باعد عن اللي ...
 

[align=center]السلام عليكم ورحمة الله وبركاته

متواضعه لعلها ترتقي لذائقتكم[/align]


[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
باعد عن اللي رفقته .. ربـع ساعه = لجـل الموصل حبل وصـله .. يمده
أخير من قربك لزوله .. وداعه = حذرا تبادله الغلا ... والموده
وابعد عن اللي كل ما الوقت لاعه = جسر المكارم والرجوله . يهده
ماله على الشدات ربع استطاعه = تلعب به الدنيا بعيد .. وترده
وابعد عن اللي مايودّ . الجماعه = فيه العلوم الخايبه .. مستجده
علم الردى بين المخاليق ذاعه = كن الوفا . ياسامع القاف نـده
وابعد عن اللي داعي الشر طاعه= حتى خلط مابين مزحه وجده
ماعدت تفهم فالمجالس طباعه = مع الوفا في يوم ، وايام ضده
وابعد عن اللي فيه عرق القطاعه = باب الوصل بين المواليف سده
اقرب قريبً له مع الوقت باعه = عن عزوته قد طال بعده وصده
وابعد عن اللي يستمع للإشاعه = شوفه على الزلات دايم يلده
ماله على حكي العواذل مناعه = قول الرديّ . على الهزيلات حده
وابعد عن اللي مـا رضى القناعه = دايم وديناره بجيبـه .. يعده
يقصر على الواجب بمده ذراعه = المال له سيّد بكيفه يكدّه
وابعد عن اللي نظرته في متاعه = بين البشر ماشاف له شخص قده
الوقت غرّه وابتدى بإنصياعه = واصبح غروره للرذيـله يشده
وابعد عن اللي ماظفر بالشجاعه = اقرب ولايفه الكسل والمخده
مازادته دنياه غير .... المياعه = مثل النساء يفخر بلبسه .. وخده
هذي نصيحه جعل فيها نفاعه = ماجابها غير الغلا والموده[/poem]

رد: باعد عن اللي ...
 

[center][color="navy"][i]
صح لسانك يالسمح

قصيدة سمحه و طيبة

صح لسانك يا بو راشد

تقديري لك

،،،،،،،،،،،،،

[/i][/color][/center]

رد: باعد عن اللي ...
 

[color=blue]الله الله الله[/color]
[color=blue][/color]
[color=blue]صح لسانك ولاهنت[/color]
[color=blue][/color]
[color=blue]قصيدة رائعة جدا [/color]
[color=blue][/color]
[color=blue]شهادتي فيها مجروحه[/color]
[color=blue][/color]
[color=blue]سلمت ياشاعر الحكمه[/color]
[color=blue][/color]
[color=blue]ودمت بود[/color]
[color=blue][/color]
[color=blue]أخوك العنسي[/color]

رد: باعد عن اللي ...
 

قول الردى في هازلاته يحـده
وابعد عن اللـي راضـيٍ بالقناعـه
المال له سيد بكيفه يكدّه

صح لسانك
ولاهنت
تحياتي

رد: باعد عن اللي ...
 

اكثرمن رائعه
بارك الله فيكم
تحياتي وتقديري

رد: باعد عن اللي ...
 

صح لسانك ياعبدالله

مصافحه وافيه من شاعر متمكن

لاهنت

وكل عام وانت بخير

رد: باعد عن اللي ...
 

درر ياعبدالله

الله الله

صح لسانك


لاهنت

يعطيك العافية

دمت بخير

رد: باعد عن اللي ...
 

الجزل السمح / صح لسانك وجاد بيانك

نص وافي من وافي

لله درك يالغالي

مودتي ,,,,,

رد: باعد عن اللي ...
 

الاخ الكريم الشاعر المبدع / عبدالله راشد الثويني
كالعاده .... مشرقه وجزله هي القصائد التي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي
أخوك / بن ماضي

رد: باعد عن اللي ...
 

الله الله

صح كلك

تحيتي