ثلاثية الشنطة
 

[align=center][size=5]
بعد التحيه ...

كانت بداية القصه في مطار الدوحه

وفي صالة الانتظار تحديدا ..

وإليكم أول الفصول ...


[color=#8B0000][size=7]ثلاثية الشنطة[/size][/color]



[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت يومن طارت الحلوه خطفها ارهابي=لاجل ماعرف يابو تركي بالخبر وجهتها
في مطار الدوحه اول قصتي وياها=عند كرسيي تبسم ناسيه شنطتها
يابوتركي شي مايوصف بعيني شفته=يابوتركي ما اتخيّل مستوى روعتها
راحت ومالله امرني أبتسم واسألها=ماعرفت لوين كانت ناويه رحلتها
دوّختني ومن هكالساعه وانا متلعوز=جننتني يابوتركي تنقطع ساعتها
من هكالساعه وانا صاير كما الرحاله=كل ديره جيتها ويلي على شوفتها
بس انقل من مطار ليا مطار ارحالي=كل من شفته سألته ماعرف حضرتها
يابو تركي عنك الموضوع ماهو خافي=والحقيقه مادري لوهي ديرتي ديرتها
شف جوازي خلّص وناطر على تجديده=والتذاكر شفتها ما تنتهي مدتها
يابو تركي كان عندك حل للي حاصل=وانت من ناسن عزيزه تنعشك فزعتها
طالبك تكفى أبي روحي معاها روحي=روحي اللي روّحت يومن خذت شنطتها[/poem]






وبعد مرور سنه

تستمر مناشدتي للدكتور ابراهيم ( ابو تركي )

وتستمر الحكايه ..



[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابو تركي لي سنه والخبر متخفي=صاحبتنا بالمطار اللي ذكرت اشحلّها
مشكله كلن يصير بحالتي متشفي=سيره الشنطه عسى لاعاد طارين لها
نارها من عام طول العام عيّت تطفي =جو حر وزاد حر الجو من نارن لها
دوختي طول السنه لعيونها ماتكفي=يوم أدّور في ديار الله يامن دلها
يابو تركي وانت دكتور وصداعي نصفي=ماتفيد احبوبك اللي جبت في طبنلها
يابو تركي كان غيرك واقفن في صفي=صف ربعك واطلب اخوانك ابي علمن لها
سم دربك وانت عرفك يختلف عن عرفي=يمكن انك تهتدي ياخوك لديارن لها
واشرط لمنهو معك ماتشتهي وموفّي=كلمتك عطها وغبطها وانا ظامنلها
بس جبلي علم عنها ياعساها تلفي=ياعشيري فزعتك خابرك انا قدنلها
قصتي طالت وحلمي في لقاها هفي=مادري ليه السيره اللي طولت ماملها
شف قصيدي عن سواها داله ومتعفي=كل فكره في خيالي تستوي قافن لها
عقدة الشنطه سطتبي والغلا ماخفي=لارجع يوم المطار ولارجع عذرن لها
يابو تركي خافي المكنون بين ضعفي=من ورى الشنطه همومي يوم اجيك افلها
باطلب الله والسنه عدت علي المتخفي=والقضيه لوشكيت الحال ربي يحلها[/poem]





واخر الفصول


أما بعد ...



[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دكتور ذبح المشاعر صار حّلالي=ماعاد تنفع سوالف ضاع معناها
ثالث سنه قصة الشنطه على بالي=ماهملت خاطري ياخوك ذكراها
مافاد بالمسأله حلي وترحالي=لا واهني القمر بالخير مساها
دكتور ثالث سنه والحال منحالي=تطري عليّه ولا ادري اشلون ابنساها
حلمي كثر ماطلبته ماتهيالي=أطرد سراب الأمل متشفق لماها
دكتور بالنفس حره بيّدت حالي=طول الأمل دهور أفكاري وعناها
عندك خبر في عشيرك حب ماطالي=والنفس ماحصلت ياخوك مشهاها
ماعاد قلبي خضر والحق ينقالي=ماعدت اشوف الحلا في شخص إلاهــا
حبن دمرني ودمّرني ولازالي=والمسأله طالت ولازم تولاها
ماقلت لك دبر الحيله وباحتالي=ماقلت لك يابوتركي عطني ادواها
شف مرقدي يشتكي من طول الاهمالي=ياليت طول السهر ينفع بدعواها
لابد مانسى القضيه اول وتالي=لابد الايام تسعفني بسلواها
ذبح المشاعر قدر محتوم يالغالي=دكتور وهذي نهاياتي ومبداها[/poem]


وسلامتكم
واسف على الاطاله

ــــــــ[/size][/align]

رد: ثلاثية الشنطة
 

[B][COLOR="Blue"]ليت يومن طارت الحلوه خطفها ارهابي
000000000000000لاجل ماعرف يابو تركي بالخبر وجهتها

اعجبتني القصائد جميعها

بس هذا غير

ارهابي مره وحد يايوسف

حسبي الله على شيطانك

صح لسانك وبيض الله وجهك

دمت بخير[/COLOR][/B]

رد: ثلاثية الشنطة
 

[QUOTE=ابومياس;428421][B][COLOR="Blue"]ليت يومن طارت الحلوه خطفها ارهابي
000000000000000لاجل ماعرف يابو تركي بالخبر وجهتها

اعجبتني القصائد جميعها

بس هذا غير

ارهابي مره وحد يايوسف

حسبي الله على شيطانك

صح لسانك وبيض الله وجهك

دمت بخير[/COLOR][/B][/QUOTE]

تسلم يابو مياس

يقولون من الحب ماقتل

واشوا اللي صارت على ارهابي مهو ازود





تسلم يالامير
وسعدت بحضورك الرائع

رد: ثلاثية الشنطة
 

[size=5][color=#000066]يوسف الشقران

صح الله لسانك- مشاعر رائعه- همس بوح

يأسر الذائقه -لمسات من الوفاء هي رمزية

تتألق بجل معانيك-

وافر تقديري

[/color][/size]

رد: ثلاثية الشنطة
 

العزيز الموقر يوسف الشقران سلمه الله


والله انا اخالفك الراي انا اقول ليت اللي خطفها ارهابي

كان والله لترتاح واتعرف مكانها من الانباء حول الاختطاف عاد وانت وحظك يمكن يفجرها

والياس بالدنيا حدا الراحتيني

اههههههههه


ماقول الا صح الساااااااااااااااااانك يايوسف
وبيض الله وجهك

والله استمتعنا بكل الفصوووووووووول والف صح السانك


هذه تحياتي
مع اسمى ايات الشكر والامتنان فائق الاحترام واطيب المنى رعاك الاله

رد: ثلاثية الشنطة
 

يوسف الشقران صح السانك ,,,
والله يعينك معاناه طويله وشاقه
ترجمتها بقصائد جميله ورائعه ,,,
لاهنت يالغالي ,,,تحياتي وتقديري ,,,

رد: ثلاثية الشنطة
 

يوسف الشقران

صح لسانك وفكرك

شنطه طيبه تلك التي استنفرت مشاعرك

شكرا لاتحافنا ياشاعر

لاهنت

فائق الاحترام

رد: ثلاثية الشنطة
 

أخي يوسف فعلا ً أصابتك بمقبل


الله يلوم اللي يلومك


عموما ً صح لسانك يامبدع


تقديريوودي


:::أبوابراهيم:::

رد: ثلاثية الشنطة
 

الاخ الفاضل / يوسف الشقران
صح لسانك وعلى شانك
تقبل تحياتي

رد: ثلاثية الشنطة
 

[COLOR="Indigo"]ليت يومن طارت الحلوه خطفها ارهابي=لاجل ماعرف يابو تركي بالخبر وجهتها
في مطار الدوحه اول قصتـي وياهـا=عند كرسيي تبسـم ناسيـه شنطتهـا [/COLOR]
الشقران
صح السانك والله يعينك
لعلي اكون الأرهابي الذي يخطفها والله غير اشوفك ادبحك يابيه
ههههههههههههههههههههههه
لله در روحك المره دائما
شكرا لك ولاهنت عيني