تراها والله ماهيب كذا تراه عاقله بس اليوم شكلها شايفه البارح شيء مسلسل فيلم مصري مدري والله لكن البنت ماهيب صويحيه اليوم ولكل جواد كبوة:o

محمد : أقول لبى قليبك يابو نسب أمووووووووووووووووووت في الخبال هذا لعنبو ابليسك هذي الي ابيها خلاص ما أبي غيرها مانيب مانيب أبي أختك يابوصلوح

صالح : أقول أحترم نفسك ياحيوان ترى غيرتي ماتتحمل زي كذا كلام مالت عليك خلها تجي في عهدتك وقل الي تبي كش عليك رجاجيل آخر زمن :)

محمد : (يقول في نفسه) لا أبو أبوك على جدك يالخكري قسم بالله علشان ذا الوريده المفتحه ولا أنت خكري ماتسواي جناح بعوضه بس ياله وش أقول لعل عيالي ينزعهم عرق من جدانك بعيد من دون عرقك يالحول :)

صالح : وش بلاك تضحك مالت عليك

محمد : أبد من الفرحه بنسبتك يالغالي :)
====================================================================
رن رن رن رن رن رن رن <<<<<جوال محمد طالع على الشاشه نونه المجنونه تتصل بك :D

محمد : الوه يالله مسا خير من دون خبال

ناديه : مالت عليك هذا جزاي أتصل بك أشوف وش سويته :D

محمد : كل خير ان شاء الله

ناديه : لا لا صدق عاد يامحيمد خقيته مع البنت حلووه صح أعترف بسرعه ولا خربت الي صلحته لك :D

محمد : لا والي يرحم والديتس خلي كل شيء على حاله

ناديه : طيب تكلم وعلم أوخيتك وش صار ياغزال خخخخخخخخخخخ :D

محمد : شفته ورحت في خبر كان هاه ارتحتي

ناديه : لا ما أرتحت بس كان ودي داقه عليها ومخربه عليك خخخخخخخخخخخخ:D

محمد : أف يالنذله لها الدرجه :mad:

ناديه : لاتصدق أمزح معك وأنا أقدر أسويها مع أخوي حبيبي ولا أقولك وش حبيبي ياحبيب النوري هههههههههههههههههههههههههههههههههههه :D :p :cool:

محمد : طيب أوريتس يالدبا


طوط طوط طوط طوط <<<<<<<<<سكر محمد السماعه في وجه ناديه :D

===================================================
وراح وخطب محمد البنت ووافقت وتزوجوا وعاشوا في نعيم وسعاده

بصراحه ماعليش يا أخوان وياأخوات لكن عجزت أخلصها لأني مشغول فكري في أشياء كثيره ولكني كملت لين وجدت محل يصلح للوقوف فيه وانهاء القصه فتوقفت وأوعدكم أن شاء الله بالتميز في القادم وأعذروني في القصور عن المستوى المطلوب هنا :)

ذيب السنافي

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
دمعت عيوني من الضحك .......
حسبي الله على ابليسك ......حتى بنتي طارت عيونها فيني تحسبني انهبلت ................
قصه راااااااااااائعة يالذيب
ونستنى جديدك وخيالك الواسع ...................

لوووووووووووووووووول :p

يسلمووو ذيب جد جد ابدعت!

ومو شي غريب عليك طبعا ;)

والله يوسع صدرك بالعافيه يا رب مثل ما وسعت صدرونا

عليك مفردات تفطس ضحك
جعل الدنيا تضحك لك دوم
وتسلم يالطيب على هالوناسه

--------------------------------------------------------------------------------

[quote]هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
دمعت عيوني من الضحك .......
حسبي الله على ابليسك ......حتى بنتي طارت عيونها فيني تحسبني انهبلت ................
قصه راااااااااااائعة يالذيب
ونستنى جديدك وخيالك الواسع ...................[/quote]
أضحك الله سنك دووووووووووم أن شاء الله

والله ماتوقعت تعجبكم بس حلوووووووووو مدامها أعجبت بنت عمي الخياله حلووووووووووو :)

======================================================================
[quote]لوووووووووووووووووول

يسلمووو ذيب جد جد ابدعت!

ومو شي غريب عليك طبعا

والله يوسع صدرك بالعافيه يا رب مثل ما وسعت صدرونا[/quote]

الله يلولك بخير خخخخخخخخخخخخ :)

تسلمين يابنت عمي ويخليك لعينن ترجيك :)

ويوسع صدرك ربي بالعويفيه :)
=========================================================================
[quote]عليك مفردات تفطس ضحك
جعل الدنيا تضحك لك دوم
وتسلم يالطيب على هالوناسه[/quote]
أهلاً وسهلاً يفطسك ربي بالضحك دائماً خخخخخخخخخخخخ :)

وتضحك لك أن شاء الله

تسلمين يابنت عمي يامنبع الطيب:)

حلوه القصه ياذيب ماشاء الله بس ماتحس العيب الوحيد زيادة المبالغه وهذ رايي بدون مجامله أتمنى مايزعلك

ومع ذلك فقصتك فيها اسلوب رائع ومضحك أتمنى أقراء لك قصص اخرى في وقت ماانت فاضي
واحس لك مستقبل بإذن الله مبهر وامكن تصير كاتب مشهور بس ياذيب إذا صرت إن شاء الله كاتب أكتب جنب اسمك الحقيقي ذيب السنافي علشان نعرف انه انت خخخخخ
تحياتي لك وامنياتي لك بالتوفيق في الدارين

أختك:عهــــــــــود,,

هلا والله بعهود :)

[quote]ماتحس العيب الوحيد زيادة المبالغه وهذ رايي بدون مجامله أتمنى مايزعلك [/quote]

من لوازم الكوميديا المبالغه ولا كيف بتصير كوميديا :)

وبعدين ترى قصة واحد مويه للمعلم وصلحه صايره صدق ومع واحد من خويانا :) يعني لا تخلو الدعوى من صدق من غير مبالغة:)

[quote]أكتب جنب اسمك الحقيقي ذيب السنافي علشان نعرف انه انت خخخخخ[/quote]
يقالك ماتعرفين اسمي الحقيقي يعني خخخخخخخخخخخخ:)

ههههههههههههههههههه

يعطيك العافيه على القصه الحلوه
بس ياليتك كملتها والله حلووووووووو تصويرك للصه وكلامهم حلو ويوسع الصدر

يعطيك الف عافيه والف شكر لك

تحياتي لك:)

يسلمك ربي ياأم فيصل نعوضك في الجايات أن شاء الله :)

ونجيب قصه على عائلة أعرفها ولعل التصوير يطلع صحيح ويقولون هالعائله بسم الله ذا معها جن وشلون عرف خخخخخخخخخخخخخخخخخخخخخخخخخخخخخ:)

مشكوراخوي ذيب


ونحن بأنتظار هالقصه يعطييييييييييك العافيه


والف شكر لك
:)

الشكر لله :)

أتمنى مايطول الانتظار وألقى وقت أكتب القصه

بيييييييييييييييب طاااااااااااااااااااااط مياو

يسلموا ذيب على القصه الروعه اللي امتزجت بين الصور الواقعيه والكوميديه تحياتي لك ياابو الشباب