منتديات الفطاحله - أواّاااه من دمعٍ على الخد مسكوب

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - أواّاااه من دمعٍ على الخد مسكوب (http://ftahilah.com/showthread.php?t=22468)

أواّاااه من دمعٍ على الخد مسكوب

@
@
[poem=font="Traditional Arabic,6,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
أوّاه من دمعٍ على الخد مسكوب = كنه سرابٍ قد سقته السحابه
جرح المفارق للمحبين مكتوب = عز الله إني ما دنيت لحسابه
بعد الفراق ازريت بالحزن مصلوب = مهموم افكر كيف حاله وما به
وفي داخلي جمرٍ من الشوق مشبوب= يصْلي شبوبه كل صدري بعذابه
للي سلب قلبي واضحى بمسلوب= ونبضات قلبي تشتغل لا حسابه
محبوب ما مثله من الخلق محبوب =رقيق قلب وملهمي بالكتابه
ميّزه رب الكون عن كل رعبوب = عفيف ذو حنكه وراعي مهابه
اليا انجلى بدرٍ ابد ماله غيوب = واليا تغيّب هاض بحر الخطابه
أشعر عشانه والوفا جد مطلوب = اسهر وحتى ينجلي من غيابه
لا شفت عينه من حلا العين آذوب = مدهوش ذوبي مثل ذوب الصبابه
اعشقْه وافخر بالعِشق منه مغلوب= ملكه حلاله كل عمري وشبابه
لبيك يا زينٍ ولا فيك عذروب = لبيك ياللي رام حبي وطابه
لبيك يا عقدٍ فريدٍ ومعذوب =ياللي غزيت خفوق قلبي ولِبَاَبَه
واليوم تايه والفكر صار متعوب =مجنون في دنيا كستها الغرابه
وا شقوتي من قولهم صار مخطوب =لأبنٍ لعمّه لا وسرعه رضا به
صارخت فيهم قلت هذا بملعوب= يا لعنبو حقدٍ أتانا شهابه
والله لأمدح في حبيبي ولا اتوب = والقافله تسري بنبح الكلابه
ولو هرجكم صادق فما هوب مذنوب =اكيد اهله اخطبوه بغصابه
وارسلت له شعرٍ به الحب ملهوب = واقفى بلا ردٍ يداوي لهابه
اضربت عن زادي واكلي ومشروب = كنت اشربه لانه بغاوي شرابه
مقوي نهاري ليل والليل مقلوب = ما عاد فيه الأُنُس لا ما طرى به
وأصبحت مثل الطير لا انهدّ مصيوب = بين الحشا مجروح جرحه يعابه
هزيل مدسوسٍ غدى بعقْر نبنوب = يخشى صحابه يكثروا من عتابه
ياليت قلبي قبل فرقاه منهوب= بالموت أهون من حياة الكئابه
أواّه من دمعٍ على الخد مسكوب= كنه سرابٍ قد سقته السحابه[/poem]

تحياتي

ماجد المهدي