شاكر ونجم
 

[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نجم)انا على شاكر الليله باشن الهجوم=وان كان ناداك يابو سعْد فافزع معه
ادري الكواكب وخابر مفردات النجوم=خله يلالي من الصمان الى المجمعه
شاكر)يا مرحبا بك وللي جي نسوي قدوم=من طبعنا نكرم الطيّب ولا نفجعه
يا نجم الابداع شفته في سمانا يحوم =ضائع ولا لك مدار ولا بدا مطلعه
بنجم)قيت ياشاكر الليله تزين العلوم =حاضر بحاضر ويمكن تاصل المطبعه
انا مكاني مدار اسهيل يابو الحلوم=وكل رجال جانا خابرن مرجعه
شاكر)انكانها باليدين أني قوي العزوم=وانكانها بالفكر بنديرها بالسعه
الشعر بندق وبعضه ما يصيب الرقوم=ياكثر ما طاش من بندقك وانا اسمعه
نجم)ياشاكر الوقت ماعد بان فيه الخصوم=من خلف شاشات وخيولك تجي مربعه
موتر على الدرب ومصدي جنوطه كروم=لاسار ماتسمع الا للكفر قربعه
شاكر)ما يقدح الفكر غير اللي علومه تشوم=والا حسين الدلال اللي كشف برقعه
يا نجم لو نبتديها صدق والا قسوم=مدري من اللي بعد يمسح على مدمعه
نجم)انا دعيتك وفي قصدي نجلّي الهموم= نمزح وبالقاف من جا قابلك فارمعه
والا فكلن معه حراس فوق التخوم =والعود لو شارك الليله برمح اقمعه
شاكر)وحنا كذلك وحنا طيبين السلوم=ومن راح للبحر جهّز للرياح اشرعه
نشدّها صدق حتى ما تظلي تحوم=والحبل ممدود وبأذن الله ما نقطعه
نجم)باقرى معاك الهجا واقرى معاك العلوم=في فصل عثمان والصفين فالمزرعه
صح اللسان اللذي يبدع من القاف سوم=والختم عندك وخل فهيد يامبرعه
شاكر)وصح قلبك ولا ياجيك شر ونقوم=أنا اشهد انك شربت الشعر من منبعه
وصلى الهي على الهادي منير الظلوم=عداد ذرات كل الكون متجمعه[/poem]

رد: شاكر ونجم
 

شكراً لكما
وصحت السنتكما
فقد امتعتانا بهذه المحاوره الطيبه
تحياتي

رد: شاكر ونجم
 

محاوره جميله ورائعه من شاعرين مبدعين

صحت الالسن وتعافت الابدان

وننتظر المزيد من ه>ه الجماليات

تحياتي وودي

رد: شاكر ونجم
 

صح لسانك يا بو محمد

و صح لسان شاكر

ابدعتوا و امتعتوا ولاهنتوا

و يعطيك العافية يا نجم على النقل الرائع

رد: شاكر ونجم
 

الله الله

شاعرين رائعين والجزاله تصاحبهم اين ما كانو..

لا هنتو وصحت السنكم

رد: شاكر ونجم
 

ياسلام سلم

صحت الالسن شعار مبدعين
امتعتونا لاهنتو

رد: شاكر ونجم
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
نجم)ياشاكـر الوقـت ماعـد بـان فيـه الخصـوم=مــن خـلــف شـاشــات وخـيـولـك تـجــي مـربـعـه
مـوتـر عـلـى الــدرب ومـصـدي جنـوطـه كــروم=لاســـــــــار مــاتــســـمـــع الا لــلــكـــفـــر قـــربـــعــــه
شاكر)ما يقدح الفكر غير اللي علومه تشوم=والا حـسـيــن الـــــدلال الــلـــي كــشـــف بـرقــعــه
يــــا نــجــم لــــو نبـتـديـهـا صـــــدق والا قــســـوم=مــدري مــن الـلـي بـعـد يـمـسـح عـلــى مـدمـعـه[/poem]

ههههههههههههههههههههه
ياسلام فتل ونقض من اطيب وافضل ماقرأت
ابداع من الجميع
صح السنتكم
لاهنتو

رد: شاكر ونجم
 

ههههههه
وفيها نقل بعد
اشكر نجم الابداع استفدت منه كثير وكانت محاوره رايقه جد
عقبال غيرها
بالتوفيق