معانات فتاة !!!!!
 

[CENTER]--------------------------------------------------------------------------------
بسم الله الرحمن الرحيم

هذه القصيدة قلتها على لسان فتاة تعاني من تعسر والدها في عدم تزويجها فقد كنت استمع إلى المذياع وكانت قصة تحكي جشع وطمع ذلك الوالد وكان همه المال فتفاعلت معها وعشتها وتخيلت اني تلك الفتاة فلم انم تلك الليله من هم جاني صحيح انها قصه وهميه ولكنها تحكي واقع وحاولت ان ابين مشاعر الفتاة التي عانت من هذا الجور اه لاتذكروني تراها تخنقني العبره


[poem=font="Simplified Arabic,6,black,bold,normal" bkcolor="transparent" bkimage="http://www.fatahilah.com/images/toolbox/backgrounds/7.gif" border="groove,7," type=2 line=0 align=center use=ex num="0,black"]
1 يابـوي ماترحـم قلـوب الحبايـب=حطيت دون العرس قفـل(ن) وبيبـان

2 ورديت عني يوم جونـي القرايـب=ورديت عني عيـال حـارة وجيـران

3 لاجا عريس(ن) قلت ويش انت جايب=نبي عريـس البنـت تاجـر ومليـان

4 مدري تبي يابـوي رجـال شايـب=عود(ن) كبير السـن والعظـم هريـان

5 لاميت(ن) يقبـر ولاهـوب طايـب=وش ينفع الشيبان صبـغ(ن) وريحـان

6 واخاف انا من شي لاصـار غايـب=محدن يلوم النفـس وابليـس شيطـان

7 والاتبـي رجـال شغلـه نهـايـب=همه يجب القرش مـن ويـن ماكـان

8 ولامر عـام(ن) قـال والله غلايـب=هم(ن) وعلقـم ذقتـه اشكـال والـوان

9 بيـن المحاكـم بهذلتنـا الطلايـب=يريـد حقـه كامـل(ن) دون نقصـان

10 ولا تبي يابـوي رجـال خايـب=همـه بلـوت وعقبهـا فـت كنكـان

11 رجل(ن) سفيه وكل ربعه زلايـب=ماقد صحا دايم علـى طـول سكـران

12 يقظي حياته بين شرطـي ونايـب=وانا حياتـي بيـن هـم(ن) وحقـران

13 يابوي انا جنيـت وانـت اسبايـب=ماكن لـي قلـب(ن)ودم(ن) وشريـان

14 الياخطب بنتك عطيب الضرايـب=يابـوي زوجنـي ولانتـاب خسـران

15 في ذا الزمن شفت العجب والعجايب=البنت عند البعـض بيعـت بالاثمـان

16 ان مت حطوا فوق قبري نصايـب=لعـل قبـري صـار للنـاس برهـان

17 وابـي عبـارة تنكتـب بالكتايـب=المهـر حـق البنـت حطـوه عنـوان

18 ومن قال مهر البنت فيه الكسايـب=اقسم بـرب العـرش لاشـك غلطـان

19 وياعل من بـاع البنـي للذهايـب=ياعلهـم بالاخـره وســط نـيـران

20 واللي سمع هرجي ولاهوب تايـب=ابيـه يرجـع يـم سـنـه وقــران

21 وطلبت رب العرش معطي الوهايب=يهدي ويبصر قلب مـن كـان عميـان

22 وصلاة ربي عـد هـب الهبايـب=على النبي المصطفـى نسـل عدنـان [/poem]
فلما سمعتها الشعار والزملاء قالوا لي لابد ان تكملها وتتقمص شخصية الأب
كما تقمصت شخصية التاة فترد عليها بلسان الأب
فقلت هذه الأبيات على لسان الأب ردا على البنت



[poem=font="Simplified Arabic,6,,bold,normal" bkcolor="transparent" bkimage="http://www.fatahilah.com/images/toolbox/backgrounds/5.gif" border="groove,7," type=2 line=0 align=center use=ex num="0,black"]
1سمعت انا قولك ونا اليوم تايـب=اي والله اني يا وفا اليـوم ندمـان

2 هذي مصيبه من كبار المصايب=واقع بها يابنت حضر(ن) وبـدوان

3 المجتمع يابنت ماهـوب طايـب=الا ان يثـور بالبلـد كـم بركـان

4 اقولهـا والقلـب يابنـت ذايـب=واطلب من الرحمن يابنت غفـران

5 رايك ترى يابنت لاشك صايـب=اللي يبيع البنـت يبشـر بحقـران

6 لاتحسبيني يوم الـرد القرايـب=او غيرهم يا بنت طامع بالاثمـان

7 ماريد سلتوح(ن) ولاريد عايـب=ماريد زوج(ن) فيه يابنت نقصـان

8 اخاف انا من شخص للناس هايب=وعندك تطول اليد وينبت له اللسان

9 ابي مصلي مايعـرف السبايـب=حنون في بيته وفي السـوق ذيبـان

10 اقولها واجروح قلبي عطايـب=من شن اشوفه ياعرب بعض الحيان[/poem]
وسلامتكم[/CENTER]

هلا بك أخي الكريم/ ابو وفى ماعنه خفى
حيك الله وبياك بين اخوانك واخواتك
مادام هالقصيد الطيب منك ، فتستحق أن تعطى لقب شاعر ، لكن
تبقى مشكلة الإسم ، فحبذا لو وضحت اسمك الحقيقي أو على الأقل
الذي تكتب به قصائدك .
القصيدتين اجدت فيهما التقمص للفتاة ثم لأبيها ، وهذه الخاصية
لاتتوفر إلا عند من لهم خبرتهم الطويلة مع الشعر ..
صح لسانك وبيض الله وجهك
والظاهر إنك ما تدري عن القصيدة الكوميديه التي قيلت على لسان
فتاة أحبت شايب وتجوزته:
حبيت شايب لاتقولون لي ليه = لقيت عندي ما ابي العز والجاه

لاهنت يالغالي
مع أطيب تحياتي

الله عليك يابو وفى

جميل من الشاعر ان يتقمص شخصية ما لمعالجة مشكلة اجتماعية مثل هذه

صح لسانك يابو وفى وعلا شانك

ننتظر جديدك

القصائد الاجتماعية دائمآ ما تكون ذات
وقع خاص على النفس
وتبقى في الذاكرة وقت اطول
ويتأثر بها السامع اكثر من تأثره بغيرها

ابو وفى ماعنه خفى
صح لسانك

ابو وفى .............
ماعنك خفى فرأتها محاورة جميلة هادفة
أجدت فيها القيام بدور المسكينه وأبيها
وهذا هوالشعر .
هو الإحساس والشعور بما يدور حول الإنسان من مشكلات ومعضلات وهموم وبوح
ثم تقمصها واخراجها في قالب مختصر مقروء بعبارة لذيذة يصل من خلالها المعنى والمقصود
وهو ما وجدته في قصيدتيك
لك تحيتي وترحيبي وفيض شكري

ابو وفى ماعنه خفى //
صح لسانك وجاد بيانك
محاوره ممتعه حقاًً
سأعود واستمتع بقراءتها مرات ومرات
سجل اعجابي وتقبل تحياتي
أخوك / بن ماضي

[CENTER]المشرف العام

[QUOTE]هلا بك أخي الكريم/ ابو وفى ماعنه خفى
حيك الله وبياك بين اخوانك واخواتك[/QUOTE]
المهلي مايولي اخوي ابو عبدالله الغالي
وشكرا على هذا الترحيب

[QUOTE]مادام هالقصيد الطيب منك ، فتستحق أن تعطى لقب شاعر [/QUOTE]
شكرا على هذا الكلام الذي اعتبره اغلى وسام
لكن
تبقى مشكلة الإسم ، فحبذا لو وضحت اسمك الحقيقي
مافيه مشاكل انشاء الله
ولعل الاسم يكشف فيما بعد
فانا ابن عمك واعد نفسي ابنك الصغير
وعلها تزوا امور فاكتب تحت اسمي الحقيقي
[QUOTE]أو على الأقل
الذي تكتب به قصائدك .[/QUOTE]
هذا هو اليوزرالذي استخدمه في جميع المنتديات التي اكتب فيها
ولسمتك الطيبه على كل لسان احببت ان اسجل في منداكم كي نستفيد من الاحتكاك بامثالكم
فقد رايت قوه في الشعر والشعراء المسجلين لديكم على قصر افتتاح امنتدى متمنيا أن يكون القادم
افضل وأن يكون الأفضل على الاطلاق خصوصا في ظل الاداره الناجحه ومع كوكبة نجوم اشعراء الذين رأيت كتاباتهم القويه
[QUOTE]القصيدتين اجدت فيهما التقمص للفتاة ثم لأبيها ، وهذه الخاصية
لاتتوفر إلا عند من لهم خبرتهم الطويلة مع الشعر ..
صح لسانك وبيض الله وجهك[/QUOTE]
شكرا واناملي عاجزة عن كتابة مافي الضمير

[QUOTE]والظاهر إنك ما تدري عن القصيدة الكوميديه التي قيلت على لسان
فتاة أحبت شايب وتجوزته:
حبيت شايب لاتقولون لي ليه = لقيت عندي ما ابي العز والجاه[/QUOTE]
[poem=font="Simplified Arabic,6,,bold,normal" bkcolor="transparent" bkimage="http://www.fatahilah.com/images/toolbox/backgrounds/4.gif" border="ridge,7," type=2 line=0 align=center use=ex num="0,black"]
هالبنت ذاللي شفها العود تبغيه=ياقرد حض البنت لاشك قرداه
في كل صبح للدكاتر توديه=ويكح كل الليل والنوم ماجاه
وعشرين كنبل فوق جسمه يغطيه=ويقول ياويلي من البرد ويلاه
لاصار درب البنت لاشك يخطيه=بالله وش ذا البنت بالله بالله
فالروج والمكياج لاعاد تشريه=وقمصان نوم الليل وش له بشرياه
فوحده من اثنتين اما يخليه= والا كما الفرسان يجزل عطاياه[/poem]
====================================================================================================================================================
يزيد النمي

[QUOTE]الله عليك يابو وفى

جميل من الشاعر ان يتقمص شخصية ما لمعالجة مشكلة اجتماعية مثل هذه

صح لسانك يابو وفى وعلا شانك

ننتظر جديدك [/QUOTE]

جميل ان اراك هنا في هذا الصرح الذي اعتقد انه سيكون له شأن عظيم باذن واحد احد
ومشكور على مرورك الغالي
====================================================================================================================================================
ابو زياد

[QUOTE]القصائد الاجتماعية دائمآ ما تكون ذات
وقع خاص على النفس
وتبقى في الذاكرة وقت اطول
ويتأثر بها السامع اكثر من تأثره بغيرها

ابو وفى ماعنه خفى
صح لسانك[/QUOTE]
شكرا على هذا التعليق وشكرا على مرورك الغالي
وصح بدنك يا الغالي
====================================================================================================================================================
أبوأنس
[QUOTE]ابو وفى .............
ماعنك خفى فرأتها محاورة جميلة هادفة
أجدت فيها القيام بدور المسكينه وأبيها
وهذا هوالشعر .
هو الإحساس والشعور بما يدور حول الإنسان من مشكلات ومعضلات وهموم وبوح
ثم تقمصها واخراجها في قالب مختصر مقروء بعبارة لذيذة يصل من خلالها المعنى والمقصود
وهو ما وجدته في قصيدتيك
لك تحيتي وترحيبي وفيض شكري [/QUOTE]
شكرا ياها الشاعر المبدع ولاهنت على مرورك الغالي
ولك اجمل تحياتي

====================================================================================================================================================
مبروك بن ماضي

[QUOTE]ابو وفى ماعنه خفى //
صح لسانك وجاد بيانك
محاوره ممتعه حقاًً
سأعود واستمتع بقراءتها مرات ومرات
سجل اعجابي وتقبل تحياتي
أخوك / بن ماضي [/QUOTE]
صح بدنك ولاهنت يا القرم
ومشكور كل الشكر لك على هذا الكلام الجميل
ولك خالص ابو تحياتي[/CENTER]

هلا مرحبابك

ابو وفى ماعنه خفى

صح لسااانك

[ALIGN=CENTER][TABLE="width:70%;"][CELL="filter:;"][FONT=Simplified Arabic][SIZE=4][COLOR=crimson][ALIGN=center]اخوي ابو وفى ماعنه خفى

تسلم وصح لسانك على هالرائعه [/ALIGN][/COLOR][/SIZE][/FONT][/CELL][/TABLE][/ALIGN]

هلا ومرحبا

الشاعر القدير

ابو وفاء

صح لسانك على هذه المحاوره الراقيه

التي صورت فيها حالة الكثير من الآباء هدانا الله واياهم


يسلم قلبك يابو وفاء


تحياتي واحترامي لك