|
سليمان بن شريم
هو سليمان بن ناصر بن شريم شاعر علم من مشاهير الشعراء الذين ذاع صيتهم في جزيرة العرب . . . شاعر كبير ردد الناس أشعاره وتغنوا بها،أصله من قبيلة بني زيد القبيلة القحطانيّة المعروفة ولد ((سنة 1305هـ)) في عين ابن قنور التابعة للسر إحدى قرى القصيم وانتقل إلى عنيزه ، برز أول شبابه كشاعر حربي أجاد نظم القصائد الحربية نظراً للظروف التي كانت تسود جزيرة العرب وفي ذلك الحين فقد كانت الحالة الأمنية عير مستقرة . . . حروب ومعارك وغزوات بين القبائل من جهة وبين المدن من جهة أخرى . . . وهنا يأتي دور الشعراء الذين يبثون الحماس في نفوس المحاربين ويخلدون مواقف البطولة والانتصارات بشعرهم وكانت حياة شاعرنا سليمان بن شريم الأولى تسير على هذا المنهج يساند جماعته ويناصرهم شاعراً ومحارباً
ثم انتقل سليمان بن ناصر بن شريم إلى الكويت فقد كان له أقرباء يعيشون فيها فعمل بالكويت واستقر فيها . . . وبالكويت برز كشاعر كبير مجيد في كل معنى يعالجه بشعره فردد الناس أشعاره وأصبح ذكره في كل مكان وكانت ((القلطات)) جمع قلطه في أوج عظمتها بالكويت بذلك الوقت فتحول إلى النظم المرتجل وبرز بالقلطة كشاعر فحل يحسب حسابه كل شاعر يريد أن يبارزه ، ومن أبرز من ساجلهم صقر النصافي , ومرشد البذالي , وعبدالوهاب الفياض النجدي , وغيرهم ، وشكّل هو وشاعر الكويت الكبير صقر النصافي ثنائياً يكمل أحدهما الآخر ولا يطيب لجمهور القلطة الغفير إلاّ بوجود الشاعرين سليمان بن شريم وصقر النصافي ، وكان ابن شريم رحمه الله معاصرا وصديقا للشاعر الكبير عبدالله بن دويرج , وبينهما مساجلات جميلة , فيها ترميز عذب , وصور خلابة وبعد بروزه بالكويت ومعرفة الناس له كشاعر كبير يحرصون على متابعته . . . أخذه الحنين إلى بلده فعاد لها واستقر بمدينة ((عنيزه)) بالقصيم وفي نهاية عمره حدثت بينه وبين بعض أصدقائه منافرة وتحدٍّ .. فضاقت نفسه وهم بالرحيل , فذهب إلى بريدة واستقر بها إلى أن توفاه الله وفيها توفي سنة (1363هـ) وعمره رحمه الله 58 سنه . . . ولو قدر الله له أن يعيش أطول لكان شأنه أعظم رغم أن المكانة التي وصل إليها لا يستهان بها أبداً إلاّ أن وفاته أوقفت مدّه الشعري الذي بدأ يجتاح جزيرة العرب كلها فهو الشاعر الذي ربط الشعر النبطي القديم بالحديث ووصل بين مرحلتين هامتين في مسيرة الشعر النبطي عير العصور ولكنه ببراعته وتمكنه استطاع المحافظة على مستوى الشعر النبطي الرفيع وجذب الناس إليه في تلك المرحلة وأعاد الاهتمام إليه من جديد كان شاعر من شعراء الطبقة الأولى , وغزله فيه عذوبة ورقة .. وكثير من قصائده يرددها عشاق السامري .. وقد غُنّيت كثير من قصائده الغزلية , وأبرز من غنى له الفنان حمد الطيار , حيث ترنم بكثير من قصائده الجميلة , ولا شك أن اختياره لها تم بتوجيه من أصدقائه المقربين من أهل عنيزة الذين لهم إلمام واطلاع على عذب الشعر , وقدرة على تمييز جيده من رديئه . شغل شعر ابن شريم الناس لفترات طويلة , حتى صار صيته في فترة من الفترات طاغيا على كل صيت . وقد اهتم مدونو الشعر النبطي به وبشعره , فنشرت قصائده , وترجم له العديد من المهتمين , وله ديوان شعر مستقل , جمعه وحققه الأستاذ بندر الدوخي . ولم تكن قصائد (( ابن شريم )) بالمستوى العادي أبداً بل كانت كلها تشكل عبقرية شاعر أحس بأهمية الكلمة وآمن بدورها فعرف كيف يوصلها إلى قلوب الناس فيحبونها ويتفاعلون ويتعاطفون معها وإذا استعرضنا أبيات من وصية سليمان بن شريم لولده عبدالعزيز هذه القصيدة المشهورة . . . نتعرف إلى أي حد وصل ابن شريم بمستواه كشاعر يعرف كيف يتعامل مع الكلمة كقوله [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] عزي لحالك ياعزيز وأنابوك . . كان الزمان اللي وطاني توطاك أما أنت لو تمشي على الجل صعلـوك=أطيب من اللي تلتجـي له ويجفـاك خدمتك شيـخٍ كنـك العبـد مبـروك=يامـرك فيـها يشتـهي ثـم ينـهاك وترى الملوك اليا صفـولك وحبـوك=أصغـر خدمهـم ينتقـم لك وينفـاك واليا جفوك أهل الوظيفـة وعافـوك=خفـت موازينـك وكلـن تهقـواك كنك سراجٍ بأوسط الحـوش شبـوك=واليا أنقضا اللازم حد الربـع طفـاك وإلاّ كما ليمونـة الحمـض مصـوك=واليا فرغ منها الطعـم طوحـوا ذاك[/poem] |
رد: سليمان بن شريم
ألا ياعيونـي مـا يفـيـد النـظـر والـشـوف = تكـافـي وكـفــي لاتـراعـيـن ياعـيـونـي
تكافـي كفـاك مكايـد الجـادل الغطـروف = ابـو وجنـة فيهـا اشهـر المـوت مقرونـي انا اشوف شوفك واتمنى وانـا مشغـوف = من اللي سلب عقلي على غير قانوني لحظني بعين كـن فيهـا نمـش وسيـوف = وقـع مابكفـي واختلـط وانصفـق لـونـي اخذني جهار اكبر ضحـى والعبـاد وقـوف = انـادي بصوتـي والعـرب تقـل ماوحونـي تبي ذبحتي ياريم وادي سكاكـا الجـوف = حسيبي عليك مصرف الخلـق والكونـي تعـرض غريـب نــازح عـنـد ابــو رفــروف = ورى دار قـاره يقنـب الذيـب مـن دونــي الا واعذابـي مـنـك ياضـامـر السـرجـوف = شبكنـي هـواك وبيـح الـحـب مكنـونـي الا يازريف الطـول انـا ازهمـك بالمعـروف = بعـد عونـة الله منـك انـا برجـي العونـي دخيلـك تلبـي دعـوة مـن ثـلاث حــروف = طـرف ساعـة افـرح بهـا وانـت ممنونـي اريـح ضمـيـر بالـهـوى مـولـع مشـغـوف = مــن الله خلقـنـي بالغـنـاديـر مفـتـونـي [poem=font="simplified arabic,5,indigo,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"] حـيـا الله الـلـى يغـيـب ويـسـرع الــرده = الـلـى يجيـنـي الـــى مـنــه تبـاطـانـي قلـبـي يــوده و حـالــي كـنـهـا الـقــده = ودي بشـوفـه ودونــه حــوم عقبـانـي يـا صاحبـي جـارك الله وش هـا الصـده = مـهــوب حـــق تولـعـنـي و تـنـسـانـي ان كان عندك حكي بـي خامـل السـده = فانـت المصـدق وانـا حقـي ومـا جانـي اهـرج عـلـى مــا تــورى والبـخـت بــده = لا تسـتـحـي يـابـعـد حـــي وحـيـاتــي تــرى حــلاة الـهـوى لا طـالـت الـمــده = مـهـوب يــوم صـديـق ويــوم قومـانـي وان كان ما انت بمصافيني على الشده = وقــت الـرخـا واجــد ربـعــي وخـلانــي [/poem] هذه الإضافة من أخي زيد النمي ، حيث كانت كموضوع مستقل ، ولأن الدمج سيجعلها أولا فقد آثرت نقل القصيدة فقط ، والإبقاء على القصيدة والردود كاهي يقول ابن شريم الله يرحمه [poem=font="simplified arabic,5,,bold,normal" bkcolor="transparent" bkimage="" border="groove,4,black" type=0 line=0 align=center use=ex num="0,black"] ياسلامي على اللي يستحق السلام = ردة بينة ياللي تعرفونها ياهل العرف والمعروف باح الغرام = هرجة ما تفيض الا بقانونها كيف حالي محت ماباقي الا العظام = وين ابلقا دخاتير يداوونها من سبب جادل شفته وانا بالمنام = جابه الحلم والصمان من دونها ما تسر العلوم ولاتفيد الحلام = صرت في سالفة ليلى ومجنونها لو تعبدت ما بين الحجر والمقام = كن عيني الى لديت بعيونها قال بعض العرب طرد المودة حرام = قلت الاثمار كل الناس يجنونها ما يلوم الهواوي بالهوى الا الفدام = حرموها وراهم ما يطولونها جعل من لامني يبلى برزق الوشام = لين يدري بفرقا البيض وشلونها لا جزا الله بنو الخير ورق الحمام = كل ما شافته عيني بكى نونها ساجعات على المسعى وباب السلام = من ورا المدرسة برا ومن دونها[/poem] |
رد: سليمان بن شريم
في مدح الملك فيصل رحمة الله عليه سنة 1351هـ
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] سلامي على شيخ من البعد يعنى له =حريـب الـردي والمجـد ماشـيـد الا لــه سلامـي عليـه اعـداد مـاربـرب الطـهـا =وحـن الرعـد بـه وازعـج البـرق همالـه [/poem] |
رد: سليمان بن شريم
هبـي بريحـه يا هبـوب الشمالـي=كود الجنوب ومطلع الشمس ينصـاه
يـامـا ويـامـا فرقتنـا الليـالـي=نجـعٍ مقيـم وفـرّق البعـد لامـاه خـان الزمـان بعشرتـه والتوالـي=وعزي لمن يصفـق شمالـه بيمنـاه عظيت بسـرة شاهـدي من هبالـي=وونيـت ونـه من نقـل داه بـرداه فـإن كان له بمواجهـي مثل مالـي=والعلـم مـا بينـي وبينـه مناجـاه وإلاّ ترانـي عنـه طـاوي حبالـي=يلقـا وأنا القـا واحـدن كنـه إيـاه ماني بمـن يتبـع خفيـف الخيالـي=اليا تحـدر بارقـه عفـت مرعـاه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ياونتاه اللي برت جـــسم حالي =بري الدبا نبنوب غصن تغشــــــلاه على عشيـر بالموده صـــفا لي =وازريت أنوش حماه وانا اتـــــــعداه غرو جبينه مثل خـط الــــهلالي=سبحان رب صـوره ليـن ســــــــواه وحيـاة رب كمله بالجمالــــــــي =من مفرق الهامه إلى حد ماطـــاه انه منول وامس واليوم غـــــالي =واتلى زمانه بالغلا مثل مــــــــبداه ماله حلي إلا مـودة عيـــــــالي =اصغر عيالي بالغلا كــــــــــــنه إياه لا ابطيب ماشفته وهو ماعنالي =عفت المكان اللي يغيظه ويـــجفاه لو دلهوني عنه مانيب ســــالي =اشفق على شوفه واهوجس بطرياه شوفه دواي وقل شوفه زوالــي =حكيم طب جامع داه ......... ودواه حقه على إلى تزخـرف قبـــالي =ابعد مزاره بالهوى واتمـــــــــــــنـاه وحقي عليه إلى اعترض له مجالي =يصفح ويلقاني على الطول والـقاه مابه من العذروب عنق الغزالـي =إلا الزمان اللي حداني وعــــــــداه ريقه حلا من در عفر متــــــــالي =لا ورحن من مدفق سـال مجــــراه هبي بريحه ياهــــبوب الشمالي =كود الجنوب ومطلع الشمس تنصاه عبث صبيت لعشرته من صبا لي =سجلي بنجله والموده مـــــــجازاه ياما وياما فرقتنا اللــــــــــــــيالي =نجع مقيم وفرق البعد لامـــــــــــاه أقفت مراحيله وانا اقفت رحالي =خليت مداهيله وعميت ركايــــــــاه وخان الزمان بعشرته والـــتوالي =ورثت من يصفق شماله بيــــــــمناه وعضيت بسرة شاهدي من هبالي =وونيت ونة من نقــــــــــــل داه برداه اسهر إلى نام المعافى لحـــــــالي =والصبح اجدد ذكر حـــــــمام واسماه هني دحـش دب الايام ســــــــالي =ماولعه طرد العماهــــــــــــيج واغراه ولا صلاه من التصاريف صـــــــــالي =وذاق الفراق وتاه مثلي بمســــــراه ياطول ماطاوع نسيم الـــــــهوا لي =من قبل يبدي لي من الوقت مجـفاه واعتظت من عقب الجديد السمالي =ولا ينفع الفايت ولو قيل محـــــــــلاه ليتي قريـب له وبيته موالـــــــــــي =والعلم من بيني وبينه مناجــــــــــاه ان كان له بمواجهي مــــــثل مالي =وقلبي معه يبراه والهم يــــــــــــبراه وإلا تراني عنه طاون حـــــــــــبالي =يلقى وانا القى واحد كنه إيـــــــــــاه مانيب من يتبع خفيف الخـــــــيالي =إلى تحدر بارقه عفت مرعـــــــــــــاه هذا وصلوا عد رمل الـــــــــسهالي =على نبي شيع الدين واحـــــــــــياه وآله وصحبه كلهم بالـــــــــــكمالي =واللي تبع سنة نبيه ومجـــــــــــــراه |
رد: سليمان بن شريم
سرى البارق اللي لـه زمانيـن مـا سـرى = صـدوق المخايـل بارقـه يـجـذب الـسـاري
عـلـى فـرعـة الــوادي وسيـلـه تـحـدرى = وغنـت طيـور المـاء علـى حـايـر الـجـاري مـرامـي غــزال عـقــب عـرفــه تنكرى= عليـه الله أكبـر كـل مـا حــل لــه طــاري بـرى الجـرح منـه ومنـي الجـرح مـا بـرى = وهو يحسب انـه يـوم طـال المـدى باري نطحـنـي بـجـز الـثـوب حــدر المشـجـرى = جمـيـل المحـاسـن لاضخـيـم ولا عاري ابــو لـبـة مـثـل القـمـر ضــاح واسفرى= والـى غابـت القمـرا تقـدى بــه الساري تـرى سلبـة العاتـق الــى صــد مــا درى = كما سلبة العرجـون فـى صفحـة الذاري صويب الهوى مسكين مشيه علـى ورى = ترى النقص فيه وحيله أقوى من الضاري |
رد: سليمان بن شريم
وصاته لأبنه عبدالعزيز
يا مل عينٍ في محاجـــــــيرها شوك = والقلب به عن لذة الــــــــنوم تكـــاك لا دك في قلبي من الهم داكـــــــوك = جاوبت طربات الحمايم على الـــراك عزي لحالك يا عزيز وأنا ابـــــــــــــوك = كان الزمان اللي وطــــاني توطـــاك إفهم وصاتي يا عزيز وأنا ابـــــــــــوك = دامك صغير وغاية العــــــلم يقــــراك تراه ما ينــفعك خالك ولا أخــــــــــوك = لا صار ما تقضي لزومك بيمــــــــــناك وربعك ليا بان الخلل فيك عافــــــــوك = أقرب قريب ٍ لك من الناس يشــــناك إن كثر مالك صدقواّ لك وطاعــــــــوك = وإن قل ما بيديك شانت حلايـــــــاك لو تطلب الما عندهم كان ما أسقوك = إبعد مزارك عن وطنهم ومـــــــــرباك وإن طاب حظك صدقوّا لك وحــــــبوك = وإن بار كلن ما يبي غير فرقـــــــــاك وإلا إعترض لك من صروف الـنيا صوك=كلن تبرا منك ماهــــــوب ويـــــــــاك هراجة المجلس إلى جـــــــيت وروك = منازل ٍ تطرب نظيرك بدنــــــــــــــياك وإللا قضى منك اللوازم وخلــــــــــوك = تفرقوا وأنت إحتمل كل ما جــــــــاك كنك سراج البيت للنور شـــــــــــبوّك = وإلى إنقضى اللازم حدا الربع طفاك وألا كما ليمونة الحمض مصــــــــوك = وإلا قضى منها الطعم فرغــــــــوا ذاك واللي يجي من رفقته ريب وشكوك = إحذر عنه لياك تصدف بمـــــــــسراك وإلا جفوك أهل الوطن وإســـتخفوك = قلّع غريسك منه وإهدم ركايـــــــــــاك تراك لو تنجع عن الربع صــــــعلوك = أحسن من اللي تلتجي به وياطـــــاك عطهم وضيفهم إلا منهم جـــــــــوك = وإغلق ضميرك لا تعلم بقصــــــــــــياك إن طبت ما حبوّك وإن عبت زالــــوك = تمضي حياتك ناقل ٍ داك بريــــــــــــاك وإلى نفوك إمن الوظيفه وعافــــــوك = خفتّ موازينك وكلن تهــــــــــــــــقواك وإصحى لخلان الرخا لو تغـــــــــالوك = إعرف ترى أطيبهم إلى إحتجت يجفاك كنك خوي مقيط دهووك وأغــــــووك = وحقك عطاك رشاك وأقفى وخـــــلاك وإحذر عن العلة ترى الحق مـــدروك = مثل العمل يدركك ما منه فكـــــــــــاك وإن كان عدوانك على الضيق حدوك = فإخصم طلابتهم بعجفاك وقـــــــــداك وإن كانهم لمشرّف الحق ماشــــوك = ناظر مطاليع الفرج قبل مـــــــــــــبداك وإن طاوعوا شيطان الأنفس وهانوك = فإصبر على البلوى ودفنك رزايــــــــاك زرهم تراك إلـــــــيا تونــــيت زاروك = إن ما بديت لصاحب السو يبـــــــداك ما دامهم ما طاوعــــوا لك وعرفوك = إضرب على الكايد إلى عمست رياك لو هذبوك إمن المصاوب وضــــدوك = ما يذبحونك قبل تدني مــــــــــناياك وإحلم على الجاهل ترى الحلم مبروك = وقم للضعيف اللي من الظيم ينخاك وإدمح خطاجيران بــيتك إلى أوذوك = ترى القصير وحرمة الجار بحــــــماك عطهم لوازم حقهم لو تناســــــوك = في كل ما يصلح لدينك ودنــــــــياك وقم للضيوف اللي لفوا لك وضافوك = أغلى كرامتهم حجاجك وبشــــــراك وإعرف ترا مالك للأضياف مشــروك = لولاه يطلب حاجته منك ما جــــــاك وقم للرجال إن رايعوا لك وحبــــوك = وإحشم خويك وأكرمـه عند ملـــفاك وإلى إعتبرت بسيرة الناس كفــوك = ما كثر من شي أتعبك ثم عـــــــناّك ولولا تبات بهمّ دنياك مظـــــــــنوك = ما طاب لك ما دام لك وإفتــــهم ذاك لو يطلبون إخفايك الناس ما أخفوك = الرجل مثل النجم في كل الأفــــلاك وصلاة ربي عدّ الأوراق والشـــــوك = أو ناض براق ٍ وما هل ســــــــــــفاك على الذي ما فيه ريب ٍ ولا شكوك = امحمد ٍ ما دك بالقــــلب دكـــــــاك |
رد: سليمان بن شريم
كريم يابارق
الـبـارحـة سـاهــر والـدمــع يــجــري = والقلـب حـزن عـلـى فـرقـى حبيـبـه كــريــم يــابــارق يــنــوض حــــدري = واللـي سـرى بالغـداري يقـتـدي بــه والــى ضـــرب وادي خـــلاه يـجــري = عسـى طـروش البـوادي ترتـوي بــه متخـفـي لابــس لــه بـشـت بـــدري = حسبي على البشت واللي غرني به يامـدرج السـاق حالـي مـنـك مـبـري = بـــري النجـاجـيـر عــيــدان صـلـيـبـه ابـــو قـــرون تــغــذى بالـشـمـطـري = مثـل السفايـف عـلـى كــور النجيـبـه ابـــو عـيــون الـــى دلـــت تــخــزري = ترمـي بالاسبـاب ويـل اللـي تصيـبـه ابـــو خـديــد يـشــادي نـجــم فـجــر = والا الـقـمـر لاانتحىيـبـغـي مـغـيـبـه ابـــو نـهـيـد كـمــا الفـنـجـال زبــــري = ويـمـزع الـثـوب مــن حــال غصـيـبـه يالـيـتـنـي عــالـــم بـالـغـيــب وادري = عن غض الانهاد من هـو مـن نصيبـه ياليـتـنـي حــايــف ويــقــال خــبــري = انهـب صخيـف الحشـا ثـم اغـدي بــه من طاب لي طبـت لـه والكـل يـدري = واللـي يتغلـي عليـنـا وش نـبـي بــه ان مـت حطـوا بـدرب البـيـض قـبـري = تكفـون حطـوا عـلـى قـبـري نصيـبـه يـا مـن يــرد الحبـيـب ويـاخـذ اجــري = قـفــا بـــلا سـبــة ربـــي حـسـيـبـه مـاقـدر الله عـلـى المخـلـوق يـجـري = والعـبـد لـزمـا تـــرى يـاخــذ نصـيـبـه وا قــو مــا صابـنـي وا قـــو صـبــري = لـعــل مـــا صـابـنـي مـنــه يـصـيـبـه يــا الله طلبـنـاك مغـنـي كـــل فـقــر = كــل عـلــى قـدحـالـه تعـتـنـي بـــه |
رد: سليمان بن شريم
وهذه محاوره لشاعرنا سليمان بن شريم مع الشاعر صقر النصافي
(سليمان) ياسلامي عليكم كل سموا قبيلة ................... ردت غالية تضفى على كل غالي (صقر) مرحبا بالعميل اللى يلاعب عميلة ................... المواقف لها حل والمواسم رجالى0 (سليمان) لا توجد ترى سود اليالى طويلة ................... كان ما هبت الليلة وراها ليالى0 (صقر) ياسليمان بيتك صار لى نوحيله ................... من حشيمتك خليت العصا والنعالى0 سليمان) واللة انى ماحربك كود بم الفتيلة ................... والمقبس مخلينة لخطو المجالى0 (صقر) واللة انى ماخل الرد ذل وفشيله ................... دام راسى علية الى لمستة اظلالى0 |
رد: سليمان بن شريم
ذيـب يـا الـلـي هاضـنـي بـعـواه = قبلـك وانـا عـن صاحبـي سالـي
من مبسم كـان العسـل يشفـاه = مصـيـون مــا داســـوه الانـــذال ساعـة نطحنـي مـد لـي يمـنـاه = قــال الـمـوادع يــا بـعـد حـالــي يــا مــن يعـاونـي عـلـى بـلــواه = بــاح الـعـزا والصـبـر عـــزا لـــي يـا عــل عـيـن مــا بـكـت فـرقـاه = تعطى العمى في صبيها الغالي الله ينسـى الـلـي بـعـد ينـسـاه = يـا كيـف ابـا نسـى طيـب الـفـال مـا ادري حـدر والا نصـى مـربـاه = والا مـــع ابـــن حـمـيــد نــــزال |
رد: سليمان بن شريم
ياحمامـه تغـرّد فـوق غصـن الجريـد = هيّضتنـي وشانـي مفـخـتٍ شانـهـا
جعلهـا الله لراعـي شوزنـيّ مجـيـد = يكسـر النايفـه مـن ريــش جنحانـهـا الحمامـه لـهـا بالـنـاس كـيـدٍ شـديـد = كـل حـيٍّ شكـا مــن قــوّ شيطانـهـا ذكرتني هوى اللي مثل عنق الفريد = قـبــل تدهـكـنـي الأيــــام بثـقـانـهـا لاسقى الله على قلبي نهارالشديـد = يـوم فرقـا العـيـون لـشـوف حيانـهـا كل ماقلـت طـاب الجـرح عـوّد جديـد = يـــوم فــارقــت مـنـزلـهـا وبـلـدانـهـا الهـوى طالبـه لامــات كـنـه شهـيـد = والمحـبـه كـثـيـر الـنــاس ماصـانـهـا منوتـي والتمـنـي خـابـره مــا يقـيـد = من قضب سلعته من عقب جحدانها لــذة العـمـر تنـقـص والليـالـي زيــد = ســنــة الله بهـالـيـهـا وسـلـطـانـهـا كل من جت له الدنيـا علـى مـا يريـد = بــدّلــت لــــه طـرابـتـهـا بحـقـرانـهـا |
رد: سليمان بن شريم
لولا الهوى والحب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] دعوني اهيم بغبة الغي وحداني=فلا العقل يأمرني ولا العذل ينهاني اهيم بغبات الهوى مثل من هوى=حثيث على طلب الليالي ولالزماني لولا الهوى والحب والوصل والرجا=ما صارت الدنيا عشاير وخلاني الا يا عذولي لو يمسك من الهوى=كما مسني ما كن بالعذل تشناني اقوله بعد ما زل خمس من الدجى=وانا في لهيب القيظ حافي وظمياني احسب نجوم الليل ما بان واختفى=فلا غاب نجم الا وانا ارقب الثاني اجي له الى هرف سنا الليل واندرس=وصارت نجوم الليل كفه بميزاني فلا طارق يطرق ولا داري درى=حذا من خلقني للشقا عقب عدماني ادافع صروف الوقت بالعزم والرجا=واجاهد هوى نفسي ونفسه وشيطاني واصوم وافطر خشية الواش والحسد=لعل الحسود اسباب سوه تعداني الا ياطلاب الهوى خلوا الهوى=الى صار مكفول الحوادث والاكواني ما فذ منه الا نجوس تجنست=على صورة آدم والعمل غير رباني اقوله وانا من ضيقة الراي والجدا=اخيل الحيا واشرب من الغبن غدراني[/poem] |
رد: سليمان بن شريم
تسمعو مني غريب المثايل
دلايل ياوي والله دلايل عن المجالس بين كل القبايل من سمعها يجلس ضميره لمعناه اقولها بعد ماقبل مشيبي وبعيد شوفي قام يدني قريبي ارجيك يالباري تمكن نصيبي ياقابلٍ سوال عبده ونجواه يالله ياوالي علي كل والي يامخلصِ شرباك من كان مالي ياللي علي سبع السماوات عالي ياخيرٍ كل القبايل برجواه بسئلك يالله يارافع الشان تلطف بحالٍ من الوقت عمسان اول شبابه فات ماجاه ورعان ومادبر المولي علي العبد يرضاه يارب تلطف بي علي قدر حالي ترحم توالي شيبتي بالعيالي اطرب الي صاحو أبيتي قبالي والرزق عند اللي عبيده ترجاه الرزق مكتوبٍ بعالي جبيني لو طرت غير اللي كتب مايجيني يارب ثبت خاطري باليقيني وعن نزعت الشيطان والنفس مغراه لين تكمل شيبتي مع الشبابي وانا علي الراحه وكسب الثوابي وعن دعوتي ماصك مولاي بابي يالله يالمطلوب يالله يالله وان جو علي هجنٍ بعيدٍ مداهم عساي اباشرهم وقوم برضاهم وابسط لهم كفي وعجل قراهم تقفي نضاهم ماتهازلت بقراه والجار جعلي ماغضبه دوم دامه ولا يشتكي مني دروب الملامه وإن قل ماله شلت عنه الغرامه عساه مايشنا جنابي ولا اشناه رفيقي الداني الي شفت حاله اخشر ابمالي عيلتي مع عياله جماعة السنه ودرب الشكاله ونبينا اوصانابها من وصاياه يالله عساني تابعٍ كل ماقال وبحق ماحرمت سورة اقرا والانفال عساك تهديني ماجي درب الاضلال ياللي جميع الخلق يسعون لرضاه انك علي دين الرسول تهديني تجعل علي السنه والاسلام ديني وتعمني في دعوة المسلميني باكر نهار الحشر يوم المناجاه يوم الجوارح يشهدلك بماصار تشهد علي ماصار من غير تغيار في ماقفٍ ماتنفعك فيه الاعذار الا عملك مقيدٍ لك وتقراه مكتوب لك باللوح يقرا وتوحيه عملك كان هو طاب تاتي حواليه ويسر حالك يوم يصدع بما فيه وتندم علي انك زايده يوم مبداه حتي تصير بمنزل الخيريني اهل التقى والزهد والصالحيني اللي بدار الخلد مستانسيني هو منزل اللي راضين عنه مولاه دارٍ بها كل الابد في كرامه مخلدٍ معاد فيها غيامه ومع الصراط ان جاء وراح بسلامه وبان الفرح به بعد يبست شفاياه شاف القصور العاليه والمباني امزخرفه وترابها الزعفراني وللحور تنظر كاسبين الحساني كلٍ تخير زوجته وهي تنصاه ابكار مافيهم عجوزٍ كبيره ايضا ولا وحده تذكر صغيره الرب سوا خلقهن في بصيره لعباده اللي جدو السير لرضاه ابكار طول اعمارهن يامساكين اسنينهن سبعه وسته وعشرين مامنهن اللي صار دون الثلاثين لاوهنى من نالهن عقب دنياه هذا الذي قلبي يحبه ويغليه في حب غيره خاطري ماشقى فيه يارب ترزقني علي قدر مرجيه امين يامضفي علي الناس حسناه والختم صلى الله علي احمد واله نبينا اللي شهد له بالرساله وهو بظهر ادم بليا محاله والرسل قبله تعترف له وترضاه |
رد: سليمان بن شريم
البارحه ماذقت ماذاقو الناس
مجمع ٍ بالصدر هم وهواجيس كني عليل مسهره ضرس الاضراس والا فطيم فاقدٍ لذة الديس لادك في قلبي من الهم هوجاس حطيت فوق النار زين المحاميس وحمست مايجلي عنا الهم وعماس بنٍ من النيبار يجلا الحواسيس يشبه خضاب منقشت زرق الالعاس اللي تخضب كفها بالقراطيس اسهر علي الدله وماصب بالكاس وتاخذ علي هجوس بقعا مراويس اسباب من عينه كما عين قرناس عين الحرار من الوحوش القرانيس تنهظت للجول بالقفر غطاس وعقب الطرب حطت عليهم نواعيس لا وهنى من هرجه عقب الارماس علي ظهور مرودمات النسانيس هجن ٍ لفا من يم ديرة بني ياس بواطن تزها جديد الملابيس يشدن ريمٍ ذار من حس الاوناس بيدا بداويه عليهن عواسيس اخذلهن مع جلعد الدو مرواس من حس صفق مضوربات النواديس يلفن علي كنها ضبي الاطعاس عندي ولو تلبس ثيابٍ هداريس وذاك لو يلبس جديدات الالباس كن الذهب فوقه نحاس وتفاليس اهرجه عقب المغيبه من الراس ماهو بحبرٍ فوق صاف القراطيس واقول له ياصاحبي عدم الاجناس خذ هرجة اللي ماهرجلك بتنجيس وياك تاخذ هرجة اشرار الانجاس اللي تودى الهرج مثل الاباليس وصلاة ربي عد ماصلو الناس علي تبيٍ سيس الحق تسييس |
رد: سليمان بن شريم
يالله يافكاك من حبل الادراك
اللي عبيدك ترتجي فضل جودك تفرج لمنهو يرتجي فضل حسناك انت الذي ماكل شيٍ يكودك مانيب في رجوى حدن غير رجواك ولا راجيٍ زود يجي غير زودك تلطف بحالي يارجا من ترجاك وانك تساعدني بطيب سعودك انا الذي مستاجب العفو لرضاك وانت الذي مضفي علي الخلق جودك الي نويت العبد شيٍ من اشياك سقت القدم به لين ياصل وعودك ندور في دور السعاده بالافلاك وتبرني برت وعد من وعودك انت الذي ما زارو البيت لولاك خوف ورجا محدن تجاوز حدودك ماهيب تحصا منك يالله عطاياك ومدتك مابه منةٍ من حسودك |
رد: سليمان بن شريم
كلٍ تهنا بنومه عند مضنونه
وانا عيوني طوال الليل سهرانه ماجابت الورق اجيبه وابدع لحونه ويذكر القلب الاقشر شوف خلانه ابا تصبر وقلبي باح مكنونه لولا اتنهات قلبي ضاع برهانه علي وليفٍ طعوس السر من دونه بالسر جعل الحيا يزيه بوطانه عن جملة البيض فيه النفس مفتونه عرضت عن جملة الخفرات من شانه مايسمع القلب والله لو تعذلونه مفتون قلبي بها والنفس طربانه العين ماهي بتشقي حدن دونه وضيفانهن في ايديهن مالها خانه ياشق جيبي يوم الباص يمضونه ومن كل مايشتهي يشرون غرضانه ومن فوق فرتٍ مع السكه يسوقونه واللي يسوقه فهيم بقضب سكانه نهار ثالث ورعانه يحاكونه وخلي يفرق علي ورعان جيرانه |
رد: سليمان بن شريم
يحول انا من جروح القلب والحب ياحول
عزاه عيني من الفرقا وانا اقول وش صار اذكر زمانن مضى يطري علي البال واقول ياناس انا اللي عليل القلب كني علي نار سبحان من غير الدنيا علي كل مجمول هذي حياة المولع لاتلومونه بالاقدار ياليتني مستريحٍ من هوى كل مدلول عليه اجاوب حمام الورق لاشك صبار يالله لاتقطع المشفي من اللي قال له قول حالي براها قوي الحيل والحب غدار صحيح انا ياحبيبي خاطري منك مشغول وانت السبب ياوزين الروح والحب تذكار العام يوم انت معزول وانا عنك معزول يالله لا تجعل الفرقا علينا يالاخطار ترا الغلا لا حصل هرج من الناس منقول حسبي علي اللي سعو مابيننا في كشف الاسرار اللي عليه تغلا وانت يازين مقبول خل المحبه طويله وترك العيب والعار |
رد: سليمان بن شريم
البارحه ماطبق الجفن بالنوم
كثرت هواجيسي وزادت همومي كني رضيعٍ عن حلا الديد مفطوم والا غريبٍ حط في حبس رومي حطوه في وسطه وهو كان مظلوم لاسلم من سوه ولا داس لومي ما كتب لك يالعبد باللوح ملزوم ان ما وصلته جاك لازم لزومي وانا بدبرة فارض الحج والصوم راضٍ بتدبير الاله الرحومي ومن عقب ذا ياراكبين علي كوم حراير فوقه سوات الرجومي من فوق مايقطع زما كل مزموم دوجٍ يلين قاسيات الحزومي الي اشتغل يقعدك حسه من النوم مثل الرعد في مدلهم الغيومي خله مع السكه ولانته بمليوم لاصرت في ممشاك راعي لزومي يمشي عقب باكر وباكر مع اليوم مشي الرخا ماهو بمشي امهمومي ملفاك قصرٍ فيه للجود ميدوم داف الشحم تلقاه لوهو معدومي خوالي اللي طيبهم دايم الدوم بدرب المراجل ماعليهم اثلومي في قصرهم ملفا للاصحاب والقوم لاشح في ماله ردي العزومي سلم عليهم قبل تعطيهم علوم سلام احلي من حليب الردومي واللي بقلبي داخل الخط مرقوم مني اليهم بالسلام مختومي |
رد: سليمان بن شريم
البارحه ماطبق الجفن بالعين
ولا مسها جفن العنا كود بارماش سهرت عيوني والمخاليق نيمين من واهج باقصى الحشى حرق الجاش عزي لمن مثلي تجلا من الدين خلا حلاله لديايين وانحاش قعد حسرٍ في بلاد ابو عينين الكيس خالي والبحر مابه عراش ياراكبٍ حمرا بها جملة الزين بد الشداد لكورها مابعد ناش مامونةٍ تمشي علي العسر واللين والعصر ممشاها ورا هاك الاوراش صبح الثمان تنوخ العصر بالعين تعبانةٍ من عقب مسرا ومغباش سقها وقلطها علي الربع الاثنين الكل منهم كفه الطيب قد حاش ماهو حدث لقيل نعمٍ بالاخوين ورث لهم ماجاهم المدح ببلاش من شايبٍ ماعظ بد القريبين ولاهوب لوجيه الموالين خماش خوفو من الله يوم عرض الموازين برسالةٍ منها اقبل الزاد واعتاش زبدة كلامي مع ذلول المعنين وارجي مراديده مع ادناة طراش |
رد: سليمان بن شريم
لا
واهنيك يامبارك هنياه=ماولعك بالحب عض الشبابي شيبت ياخالك وقلبي بعمياه= ومطاوع قلبي وهو من عذابي علي الذي بيني وبينه مداراه = وهو غشيـــــــــــــم ولا يعــــــــــــرف المحـــــــــــابي ترف القدم كن الغزيل حلاياه = ومن الحمــــــــامه مشيهــــا والخضـــــــــــــــــابي عنـــــــــــدي قريب وناحي البعد ينحاه = عين الوحش بمشمرخــــات الهضــــــــــــابي لو من بغى جرحه تطبب وداواه =ماعشت بالدنيا غميقٍ صوابي من علةٍفي ثومة القلب ترعاه =خطرٍ علي الموت محدٍ درابي مسكين ياللي خابرٍ داه ودواه== ومغلق دونه ثمانيــــــــــن بابـي يامن يوصل حامض العلم وجزاه === غض الشباب اللي صوابه سطابي |
رد: سليمان بن شريم
ياغـزال نطحنـي قايـد للجميـلـة=نمرة اول من اول مابعد صار تالـي
كل ماجيت ابلقف له واديـره بحيلـه=استدار الهوى عقب الجنوب الشمالي خابر انّه ربيب بـلاد ماينحبـي لـه=واثر مازاد من ولفي يزيـده جفالـي ياحلي العنود اللـي عيونـه كحيلـة=علّني من شهد ريق شربته لحالـي ليتني وانت يالغالي سنيـن طويلـه=لين تمحا من البيدا رسوم الجبالـي كل ماجيت ابدله عن طويل الجديلـه=يشفع الحب الاول ثم ينسـاح بالـي يامحمد قصير الهرج يقطـع طويلـه=والله انّي فلا اسلى عنه دبّ الليالـي ان بغى يضفي الحسنى ويرضي قبيله=يستبيحه ويدمح له الى صار غالـي سالفه قولة ابا انساه والقـى بديلـه=مثل من يرخص النيره ويغلي الريالي كنّ في عينه اليمنى سيوف صقيلـه=شرفّوها هل العادات في كـل حالـي كن في عينه اليسرى غروس ظليله=زاهيه مع طلوع الشمس ريّ وعدالي |
رد: سليمان بن شريم
يعطيك العافية
صعوووووووب |
رد: سليمان بن شريم
مجهود عظيم
ماقصرت يالطائر..الله يعطيك العافيه |
رد: سليمان بن شريم
[center]مجهود رائع لشاعر مميز
والف شكر [/center] |
رد: سليمان بن شريم
مختارات رائعه
يعطيك العافيه على النقل |
شكراً على المعلومه
تحياتي |
رد: سليمان بن شريم
[size="5"][font="comic sans ms"]تسلم الايادي على النقل المميز
يعطيك الف عافية[/font][/size] |
رد: سليمان بن شريم
يعطيك العافية
صعوووب |
| الساعة الآن 06:30 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة