منتديات الفطاحله - فرخ (ن) وحش متميز (ن) بالنداره

[center][b][size="6"][color="darkred"]هذي قصيدة عياده نومان الثابتي الشمري
وتليها ابيات كتبنها مجارتاً له .
ارجو ان تحوز على رضاكم [/color][/size][/b][/center]
[poem=font=",7,darkred,bold,normal" bkcolor="darkred" bkimage="http://www.fatahilah.com/mwaextraedit2/backgrounds/20.gif" border="solid,8,darkred" type=0 line=0 align=center use=ex num="0,black""]

لا والله ألي قربـت طلعـت سهيـل = وفزه قلوب اهل الولـع والصقـاره
قفي سموم القيض واقبل رجى السيل = الله يعوضنـا المطـر عـن غبـاره
وشوف كن الجو بيـرد لجـا الليـل = وليا الضحى والجـو مابـه حـراره
ولقيت في بعض الغصـون البلابيـل = ندر عبور(ن) نازحـه عـن ديـاره
واشتقت للممشـى ومـد الدرابيـل = امـا يميـن المالحـه او يـسـاره
يعـل تسيقهـا الخيـال المقابـيـل = تسقي القاع الواطيـه مـع فقـاره
وعقب المحل تبقي فياضه تقل نيـل = ماينفـرق زرق الزهـور وخضـاره
دارن بها ذكـر الرجـال المشاكيـل = حقـه علـي لغيـر اجيلـه زيـاره
لو اترك اشغالي وبعض المحاصيـل = ويازيـن بنـي إخيامهـا بالزبـاره
وتنزيله العزبـه وصـف المعاميـل = والمشي مع خطلان الأيدي إتجـاره
ربعن نقو مابـه إعفـون ومهابيـل = وأرداهم أللـي مايهـاب الخسـاره
نبي على العـاده ضحـوك وتعاليـل = ونفرش ابسـاط الأحمـدي للعيـاره
ناخذ بها عن رجه المـدن تعسيـل = وحنـا بـدو يامهتويـن الحضـاره
وضحت معناها لبعـض الرجاجيـل = والحـر يفهـم مقصـدي بالاشـاره
هذا هواي وكل نفسـن لهـا ميـل = ولكل شخص (ن) راضي (ن) بختياره
تمت وصلـوا عـد وبـل الهماليـل = على الرسول ومن سكن فـي جـواره

[/poem][center][b][size="6"][color="darkred"]وهذي مجاراتي لقصيده [/color][/size][/b][/center]

[poem=font=",7,darkred,bold,normal" bkcolor="darkred" bkimage="http://www.fatahilah.com/mwaextraedit2/backgrounds/20.gif" border="solid,8,darkred" type=0 line=0 align=center use=ex num="0,black""]
يالله يالمعبود ياعادل الميل = ومحيي إعظام (ن) باليه بندثاره
تعينني يالله أنشد على إيل = وإختامها تصبح على قاف آره
ابوزياد القرم جتنى المراسيل = قافك جميل وحابكه بالشطاره
خذ جاك كل القاف مزح وتهاويل = وعلوم رجل (ن) مهتوي للصقاره
أثريك مثلي يوم أشكي البهاذيل = فرحان في نجم (ن) سطع في مساره
فرحان في نجم (ن)ويظهر بتأويل = كل البدو عرفوه وأهل الحضاره
هذاك يأهل العرف هو نجمة سهيل = يامهتوين الصيد هذي الإشاره
تبرد به الأجواء في تالي الليل = ووقت الضحى ياخوك مابه حراره
عياده يابن نومان ذيب الرجاجيل = قم ناخذ العزبه وننفض إغباره
انجهز العزبه وكل المعاميل = وتربيطنا للجيب مابه خساره
نشري شبكنا والشرك والمحابيل = وناخذ حمام (ن) مهتوي للطياره
نبي ديار الكيف دار المشاكيل = إما يمين المحاله آو يساره
دارن سقها الله من وافر السيل = يروي القاع اليابسه مع فقاره
ناخذ بها سجه ودوجه وتجويل = نبي طيور (ن) نادره أو إحباره
نمسح سهلها بعد الدرابيل = وإعيوننا تاخذ مع الجو غاره
ذكرتني ياخوك ذيك التعاليل = مع رجال (ن) معرفتهم إتجاره
فلاح ويا خليف ذربين بالحيل = وابو حمد لاهان كله نماره
لافي مع حماد وسعدون لاقيل = نعم (ن) به ونعمين هو ريف جاره
يازين جمعتنا لياجات بالليل = والأحمدي مفروش ضحك وعياره
وفنجال كايف وبهاره الهيل = من دلة (ن) صفرا على جال ناره
يالله منشي سحاب (ن) هماليل = يارازق (ن) داب عمى في مغاره
اسألك انا طير (ن) على الكف ماشيل = فرخ (ن) وحش متميز (ن) بالنداره
نادر ووافي كامل (ن) بالتماثيل = منشاه فارس ماكرن له وداره
تمت وصلوا عد ماحج من جيل = على النبي ومن يقتدي في أثآر [/poem]

[center][size="7"][color="darkred"]كلمات / محمد مطر هزاع المطرفي[/color][/size][/center]