منتديات الفطاحله - قصة سفر ؟؟؟؟؟؟؟؟؟؟؟؟ والمري

صفحة 1 من 3

عرض 40 مشاركات من هذا الموضوع لكل صفحة

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - قصة سفر ؟؟؟؟؟؟؟؟؟؟؟؟ والمري (http://ftahilah.com/showthread.php?t=19175)

الطامي

16-02-2008 09:25 AM

قصة سفر ؟؟؟؟؟؟؟؟؟؟؟؟ والمري

قصة سفر تحكي نفسها تشرفنا بها بالسلام على عثمان العبدالله التميمي
ويستاهل من مثله الزياره لقد قام بالواجب واحببت ان ارويها من الى كما هي تابعوها :-
[poem=font="Simplified Arabic,6,black,bold,normal" bkcolor="transparent" bkimage="backgrounds/1.gif" border="double,5,darkred" type=0 line=0 align=center use=ex num="0,black"]
نوينا السفر يابوك قرب لنا النيسان =سفاري وسيره يعجب اللي يسوقونه
وضوينا على ربع لهم بالضماير شان = على جال عد ماكثراللي يرودونه
وبعد ذا بصباح الفجر قمنا على الاذان= وصوت النجر يطرب نشامي يدنونه
ومرينا الحساء بالدرب والبال به عثمان = نصينا الرياض ودار قرم يطرونه
بعد ماقربنا ارسل يوكد لنا العنوان = بحي المصيف اخلاف بنده تحلونه
لقيناه واقف يحترينا على البيبان = يرحب ويسهل والتراحيب موزونه
سلمنا وقلطنا ودرابيدينه الفنجان = من ادلال صفر جعل الانذال يفدونه
ودارت سوالفنا معى طيبين الشان = وعقبها غدا ومن كل خير يجيبونه
ومن عقب ذا دارت مباخر بها دخان = من العود الازرق ماهل الكار ينسونه
سلامي عليه اعداد ماهل من ودان = وعدد مالمع براق مزن يشوفونه
تميمي واساه طيبٍ والاصل به بان = عريب الجدود ونعم ياللي تعرفونه
ومشينا بعدها وكل طيرغدا له شان = وتواديع قرم يعجب اللي يزورونه
مرينا على الاسواق وقت العشي يافلان = وقضينا الغرض والخط شفناه يمشونه
بعد بنشر التاير بدلناه بالطرفان = سبير جديد وذاخرينه بمخزونه
ومشينا ودعسنا له البنزين بالمليان = وصلاةالعشا بخريص قالو يمرونه
وسرينا وجر الصوت يعجبك باللحان = ممشانا الميه فوق الثمانين طبلونه
وخل الحسا مجنب يسارك ومشيه زان = تنحر قطر وبنزين سلوى يبعونه
بعد منتصف ليل السبت لارقد كوبان = ضوينا كما السرحان لاطابت افنونه
وهاذي تفاصيل السفر كنها بالعيان = وكنك خويٍ لي ولاهي بمدفونه[/poem]
16/2/2008

الطائر المهاجر

16-02-2008 09:36 AM