لا من نويت لللكرم و الشجاعه
 

[rams]http://www.fatahilah.com/up/EthaTbyTmeem.mp3[/rams]
[poem=font="Simplified Arabic,6,darkblue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
لا من نويت لللكرم و الشجاعه = فانص التميمي لو تطول المسافات
ومنّه تعلّم كود تاخذ اطباعه = وتفهم معاني المرجله كيف له جات
وحتى ولو مرّيت في أيّ ساعه= تلقاه واقف لك على كل حزّات
ما يهتني ياكل ولو هو بمجاعه= الا ومعه ضيفٍ ولو سهر مابات
ولا من مشى راقبه تلقى البراعه = وتشوف عزمه ما تبي أي اثبات
حليم عاقل لين يصبح طماعه = يقلب غضنفر لو يقابله ميّات
شجاعته من يوم سن الرضاعه = تزيد لا منّه كبر عشر مرّات
له هيبته لو هو بآخر نزاعه = ولوهو توفي قالوا الناس مامات
هيبه من الله من يناظره راعه = يكفيه نظره مايبي منه وميات
عزيز نفسٍٍ ما عرف للدناعه = ولا ذل نفسه شان ياكل ويقتات
عفيف جيبٍ ما حدته الجشاعه = يسرق ويسترشي ويبحث عن فتات
واضح وضوح الشمس مابه لكاعه = ما يغدرك لوّه رأى منك زلاّت
ينصحك لله دون خوف وجزاعه = ولا من تكرر منك شفت المعاناة
ولا هوب نقّال الهرج كالإذاعه= ولا هوب من يقبل بغيبه وكذبات
ولا هو منافق لاجل بعض انتفاعه= حتى ولو يخسر رجال المهمات
راضي برزق الله بفهم وقناعه = يدري مصيره راحلٍ مثل من فات
هذي طباع الحر ما هي مشاعه = دستور في قلب التميمي وآيات[/poem]