منتديات الفطاحله - يقولون العنوسه زايده(بالصوت)

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - يقولون العنوسه زايده(بالصوت) (http://ftahilah.com/showthread.php?t=15669)

يقولون العنوسه زايده(بالصوت)

[RAMS]http://up.ftahilah.com/up/uploads/Mine/3noosah.rm[/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
يقولون العنوسه زايده في مجتمعنا اليوم = واقول إنّ السبب واضح جهل.. في كل تركيبه
بنات اليوم في الغالب بنعمه ما يبنّ هموم= يبن رجّال يتفصّل وخالي من عذاريبه
يبن زود الدلال وبيت عز مرصّعٍ بنجوم= وزوجٍ غافلٍ طيّب وقايم في مواجيبه
فبعضٍ ما يحسّب للعمر يجري إلى المرسوم= تلاقي نفسها والياس تفرسها مخاليبه
وبعضٍ من كثر ما تسْمعه تصبح كما المحموم= تخاف من الفشل يقبل عليها في جلاليبه
وبعضٍ ينضحك في عقلها من ثعلبٍ مشؤوم= يمنّيها وفي الآخر تأكد من اكاذيبه
والى من كثّرت لطم النصيب وصدت المقسوم= فصك الباب يا ابوها عسى تلقى لها شيبه
جميل الورد لا منّه ذبل في ريحته كالثوم = وبنتٍ جاوزت سنّ الزواج اتحسّ بالخيبه
تروح الأم والشيبه الى دربٍ لهم محتوم = ومعهم ظلها اللي في هجير الوقت تمشي به
بوقتٍ فيه ما ينفع شقيقٍ كان كالمرحوم= تلاقي عقربٍ عنده تغيّر من اساليبه
وحنّا "بمجتمع رجّال" دوره واضحٍ محسوم= بيده الأمر والسلطه بترغيبه وترهيبه
بلا رجال فالحرمه ببحرٍ ما تعرف العوم = وحوشه حولها ترقب ولا حطت لها هيبه
قبل ما تذبل الورده ابوها بالأمر ملزوم = ولو زعلت مرور الوقت ترضيها اعاجيبه
الى من كبروا الأطفال صاروا في سماها نجوم= تشوف العز بعد الصبر لو عاشت لواهيبه[/poem]