تقدير الانفس
 

[align=center]بعد التحيه

هذه الابيات امل

ان تنال القبول


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
من منطلق حب البشـر واحترامـه=وتقدير الانفس حقّ من والي الشّان
ومن مبدأ الطّيبـه ونبـذ اللئامـه=ومن قاعدة لابـدّ للقـول ميـزان
يحسب على الرجّال نبرة كلامه=ياكيف فعله لابدا فيه نقصان
حفظ اللسان وزينته باحتشامه=وزين الفعل محمود في كلّ ميدان
هرج الوشى لو هو قليل ارتسامه=كنّه كثيره راجع الفقه به عان
مااسكر كثيره تر قليله حرامه=خلّه يوللي قبل ماتصير بلشان
في ساعةٍ عسره بدابـه عسامـه= يضيق فيك الكون وتصير حيـران
الحق بيّـن والخطـا بـه ندامـه=لو ماندمت اليوم لك يـوم تنهـان
اقضب طريق النّور جنّب ظلامه=واحسب حسابك كان غافل ونسيان
ماينفـع الرجّـال منصب وقامـه=ولاينفعه وان كان تاجر ومليـان
الرّابـح اللـي ماشـيٍ باستقامـه=مرتاح بال وهرجتـه دوم نيشـان
يدّي صلاته ولااقبل الشّهر صامـه=ويقابل السيّـه لياجـات باحسـان
ماهو خفى وان كنت تبي الفهامـه=جوّد طريق المصطفى خير انسـان
الله خلق ذا النّفس معهـا كرامـه=واجب علينا حشمته حقّهـا بـان
والوقت الاقشر صايـرٍ بـه كتامـه=جلّ المشاكل تركت الدّين يافـلان
اخوٍ موجّه صوب اخـوه بحسامـه=وبنتٍ تصيح بعالي الصّوت وتهان
شيٍ يشيب الطّفل حزّة فطامه=امرٍ عظيم يهزّ والله الابدان
ياللعجب ياناس وش ذا الغمامه=اليا متى والشّرّ في كلّ الاوطان
نسمع نرا ونقول مامن شهامه=اليدّ قصرة مالها قدر اوشان
ومابي اطوّل بالغثا واحتدامه=منظر رايت ومنّه القلب مرضان
مادام ما فاليد حيل وصرامه=الهرج مابه عزّ في مرّ الازمان
يالله تخارجنـا بلطـف وسـلامـه=في رحمتـك يالله يـاربّ الاكـوان[/poem]



ودمتم بخير[/align]

رد: تقدير الانفس
 

[color=#800080]الله خلق ذا النّفس معهـا كرامـه
واجب علينا حشمتـه حقّهـا بـان[/color]
الاخ/فهد

صح لسانك واعتلى شانك
ابيات شامخه بشموخ شاعرها
دمت بهذا الابداع
متــــــــــــــــــابع بما تجود به بنات فكرك
دمت بخير حال

رد: تقدير الانفس
 

منطلق حب البشـر واحترامـه
وتقدير الانفس حقّ من والي الشّان
ومن مبدأ الطّيبـه ونبـذ اللئامـه
ومن قاعدة لابـدّ للقـول ميـزان
يحسب على الرجّال نبـرة كلامـه
ياكيف فعلـه لابـدا فيـه نقصـان
حفظ اللسـان وزينتـه باحتشامـه
وزين الفعل محمود في كلّ ميـدان
هرج الوشى لو هو قليل ارتسامـه
كنّه كثيره راجع الفقـه بـه عـان




صح لسانك اخي الشاعر فهد
لاهان راسك قصيدة رااائعة
ترجمت الواقع يسرني اكون اول
المصافحين
سلمت وسلم شعرك
دمت بخير

رد: تقدير الانفس
 

فهد المطلق




صح لسانك .. وقواك الله




ابيات جميله .. لاهنت عليها



تحياتي لك




مبارك

رد: تقدير الانفس
 

[align=center][color=#0000FF]فهد المطلق

الذي إذا نطق قال حكم وسرد العِبر

إحترامي لحرفك أخي

وصح لسانك وعلا شانك[/color][/align]

رد: تقدير الانفس
 

[COLOR="DimGray"]فهد المطلق


ابيات جزله ..

اهنيك عليها

صح لسانك مدد بلاعدد



إحترامي وتقديري[/COLOR]

رد: تقدير الانفس
 

كلام جميل فيه رزانة تشكر عليه

رد: تقدير الانفس
 

صح لسانك اخي الشاعر فهد
لاهان راسك قصيدة جزلة في الحكم والأمثال الرائعه

تحيتي وتقديري

رد: تقدير الانفس
 

مادام مـا فاليـد حيـل وصرامـه
الهرج مابه عزّ في مـرّ الازمـان
يالله تخارجنـا بلطـف وسـلامـه
في رحمتـك يالله يـاربّ الاكـوان
""""""""""""""""""""""""""""""
الله عليك يامطلق
روعة تحكي زماننا الله يعينا عليه
صح السانك وفكرك
ولاهنت

رد: تقدير الانفس
 

[B][COLOR="Blue"]فهد المطلق

صح لسانك وبيض الله وجهك

نص يرتقي للذائقة

دمت بخير[/COLOR][/B]