|
مستشارك الشخصي والإجتماعي
الفرصة مواتية هنا لكل من لديه مشكلة شخصية او زوجية او عائلية او اجتماعية أن يطرحها ، ليحظى بالتوجيه المناسب..
|
[ALIGN=CENTER][TABLE="width:70%;"][CELL="filter:;"][FONT=Simplified Arabic][SIZE=4][COLOR=crimson][ALIGN=center]تسلم ويعطيك الف عافيه مشرفنا الغالي بصراحه هذا اكثر شي كان ناقصنا
شكرا لك على هذه الفكره الرائعه وجزاك الله خير على هذا المجهود الرائع منك وان شا الله اية مشكله اواجهها اكيد راح اطرحها وبدون اي تردد تحياتي وتقديري لك ولروعتك الريم [/ALIGN][/COLOR][/SIZE][/FONT][/CELL][/TABLE][/ALIGN] |
مشرفنا لك القدير على هذا الجهد
ولي عوده |
الله عليك
فكره حلوه يامشرفنا وانا ابي استشاره منك وش الحل اذا شفت الغلط قدامك ومابيدك انك تغيره الا بغلط ؟؟ هل تستمر ولا تطنش يعني هل احيانا نحتاج المشاكل لعلاج المشاكل ؟؟ |
[glint]السلام عليكم :)
ما تقصر يا مشرفنا الغالي :) الله يعطيك العافيه ولا يحرمنا منك :) تحياتي واحترامي لك :)[/glint] |
هلا بكم
اختي ثار : المشاكل تؤجج المشاكل ، والغلط لايعدل إلا بالعقل لذلك نجد الرسول صلى الله عليه وسلم يقول: من رأي منكم منكراً فليغيره بيده فإن لم يستطع فبلسانه ، فإن لم يستطع فبقلبه.. وهنا لابد من معرفتنا لحدود استطاعتنا ، فإستطاعة تنتج لنا مشاكل ، ينبغي الإبتعاد عنها ، "وجادلهم بالتي هي أحسن" ، وقد توصلنا إلى طريق مسدود فنترك الأمر للخالق عز وجل :"قل يا أيها الكافرون....." تحياتي |
[ALIGN=CENTER][TABLE="width:70%;"][CELL="filter:;"][FONT=Simplified Arabic][SIZE=4][COLOR=crimson][ALIGN=center]ثار ان من رائيي طنشي (طنش تعش تنتعش );)[/ALIGN][/COLOR][/SIZE][/FONT][/CELL][/TABLE][/ALIGN]
|
[quote=المشرف العام]هلا بكم
اختي ثار : المشاكل تؤجج المشاكل ، والغلط لايعدل إلا بالعقل لذلك نجد الرسول صلى الله عليه وسلم يقول: من رأي منكم منكراً فليغيره بيده فإن لم يستطع فبلسانه ، فإن لم يستطع فبقلبه.. وهنا لابد من معرفتنا لحدود استطاعتنا ، فإستطاعة تنتج لنا مشاكل ، ينبغي الإبتعاد عنها ، "وجادلهم بالتي هي أحسن" ، وقد توصلنا إلى طريق مسدود فنترك الأمر للخالق عز وجل :"قل يا أيها الكافرون....." تحياتي[/quote] يعطيك العافيه على النصيحه يامشرفنا ماتقصر يالغالي |
[QUOTE=الريم][ALIGN=CENTER][TABLE="width:70%;"][CELL="filter:;"][FONT=Simplified Arabic][SIZE=4][COLOR=crimson][ALIGN=center]ثار ان من رائيي طنشي (طنش تعش تنتعش );)[/ALIGN][/COLOR][/SIZE][/FONT][/CELL][/TABLE][/ALIGN][/QUOTE]
ياحبيلك يالغلا تصلحين مستشاره :) على قولك طنش تعش تنتعش |
فكرة رائعة جدا
_________________________________ ولك مني خالص التقدير |
يا أبو عبدالله أنا عندي حاجة نفسيه ووالله أني خايف يكون إكتئاب بس مدري
سلمك الله أنا من سنة تقريباً أحس بوحدة قاتلة مرات تشتد لكن لين سيرت على أحد جلست مع أحد تروح ومرات تخف حتى أني ما أحسها لكن في الآونة الأخيرة تحديداً من كم شهر وأنا أحس بوحدة تكاد تقتلني أحسبها مثل أول لين جلست مع أحد بيروح ذا الإحساس لكن عبثاً حاولت صارت مقترنة فيني بشدة حتى لو أجلس في مجلس مليان ناس ألا أحس بهذي الوحدة الي تسبب لي حزن وعدم إستقرار كل ماجلست في محل حسيت أني ماش مانيب مرتاح وأني لين رحت لغيره برتاح أغير المجلس وبرضه نفس الشعور وأتضايق حتى أني في بعض الأحيان من شدتها أحس أني ودي أشق ثوبي الي علي وأصيح بعالي الصوت مع العلم أني إنسان إجتماعي وخوياي كثير ومن جميع الطبقات الإجتماعية وأروح لهم وأجلس معهم لكن مدري وش فيني,,, مافيه ألا شخص واحد الي أرتاح معه في الغالب هو : أبوي وأنت خشيت على القائمة مؤخراً فصرت يعلم الله أدخل المنتدى أول ما أدخل أروح المتواجدين إذا شفتك حسيت أني أنبسط لكن لين خشيت ولا لقيتك ماش أحس أني يتعكر مزاجي مدري بس يمكن لأني حاس أنك تفهم علي,, أبنك : ذيب السنافي |
هذا قلق بسيط ، مثل أي شاب في سنك ، يكون لديه ، يبي المستقبل ، يبي يصير مثل غيره ،
مجموعة من الصراعات ، تتسم بها هذه المرحلة ، فمن متابعتي لك ، تتمتع بصحة نفسية جيده ولا خوف عليك. تحياتي |
شكراً لك يابوعبدالله
ماقصرت وأحب أقولك الحمدالله من يوم خلصت الأختبارات ورجعت للبيت ودخلت على أهلي وأنا متغيره حالتي واجد صحيح عانيت شوي بسبب التأقلم مع الوضع عقب الأختبارات لكن الحمدالله أحس أني أرتحت كثير كثير وين كنت ووين صرت مشكور وماقصرت وبيض الله وجهك |
المشاكل الاجتماعيه والنفسيه لابد من ايجادمستشارمتخصص لها لكي تعم الفائده للجميع وليس بالتطنيش كما قالت بعض الاخوات
|
هلا ومرحبا بك اخي الكريم/ الوليدي
الأخت التي ذكرت التطنيش كان ردا منها على زميلتها كطريقة لتجاهل مشكلتها فبعض المشاكل التي يمر بها الإنسان في حياته اليومية ، قد يكون تجاهلها له دوره في التخفيف من شدتها. شكرا لإهتمامك مع أطيب تحياتي |
عزيزي / مشرفنا عثمان
مالحل إذا كنت تواجه بعض ممن حولك من أقارب وأصدقاء تواجه منهم غيره لسبب مـا ...؟ |
لو لم يكن في الإنسان شئ يميزه عن الآخرين لما حصلت الغيره .
وبالتالي لابد له أن يفرق بين من عرف انهم يغيرون منه ، فإن كانوا قريبين جداً منه ، فعليه كسر الحاجز بينه وبينهم ، من خلال تجاهل معرفته بغيرتهم منه ، ومحاولة التقرب اليهم اكثر بالتعامل الجيد حتى لايتولد لديهم مشاعر بأنه مغرور او متكبر عليهم . فقد يحتاج الأمر إلى النزول إلى مستواهم في التفكير والنظرة للآخرين ومحاولة توعيتهم بطريقة غير مباشرة ، بما ينتج عن سوء فهمهم لهم. اما ان كانوا بعيدين ولا يهمه امرهم ، فلا يعير الأمر اهتماما ، وكأنهم غير موجودين في حياته. |
[quote=الوليدي]المشاكل الاجتماعيه والنفسيه لابد من ايجادمستشارمتخصص لها لكي تعم الفائده للجميع وليس بالتطنيش كما قالت بعض الاخوات[/quote]
الوليدي ركز كويس بمشكلة الاخت الي انا رديت عليها باانها تطنش [quote]وش الحل اذا شفت الغلط قدامك ومابيدك انك تغيره الا بغلط ؟؟ هل تستمر ولا تطنش يعني هل احيانا نحتاج المشاكل لعلاج المشاكل ؟؟[/quote] ولو ركزت اكثر بتلاقي انها حاطه خياريين الا وهم هل تستمر وتتمشكل مع خلق الله او انها تطنش وتصير بحالها احسن طالما ماانغلط عليهاا بشي........ وبالتأكييد ان المشاكل الا وهي التصادم مع الناس يولد التعب والارهاق النفسي فا لهذا الحل انها تطنش طالما الغلط ما مس شخصها ولا اثر عليها بشي...... اتمنى تكون الفكرة وصلت كويس ولا فهمتها خطاأ |
شكرا لسعادة المشرف العام
سعادة المشرف لديه الاستعداد في المشاركه لتقديم الاستشارات الاجتماعيه والاسريه اذطلب مني ذلك مممممممممم ولكم تحياتي
|
الاخت مديره الشئون الاداريه
الهدف هو المصلحه العامه وارجو ان لا تفهمينني غلط وكما قال المثل اترك الخبز لخبازه ولواكل نصفه ------- ولكم اطيب تحياتي
|
طيب انا هاليومين احس بضيقة صدر موطبيعيه احاول ادخل للالعاب عشان انبسط بعد مافيه امل
ماراحت ضيقة الصدر حتى من زود ضيقة الصدر اللي فيني ما اقدر اصيح احس بشي ماسكني ما ادري وشو واذا جلست اقرا في بعض الكتب اللي عندي ما اقدر احس بشي مضيق صدري ولا ادري وشو احس بشي شين بيصير لي عاد والله اعلم <<<<<<< يمكن عشاني بداوم في مكان لحالي اول مره بدون احد اعرفه والمشكله احاول ادخل معهم ماش مو من طينتي احس فيه اختلاف بيني وبينهم سواء في الافكار او الشخصيات وما ادري والله يكون في عوني .................. سااااااااااااااااااااااااااااااااااااااااااااااااعدوني |
في موقع العمل ، نؤدي عملنا على أكمل وجه وطبقا لما نكلف به
والتعرف على الآخرين يتم تدريجيا ، فمن عرفنا بأن طيب نستمر معه ومن عرفنا عنه غير ذلك ، نطنش له. مع الأخذ في الإعتبار بعدم الخوض في الأمور العائلية او الشخصية ، فالصراحة والوضوح في مثل هذه المرحلة غير مناسبة. نحاول ان نظهر الإبتسامة ، ونتحكم في انفعالاتنا ، ونستحمل ما نلاقيه من شد ، فقد يحاولون تطفيش المدرسة المواطنة حتى تمشي ويحطون بدالها متعاقدة بنصف راتبها. اكتساب الخبرة ضرورة ، فهي تساعد على التسريع في التعيين في الوظيفة الحكومية. |
الاخت الفاضلة /ثار التميمية
السلام عليكم كما ذكر سعادة المشرف العام في رده على إستفسارك -- فإن الامر إذا وصل في حال تصحيح خطأ او رغبة في ازالة منكر الى حدوث خطأ اكبر او مفسدة اعظم او منكر اكبر فإن هذا يخرج عن دائرة الاستطاعة التي وردت في الحديث الذي اشار اليه المشرف وهنا وجب ترك الامر على حاله--- وكذلك من ناحية اخرى قال العلماء انه في حالة ازالة منكر ينتج عنه منكر اعظم وجب تركه لأن في هذا تجنبا لحدوث مفسدة اعظم --- هذا والله اعلم-----اسأل الله ان يفتح علينا فتوح العلم والفهم ولك اختي كل التقديررررررررر |
الدنيابخير
لم اشاهد اي عرض للمشاكل النفسيه والاجتماعيه والاسريه وهذا قد يكون ان الاعضاء يستحون من عرض مشاكلهم او ان الدنيا بخير ولايوجد مشاكل او خلافات حتي بين الاصدقاء --- نحن مستعدون للمشاركة في التشخيص والعلاج والتوجية والارشاد --اذا طلب مني ذلك وللجميع موفور الصحة والعافيه
|
الناس مع رمضان تربط شياطينهم
وحتى يعرفوا قيمة هذا الموضوع لابد من اعطائهم المعلومات جرعات وبشكل تشويقي بارك الله فيك يابو علي تحياتي الطيبة |
ههههههههههههههههه
الله يخليك لنا يامشرفنا ووالدنا الغالي ولا تستعجل على رزقك يا الوليدي ههههههههههه والله لو أحط لكم نص مشاكلي إن تتركون المنتدى كله وتقعدون تحلون فيها ههههههههههه بس في مشكلة إني بجلس أبكي وهذاني بكيت وما راح أقدر أكتب ولاحرف اااااااااااااه الواحد يقول بس متى تنتهي هالحياة ويرتاح بس |
لولا البكاء لأنفجر الإنسان
فالله سبحانه لم يخلق الدموع إلا للتخفيف مما نمر به من احزان. ولكن على الإنسان أن يحاول معرفة سبب الحزن ، ويشرك من يثق فيه على مواساته ، والتخفيف عنه ، سواءا وجه لوجه او من خلال رسالة خاصة يرسلها له ، فكلما ننفس عن احزاننا وهمومنا ، كلما تختفي. وسع الله صدرك وادخل البسمة والشعور بالرضاء على نفسك وابعد عنك الوسواس الخناس الذي لا يستريح حتى يرى المؤمن يعطي الأحزان والهموم أكبر من حجمها ، فيضحك الشيطان ويستأنس على رؤية دموع المؤمن ، لأنه استطاع أن يدخله في هذه الدوامة. تحياتي الطيبة |
رد على: مستشارك الشخصي والإجتماعي
[font=Monotype Koufi][color=#660000][size=5]
تسلم ابو عبدالله على الموضوع الحلو شمووووووووخ وش بلاك انتي تدرين والله عندي علاج لك راح تعافين منه بأذن الله وتراه مجرررررررررب والله الضيقه اللي تقولي هذي ما تخذ معك دقايق وراح كل شي ينعكس عندك تدري ايش العلاج شي بسيط خييتي وهو بدل ما توقتي الساعه عند راسك على الدوام لفيها شوي قبله على وقت صلاة الفجر وقومي وتعوذي من الشيطان وصلي الفجر واذا صليتي اقري الأذكار وارجعي نامي لحد وقت الدوام وراح تدعين لي بأذن الله وتشوفي تغيير كلي تحياتي لك اخوك سراب الراحل [/size][/color][/font] |
رد على: مستشارك الشخصي والإجتماعي
[COLOR="Purple"][SIZE="5"]سراب يا خوى الاستشارة من 2006:eek: :eek:
من قرابة سنه:cool: خلى بالك البنت تشافت ههههههههههههههههههههههههههههه:D :D صعبة المنال[/SIZE][/COLOR] |
رد على: مستشارك الشخصي والإجتماعي
شموخ احمدي الله على النعمة اللي انت فيها
اللي يشوف مصيبة غيرة تهون عليه مصيبته وضيقة الصدر لها سبب حاولي تذكري موقف او موضوع طرح قدامك او يمكن حالتك النفسية غير راضية عن واقعك (علاجها القناعة كنز لا يفنى) عندي هموم تهد الجبل والحمد لله بشهادة المقربين قادرة وقدها الانسان يبرمج نفسه على حسب امور حياتة يوم سعادة ويوم حزن ومثل ماتبي من الناس يبون منك وعلى قد تعاملكم لهم يعاملونك والتوكل على هو اكبر حل لمشاكلنا بمعنى اتباع العقل وتفكر بعواقب الامور الضيقة دائما تجي من شيء يستنكرة الشخص وغير راضي عنه ربي يوفقك ويبعد عنك الضيقة قولوا امين |
رد على: مستشارك الشخصي والإجتماعي
[QUOTE]يمثل خوف الأطفال من المدرسة إحدى المشكلات التي تشكل مصدراً من مصادر الضيق للأسرة 0 وعادة ما يأخذ هذا الخوف شكل التعبير عن الانزعاج الشديد والرعب ، والبكاء ، أو المغص المعوي ، والتمارض في صباح اليوم الدراسي ، والتوسل بالبقاء في المنزل وعدم الرغبة في الذهاب إلى المدرسة 0 وفي الغالب فإن مثل هذا الخوف يعتبر أمرا طبيعياً لان الطفل سوف ينتقل إلى بيئة اجتماعية جديدة بالنسبة له 0 ويحدث الخوف عند كثيرٍ من الأطفال ولكن الشيء غير الطبيعي هو استمرار هذا الخوف وتحوله إلى دافع لعدم ذهاب الطفل إلى المدرسة ،[/QUOTE]
عـــــــــــــــــــــــــــا نــــــيــت وكم عـــــــــــــــــانـــيــت من هذه المشكلة ومازلــــــــت أعــــــــانــــــــي بنتي الآن في المتوسط لكنها من كانت في التمهيدي وهي جايبة لي الصمرقع والهم والغم ماخليت شيء ماسويته لها ووديتها لطبيب نفسي في الصحة النفسية بالرياض وسوا لها إختبار وقال بنتكم هذي لعابة وكذابة وذكية جداً وعرفت تخليكم تصدقونها لكن أنا ما أقنعني كلامه كيف تقدر تخدعنا بالإستفراغ والإسهال ؟؟؟!!! ووصلت الصف الرابع إبتدائي وهي ماتطلع الصباح إلا ومعها كيس خاص للإستفراغ:( وأيام المدرسة بالليل ماتقدر تبلع لقمة العشاء مع إنها تتغدى عادي؟؟!! بالإضافة إنها تصحي في نص الليل تسألني بصوت يرتعد ممزوج بالخوف والهلع ماما بكرة بروح المدرسة:o وإذا قلت لها إيه فيه راحت تركض للحمام إسهال وإستفراغ وعلى هالحال 4 سنوات كاملة أما إذا ماكان فيه مدرسة عادي تروح وتجي وتاكل طبيعي مع إنها ترجع من المدرسة مبسوطة جداً وأنا كنت حاطتها عند مدرسة من معارفي عشان البنت تاخذ عليها بسرعة ولأن المدرسة صراحة لو أكتب في طيبها وأخلاقها وفهمها كتاب ما وفيتها حقها وهي بدورها تنقل لي تصرفات بنتي تقول لي إن بنتك إذا المسألة سواليف ولعب فهي طبيعية جداً بس من يوم نقولها يــــــــــا أنو-------------طلعي الكتاب تنقلب 360درجة وتقول أمي ماحطت كتابي في الشنطة وخذ من التحايل عشان ما تطلع الكتاب أو الدفتر والآن هي بالمتوسط ورافضة تروح المدرسة طيب ألحين كيف أصترف معها مع إني نقلتها لمدرسة أهلية عشان ما تقول مشددين علينا وووو--------------الخ من الأعذار ولا أتركها تعيد السنة بس والله حرام هي ناجحة الفصل الأول صح تقديرها جيد لأني حلفت إني ما أساعدها ولا بمادة خليتها تعتمجد على نفسها وفي الإمتحانات جبت لها مدرسة تساعدها لأني أنا عن نفسي حالفة ما أمسك لها كتاب شنهو الحــــــــــــــــــــــــــــل تكفون :( لأني شوي وأشق ثيابي منها |
رد على: مستشارك الشخصي والإجتماعي
كيف تقدر تخدعنا بالإستفراغ والإسهال ؟؟؟!!!
يبدو انه ما شرح لك ان هذا يتم بطريقة لاشعورية وليس بقصد منها ، لذلك رأينا حالات من العمى والشلل والإغماءه وكثير من الأمراض الجسدية ، التي لم تستجب للعلاج الطبي وشفيت بالعلاج النفسي ... فعندما تترسخ في العقل الباطن شئ معين ، ولنقل الخوف عندها نجد الحيل الدفاعية اللاشعورية تنشط عند ما يواجه الفرد بموقف يثير هذا الخوف المتوطن في العقل الباطن فنرى تصرفات على هيئة اعراض مرضية جسدية ، تشكل في مجموعها ما يسمى بالإضطرابات الجسمية الناتجة عن مشكلة نفسية (سيكوسوماتك) . كان يفترض ان يشوف البنت متخصص في العلاج النفسي ليدرس عقلها الباطن ويرى مصدرنشأة الخوف ، ويضع لها الخطة العلاجية المناسبة . يبدو انها تعرضت في ايامها الأولى للدراسة في التمهيدي لتجربة قاسية توطنت في العقل الباطن ، وبدأت تلقي بظلالها على شخصيتها حتى الآن. |
رد على: مستشارك الشخصي والإجتماعي
بالعكس هي كانت في مدارس من أروع وأجمل المدارس
وإدارة المدارس من أروع الإدارات التعليمية في حرصها على الطالبات من جميع النواحي البنت تعرضت معنا إحنا أنفسنا في حادثين مروريين خلال سنة واحدة الأول كان في بداية عامها الرابع والثاني كانت في نهاية عامها الرابع مع إننا طلعنا سالمين صح السيارات راحت للتشليح لكن دام سلم العود الحال تعود ولا حظت بعدها إنها تخاف من السرعة في السيارة خاصة لو تسبب ذلك في ميلانها من مكانها لما يكون اللي يسوق السيارة بيلف يمن أو يسار من ناحية إنها تعرضت لشيئ في المرحلة التمهيدية لا أذكر شيء سوى أنها أول يوم رحت معها وثاني بعد وهي تجلس مع المجموعة ومبسوطة وثالث يوم صارت تلفت علي تقول لي روحي إبعدي ؟؟!! إتركيني وروحي للبيت أنا بجلس هنا معهم لحالي تركتها رابع يوم والأيام الأولى كنت أركب معها بالباص عشان تتعود عليه لكنها اليوم الرابع يوم تركتها جتني مرعوبة وتبكي وتقول ما أبي الباص لأنه ما يوصلني لبيتنا شكلها شافت البنات ينزلون وبدأ يدب في نفسها الخوف مع إنهم معهم زوجة السائق في الباص ومشرفة خاصة أعتقد المهم أجرت لها شخص ثقة يوصلها مع أولاده وإرتحت طيب تنصحني أوديها لمختص ألحين والدراسة وش السواة معها؟؟ المشكلة الكبرى إني أنا المسؤلة لوحدي |
رد على: مستشارك الشخصي والإجتماعي
عاملين مهمين : الحادث
ثم ان شيئا ما حدث لها في الباص في اليوم الذي لم ترافقيها فيه قد لاتتذكر الآن ، والقول بأن السواق معه حرمته ، لايعني التسليم بالثقة ، ولا نستطيع القول ان ما حدث لها كان بسبب السواق هناك امر حصل وتجربة قاسية ، لاتزال تؤثر في شخصيتها. |
رد على: مستشارك الشخصي والإجتماعي
الأمر إللي حصل لها إنها الباص مر على بيتنا وما نزلها لأنه توه يتعرف على الكروكي وبيوت البنات والأولاد إللي معهم
وهي ألحين جالسة جنبي تقول كنها جارتي ههههههههههههه وسألتها للمرة الثانية وهل هي تتذكر وقالت إيه وقالت نفس الكلام إللي أنا كتبته لك أنه خافت إنه ما يوصلها للبيت خاصة إنه تعدى باب البيت وما نزلها راح ينزل بنات ثانين وهذي فعلا ً مشكلة إحنا أقرب بيت للمدرسة ومع ذلك لازم يمشي السواق على كروكي مرسوم له من قبل الإدارة عشان كذا أجرت لها شخص مؤتمن وثقة يوديها ويجيبها مع زوجته وأولاده لكن المشكلة كل ما قلت لها ألحين طيب إشتغلي\ بالبيت دام ماتبين تدرسين تقول تعبانة وأبي أنام وأسكت وإذا سمعت صوت التليفزيون طالع جت تركض ما أنشط منها ؟؟!!! وأوقات واااله أجبرها تشتغل لكن يا حسرتي مثل قلتها أروح وأجي وهي تغسل فنجال ولا إذا سلمتها حاجة وقلت رتبيها ورجعت لقيتها ماسكة لها أي شيء تتلهى فيه شلت عنها الألعاب وشلت التليفزيون فتلجأ للنوم والتميرض وياهي مريضة ولا تلب علينا المهم أنا أعصااااااااااااااااااابي تلفت منها على فكرة هي عمرها 12وزيادة كم شهر ألحين الساعة تقريباً 3 وهي مانامت وهي من اليوم الساعة تسع إذا قلت لها سوي كذا راحت لسريرها وقالت بنام لحد ماتشوفني سويت الشغل وترجع تفز كنها شيطان لافيها نوم ولاغيره أنا الآن أبي صرفة لها وللدراسة خلاص مابقى شيء اليوم قامت ولبست مريولها وخلاص وبعدين قالت لاْء لاء ما أبي أروح وخلعت ملابسها ورجعت ونامت |
رد على: مستشارك الشخصي والإجتماعي
"خافت إنه ما يوصلها للبيت خاصة إنه تعدى باب البيت وما نزلها "
هذا يعني ان هذه التجربة استنهضت او حركت تجربة مؤلمة سابقة مثل شئ حدث لها عندما ابتعدت عن البيت في وقت سابق ، لابد من معالج نفسي يستطيع ان يتحدث للعقل الباطن ، فيخرجها ، ويصحح مفهومه لها .. |
رد على: مستشارك الشخصي والإجتماعي
يعني هذا هو الحل
في رأيك لأنني يوم وديتها العالم لاموني وأولهم المدرسات مع إنهم حولوها لصعوبات التعلم عندهم في المدرسة وطلعت النتيجة البنت ممتازة في الكتابة والقرائة بس ماتبي تسوي شي لاتكتب و تقرأ ووديتها للوحدة الصحية المدرسية لما كانت في الإبتدائي وكان فيه أختصاصية عندهم وما أذكر نوع تخصصها ولما قلت لها إني بعرضها على طبيب نفسي ولا شوف شو ينصحني قالت لي لالالالالا إنتبهي بيعطيك علاج وهذي صغيرة ممكن تغلبين على مشكلتها بسهولة وتعرف بما إنهم أصحاب تخصص أبوها قال لا أنتي مو أفهم منهم ومشكلتنا حتى المختصين عندنا كل واحد له توجه معين مختلف عن الآخر والواحد يضيع راسه بينهم يعني يمديني ألحق وننقذ ما يمكن إنقاذه؟ |
رد على: مستشارك الشخصي والإجتماعي
أسفة على الإزعاج مستشاري الغالي
لكن هذا غيض من فيض من ما أعانيه من مشاكل ولك مني جزيل الشكر والعرفان على صبرك علي وتجاوبك معي تمنياتي لك بالتوفيق والسداد وأن ترفل بثوب الصحة وتاج العافية |
رد على: مستشارك الشخصي والإجتماعي
يعني على هالحال انتي تعترفين بأنك اللي تبين علاج
كل عليه من زمانه واكف ، ولكن نتعلم من بعضنا كيف نواجه ما نمر به من مشاكل . |
رد على: مستشارك الشخصي والإجتماعي
[QUOTE=الطائر المهاجر]يعني على هالحال انتي تعترفين بأنك اللي تبين علاج
كل عليه من زمانه واكف ، ولكن نتعلم من بعضنا كيف نواجه ما نمر به من مشاكل .[/QUOTE] هههههههههههههههههههه مشرفنا الغالي أنا ماعندي مشكلة أواجه كل شيء وأصبر لكن هذا يتعلق بمستقبلها ولا غيره صبرنا وأمرنا لله من ظلم وظيم من جميع المقربين والبعيدين وما دمت واثقة من نفسي ما همني أحد لكن هذي بنتي وأبيها تطلع أحسن وحدة وما أبي أحس إني قصرت ولا تكاسلت عن شيء ممكن ينفعها مشكوووووووووووور و ما قصرت والدنا العزيز :) أقلقتك بمشكلتي وأنا قلت لك لو بجلس\كل مشكلة أكتبها في هذا القسم عز الله بتتركون المنتدى وتجلسون تحلون فيها وسوف يعييكم حلها :o تحياتي الطيبة وتصبحون على خير |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة