منتديات الفطاحله - فــي زمــان العولمه ..ديرتي..ياعروس

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - فــي زمــان العولمه ..ديرتي..ياعروس (http://ftahilah.com/showthread.php?t=20123)

فــي زمــان العولمه ..ديرتي..ياعروس

بصوتي
[RAMS]http://up.ftahilah.com/up/uploads/Mine/Dyrty.rm [/RAMS]

[poem=font="Simplified Arabic,5,white,bold,normal" bkcolor="green" bkimage="" border="none,4,gray" type=2 line=0 align=center use=ex num="0,black"]
في زمان العولمه لو سلمت من العيوب= بانت عيوبك بلا فلوس عند اقرب قريب
وكان منته ذيب تفرس فلا عنّك يتوب = حصنيٍ ماكر تعوّد على فرس الصويب
في زمن فيه الغبي دام له ظهر وجنوب= ياصل اللي هو يبي ما لقى دربٍ صعيب
ديرتي ياديرتي ياعروسٍ في القلوب= لا ذهب منك الذهب وين تلقين الخطيب
غير فيمن كالذهب من عيالك في الخطوب = يرهي الدم الحمر لادعيتي يستجيب
لايغرك من وفد من حثالات الشعوب= كل همه يغتني لو من الشغل المعيب
يوم واحدهم يجي لابسٍ للمكر ثوب = عارفٍ وش ينبغي لاطلع له مستريب
لو مجوسي قال مسلم ونبّه للذنوب = مستغل لطيبة الناس في جهلٍ عجيب
لين يلقى من يحضّه على غطس الغبوب = وينقذه لوهو غرق لو يشاركه النصيب
يدخل اهله والجماعه ولا عنه محجوب= ويبتدي يلعب على الكيف ما كنّه غريب
سيطروا في كل موقع وصاروا به حزوب= لاعبينٍ في البلد ما درى فيهم رقيب
وان درى فالواسطه تحمي الحصني اللعوب= مثل غيره من يخالف ولو فعله عطيب
واقفٍ ضد المواطن كما ذيبٍ قنوب= لا وصل يبغى وظيفه من "المسيو" "شكيب"
ولو ولد في حيّنا ومثلنا يلبس لثوب= بعضهم فيه احتقار اذا شافك عريب
ديرتي يا ديرتي والحصاني بك تجوب= التسامح زاد حده نبي كرب السبيب
بيّعوا كل الأراضي ولا استثنوا عبوب= وصرّفوا جزرٍ بعيده على الشعب الحبيب
في شراكات احتيال على كل الدروب= وضاعت حقوق البشر مانفع شكوى و قنيب
وفي مشافي همها لطش ما تحوي الجيوب= ولا اهملوا في واحدٍ قالوا مْقدّر يصيب
والدواء سعره خيالي وفي المفصل شذوب= واتفاق في النهب بين بيّاع وطبيب
وفي تداول مجزرة من وقف ماله هروب= مادرى عن نيّة اللي يخطط للنهيب
من ضماير ميته من جشعها ما تثوب = همّها الدنيا ولا فكّرت يوم الحسيب
يشتكي مرّ القهر من فقد كل الغروب = من غنيٍ افتقر صار يخشى من الطليب
او شبابٍ طار حلمه مثل ريش بْهبوب= او شويّب خسر ما جمّع لْوقت المشيب
ديرتي يا ديرتي كل وقتٍ له شبوب= فيك نرخص روحنا لو نعاني من اللهيب
البلى كل البلى من وفد من كل صوب= غير نهبه علّم الناس تمشي في المعيب
ودام ابو متعب لنا ساهرٍ ليله دؤوب= سيفنا وقت العنا ورمحنا بعين الحريب
عادل ياسيدي كاسبٍ حب القلوب = في جميع المملكه فارسٍ شهم نجيب
من حقل حتى حرض في الشمال وفي الجنوب= غربها او شرقها نفتخر بك يالعريب
دام عزك ياوطن درعنا وقت الكروب= شامخٍ باعلا العلا نجم لايمكن يغيب[/poem]