بعض قصائد الامير زيد الخشيم امير قفار
 

[size=5][font=Courier New]السلام عليكم ورحمة الله وبركاته ...

زيد الخشيم أمير الخشيمات من بني خالد وأمير قفار التي تبعد عن

وسط مدينة حائل 14 كم ناحية الجنوب والآن وصلها العمران ...

سأنشر ماوصلنا من قصائد للأمير زيد على قلتها ولكن هذا ماحفظ

منها ومابين أيدينا اليوم ... كان رحمه الله تعالى أميراً على قفار حتى توفاه الله عام 1290 هـ ...


( 1 )[/font][/size]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاضاق صدري قمت اسوي من الكيف=فنجـال بــن مايغـبّـب سريـبـه
بكر على بكـر عـذي مـن العيـف=يطري على إن نـام خطـو الزريبـه
وليـا صبـه لَكـنّ لونـه الياشيـف=سلك الحريـر إلـى تمهـل صبيبـه
صبـه لممـرور براسـه زعانيـف=اللـي إلـى شبـت يصالـي لهيبـه
ويثني عن الربع المقفيـن بالسيـف=لاصـار فـي تـال التفافيـق ريبـه
وفينا محازمنـا إسـوات الكرانيـف=ومعنـا خطـاة ملظّـب ٍ لاح شيبـه
لعيون غيد شر ّكـت تنثـر الليـف=اللـي شكـا وارد قناهـا عسيـبـه
بغربي قفـار كنهـا مزنـة الصيـف=شرق ٍعن البطحـا بجـازع شعيبـه
اللـي نماهـا للمساييـر والضيـف=يـوم ولـد النـذل حـارب قريـبـه
صرنـا لعـدلات المناظـر كلاليـف=ننجش لهم ملح الشفـا كـل غيبـه [/poem]

[size=5][font=Courier New]وإلى اللقاء مع القصيده القادمه إن شاءلله ...[/font].[/size]

رد: بعض قصائد الامير زيد الخشيم امير قفار
 

[size=5][font=Courier New]( 2 )[/font][/size]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياديرتي سمـر الغرايـب قبالـه=بشرقي أجا يازين زمة حيـوره*
يازين ميوتهـا* وبـارد ضلالـه=كنه من الجنـه تطاهـا نهـوره
لكـن لجـات العساكـر محالـه=أو محمل الشامي تطابل زمـوره
من فوق دفاسـه تعـادي محالـه=وماء يحدره الوالي من وعـوره
حزة طلوع سهيل ياما عنـا لـه=من البدو زافات تطابل سفوره *
لو جمعت كل البـوادي رحالـه=أقفت من الهطالي تناضح سيوره
خطو الوديه شلتـه مـن هبالـه=بوع الى أصفرات مثاني عـذوره
بالسيف حامينـه بواتـع رجالـه=من كل طماع يبي من عشوره *
ماساقت الخاوه لحـي عنـا لـه=ولاظنتي تاخي في توالي عصوره
الله يثبـت بالمـعـزه رجـالـه=مابية عـن ميـل حكمـه وزوره
للغرس ندني من ضرايب جمالـه=حيل قنت غالي الشحم في ظهوره
تجـذب دلـي مبهمـات حبالـه=من فوق مطوي تساعـل بكـوره
يزوغ عقل اللي مشـى بالعمالـه=يزوغ عقله يوم ينهض بصـوره [/poem]
[size=5]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بالسيف حامينـه بواتـع رجالـه=من كل طماع يبي من عشوره *
ماساقت الخاوه لحـي عنـا لـه=ولاظنتي تاخي في توالي عصوره [/poem]



[font=Courier New]


يقول الأديب سعد الخلف العفنان التميمي :

هذان البيتان لايعادلهما فيما إطلعت عليه أو وصل إلى أسماعي

من أشعار نجديه على مدى القرون الماضيه إلا بيت واحد

لمحمد أبو دباس وهو يخاطب إبنه حيث قال :

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يادباس مايصبر على البق والحاس=إلا الـذي مالـه بنجـد عشيـره [/poem]

فالتعبير في هاتين الحالتين هو تعبير عن مكمن عزة حقيقي يشمل الجميع بحيث

لايتأتى لأي فرد أو جماعه كائنين من كانوا أن يتجاهلوه أو يتعالوا

عليه أو يدّعوا الأحقية دونه ... أ هـ


* حيوره : جمع حير وهو البستان .

*ميوتها : فاكهتها .

* يقصد هنا توافد الباديه عند طلوع سهيل لشراء مايلزمهم من التمر .

* عشوره : وهي العشر 10 % يأخذها الحاكم من الفلاحين وهي غير الزكاة .[/font][/size]

رد: بعض قصائد الامير زيد الخشيم امير قفار
 

[size=5][font=Courier New]( 3 )[/font]
[font=Courier New]كان الأمير زيد الخشيم رحمه الله متأثراً و

مؤثراً في الأحداث من حوله ويتضح ذلك من قصيدته هذه التي يخاطب

فيها الإمام فيصل بن تركي آل سعود .[/font] [/size]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رجلي تسوج وشف بالـي يقـوده=والرجل ساجت ولاأدري وش بلاها
إمام ابا اللي قلت لـك وش ردوده=صدر المغيره ضيقن مـن بطاهـا
يامعطي سـرده وجـرده وقـوده=وخيـل ترمـي بالجرايـد حذاهـا
طالبك تجبر خاطري مـن وجـوده=وتجللـن بإتبـاع نفسـي هواهـا
لـي ميمـر عيـا لسانـي يعـوده=من كثـر ماجيتـه لشـي عطاهـا
نجد كما الصيوان وأنتـم عمـوده=ولا تستقيـم إلا بشعلـة غمـاهـا [/poem]

رد: بعض قصائد الامير زيد الخشيم امير قفار
 

([size=5] 4 )
[font=Courier New]


عندما أصبح زيد أميراً على قفار أنشأ بغربها محلة

سماها ( الفرعه ) فبنى فيها قصره وزرع هو وجماعته

الفرعه وفي هذا المقام قال هذه القصيده ..[/font].[/size]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

سميت وأركبت المحاله على البير=مافوقـي إلانايفـات الهيافـي *
نبـي بنـوّ الله نقـدّه دعاثـيـر=غرس يصافحن أولاتـه صيافـي
الحاملات المسعـدات المباكيـر=فج الفروع مصطحات الخوافـي
تسابقن ّمـن القـراح الجماميـر=لامزقّن الطلـع مثـل الضلافـي
نبي نحط مربعات بـه مقاصيـر=نخاف من بعد السكون إختلافي [/poem]
[size=5][font=Courier New]* مافوقي أي ليس هناك من كان مرتفع عن ديرتي إلا

نايفات الهيافي يقصد بها جبال أجا وقصده إنه ليس هناك

من مزارع غرباً مني من الممكن أن يستأثروا بالماء الجوفي

عنا لاسيما وحركة المياه الجوفيه في منطقته تسير من

الغرب إلى الشرق ...[/font][/size]

رد: بعض قصائد الامير زيد الخشيم امير قفار
 

[size=5]( 5 )[/size][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قال الـذي مادمـر القيـل تدميـر=شطر(ن) بتركيب الغرايب ليا جاب
هاضن وفاضن مثل ورد على بيـر=متعمدات(ن) مارد(ن) عقب معزاب
يابو حسين أبلغ بيوت(ن) محاضير=ياميرنا يازين فرطـك للأذنـاب *
بضروس أقوى من حدود المناشير=تعلمن لقم الشحـم عقـب ماشـاب
ياميرنا ياصطـام وجـه المناعيـر=يامكثرّ(ن) بالهقم تقطيع الأرقـاب*
قولك وهرجاتك وخرط على الكير=تقول انا أبطش بالمعادي ولا أهاب*
أودعت روحك لاعرار ولاعميـر=وأسدّ من عمرو وأبا زيـد وذيـاب
ماتنطح العايل وعـن نيـة الخيـر=أبعد من الطايف عن الجدي لاغاب
حنا نخبرك قبل تنصب لنـا أميـر=مع الدجاج تسرّح الصبح وتجـاب [/poem]

رد: بعض قصائد الامير زيد الخشيم امير قفار
 

[size=5][font=Courier New]( 6 )



وجه زيد الخشيم هذه القصيده للأمير طلال بن عبدالله الرشيد

يعاتبه فيها ويذكره بما له من أفعال سابقه مع آل رشيد ووقوفه معهم إبان محاولات عبدالله

العلي الرشيد الإستيلاء على السلطه من الحاكم الذي قبله إبن علي وعبدالله

والد طلال هو مؤسس أمارة آل رشيد ... كما يذكّر طلال إن الحيطه والحذر إذا لم

يكون هناك نفع وتمكين من الله ...[/font][/size]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ناشي منك يافرز الأبطال شابـور=ردنية سمه علـى العظـم جايـر
أحسب زلاتي ولو كلهـن عـور=ماتظهرونـه للـعـدا بالفشـايـر
لا عاد ما أنا محدث عنكـم زور=عن الناس تبدونها لـي بالسرايـر
من تالي عندك نصيبـي بحـادور=ومن أول ياعرب الأجـداد ثايـر
يالضيغمي الراي ساقن بلا شـور=معكم ولاحسّبت أنا ويش صايـر
تراني أنا معكم إلى نفخة الصور=وإنشد عبيـد يـوم كـل يخايـر
رجل برجل وقاصر الزند مقصور=وحنا بزمرتكم لخفـي المصايـر
دنياك للقت لك الوجـه بسـرور=شينه يزين ولو عميـنّ البصايـر
وليا أدبرت ماقادها الراي والشور=ولو ملّيت من الحرس كل عايـر
وليا قدّر الله ماجلا عنه محـذور=الهـم زود ومابغـى الله صايـر [/poem]

رد: بعض قصائد الامير زيد الخشيم امير قفار
 

[size=5][font=Courier New]( 7 )

قال زيد هذه القصيده عندما توفيت زوجته وهي في عز

شبابها بسبب لدغة ثعبان فحزن عليها ورثاها بهذه

القصيده وإن كان يرى البعض إن القصيده أطول مما هو

مثبت هنا ... وفي حال حصولنا عليها كامله سنقوم بنشرها[/font]
[/size]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقبر ماتنباج عن غـض الأنهـاد=نشوف اللي عن شوف حي سلانى
لا واهني مـن علله يابـن حمـاد=تهلي وترحب وانا أسمع بأذانـي
لاشـك اللـي تمنيـت مايـعـاد=ولا تنكس الدنيا عن الضيم ثانـي
ياعين لو صحتي ونحتي بالإجهاد=للحشر ما وضّاح الانيـاب دانـي
يارب تجعلني الـى جيـت وفـاد=على مانحب إنك عليـه تهدانـي
عليت ياللى يالحشا طـق الأوتـاد=بالجنة العليا عسـى لـك مكانـي
نزه عـن الأدنـاس ماجـاه نقـاد=يانافـل جيلـه بكـل المعـانـي
ماقط يخبر زين مزمـوم الأنهـاد=لاباول الدنيـا ولاآخـر زمانـي [/poem]

رد: بعض قصائد الامير زيد الخشيم امير قفا
 

السلام عليكم ...
مشكور على هالنقل الطيب بس ماعندك علم عن الخوير أمراء قفار واعتقد ان لهم جد اسمه زيد وراعي قصيد .. ولايزال الخوير هو راعي قفار فليت .. توضح لي هالمعلومه اذا ماعليك كلافه
وشكرا لك

رد: بعض قصائد الامير زيد الخشيم امير قفا
 

شكرا للمجهود الطيب ابو حمد

نقل رائع لشاعر مبدع

لاهنت

تقبل مروري وودي

رد: بعض قصائد الامير زيد الخشيم امير قفا
 

يعطيك العااافية

لا بد من عودة للقمم
صعوووووووب