مصافحه اولي اتمني تعجبكم
 

[poem=font="Simplified Arabic,6,black,bold,italic" bkcolor="transparent" bkimage="" border="none,4," type=3 line=0 align=center use=ex num="0,black"]
ياسحاب القصايد جاك حـس رعـدي=سايقه من سموم القيض حر الهجيـر
بارقه من حنيني مستشيـط طـردي=شق نوضه فتيـل يستحـث المسيـر
جاك ليل بكـت بغـداد فـي مرقـدي=وانتثر من ضماها في هدبهـا سعيـر
امطري من ثلوجـك زختيـن بـردي=تبرد الجوف عقب منـاورات الغتيـر
بين قلب المغنـي والسـلا جرهـدي=يوم شفت العناكب والسحالـي تطيـر
والقلاعه تهاوت في دروب اجـودي=يالله انـك عليهـا ياكريـم قـديـر
هز شوقي رجـال ذكرهـا سرمـدي=من شلاها ترجس شاربي والضميـر
ناظرو لـي بعيـن جفنهـا ارمـدي=وش تصير القراده في خفوق البعيـر
يحتويها وانا الملتاع حـرف ابجـدي=اشرب الما زلال مـن ثنايـا غديـر
وكل كلمه لها قاموس فـي مـوردي=في غياهب شجوني شاعريـة مثيـر
ليت فالي صبـاح العيـد وجـه ردٍي=ولا علوم تهاوت فـي نهـار الاثيـر
عولمتهـم بـروح العربـده لمـردي=بيض الله وجهـك ياسدهـا الاسيـر
يالله احفـظ ملكنـا والولـد وبلـدي=من شمال الجزيره لين واحة عسيـر
صقرنا اللي يحلق في سحاب الجـدي=ماتهزه ريـاح الغـرب ارذل حقيـر
زمجرن السحايب مير قلـت اركـدي=نوخي سيف عشقي في منايا الجفيـر
لي سطرت الحقايق ضللـو مهتـدي=واتركوني علي الهامش وبحري غزير
شمعة فـي ظـلام دامـس اسـودي=من وهجها نفوهـا لاتقـدي ضريـر
العنا في وريـدي والصبـر سيـدي=شيمتي من سحاها يهتويهـا العبيـر
لابتي صلب يام ونعتـزي باسعـدي=مانحـب الضلالـه يالكـذوب الاجيـر
نسقي اشبالنا الطولـه بيمنـي ثـدي=ونحفظ العهد ونصونه وصايا البشير
والختم ياصـلاة الله علـي احمـدي=وسبـح الله ياغافـل بليلـك كثـيـر


[/poem]

رد على: مصافحه اولي اتمني تعجبكم
 

يا سلام عليك يا عبد الله
فى الاسلوب الراقى والاحاسيس الجياشة
جميييل ما أبدعت
تسلم لنا اناملك اخى الصاعد
واتمنى لك مزيد من التقدم والرقة
وهلا بك بين اخوانى اعضاء الفطاحلة الكرام

اختك كريمة

رد على: مصافحه اولي اتمني تعجبكم
 

اهلا ومرحبا بك أخي /عبدالله
في محلك وبين اخوانك وربعك
مصافحة في ملحمة فوق التقييم من شاعر كبير
صح لسانك مدد بلا عدد
ولاهان راسك
ارحب يالغالي
مع أطيب تحياتي

رد على: مصافحه اولي اتمني تعجبكم
 

صح السانك اخوي عبدالله
قصيدة جميلة ويعجز اللسان عن وصفها
دمت سالم يالغالي

بانتظار جديدك...

رد على: مصافحه اولي اتمني تعجبكم
 

ارحب ياعبدالله

وصح لسانك على المصافحه الدريه


ومنتظرين جديدك

لاهنت


تحياتي وودي

رد على: مصافحه اولي اتمني تعجبكم
 

الشاعر عبدالله اليامي
صح لسانك
مصافحة باذخه وجزله
بيض الله وجهك

تحياتي

رد على: مصافحه اولي اتمني تعجبكم
 

الف صح لسانك ياليامي ونعم


رائعه


استمتعت بالمرور هنا


تحيااااااااااتي لكـ

رد على: مصافحه اولي اتمني تعجبكم
 

صح لسانك اخي الشاعر عبدالله
لاهان راسك قصيدة رااائعه
سلمت وسلم شعرك
دمت بخير

رد على: مصافحه اولي اتمني تعجبكم
 

اللهم صل وسلم على رسول الله
صح لسانك يا عبد الله اليامي ويسلم بنانك
مصافحة أكثر من رائعة

رد على: مصافحه اولي اتمني تعجبكم
 

الصراحة جاني احساس شاعري كبير من قوة معانيك وجمال ابياتك بيض الله وجهك وصح لسانك