السفاري على طعس المصافير
 

الله على ايام زمان يوم عندي ذاك السفاري الربع موديل 91 ماتم طعس ولاضلع الارقيته وماعندي الاام خمس ورفقة ربوع نشاما شواركم
----------------------------------

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
السفاري على طعس المصافير=هيج شجون بين حدب الحنايا
ياجيب ليت القير صابة عواثير=والدبل ماعشق بذيك النحايا
ياجيب ماخليت سري مع البير=فضحتني وبينت خافي الخفايا
اثرالمولع لويجامل مع الغير=لاشاف مضنونه بلته البلايا
سلام يامدهال ربع مناعير=اللي على كل المواقف سخايا
سلام احلى من حليب المغاتير=من كف مخضوب يجر العبايا
سلام يا مرعى بيض الفناتير=سلام ياشوق النفوس الظمايا
عبدالله اثر القلب شوقه مع الطير=وده تمكن مانقوله حكايا
لوكان لي فرجة وفرصة وتبرير=ماعشت في رحمة رجاي ومنايا
يابوحمد نفسي كلتها التحاسير=وان مافطنت اعطيك عني درايا
بالعصر لي يم الفيافي تسايير=تقول مساح ومتري معايا
ادله الخاطر ولامن تباشير=ومديت رجلي فوق لفة اغطايا
عذروب قلبي مايود الغنادير=ولاشتكى من مترفات الصبايا
ليته بلاه الحب وشاف التعازير=وتاه بوداد معسلات الشفايا
مير البلى عن دربهم غير السير=ولاله ورى الخفرات شف وغايا
هواه باام خمس ولاهو تصاوير=ومن لامني فيها قليل الدرايا
ولارحم جداللي يجيب المعاذير=وينسج خيالات ووهم ودعايا[/poem]--------------------------------------------------------------------------------

شرواك الطيب


صح لسانك يامنيع

والله انك كفو وترفع الراس


تحياتي واحترامي

الشاعر منيع ..
جئت بالمعتاد بغير العاده ..
ابدعت في وصف حبك للصحاري والصيد .. صح لسانك وسلم قلبك
وتقبل مني هالمجاراة ..

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
معذور ياللي تحتري غلطة الطير = وتصيد طير ٍ ما تصيد الحيايا
معذور شوق الهوا في نمرة القير = يمشي بالأول يدّله كالمطايا
واللي تعذر له بعشق الغنادير = عزي لقلبه هايم ٍ فالحلايا
خلّك بعيد ٍ واوزنه باقي السير = وابعد عن المبلي بشغف الصبايا[/poem]

منيع..................
كل انسات وله عشق ووله وميدان سعاده
وللطيور وتتبعها وتأريخ مواعيد هجرتها سحر وغلبه
وأجده ضربا من ضروب الرجوله والأفعال الحميده
وصفت فأجدت وأطربت
بكلمات جميلة مصاغة بحرفنه
أنست بقراءتها فلك الشكر والتحيه

الله عليك يامنيع
جزلة المعنى والمبني طال عمرك
صح لسانك

صح لسانك

قصيده جميله يعطيك العافيه


تحياتي لك

صح لسااااانك

شاعرنا الرائع/ منيع

على القصيده الراائعه

الله الله


قصيدة جزلة من راس جزل


صح قلبك وفكرك اخي الغالي منيع


تقبل اعجابي وتقديري

[b]اخوي منيع

صح لسانك وفكرك وحروف قلمك

على الرائعه وجزله فى معانيها


لك تحياتي وتقديري[/b]

ياجيب ماخليت سري مع البيـر = فضحتني وبينت خافـي الخفايـا
اثرالمولع لويجامل مـع الغيـر = لاشاف مضنونـه بلتـه البلايـا
---------------------------------------

صح لسانك
قصيده رائعة
ويازين الحياة إذا امتلت باذكريات السعيده ....