باكتفاء ذاتي وقناعه
 

[poem=font=",6,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
باكتفاء ذاتي وقناعه اشعر بقيمة حياتي= دونما احتاج نذلٍ من قريبٍ او بعيد
او لئيم يجحد المعروف من بعد العناتي=ومن وقف جنبه بلحظه ماوقف فيها العضيد
معدن الانسان تكشفه الشدايد والرزاتي= البعض مثل الذهب والبعض صفر وحديد
ودام انا حر على الفطره بمبداي وسماتي= مايبي مثلي زمانٍ كاسبٍ فيه العبيد
ودام انا ويا زماني باختلاف بالصفاتي = ما يضر اني اقضي باقي ايامي وحيد
ما بقى بالأرض عدل فالظلم عم الجهاتي=والتساوي لو وجدته يدركه غرٍ بليد
بين مخدومٍ وخادم كلهم مثل الجواتي = تنفصخ هذي ويلبس غيرها لا راد سيد
ومن تفكر في حياته يدرك انه في سباتي=ما عرفها عن حقيقه ولو جمع اعلا رصيد
بالقبر يرقد ضعيفٍ جنب جبار وعاتي= وجنبهم يرقد فقير ما لقى لقمة ثريد
فحاسب لنفسك وجهز قبل لحظات الوفاتي=وافعل المعروف حتى لو يلاقى بالجحيد[/poem]

رد: باكتفاء ذاتي وقناعه
 

جزل ومبدع يادكتور
شكرا لك
تحياتي لكم

رد: باكتفاء ذاتي وقناعه
 

[font="courier new"][size="5"][color="navy"]الله عليك يادكتور جزاله من راس جزال
وصح لسانك مليون مايكفون
لاهنت[/color][/size][/font]

رد: باكتفاء ذاتي وقناعه
 

الله الله ونة قلب ياشاعرنا

صح لسانك وقلبك ولاهنت

[color="sienna"]هكذا ياعود حال اصحابنا والريح عاتي ... لاتفكر غير في وقت اللقا يوم الوعيد
[/color]
تحيااتي لك

رد: باكتفاء ذاتي وقناعه
 

صح السانك
رائعة من شاعر عملاق
لاهنت

رد: باكتفاء ذاتي وقناعه
 

ابيات جميلة في مطلعها و معناها

ابدعت في الوضف و التصوير

صح لساانك و طاب حالك بو عبدالله

ولاهنت