من يعلق الجرس
 

لعبة بسيطة تتطلب القدرة على رسم الخطة واتخاذ القرار امام ما يواجهك في حياتك اليومية من صعاب.
سنبدأ بطرح مشكلة بسيطة ، ونرى كيف يفكر الأعضاء في حلها ، وعند وصول احدهم إلى الخطوة
الإيجابية والهامة لحل المشكلة سنقول أنه علق الجرس ..
وحتى نتصورها بشكل يساعد على فهمهما ، لنفترض أنك راعي غنم ، ولكن ليس لديك سلاح
لتدافع عنها فيما لو هاجمها الذيب ، فماذا ستفعل لحمايتها ، قد تفكر في احد الحلول أنك تعلق جرسا
في عنق الذئب ، بحيث كلما اقترب من الغنم ، قمت بادخالها مؤقتا في الحوش ، فمنعته من اكلها ..
ولكن كيف ستعلق الجرس في عنقه ؟؟
سنرى حلولاً مختلفة ، وبعد الإتفاق على أن احدها هو الأمثل ، سيبدا من اختير حله كحل امثل ، بطرح
مشكلة مماثلة ، تتطلب تعليق الجرس او ما يتلائم معه من طرق الوقاية ، امام من لايملك المقدرة على الحل الجذري..

[COLOR="DarkOrange"]ابو عبدالله اذا مايزعجك حضوري سجلني واذا تبيني اكون المسئول عن صرف الاجراس ماعندي مانع:)[/COLOR]

ابيك تضع الخطة وتعلق الجرس في رقبة الذيب !!

خخخخخخخخخخخخخ :)

أحس أن رقبتي بتصير ضحية هنا بس ياله أنا أقترح أنك تجيب قدر وتلف حوله حبل وتسوي فيه تكاكه وطرف الحبل تدخله مع طرف القدر وتربط فيه لحمه وتخليه بالخلا يجي الذيب يعض اللحمه يسحبها فينشد طرف الحبل ويتسكر على رقبته ويكون في الحبل هذا مربوط الجرس ويصير الذيب مربوط بالجرس

تخيلو الطريقه حلوة صح :)

هذا فكرة ، يمكن تنجح لو الذيب قرب للقدر ، فمنظر القدر غريب على الذيب
فهو عادة يعدي على الغنم ، ويلغف ويمشي ، ثم يبتعد ويرجع عليها إذا ومن ان الراعي
تركهن ملغوفات ، يجلس ويبسط عليهن ويمكن يقيم وليمة للبقية من ربعه ..

ننتظر فكرة ثانية ..

طيب نحطها على شجرة اللحمه ونفس الطريقه مع الحبل ,,,

أو أننا ياخذ الراعي جلد خروف ويحطه على ظهره وينتظره بس ذي ماتنفع ألا مع شجاع مثلي خخخخ:)

لاهذي حلها سهل جدا وابسط من شرب الماي ماسمعت اللي يقول ((تخاويت انا والذيب سرحان)) وهذا موجود معانا اللي هو(( ذيب السنافي)) حتى مسمي اسمه على اسم الذيب ورفقته طويله مع الذيب وبستطاعته ان يخدره بكم بيت من قصايدة اللي متعود الذيب يسمعها منه وينام وبعدها يعلق الجرس في رقبته

لا ... يامنيع ... ذيب السنافي ما تخدره
ولو تقول فيه الف بيت ، لكن خله يسمع
ياروحي ، ياعيوني ، من مصدرها الأصلي ، وتشوف النتائج ..

طريقتك يمكن تنفع مع الحصاني ، لكن الذيابة ما كلش يرضيها ، ان ما شافت الدم يشخب
من الضحية ما تستأنس ..
اما فكرة إنك تلبس جلد خروف ، فالذيب عنده حاسة شم قوية
وهذي ذكرتني بها يوم ان حنا صغار ، في احد المزارع ، كان بعد اذان المغرب ، وانا وواحد معي
لبسنا جلود سود ، ويوم ماعاد بيننا وبين وقاف النخل إلا حوالي 200 متر ، جيناه نمشي على اربع ،
ونصدر اصوات مخيفه ، فيها من عواء الذيابه ، الرجال من خوفه لقط البندق ، وقبل ما يصوبها علينا
فصخنا الجلود وناديناه ، وفكنا الله منه ، لكنه زعل وشكانا على اهلنا واخذنا نصيبنا من التكفيخ ..

[QUOTE]ياروحي ، ياعيوني ، من مصدرها الأصلي ، وتشوف النتائج ..[/QUOTE]
حتى ذي ماتخدره خخخخخخخخخخخخخخخخخخخخخخ:)

يابوعبدالله فيه أحد يعاف أنه ينحب ويحب لا والله يابوعبدالله لين لقيت الي يستاهل ودك تعطيه عيونك بس بعقل ماهوب بخبال مثل صاحبنا :)

الله يستر من الذيابه الذيابه دايم مساكين شجاعه وثوراه وخبال وقلوبهم رهيفه وعلى قولة الشاعر

[poem=font="Simplified Arabic,5,,normal,normal" bkcolor="transparent" bkimage="" border="outset,4," type=0 line=0 align=center use=ex num="0,black"]
الحب مابين القلوب المواليف = سعادة(ن) مابين غالي وغالي
أن غبت جابك في حلا نومي الطيف= وان شفت زولك كل شيء صفالي[/poem]