بس مـشّ حــــالـكـ
 

[poem=font=",6,green,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا وقت يلي فيك ما فيك كافيك=دور السلامه لو لقيت السلامه
ما شفت منك الا العنا والشرابيك=لا صار من ذيل البعير انخطامه
حبكتها للي يبون المحابيك=تنشر وتقراها عيال ٍ نشامه
يا صاحبي والشك والشوك والشيك=ترى الرجال اشكال مزن وجهامه
احدن تعذّر له وهو مبتلش فيك=كنه على قلبك يسرهد كلامه
واليا عرضلك عاتبك في مساويك=ما يقدر اظروفك ولا له كرامه
واحدن توهّق به وجالك يناديك=من هزعة ٍ وحده يدهدم اردامه
يشيل نفسه كالجمل للمباريك=وقت السعه كتفه يباري اسنامه
ولا ضاقت افجوج الخلا جاك يشكيك=ثم راح شرق وغرب واقصا تهامه
واحدن يقلد والتقاليد تشكيك=نسى الغراب ومشيته للحمامه
واحدن يحيز ابهالمجالس على الريك=وهو ثور ٍ أنبط ما يوّزن كلامه
يا لايمي في الخلق خلني اوريك=تنوّع ارجال الردى والشهامه
اللي يودك يا بن عمي يصافيك=ويفرض عليك من الاخير احترامه
واللي معذربك ترى ما سأل فيك=وده على خدك يشوف العلامه
والعد لو دونه حرام إنْه يسقيك=ويسوقها تطنيش ولى غشامه
ويدعيلك الله يا عسى الله يشفيك=وينثر ملح ع الجرح أبن الفدامه
يعزّ قولة والنعم عند طاريك=جعله هفو طير الفلس والندامه
يا صاحبي والعرف قد صار تسليك=بس مشّ حالك بين ذيب ونعامه
واللي انجرب لاتجيه خوفا ً يعاديك=خلْه إبجربه ألين يبرى عدامه
ارحل وخل الصبر بالصدر يدريك=لين تلقي بالوجيه ابتسامه[/poem]

رد: بس مـشّ حــــالـكـ
 

[color="darkred"][size="5"][font="arial"]
بوح رائع من شاعر رائع
لاهنت ولاهان مغليك
صح لسانك مليون
تحياتي الطيبه
[/font][/size][/color]

رد: بس مـشّ حــــالـكـ
 

مبدع وجزل ياعناد
شكرا لك
تحياتي

رد: بس مـشّ حــــالـكـ
 

[size="5"][color="olive"][i]صح لساانك مليوون يا عناد

ابدعت يالشاعر و امتعت ،،

لو لي عتب عليك في غيابك يالغالي

و صح لسانك

ولاهنت[/i][/color][/size]

رد: بس مـشّ حــــالـكـ
 

لافض فوك عناد ،، ويعطيك العافيه

تحياتي

رد: بس مـشّ حــــالـكـ
 

صح لسانك ويعطيك العافيه

تحياتي

رد: بس مـشّ حــــالـكـ
 

تسلم الأيادي
صح لسانك
ولاهان راسك
ودي وتقديري

رد: بس مـشّ حــــالـكـ
 

[font="comic sans ms"][size="6"]صح لسانك
قصيدة جزلة من شاعر متمكن
بعطيك العافيه [/size][/font]

رد: بس مـشّ حــــالـكـ
 

صح لسانك

لاهنت

رد: بس مـشّ حــــالـكـ
 

يا صاحبي والعرف قد صار تسليك
بس مشّ حالك بين ذيـب ونعامـه
واللي انجرب لاتجيه خوفا ً يعاديـك
خلْه إبجربه أليـن يبـرى عدامـه
،،،،،،،،،،،،،،،،،،،،،،،،
الرواد
صح السانك ملايين
ابداع في النهج والحكم لافض فوك اخي
شكرا لك