منتديات الفطاحله - مرثيه في الشيخ /سعود العماج القحطاني

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - مرثيه في الشيخ /سعود العماج القحطاني (http://ftahilah.com/showthread.php?t=27006)

مرثيه في الشيخ /سعود العماج القحطاني

الشيخ /سعود بن محمد العماج رحمه الله أحد مشائح قبيلة قحطان وأحد رجالات الملك عبدالعزيز
توفي وهو شامخ كما كان عرف بالولى لولات أمره وبكرمه وطيبه وحسن جواره وأنا كنت قصير له في العماجيه وعندما سمعت خبر وفاته عزيت الشيخ/عبدالله بن سعود أبن المرحوم وكافت أخوانه ....
ولم أجد مااقوله في الشيخ إلا قصيده تذكر بعض مواقفه لإنه بحر من الانجازات رحمه الله

[poem=font="times new roman,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هلّت مدامع نجد من فقّدت سعود=وانا بعد عيني على سعود هلّت
دمعي على العماج ماهوب منقود=اللى يمينه بالمراجل تحلّت
تاريخ مطلق باع ماهوب محدود=اسمه كبير ومعه أسامي تعلّت
الاسم خالد والفعل ذرب مشهود=ومناكبه ياما مع الوقت شلّت
بيته طرف والباب ماهوب مردود=وبشته ذرى ظافي والاطراف ظلّت
إليا زبنّه إللي من الوقت مضهود=يضحك حجاج وعنه الاوجاع ولّت
غيره يمد الجود لكنّه يزود=مات ويمينه بالعطاء ماتخلّت
مرحوم ياعودن قضى خمسه أعقود=شارك وعارك والبلد فيه هلّت
يالله ياعالم بما كان مجحود=يلّي عبادك وحّدة لك وصلّت
ياناصرن موسى ويامنجين هود=يامنقذن ذالنون بمرك تجلّت
كل الكبار تروح بمرك مع النود=أنت الوحيد ومنّك النفس ذلّت
أنت الرحيم أنت الغفور أسمك الجود=لاجود غيرك كُل أسماكَ جُلّت
أدعيك يالله تغفر لعبّدك سعود=رُحماك خشيه مِنك ألاعيان بُلّت
وجّبر عزى اللي في البلد يبكي العود=وألهم ذويه الصبر بلي أُحلّت
مامات لا مامات عايش وموجود=بعده رجال كفو في إللى تولّت
هلت مدامع نجد من فقّدة سعود=وانا بعد عيني على سعود هلّت
دمعي على العماج ماهوب منقود=إلى يمينه بالجزاله تحلّت[/poem]

رحم الله سعود العماج
تحياتي
سالم منصر الجعيدي