|
مواقف وتصرفات
الكثير منا تعرض في حياته لمواقف معينة لايزال يتذكرها ، ويتذكر كيف تصرف معها ، وقد يكون تصرفه هذا قد
نتج عنه آثار قد تكون ايجابية وقد تكون سلبية .. المطلوب من كل عضو أن يسجل أهم المواقف التي قد يكون وقعت له شخصياً ، وكيف تصرف حيالها بشكل مختصر ، لنبدأ بمناقشتها لمعرفة ما إذا كان العضو تصرف تصرفا سليما أم أن هناك طرق اخرى أكثر ملائمة لذلك الموقف . ثم بعد الإنتهاء من ذلك سنطرح مواقف قد يقع فيها أي منا ، لمعرفة كيف سنتصرف حيالها ، وما افضل الطرق لمواجهتها... تفضلوا .... وكل واحد يكتفي حاليا بـ 3 مواقف فقط .. |
[COLOR="DarkOrange"]عن نفسي راح أسجل موقف واحد لضيق وقتي
بس هو موقف ما يتنسي خصوصاً اذا شفت خالتي أم زوجتي في يوم من الأيام كنت اتصل فيني جاري وقال تعال ترى العيال بيسهرون عندي وخلى الأهل يجوون يسهرون مع اهلى المهم قلت لمرتي تبين تجين معي ترى السهرة عند أبو على ومرته تبيكي تسهرين وقتها كان يدق التلفون قلت لمرتي إذا احد يبيني قولي له سهران برا وقتها كانت زوجتي بعيده عن التلفون المهم جلس فترة يرن رديت إلا هذي ( خالتي ) أم زوجتي بعد السلام ومن ها السوالف قالت وين فلانة قبل ما أقولكم وش رديت إنا من الناس اللي اعكس الكلام تلقوني أبي أقول فلان أقول فلان ثاني ويبيلى ساعة عشان ارجع للخط المهم رديت وقلت والله المرأة سهرانه عند شباب إنا قلت ها بكل هدوء ولا كأني غلط ولا شي ولا وقتها كنت متحمس أبي انهي المكالمة عشان البلوت ما دريت إلا وها اللي تصارخ وش تقول إنا ضعت دريت إني جبت العيد بس وش قلت ما انتبهت وش السالفة يا خاله صلى على النبي أنت ما تستحي وش ها ألحكي وانأ ببرود قلت لها وش إنا قايل ،،، تقول بنتي سهراته عند شباب يوم التفت إلا والمرأة ميتة ضحك اترها سمعتني المهم خذت ألسماعه وتفاهمت مع أمها وشرحت طبيعتي بس وبعدين كل المقربين فهموني وصاروا يدرون إني أجيب العيد في إي وقت طبعاً اعتذرت و شرحت لخالتي الموقف وانتهى كل شي على خير أبو عبد الله إذا تبي المواقف ابشر بسعدك اذا فضيت راح أعلمك[/COLOR] |
نستنى موقفين آخرين ، وكيف تصرفت فيهما ، حتى نناقش
|
فكره رائعه يا مشرفنا الغالي
ما شاء الله عليك دايم افكارك جديده وحلوه وهادفه :) بتذكر مواقف وبرجع للموضوع تحياتي وتقديري لك :) |
والله فكره حلوه مره
بس حاليااً ما اذكر مواقف لي عوده ان شا الله اذا تذكرت:p |
الموقف الأول
صاحبتي الروح بالروح كذا مره تقول بزورك وتخلف وعدها اكون مجهزه كل شيء وفي الأخير تقول لا ما اقدر خليها بكره ولا يوم ثاني وتكون مشغوله بأشياء سخيفه احيانا ازعل واتضايق اني مجهزه كل شي ولا تجي واحيانا اقول خلاص اوكي وانسى .......... الموقف الثاني وحده من الأقارب تتدخل كثيرر في حياتنا الأسريه ودائما تقول لأمي لا تسون كذا واعملوا كذا ومدري ايش تتلقف في اشياء مالها دخل فيها ودايم نتحملها ونسكت خوفا من ان تصير مشكله وتكبر خاصه هي غير متفهمه بس تعتبر نفسها هي اللي تمشي العائله كلها وهي اللي تعرف كل شيء ودي اتكلم معها بس اخاف امي وابوي يزعلون مني عشان كذا كلنا نسكت ونمشيها.......... ما عندي موقف ثالث خلها يا مشرفنا موقفين بس على بال ما نتذكر مواقف ثانيه وشكرا لك على مجهودك يعطيك العافيه :) |
عمري ماراح انسى هالموقف
هذا في يوم كنت بثالث ثانوي واهلي مانسمع وقتها منهم الا ذاكري وإذ غيروها يعني قالوا ادرسي المهم كانوا متاملين فيني كثير اليوم كان الجمعه وامي وابوي طالعين وخواتي لاهين وانا طفشانه مره نزلت للصاله ولقيت اختي الضغيره قاعده تلون وجلست جمبها أقرأ الجريده ويوم خلصت للحين انا احس بالطفش الا وتجيني ذيك الفكره المهم قلت لها ساره عطيني ألون وقعدنا نسولف قلت لها ساره أنتي تحبيني قالت ايه انتي اختي قلت لها بس انا مو اختك ساره انتي مو اختنا حنا أخذناك من المستشفى أمك الصدقيه تركتك تقول بنتي دبه ماأبيها وعطتها أمي فلوس وشريناك وهنا شفت الصيحه جتها رحمتها بس قلت باكمل للاخير وقلت انتي ماتذكرين امي هذيك المره يوم تهاوشك وابوي وقعدت اذكرها وهذيك المره يوم رحنا السوق امي ماشرت لك شيء البنت صدقت وقعدت تصيح قلت ياساره بس ميخالف انا احبك شوي ودق التليفون ولهيت انا عنها وبعد المغرب كالعادة جمعتنا وقهوتنا يوم تجمعنا فقدناها وراحتي اختي تدورها ولا لقتها حسنا البيت ولا لقيناها المهم آخر شيء تخيلوا لقيناها بغرفة الخدامة قاعدة ورى الباب تصيح وتقول انتم ماتحبوني انتم ماشريتوا لي لعبة فله جاء ابوي وضمها ويقولها وش فيك وهي تحاول تبعد عنه انا هنا انصدمت ماتوقعت يصير كذا كل الدعوى مزح ففضلت السكوت وشوي الا يجي اخوي ويقول كل السالفه هو كان قاعد بالمطبخ وحنا بالصاله واثريه سمعنا هنا اخذت تهزئ من امي وابوي ومن خواتي انتي خبله ماتعرفين تمزحين وانتي وانتي........الخ لو البنت طلعت من البيت البنت توها باول ابتدائي بتتاثر وبتتعقد نفسيا وبتربط كل شيء صار او بيصير باللي قلت لها من جد كبروها وهي صغيره بس بعدين رحمتها وعرفت ان للمزح حدود صدقوني هذاك اليوم اللي كنت طفشانه فيه اللي سويته طفشني زياده من جد عرفت ان للمزح حدود |
طيب مواقف تستحق النقاش يا ام فيصل ويا نجود ولكن كيف كان تصرفكم ؟؟
|
مشرفنا الغالي
موقفي اسكت وامشيها كتبت لك في الموقف اني دائما اسكت وامشيها او اكون زعلانه ومنقهره من جوا بس ما اسوي شي اسكت وش الحل وش التصرف الصحيح ؟ |
نجود ذكرتيني باللي صار لي مع بنت الجيران
انا صار لي موقف مع بنت جيرانا وكنت في وقتهاانا وياها صغار (2 او 3 ابتدائي) بس احس هي ماتنساه ابد هي عايشه مع اهل مو اهلها اخذينها ومربينها واتوقع فاهمين كنت اسمع الكبار من جيران جدد يعني سوالف الحريم يوم كانوا يسألون امي ويقولون هي من وين جابوها و...و... انا سمعتهم امي حست اني مندمجه معهم في السالفه فحبت ترقعها قالت جابوها من المسجد((وهذي هي المشكله ان الكبار يتكلمون بمواضيع المفروض مايقولونها قدام صغار)) انا يوم قابلت بنت جيرانا وقلت لها انتي مسكينه تقال بقهرها وتعرفون حركات البزارين قالت ليش ((عاد هي اكبر مني بسنه)) قلت انتي جايبينك من المسجد واللي عايش عندهم مو امك وابوك وانا عايشه عند امي وابوي وهي قعدت تبكي وتقول لا والله هذولي امي وابوي وانا اقول لا وشكلها البنت قالت لهم وماادري وقتها قالوا لها ولا لا((عاد اللي مربيتها زوجت ابوها الثانيه مرضعتها واللي مربيتها متزوجه اخو اللي مرضعتها يعني اللي مربينها اختها من الرضاع وخالها من الرضاع)) كبرنا وهي كبرت السالفه معاها وعرفت الحقيقه يوم كبرت لكن احس البنت ماتطيقني إذا جبت سالفه ام ولا ابو وبالذات إذا قلت لها يابنت الحلال على اني اقولها لها بدون قصد يعني كلمه متعوده عليها دايم واقولها وإذا قلت لها بعد واللي يرحم والديك هذي الكلامات اقولها انا بعفويه على اساس متعوده عليها على اني اتحاول اتجنب مااقولها قد مااقدر بس بعض الاحيان تطلع غصب هي والله تحبني وصداقتنا انا وياها قويه مره لدرجه انا نقنع اهلنا نسافر مع بعض وبالفعل اعتمرنا كذا مره مع بعض ورحنا الطائف وجده مع بعض وفي شقه وحده سفرنا كله يعني نمون على بعض مره لدرجه حتى في رمضان يوم كامل عندنا ويوم كامل عندهم بفطوره بسحوره بالعصر الظهر النوم بكل شيء ماعدا الكبار بس الفطور والسحور كاننا عايله وحده بس المشكله تتضايق وتتذكر كل ماقلت لها يابنت الحلال ولا واللي يرحم والدينك انا ودي اوضح لها بس مو قادره افتح الموضوع معاها |
رد سريع لحساسية الموضوع.
من الثابت علميا أن الطفل بالتربية ، وليس بالولادة ، واكبر دليل على ذلك ما سبق ان اثير عن تبديل الأطفال في احد المستشفيات ، فلو كان للولادة دور يذكر ، لأحس الوالدين أن من اخذوه ليس طفلهم. فالإرتباط العاطفي بين الطفل ووالدية هو نتيجة تواجدهم منذ الولادة ، ولو فرضنا اخذنا هذا الطفل لأسرة ثانية فإنه سيطور نفس الإرتباط العاطفي معها .. ومن هنا جاء احد رواد المدرسة السلوكية واسمه "واطسن" وقال عبارة المشهورة اعطني طفلا اصنع منه ماتشاء وبالطبع هذا من خلال ما طوره العلماء من نظريات للتعلم استطاعوا بموجب طرقها من ترويض الأسود وجعلها تشارك في استعراضات السيرك. وبالتالي نرى في الغرب انتشار ظاهرة التبني ، والتعامل مع الفرد كإنسان له قيمته وكيانه بغض النظر عمن ولده .. وطالما أن هناك من لاينجبون ، فمن مصلحتهم أن يتبنوا اطفالا ، بدلا من طلاق بعضهم من بعض رغم ما بينهم من حب والفة .. لي عودة .. تحياتي |
معك حق بس هي ماراح تتفهم ولا انا ودي اوضح لها
يعني هي مو متقبله هذا الشيء لان المجتمع نفسه مو متقبله كانت مرحله من المراحل اجتمعت معاها في المدرسه سنه وحده بس كانوا البنات يناظرون فيها نظرة رحمه وهي متحسسه من الموضوع هذا الغرب تفكيرهم يختلف عن تفكيرنا يعني البنت مو عايشه هناك علشان ماتتحطم وصراحه لو الناس تترك كلن بحاله كان اصرف وانا لساني يوم كنت صغيره الله ياخذ بليسي هو اللي خلاها تتحسس وانا معاها بس والله ماكنت قاصده بزر مااعرف وش بيصير فتنصحني إذا جيتهم انشاء الله افتح الموضوع (واوضح لها بعض الاشياء)ولا انطم ولا ازيد الطين بله على اللي سويته وانا صغيره |
فيه موقف مرّ علي يس وانا صغيره يعني اتوقع كان عمري 8سنوات وكنت جالسه في بيت جدتي{ الله يرحمها ويغفر لها }
انا واختي تؤمي واختي اللي اصغر منا ب5 سنوات وكانت ايامها توها تشرب حليب في [الرضاعه] وامي كانت رايحه للمستشفى عندها موعد المهم كان في احد زوايا بيت {جدتي}ماصوره حديد وكانت اختي جوعانه وانا اللي مصلحه لها الحليب ههههههههههههههه وقبل كذا كنا نلعب لعبة الحريم وكانت اختي الصغيره مغطيه وجهها بالشرشف وانا يقالقك اني بلعب معها اشرت لها بالرضاعه قدام الماصوره وهي ما صدقت خبر جت تركض اتجاهه الرضاعه بانطلاقه صاااااااااااروخيه انا بصراحه خفت على نفسي لياها تطيرني معها وخفت عليها بعد المهم هي ما عطتني فرصه البنت ناويه ما عندها وقت قلت مالي الا النحشه والبنت الظاهر تمشي وهي مغمضه شوي ونسمع صوت اشبه بالانفجار الله لايوريكم شقٍ في جبهتها يصبصب دمامين وزعلت جدتي المهم انا كنت اعتبر بنيت جدتي لان امي حطتني عندها من يومني صغيره وتؤمي الثاني عندها انا طبعاً في هذي الحظه ما ابغى زعل جدتي فقلت لها ان تؤمي هي اللي فلقة اختي وانا ياغافلين لكم الله طعاًجدتي صدقتني وزعلت على تؤمي ورحت اجيب القهوه والشاهي علشان نوقف الدم وتؤمي مطرود برااااااااا بس صراحه ضاق صدري ذاك اليوم لاني ظلمت تؤمي وفلقت اختي بس والله بدون قصد |
مشكور مشرفنا على الفكرة
وباقول موقفي في الترم الاول من هالسنة كان مطلوب منا بروجكت في مايكروسوفت وورد المهم كانوا معي صديقتين اعرفهم من وانا في المدرسة هذولي البنتين كانوا مايعرفون يستخدمون الكمبيوتر بس انهم يعني مجبورين انهم يستخدمونه الحين لان دراستنا تفرض ذلك والا مايفكرون يشتغلون عليه المهم قالتلي وحدة منهم(ص1) انها راح ادور مواضيع ومر وقت ولاشفنا شي والوقت يمشي واحنا ماسوينا شي والمطالب في البحث كثيرة مرة .......... رضخت للامر الواقع وسويت كل شي ولما جاء قبل موعد التسليم بثلاث ايام تقريبا كان بس باقي الفهرس وهو يعني ماياخذ وقت اخذت اللاب توب حقي للكلية حتى اقدر اخلصه في اقرب مدة بس كنت مرة تعبانه والبنتين كانوا جالسات قدامي ويسلفون ويضحكون بدون مايسوون شي واللي يقهر زيادة اني انا الوحيدة اللي قاعدة اشتغل وهم بياخذون الدرجات ببلاش المهم هذاك اليوم انقهرت منهم مرة يعني يشوفوني اشتغل وهم قاعدين يسولفون بدت المحاضرة وانا لسه ماخلصت قلت ل(ص1) بما انها كانت اقرب شخص لي شوفي يا(ص1) انا اللي علي سويته وماراح اكمل الباقي على وحده منكم ردت علي رد غير متوقع وقالتلي بصراخ"خير ماراح اسوي شي شي انت بديتيه انت تنهينه وبعدين انا ماعرف ابدا شي من النهايه" انصدمت جدا من ردة فعلها صراحه كانت اعز صديقاتي عقبها طاحت من عيني المهم بعدها انا كنت منقهرة مرة وانتظر المحاضرة اللي كانت الاخيرة تخلص وقلت ل(ص2) شوفي انا راح احاول اخلص الباقي قبل لا اطلع وهي يعني كانت وش حليلها شافتني معصبه وسكتت المهم خلصت من الجزء قبل مااطلع من الكلية يعني لو كانت (ص1) ماسكة نفسها وساكته كان احسن لها ولي ولا سببت مشكلة مايكفي انها ماسوت شي اصلا المهم يوم رجعت البيت كنت مرة معصبة ويوم جا الليل بدت المكالمات من (ص2) تحاول تصلح بيننا يقالي وانا ذاك اليوم مالي خلق ازعل على احد فقلتلها خلاص خلاص المهم من بكرة انا جيت قبل البنتين وكنت متعوده دايما اني اجلس جنب (ص1) فقلت ماله داعي المشاكل اقصري الشر مع اني منقهرة من جوا ويوم دخلت(ص1) القاعة قمت لها كالعادة عشان تجلس بالسيت اللي جنبي وماتكلمت ولا كلمة بالعكس كان وجهها معبس وكاني انا الغلطانه المهم اني فوتها وبعدها طلعت من الشنطة ورقة وقالت خذي انا يوم فتحتها قعدت اضحك غصب علي لان الورقة كانت تحتوي رسالة اعتذار وياليتها ماعطتني ذيك الرسالة كاتبة فيها ان حنا الثنتين كلنا غلطانين انت اسلوبك كانك قاعدة تكلمينلك شغالة مع ان كلامي كان عادي يعني كانت الرسالة اقرب لتكون رسالة عتاب من رساله اعتذار ومع ذلك قبلتها ولكن مع قبولي للاعتذار الا اني كل يوم احس باحتقار لها وماقدر احط عيني في عينها ولاقدرت ارجع مكانتها كاعز صديقة لي في قلبي بل صرت احس اني اجلس معها كواجب ليس الا |
هههههههههههههههههههههه
بااااااااااااااااااااايخ موقفك ياصمت الانين وبصراحه لو انا في مكان اختك لاتقعد لعيالك عشان افلق واحد منهم حرااااااااااام عليك ظيعتي مستقبلها عسى بس مو واضح مره والله انتي مشكل وااااااااااجد |
شمخ مخ وش فيك قاعده تضحكين هنا ياانتي بعد مشكله تراهم جايين هنا يذكرون مواقف وضحكك مايساعد لأن الي بيقول موقفه موب قايله بيستحي مدامك جالسه تضحكين هنا :)خخخخخخخخ:)
|
مشرفنا الغالي;)
ما عطيتنا حل او الطريقه السليمه لمواقفنا وتصرفاتنا والله يعطيك العافيه والف شكر لك :) |
العنود ياقلبي ليش ماقلتي لنا عن اللي صار معك
وبعدين أنا كأني عرفتها بس البنت مبين عليها خدومه والله اعلم بالخافي انصدمت فيها يوم سمعت اللي قلتيه |
تسلم يا ذيب على هذا الردالقوي والمعبر عن مشاعرنا الخجوله بصراحه أتوقع انك أفحمت {مشخه} أقصد شموخه
عليك ابها يالذيب |
بارك الله فيك
جميل ما اطلعت عليه تحياتي واحترامي |
| الساعة الآن 08:29 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة