منتديات الفطاحله

منتديات الفطاحله (http://ftahilah.com/index.php)
-   وسع صدرك (http://ftahilah.com/forumdisplay.php?f=81)
-   -   بناتنا كانوا في جره وطلعو لبرا (http://ftahilah.com/showthread.php?t=5068)

دويتوو 23-06-2006 03:52 AM

بناتنا كانوا في جره وطلعو لبرا
 
طبعاً المقال منقول وعشان اول يوم اسجل معكم مابراسي غير صداع ووشوشة بلاي ستيشن وتقل فيه واحد يطبل براسي بس ماني متأكد هو قاصدني والا يستهبل
لكن جعلي اذب ان هالمقال منقول واللي كاتبه / رفيع الشان

اول شي المقاله هذي برعاية (( محلات المحجبه )) ..طبعا بدت العطله من شهر وفيه من سافر وفيه من ينتظر نحبه فيه من جهز قروشه للسفر وفيه من يدور السلف وفيه من يحلم بالسفر ولاهوب حاصل بسبب قرض البنك القديم لكن كلهم في الاخيرسافرو خارج المملكه يعني مليارات راح تنسحب من بنوكنا وتحط في بنوك توماس كوك وبنك باركليز بنك صحيح ناس راح ترجع مبسوطه وأثار الضرب مبين على القفا لكن بعد فيه ناس بترجع لابسه بدله فرساتشي وفوقه شماغ المراسيم تقول كنهم من جنود الخياله من الضيقه اللي هم فيها وكل همهم كيف يسدد القروض وبطاقات الائتمان..اللي جلسو يتفخفخون ابها تقول كنهم يصرفون من خزنة ابوهم حسبي الله عليهم .كله عشان يرضيها فديت خشته والمصيبه انه يتسلف ويقط وجهه كله عشان يرضي زوجته اللي مايشوف منها الريق الحلو الا بالعطله وفي النهاية يجلس هو وياها على نهر النيل يئزئز لب (( وربي ان يئزئزون خشتك لارجعت )).والله كني اشوف كم واحد بيسحبون خششهم في الارض وبيسون منهم دعاية تايد المطور..ولا دعاية زقاير مالبورو يوم يسحبون البقر بحبال وهم فوق خيولهم المهم ماهوب هذا موضوعي وفي الحقيقه مابغي اخوض فيه ناصحني الدكتور اني ماقرب الدهن والفلفل والعلوم الشينه ..المهم موضوعي يخص بناتنا لاجو يسافرون وادري ان كثير بياخذ مني موقف واخص الاخوات من السعوديه بس المقاله هذي موجهه لقله قليله لاتتجاوز 90% من الخليجيات عموما . ولولا محبتي لهم ماتفوهت بشي عشان كذا اتمنى محد ياخذ مني موقف لان الساكت عن الحق شيطان اخرس (( بيت مسروق مدري منين)). صراحه استغرب من بعض اللواتي يذهبن الى الخارج !!!! امحق وراني قلبت فصحى الظاهر اني تأثرت بالامسيه الشعريه اللي كانت بين نزار قباني ونايف صقر المهم يزعجني اني اشوف كثير من الخوات السعوديات يوم يسافرون وخاصه للدول الاوربيه ، تشوفهم في السعوديه كنهم برنامج الدين والشريعه ..ويوم يطلعون برا ولا محولين لبرنامج مالك الاهيفا !!! تقول كنهم طول هالوقت خاشين وجيهم من الشمس ويوم شافو البراد صارو على البراد !!! والحقيقه هذي انا شفتها عن قرب كنت مسافر في الطياره من الظهران لدبي وكنا على الدرجه الاولى ((الله مير يسلم الهيئه الخيره ولا منتب كفو)) وكانت جالسه جنبي اخت سعوديه وكنت مستحي احط عيني بعينها من الوقار الي شق وجهي وفي قلبي اقول الله يحفظها ياليت كل البنات زيها المهم كل ماجاني المضيفات وقالت لي تفضل اشرب عصير ولا قهوا قلت لا الاخت اول وكانت تقول تفضل كنت اقول لا الناس مقامات انتي اول جزاكي الله خير وكان عندي في ايدي مجلة المجتمع الاسلاميه وكنت اتعمد احطه بيني وبينها عشان تقراه وتأمل احوال المسلمين وتشوف الفتاوى الخاصه بالمنقبات وقلت لها اذا تبين المجله تفضلي اقريها (( يافرحتي فيك)) .. المهم ماخذنا اشوي الا ورابعه العدويه محوله ليلى علوي في فيلم سمع هس … ويوم شفت كذا واقوم وابعد مجلة المجتمع واقرب لها مجلة الموعد ونوره(( ياقدمك )) عشان تشوف احوال الفنانين والمغنيين والمهسترين (( الطيورعلى اشكالها تقع )) واقوم واقوي وجهي يوم شفت هي ماستحت مني ..قلت في نفسي انا اللي بستحي .. حتى انا اساسا قليل ادب. واقوم واسئلها اسئله تكتيكيه تعارفيه شبكيه ذيبيه قلت انتي رايحه سياحه ولا بزنز ولا تسوق ؟!! قالت لا رايحه اتسوق وعاد حبيت اعرف هي فقيره ولا غنيه قلت تعرفين البنك العقاري قالت لا قلت خلاص اوكي ؟!! قالت وش اوكي قلت لابس حبيت اعرف انتي من الي يودع ولا يسحب قالت وش ظهرلك قلت ظهر لي انك نشبين بمغراف اللهم لاحسد (( الله يخلف علينا لاجينا نسحب سحبنا بشوكه بلاستيك مكسور لها سن من اميل مطاعم التركيه))..!!!.. بس عقب ماصحا ضميري سئلت اسئله دينيه اخويه مع حسن نيه !!! قلت طيب ماتخافين تروحين بروحك (( سئوال وجيه )) ؟ قالت لا متعوده اروح بروحي ودبي ماتعتبر بلد غريب(( رد أوجه)) انا احيانا اروح امريكا بروحي (( أي عيني )) قلت طيب ابوكي ولالا بلاش نقول ابوكي طيب الي يصرف عليكي سامح لك تروحين بروحك قالت ايه وش فيها قلت لا مافيها شي حتى انا امي مره خليتها تروح بروحها لفرنسا عشان تشد وجهه من شافت الفنانه صباح الجبهه صايره عندها كنه ملعب استاد ويمبلدون وهي تبي تسوي زيها قالت لي وهي مستغربه طيب كيف تخلي امك تروح بروحها (( تحلفلي اصدقك اشوف امورك اتعجب )) والله من قالت لي كذا قلت كيف اتأكد الحين ان الي جنبي نوره ماهي جوهر سعيد قلت لها بس هذا انتي بعد حرمه وهذ انتي ماتخافين !!! قالت انا اعرف اصرف اموري وبعدين انا واثقه من عمري محد يقدر يمس شعره من راسي ((،حسبي الله عليها شككتني في امي !!)) قلت : بعدي ، بس اعتقد الحين اللي يبي شي مايقرب الشعر ولا ينتفه لكن ينتف العقل والقلب واعتقد ان القلب والعقل اداه مقلوبه على أمرها (( شين وقوي عين )) قالت مقولتها الشهيره : اسمع يا الطيب الشريفه شريفه حتى لو يحطونها بين الف رجال وانا في خاطري اقول الساردين دامه مسكر ماتشم منه ريح لكن من ينفتح عكر ريح المكان منه ….انتهى ملاحظه // فيه بنت حدث لها قصه في القاهره تعرفت على شاب في القاهره ونشئت بينهم قصة حب مدتها ثلاث ايام(( ياطولها)) وقام حبيبها و عزمها في شقته وكان صاحبه موجود وبحكم الثقه الي عطته اياه اجلست معهم وقام وحط لها مخدر في الشاي ومن بعدها ماحتاجت الف ضاعت الشريفه بين اثنين !!!!

الطائر المهاجر 23-06-2006 12:57 PM

هلا ومرحبا بك اخي الكريم دويتو
قضية صيغت بإسلوب برادعي فجاءت
سلسلة عذبة ، اوصلت الهدف .
شكرا لك
مع أطيب تحياتي

الغريب 23-06-2006 01:23 PM

[COLOR="RoyalBlue"]طيب ها البنت اللى في القاهرة بعد المخدر ماتت؟

تسلم يا دويتوو ولو انك سحبتنا من دبي لفرنسا:)[/COLOR]

ذيب السنافي 23-06-2006 04:24 PM

دويتو :)

تحياتي ياشيخ لك :)

بالله مقال متبوك ومزبط :) وعلى كيف كيفك :)

وصدق الي قال ياما ضاعن شريفات بسبب بيالة شاهي :)

يعني الله يستر ويحفظ عيالنا واهلنا وكل مامنا :) في السعوديه كيف برا :)

بس مانت معي الشريفه شريفه لو بين ألف رجال :)

تحياتي ..

دويتوو 23-06-2006 07:32 PM

المشرف ويرد على موضوعي مو معقووووووووول انا بحلم لالالالا حقيقه
ربنا يخليك يابرنس والمقاله تراني لاطشها خخخخخخخخخ بس حلوووه والا وش رايك

ــــــــــــــــــــــ

غريب لالالا لاتذب علي والله هي كيذا جت
بس ماعليك التسحيب يبي له :)

ــــــــــــــــــــ

ذيب انا معك بالشي بس ترا يقولون كثر الدق يعمي الحديد او يفك الحديد
هم قالو كيذا انا ماقلت شي :(

الطائر المهاجر 23-06-2006 07:40 PM

هلا ومرحبا بك
اعترافك باللطش لايعني انها ليست برادعية
فمن يعجبه هذا اللون فإن لم يكن البرادعي
فقد يكون نسخة مكربنة منه ، المهم أنها
أو صلت للهدف .
شكرا لك
تحياتي الطيبة

اصيل 30-11-2010 08:56 PM

شكراً لما امتعتنا به
تحياتي

طويق 04-12-2010 12:12 PM

مشكور
على المعلومه الجيده
تحياتي

المورد 04-12-2010 12:48 PM

بارك الله فيك
على ما تقوم به
احترامي

الهامس 05-12-2010 10:11 AM

بارك الله فيك
كتبت فقرأت فاستفدنا
تحياتي واحترامي

المتابع 05-12-2010 11:01 AM

جزاك الله خيراً
على ما افدتنا به
ودي واحترامي

خميس 05-12-2010 11:25 AM

بارك الله فيك
كتبت فقرأت فاستفدنا
تحياتي واحترامي

الهامس 05-12-2010 11:33 AM

وفقك الله
وسلمت اناملك
تحياتي وتقديري

بنيان 06-12-2010 12:03 PM

شكراً
على ما اتحفتنا به
تحياتي

حوريه 13-12-2010 12:37 AM

بارك الله فيك
جميل ما اطلعت عليه
تحياتي واحترامي

حوريه 16-12-2010 06:50 AM

بارك الله فيك
جميل ما اطلعت عليه
تحياتي واحترامي


الساعة الآن 04:16 PM.

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة