محاورة ليلة الثلاثاء 17ربيع 1
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

فلاح=
ياطير انا شوف لي صاحب وعنده خبر= ورى المتاريس مترصد لبارونها
مادري علامه صمت والا يكون الكبر= ماعاد يرمي وبندقته يوارونها
الطير=
يقول زعلان من علم سبق في الجهر= من تعرفه من فعال الكل يدرونها
حاولت اراضيه وواعد وانتظر منه الخبر= وكلٍ بخيصٍ بنفسه لو يدارونها
صنداح=
اللي تشوف انتويش تشوف كثر العبر=يازارعين المصايب ماتشوفونها
الرمي خلف الستار يصيب فوق الظهر= وعلومكم واضحةياللي تسوونها
فلاح=
يامرحبا بك من الدمام واهل الخبر= ترحيبتن يطربون الناس لفنونها
الخاطر الي انكسر لابد ماينجبر= والي مضى شافته عينك على نونها
صنداح=
عسى ديار الشواوي مايجيها المطر= فلاح به جمرةٍ في راس غليونها
فلاح=
عزيز قدرك وحنا ماقوينا الصبر= من غبت قامت تون ارواح بشجونها
قلنا بترجع ورحبنا عداد المطر= لكنك اقفيت مارديت بامتونها
صنداح=
ناديت ياشايب الشياب هد الشفر= وخل العرب تقضي الطرقة على هونها
الله يعزك وقدرك عندنا مانحصر= من فوق روس العرب في داخل عيونها
فلاح=
اعرفك وافي وفي قلبك جميل الصبر= تدمح لزلات خلانك على بونها
لكن موجك طغى واشتالنا يابحر= لولا العنايه لكان اليوم يروونها
صنداح=
الله واكبر عليكم ياعيال الدهر= ياكبر يافلاح ولوتغطونها
تجون سد السناح ومع قلوب الشجر= والعالم الغافلة عنكم تحذفونها
فلاح=
لاضاق صدرك وقلبك يالرفيق انفطر= اصبر على حكم واشنطن وقانونها
ماني من اهل القفاء والا شبيه الحظر= الكلمه الي تناسبهم يعيدونها
صنداح=
ماقلت لك يافلاح اقرب لدرب الخطر= ام الكباير تراها شغلت شونها
السالفة من هل البحرين واهل قطر = وعلومها عندكم وانتم تعرفونها
فلاح=
محشوم يابو محمد يابعيد النظر= انتم هل المعرفه وانتم تديرونها
راعي الغلط ساق للطلاب قبل العذر= وانا اشهد ان العرب قامو يدينونها
صنداح=
الجود يعطي وفاء والبخل موتٍ حمر = والناس ياكثر عاقلها ومجنونها
واليا بغيت الحقيقه خلها مختصر= النار معروف من اللي يشبونها
فلاح=
خابرك ياذيب وافي لو يطول السفر= مانته مع طارد الدنياء ومفتونها
تزعل ولك حق ياصنادح واهل الفطر= يدرون بالكلمه العلياء ومضمونها
صداح=
دقيت في بيتك الاخير فوق الوتر= من تابع الناس مات بهممن دونها
الو شهامه بحد السيف ولا الظفر = به ناس والله ماتاصل ويصلونها
فلاح=
ياصاح هون على نفسك وتامر امر= خاب المرائيين والطيات يطوونها
لاتشغل الروح بالي راح فالعمر مر= واهل الردى دايم العثره يجنّونها
صنداح=
فلاح تبي عسل ولا تبيلك تمر= الناس موجودكل الخير بصحونها
سعود الحافي=
ياخوك ودي مع الشعار نرسل خبر= عسى الخبر يرتقي مع كل مضمونها
بيت الشعر بارسله والخط لونه حمر = مع ظرف مختوم وكلن شاف مكنونها
فلاح=
القاف لاطاب طابت خطر اهل السمر = خصوص لاغريد القمري على اغصونها
ياوجد روحي لمن وجهه شبيه القمر= غابت وناضر عيوني كيف يبكونها
صنداح=
وان كان تبي الخبر بعد هلال الشهر= ونعلمك عن علوم الربع وش لونها
فلاح=
غريوف من شافها بالحسن جاه القهر= من وارد الهند ريانه يثنونها
هويتها يوم دمع العين منها انهمر= ساعة وداع انتهت من حول قيسونها[/poem]

رد: محاورة ليلة الثلاثاء 17ربيع 1
 

صــــــــنـــــــــداح
ماقلت لك يافلاح اقـرب لـدرب الخطـر=ام الكبايـر تراهـا شغلـت شونـهـا
السالفة من هل البحريـن واهـل قطـر=وعلومهـا عندكـم وانتـم تعرفونهـا
فـــــــــــــــــــلاح
محشوم يابـو محمـد يابعيـد النظـر=انتم هـل المعرفـه وانتـم تديرونهـا
راعي الغلط ساق للطـلاب قبـل العـذر=وانا اشهد ان العـرب قامـو يدينونهـا
صــــــــنـــــــــداح
الجود يعطي وفاء والبخل مـوتٍ حمـر=والنـاس ياكثـر عاقلهـا ومجنونهـا
واليا بغيـت الحقيقـه خلهـا مختصـر=النـار معـروف مـن اللـي يشبونهـا
فـــــــــــــــــــلاح
خابرك ياذيب وافي لـو يطـول السفـر=مانته مـع طـارد الدنيـاء ومفتونهـا
تزعل ولك حق ياصنادح واهـل الفطـر=يـدرون بالكلمـه العليـاء ومضمونهـا
صــــــــــــــــــداح
دقيت في بيتـك الاخيـر فـوق الوتـر=من تابع الناس مـات بهممـن دونهـا
الو شهامـه بحـد السيـف ولا الظفـر=بـه نـاس والله ماتاصـل ويصلونهـا
هههههههههههههههههههههههه
هههههههههههههههههههههههه
وانا اقول اوذوناي تصيح ليش اثاريكم انتو اللي مصيحينها
وانا وراكم والزمن طويل
ولاكن صح السنتكم
ولاهنتو جميعا

رد: محاورة ليلة الثلاثاء 17ربيع 1
 

[COLOR="DarkGreen"]صح الله لسانكم جميع


وافين جميع



وافي يافلاح وافي يافلاح وافي يافلاح

عز الله هذي الاخوة [/COLOR]

رد: محاورة ليلة الثلاثاء 17ربيع 1
 

صح لسان من شارك

الله يعافيكم ويقويكم

تحياتي

رد: محاورة ليلة الثلاثاء 17ربيع 1
 

[color=#0000FF][align=center]فلاح بن منشار + الطائر المهاجر + صنداح الزلامي + سعود الحافي

صح السنتكم جميعاً ورفع الله مقداركم وأعز الله أخوتكم وأدآمها[/align][/color]

رد: محاورة ليلة الثلاثاء 17ربيع 1
 

[color=#000000][font=Simplified Arabic][size=4][align=center]


صح لسان شعرائنا ..؛
ننتظر المزيد من الابداع ..؛
دمتم بـ كل صحة وعافية ..؛

[/align][/size][/font][/color]

رد: محاورة ليلة الثلاثاء 17ربيع 1
 

ياسلام فيه محاورات تستحق المرور

شكرا للنقل وصحت السنتكم

رد: محاورة ليلة الثلاثاء 17ربيع 1
 

صحت ألسنتكم وقلوبكم....جمية جدا...لاهنتم...دمتم بخير.


عاشق دمشق

رد: محاورة ليلة الثلاثاء 17ربيع 1
 

لا هنتو وصح الله السنتكم
والله يعطيكم العافيه..

وفقك الله
على ما خطت اناملك
تحياتي

خالص الشكر والتقدير
على كل جهودك الرائعه
تقبل اطيب التحيه

بارك الله فيك
كتبت فقرأت فاستفدنا
تحياتي واحترامي

الف شكر
على ماجاد به قلمك
تحياتي الطيبه

شكراً
على ما اتحفتنا به
تحياتي

خالص الشكر والتقدير
على كل جهودك الرائعه
تقبل اطيب التحيه

خالص الشكر والتقدير
على كل جهودك الرائعه
تقبل اطيب التحيه