منتديات الفطاحله - الدمعه اللي ( علـى الجاليـن ) مسكوبـه

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

- - الدمعه اللي ( علـى الجاليـن ) مسكوبـه (http://ftahilah.com/showthread.php?t=110016)

الدمعه اللي ( علـى الجاليـن ) مسكوبـه

لِ الشاعر : عايض بن زوير .

الدمعه اللي ( علـى الجاليـن ) مسكوبـه
...... بذت خفايـه / ولا أدري وش سبايبهـاا !

نوبٍ تحدر / وأجـي مـن دونهـاا نوبـه
...... مار أحرجتني وأنـا مـا آمـن عواقبهـا !

وآآ حظه اللي سترها في " طـرف ثوبـه "
...... محـدٍ درابـه لـو إن المـوق جايبهـا !

أضحك وأجامل ريـاا .. والنـار مشبوبـه
...... واليا طرقهـاا الهـوى ولـع مشاهبهـا !

كن الحنايا وطن و ( شعوب منكوبـه !! )
...... وهـم المفـارق ( حكومـاتٍ ) تجاذبهـا !

عـز الله إنـه بكـى الرجـال لـ/ ذنوبـه
...... أهـون / ولا تبكـي دموعـه ذهايبـهـا !

الذنـب تغسـل حمـاده " مزنـة التوبـه "
...... ولا الليالـي يـاا كيـف يعـود غايبهـا !

يالعين هلي رضـا // وإن كـان مغصوبـه
...... دام المدامـع تبلـل كـبـد صااحبـهـا !

الشااعـر اللـي قفـى هجينيـه مسحوبـه
...... دق النقـايـد .. ولا قـبـل مناكبـهـا !

وش حيلة اللي فقد فالوقـت رعبوبـه ..؟!
...... غيـر الركايـب ورا لامــاه يتعبـهـا !

واما كتب له : ( لقاا المحبـوب محبوبـه )
...... ولا يـعـود مخـاسـيـره يحسـبـهـا !

وآآ كبـدي اللـي مـن الأيـاام مشذوبـه
...... ( لا هي سليمه ) ( ولا بانت مشاذبهـا ) !

سبـة غريـرٍ يتـل الــروح باسلـوبـه
...... وإليـاا منعتـه يقـول إنـه : يلاعبهـا !

روح الهواوي غـدت فـي ايديـه لعبوبـه
...... مـرٍ يشـرق بهـاا .. مــرٍ يغربـهـا !

غروٍ مزجهاا ( وصايف زين ) ( واعذوبه )
...... كـن الحنايـاا علـى كيـفـه يرتبـهـا !

لو هو يسولـف بنـات الرفـع منصوبـه
...... كـل المسامـع علـى مـا راد يجذبهـا !

غاب وتركنـي سجيـن الوقـت وكروبـه
...... " طبـع الليالـي غريبـاتٍ مذاهبـهـا " !

أثـر المحبـه بكـى // وقلـوب مسلوبـه
...... والرابـح اللـي تلـوى بـه نشايبـهـا !

يالعين هيدي عن المـذراف / يـاا دوبـه
...... حـس الذيابـه تعـلا فــي مراقبـهـا !

ولياا تعاوت ذيـاب الـدار / محسوبـه !!
...... بسج رجلـي علـى المرقـب وأجاوبهـا !

وإليـا وصلنـي مـع النسنـاس مكتوبـه
...... لأهل المناصـب تركـي يـاا مناصبهـا !

وإن قيل ( ناقة زمـان البيـن ) مجلوبـه
...... يـاا خيـرة الله مـن الناقـه وجالبـهـا !