منتديات الفطاحله - قالوا عرب قلت العرب ماضيٍ فات

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - قالوا عرب قلت العرب ماضيٍ فات (http://www.ftahilah.com/showthread.php?t=39134)

قالوا عرب قلت العرب ماضيٍ فات

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قالوا عرب قلت العرب ماضيٍ فات = يوم الرجال رجال مبدا وعقيده
يوم ان واحدهم يلاقي الوفات = ولا هاب غير اللي صدوقٍ وعيده
حتى زهى بالمجد عصر الفتوحات = وسادوا جميع الكون باحلا نشيده
الله اكبر .. مالك الملك بالذات= وغيره ولو وصل القمر من عبيده
واليوم ماني شايف إلا زرافات = طوال الرقاب وما تشوف الضديده
وسباع تنهش في جسدها بندبات = والدم ينزف ما توقف وريده
وحصانيٍ تجتر غدر وخيانات= وطيور بحرٍ جت من ارضٍ بعيده
وتسابقٍ في رفع اعلا العمارات = من كل واوي ما تعب في رصيده
ومشيٍ مع اللي يرسموه الخواجات = باسم الحضاره في نواحي عديده
وفتح المجال لكل غاوي ملذات= باللي يسهّل من شراب وطريده
حتى غدا العربان في حكم الاموات= اجساد ماتشعر بحر الوقيده
وصار العرب قسمين لو كانوا اشتات= والفرق واضح ف الحياة الرغيده
عشره بميه متخمٍ ف الملذات = اما البقيه في حوالٍ زهيده
ولاعاد باقي غير هم وحسرات = في قلب من لاشي يفعل بإيده
ماله جدى ياكود ينظم ف الابيات = يرثي زمانٍ ما ظهر به وليده
يجمع شعوبٍ فرقتها المتاهات= يطمع بها اللي ناويٍ بالمكيده
بعضٍ تشرد والبعض في مجاعات = لوهو بأرضٍ في ثراها عتيده
وبعضٍ ولو مستور حاله فلابات= مشغول فكره كيف يحيا حفيده
لا من خلص بترولنا في سنوات= خمسين مازادت ولا هي مديده
تقرير ما جاء من ظنونٍ وهقوات= يعرفه من يقرا حروف الجريده
من اجل هذا خطط الغرب بالذات= وغزا العراق وصار عمه وسيده
وانحى على الافغان لو شاف ويلات= ارض بها الثروات لكن عنيده
ثمٍ على السودان تقسيم واشتات= يدري جنوبه فيه ثروه مفيده
يمشي ورى الثروات خلف الشعارات= الخادعه لاهل العقول البليده
ولانّا ركضنا خلف جمع الريالات= من دون ما نبني عقولٍ رشيده
تصنع لنا اللي يدفعه ف الملمات= صرنا تحت رحمته واللي يريده
يالله ولا غيرك عليم الخفيات = ترأف بأمه في حوالٍ شديده[/poem]