اللدّني
 

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سقى الله زمانٌ له صدى الروح ردني = وجاريت هاجوسه ونوره يمدني
زمانٌ بدى به خِيرة الناس يامخلوق=زمان الرسول الهاشمي طيب شدني
محمد نبي الله وثّق لنا العهود= وأدى الأمانه ماهتنى لبس رُدّنِ
عليه الصلاه بعدة الخلق والنجوم = رسول الهدى في مهجتي نبع سدني
تذكرت حاله يوم عاداه ابو لهب = وفي شعب عامر ذكره اليوم حدني
هذاك اسوة العقّال في سيرته هدى=ومن خالفه لايْقول للغير قدّنَي
هذاك الذي يستاهل الحب والتبجيل = لغير الرسول المدح مايوم ودني
ابو القاسم الي له في الروح منزله = عظيمه! وياشاعر بمدحه تحدني
بوقت اللقاء ماطأطأ الراس لليهود= شجاع العرب من خير موطن ومعدني
من الجود! بيته ماعرف غير الاسودين=وكلٌ يقول اليوم بالمال بدني
ابا ارسم لنا صوره من الجو بالتمام = عن الحال واروي بعض ممايجدني
نشبِّك على الدنيا وننسى قبورنا = عسى الله من جوده بها مايضدني
تشوف الغني يجري وكنه فقير حال = ولو صادفك! من شح قال انت غدني
زكاته يخرجها مصالح لبعض الناس = وللبعض رشوه تستبيح المسدني
الا يازمان الفتنه والجهل والغثاء = سلام الخنوع وغدره اليوم هدني
آفا يامة المليارتشكين من سنين = في القاع والاسلام بالعز عَدْني
بنينا القصور وصارت انفوسنا جياع = وشاع الرباء والرشوه والمذهب الدني
تركنا الجهاد وذلنا الله للبشر= وباقي نبيع الارض ونصير خُدّني
الا لاتلوموني فكيف اخفي الحاروق= وكيف السكوت اليوم والهم لدني
معاناة قرن الطاغيه بوش مع صدام= وتهديد بالذره لمحو التمدني
بالفٍ واربع ميّه وسبعه وعشرين = جيوش المثنى تحت الاقدام سُدني
علينا تكالب جيش فارس وجيش روم = ديار العرب سلعه رخيصه تفدني
فلسطين محتله ومحتله العراق = وزيف الصليب وفكر صهيون يزدنِ
الا ليتنا في غير ذا القرن ياشعار= لكان القوافي قالت ارجوك هدَني
ابا الوم نفسي قبل مالوم غيري= فحنا السبب لاشك بنفوس هُدني
انا باعتذر وانت اعتذر وشهي الاعذار؟= ويوم اللقاء! ماينفعك قولة اهدني
ومالي سوى دعوه لرب السماءالمنان= يرد العقول وحالنا اليوم قدني
تصاريف دهرك والمقادير يافتى = فتن قالت اتحداك تقدر تُعدني
مواتر وطيارات والبحر حاملات = قنابل ودبابات بارديك او اردني
وللكمبيوتر باع وافي بكل جال = وجوال والتلفاز واجساد لدني
علوا فوقنا باقمار واخذوا عقولنا = وحنا اذا كنت انت راجل تعَدني
اسود الشرى مابيننا باسنا شديد = وتاريخ غيري بالبشر مايعدني
ولو نجتمع من مثلنا فوق اديمها= ولكن هيهات الغثاء ماتردني
كفا ياخفوقي كف حزنك ولوعتك = لسيرة رسول الله ياقلب ودني
من الطيب تندى عطرها بيننا يفوح= عسى الله عنها بالهوى مايصدني
وصلوا على الهادي وزيدوا في الصلاه= فذكره بيان ومسك عقدٍ معدني[/poem]

الفاضل فلاح...............
معلقة طويلة في سيرة نبيله
من شاعر ذو حس وتمكن
لك الشكر على كل كلمة وحرف
وجعلها الله في ميزان حسناتك

[COLOR="Blue"][B]ا لسلام عليكم / فلا ا ا ا ا ا ح[/B][/COLOR]

[COLOR="Red"][B]أنا و ا لله ا و ل معجب ٍ فيك عدّ ني[/B][/COLOR]

[COLOR="Blue"]ههههههه[/COLOR]

[COLOR="blue"][B]سلمت وسلم غا ليك يا بعدي[/B][/COLOR]

[COLOR="Red"][B]محمد بن عما ر[/B][/COLOR]

الله الله

عليك يافلالالالالالالالالالالالالالاح

قصيدة تزخر بالمعاني

قصيدة تجبر القاريء ان يعود لها

صح لسانك وسلم راسك

دمت بخير

صح السانك يا اخ فلاح

وبيض الله وجهك على هذه المنظومه الرائعه.

لا هان راسك يا القرم.

تحياتي لك يا الغالي

صح لسانك يافلاح
ولاهنت يالغالي

سقى الله زمانٌ له صدى الروح ردنـي
وجاريت هاجوسـه ونـوره يمدنـي
زمانٌ بدى به خِيرة الناس يامخلـوق
زمان الرسول الهاشمي طيب شدنـي
محمد نبـي الله وثّـق لنـا العهـود
وأدى الأمانـه ماهتنـى لـبـس رُدّنِ
عليه الصلاه بعـدة الخلـق والنجـوم
صح لسانك اخي الشاعرفلاح
قصيدة رااائعه لاهان راسك
سلمت وسلم شعرك
دمت بخير

[quote=أبوأنس]الفاضل فلاح...............
معلقة طويلة في سيرة نبيله
من شاعر ذو حس وتمكن
لك الشكر على كل كلمة وحرف
وجعلها الله في ميزان حسناتك[/quote]



اخوي الغالي

ابو انس

يسلم قلبك

تشرفت بحضورك وردك
والله يسمع منك


لاعدمتك

[QUOTE=محمد بن عمار][COLOR="Blue"][B]ا لسلام عليكم / فلا ا ا ا ا ا ح[/B][/COLOR]

[COLOR="Red"][B]أنا و ا لله ا و ل معجب ٍ فيك عدّ ني[/B][/COLOR]

[COLOR="Blue"]ههههههه[/COLOR]

[COLOR="blue"][B]سلمت وسلم غا ليك يا بعدي[/B][/COLOR]

[COLOR="Red"][B]محمد بن عما ر[/B][/COLOR][/QUOTE]


ارحب يابن عمار

يسلم قلبك ياشيخ


حضورك بالدنيا

لاعدمتك

فلاح بن منشار

لايسعني إلا أن أقول
صح لسانك ولاهنت

تحياتي