خذ وخل... كل واحد يشارك بما لديه
 

يقال ان الطامي جمع اولاده واحفاده وبدا يقص عليهم بطولاته ايام الشباب
يقول مرة كنت في الربع الخالي وطلع علي 10 حرامية كل واحد طوله مترين وعرضه متر
ومع كل واحد خنجر وهاجموني وانا اللي العب فيهم بالكراتيه والجودو الين سدحتهم كلهم وربطتهم واخذت كل اللي معهم ورحت وخليتهم ,,,قال واحد من احفاده .. ياجدو
اثاريك تعرف الجودو والكراتيه قال ايه علمتني اياه حرمة تايلنديه سبق ان تزوجتها وكانت تدبغني الين تعلمت وبديت ادبغها

رد: خذ وخل
 

الله اكبر عليك يادكتور
لسسسه ماعرفت شي
سدحتهم وبس الا نتقتهم
ههههههههههههههههههههههه
ياوله شي ينترقع وشي ماينترقع

رد: خذ وخل
 

ههههههههههههههههه
ماهو هين الطامي يسويها وهو مغمض

رد: خذ وخل
 

ههههههههههه اثاريه حق تايلند

رد: خذ وخل
 

في سنة من السنين زرت قريه هنديه ويوم جيت وسط المدينةوالا الناس محتشدين حوالي 2000 شخص وفي الوسط رافعين هكالرجال فوق اكتافهم ويرددون اهازيج بصوت عالي لم افهم معناها
قربت الين وصلت وشفت اللي شايلينه واطالع فيه ماهو غريب علي وادقق في وجهه واثاريه داعي الشوق ..قلت ياسعود وش جابك ، قال القراده ، جاي ابخطب وحده مزيونه مراسلتني بالواتس اب
ومن يوم دخلت القريه ومثل ما تشوف يعتقدون اني الممثل الهندي اميتاب واحاول اقنعهم وما فهموا لي
قلت واهنيالك طب واختر من البنات الزينات واستمر على انك اميتاب

رد: خذ وخل
 

ههههههههههههههههههه
واضح الشبه بين سعود العتيبي والممثل الهندي

رد: خذ وخل
 

هههههههههه وان بغيتهم يغزون ما يقصرون ترا

.. وانت وش وداك هناك يالعود اللكيع

.. مامنك فكه

رد: خذ وخل
 

سمعت عن قرية في الصعيد اهلها ما يعرفون اية وسائل حديثه من سيارات او سياكل او تلفزيون او غيرها ، قلت ابروح اشوف هالقريه ، ويوم وصلتها لاحظت الناس يناحشون من قدام السيارة ، قلت لراع السياره خلاص شكرا ارجع لديرتك ، بديت اتمشى في القريه والاحظ ان فيه بيت الناس زحمه عليه ، قلت ابشوف وش الحاصل ، دخلت البيت واثاري في صاله كبيرة وناس واجد اللي جالس واللي واقف وفي صدر الصالة مكان مرتفع شوي وعليه كرسي كبير يجلس عليه واحد والناس ماشية طابور له كل واحد ياقف عنده شوي وبعدين يروح ، سألت واحد وش الموضوع ، قال هذا من احفاد توت عنخ آمون عاد للحياة ونذر نفسه لمعالجة المرضى تعال شوف وش يسوي ، بدينا نطالع
جاه هكالرجال ووجه مايل عنده اباالوجيه قام وصك بهكالكف اللي خلى وجه يعتدل وراح يركض من الفرحه ، شوي وجاه رجال يادوب يمشي من ظهره اللي متقوس ، قام ولبه بذيك العجرا مع ظهره
واعتدل الظهر وراح يركض من الفرحه ، جته هكالحرمه وقالت له انا تزوجت 3 ومافيه انجاب ، قال اصبري اكلم الرب ، وبالفعل ياخذ سماعة التلفون ويبدا بالكلام بعدها حط السماعه وقال لها علاجك
قعس كبير(نملة كبيرة) تحمسينه مع القهوة وتقهوين منه 3 ايام ، من صوته كني اعرفه لازم اشوف لي طريقه اقرب منه ، بالفعل رحت عنده وقلت له انا عندي ديسك وش العلاج ، قال اقرب قربت
قال بيني وبينه عرفتني قلت مشبه على الصوت قال انا منيع ، جاي هنا اترزق الله بعد التقاعد وضياع سنين في الوظيفه على الخالي ، هالحين عندي قصر وطياره وخدم وحشم ، قلت كفو ووين القصر والطياره قال في سويسرا اجي مره بالاسبوع للقريه واحصل الناس ينتظروني يتبركون بي واعالج مرضاهم

رد: خذ وخل
 

ههههههههههههههه
عندك خيال خصب يادكتور ليتك توظفه في تأليف روايات ومسلسلات لبعض التلفزيونات حرام تدفن هذا الفكر بالفطاحلة فقط والله يعين [color="red"]بنت النور[/color] في السنيارو الجاي

رد: خذ وخل
 

قبل كم سنه قررت اني اروح لليابان ولكن على ظهر سفينه وببلاش
لقيت اعلان من شركة سفن تجاريه تبي قهوجي للسفينه طوكيو ام ، بالفعل حصلت على الوظيفه وبديت اشتغل معهم وابحرت السفينه من الدمام متجهه لليابان وفي وسط المحيط جانا موج عالي وقوي وعواصف شديده قلبت السفينه وتطايرنافي البحر
والله وابدا اسبح يمكن لمدة ساعه الين تعبت واشرفت على الغرق ويطلع لي هكالحوت
الضخم قال يلزم خدمه قلت له لو تكرمت توصلني لأقرب جزيرة قال اركب والله وامتطي صهوة الحوت وينطلق بي لمدة ساعتين الين وصلنا هكالجزيرة قال طب ترى اهلها طيبين
وبامان الله ، نزلت وبديت امشي على الشاطي الا وما ادري إلا وثلاثة فرسان ملثمين ما غير عيونهم تزاغر ، تقدم واحد وقال على وين يا اخ ، ومن الصوت عرفت انه صوت بنت ، قلت يابنتي شايب ساقته الاقدار لكم وهذي قصتي ، قالت تعال معنا وياخذوني لقصر الملكه حقتهم ، وادخل والا هكا الحرس والخدم والحشم كلهم بنات لاكن متنقبات ، شوي إلا ووحدة اقتربت مني وقال من انت ، قلت انا الطائر المهاجر ، قالت ما غيره راعي الفطاحله ، قالت ابشر بسعدك انا بنت النور ملكة هالجزيرة، قلت ونعم ، والله ويكرموني
وبدوا يستشيروني في بعض الأمور قالت الملكه عندنا مشكلة العدو دايم يهاجمنا بطياراته ولا عندنا صواريخ تسقطها ، قلت الحل بسيط ، عندكم قواطي صلصه قالت بالكراتين قلت جهزوا لي عشرين قوطي فاضيه ، وجيبوا لي شروخ (طرطعان) واوريكم وشلون تسقطون طائرات العدو ، بالفعل جهزوا العدة ويوم اقبلت طيارة للعدو ، قلت هالحين اخفسوا كل قوطي حطوا كل شرخ في قوطي بحيث فتيله الشرخ تطلع من الخفس حق القوطي والله ويبدوا يولعون في الفتيل حق الشروخ وتنطلق القواطي مثل الصواريخ وتسقط الطياره وكل ما جاء للعدو من طيارة اطلقوا عليها القوطي وطرحها
ويتشكرون مني ولا قصروا ، قلت طيب ابرجع لديرتي ، قالوا ابشر ، ويجيبون لي هكالبعير المجنح ، قالوا اركب هذا يوديك للرياض ، والله وبالفعل يمكن عشر دقايق الا وانا في بيتنا بالرياض وارجع البعير وعليه حمولة جح سيدلان كرمز لشكري لهن