منتديات الفطاحله - تعلم الشعر ((8)) الرقم واحد للوزن

[size=5][align=right]

[color=#0000FF][size=6]بسم الله الرحمن الرحيم[/size][/color]

[color=#FF0000]تعلم الشعر ((8)) طريقة الرقم واحد[/color]

كما هو الحال دائما
انا ما انصحك تقرا هذا الموضوع الا بعد ماتقرا كل المواضيع السبعه السابقه في
((سلسلة تعلم الشعر بسهولة))

[color=#0000FF]نبدأ على خيرة الله[/color]

في البدايه امر بسيط ابي اقوله
ان هذي الطريقة اللي ابتكرتها جديده وأول مرة يتم نشرها
واذا اي احد عنده اضافة ارجو انه يبلغني ولا يتردد
واذا حاولت تطبيقها ومامشت معاك بشكل سليم فتأكد ان الخطأ في تطبيقك وفهمك لها

صلوا على النبي

السالفه بسيطه وسهله وطبقتها لاكثر من سنه
وجربها اشخاص مالهم علاقه بالشعر ونجحوا في تطبيقها
[U][color=#FF0000]ودورها هو التأكد من سلامة الوزن [/color][/U]

[color=#0000FF][U][size=6]طريقة الرقم واحد[/size][/U][/color]

هي طريقة تعتمد على انسيابية الكلام والقراءه السليمه
ولاتحتاج منك إلا جهاز كمبيوتر وانك تكتب القصيده على ورقة خارجيه تحطها قدامك
وبشرط تكتب كل بيت في سطر وبدون لاتفصل بين الشطر الاول والثاني بكتابتك

[color=#FF0000]ركز شوي[/color]

بكل بساطه افتح صفحه بالكمبيوتر سواء الوورد او النوت باد
وحط اصبعك فوق الرقم واحد على الكيبورد ولاتلمس الرقم
( يعني كفك على الكيبورد واصبعك مرتفع فوق الرقم واحد )

وحط الورقه اللي كاتب فيها القصيده قدامك واقراها كأنك تقرا جريده او موضوع عادي
.
الحين انت قدامك القصيده وقدامك الكمبيوتر بالطريقة اللي ذكرناها
كل اللي عليك انك تقرا القصيده وتستمر بالضغط على الرقم واحد بشكل متكرر وبسرعه ثابته
وبعد نهاية كل بيت توقف وبعد ماتوقف لازم تنتبه اصبعك لامس الرقم واحد او لا
والنتيجه احسب كم مره ضغطت على الرقم واحد

وبس ..

فيه شي صعب !!؟؟
( ترى خلصت السالفه اللي فهم الجزء اللي فات معناها عرف الطريقه )

[color=#FF0000][U]مثال عملي :[/U][/color]

اكتب الابيات هذي على ورقه خارجيه
[color=#8B0000]يابو تركي لي سنـه والخبـر متخفـي صاحبتنا بالمطار اللي ذكـرت اشحلّهـا
مشكله كلـن يصيـر بحالتـي متشفـي سيره الشنطه عسى لاعاد طاريـن لهـا
نارها من عام طول العام عيّـت تطفـي جو حر وزاد حر الجو من نـارن لهـا [/color]

والحين افتح الكمبيوتر
ومن اول اسطر اقرا الابيات وابدا بالضغط

شقاعد اتسوى !!؟!!

يالله طبق المثال واحسب كم مرة ضغطت على الرقم واحد

راح افترض انك طبقت المثال
والنتيجه مفروض يطلعلك ان اعداد الرقم واحد متساويه في كل بيت
وهذا يعني ان الابيات موزونه ميه ميه
وانا راح احطلك النتيجه اللي طلعت معاي حسب قراءتي عشان اتعرف الطريقه اكثر
( [U]وماهو ضروري ان الناتج عندك نفس نتيجتي لانها تعتمد على سرعة القراءه[/U] )
والنتيجه هي :

11111111111111 = 14 ضغطه
11111111111111 = 14
11111111111111 = 14

مثال ثاني وراح اتعمد اكسر بيت فيه
وابيك اتطبق الطريقه وتشوف اي بيت راح ينقص او يزيد مجموع الرقم واحد
تفضل طبق نفس الطريقه :

[color=#8B0000]انا شاعر نسى معنى انا في محتوى شعره انا المجني عليه ابعالم الاشعار و الجاني
انا شاعر نسى اسمه نسى همه نسى عمره نسى شعره نسى القاف مهما كان ولهاني
انا شاعر نسى الآمال والاحلام من فتره نسى الماضي نسى الحاضر نسى قاصيه والداني[/color]

طبقت الطريقه خلاص ؟؟؟!!

اذا خلصت من تطبيق الطريقه على الابيات كمل

اكيد طلع معاك البيت الثاني ناقص رقم صح ؟؟!

[color=#FF0000]خلنا نوقف شوي ونعرف شسوينا[/color]

انت لما اتطبق طريقة الرقم واحد على اي قصيده يكون عندك احتمالين
الاول هو ان الابيات تكون متساويه في مجموع الرقم واحد لكل بيت
وفي هالحاله مبروك قصيدتك سليمه من ناحية الوزن خلاص

والاحتمال الثاني هو اختلاف الناتج في بيت او اكثر
واهنيه نوقف عشان نعرف الخلل ونعدله

[color=#FF0000].. شلون ؟؟؟؟[/color]

ماكو شي صعب ..
اما تكون عندك القدره وتعرف وين الخلل وتعدله مباشره
او انك تسوي الاتي :

[color=#FF0000](صحصح شوي )[/color]

امسك بيتين من الابيات السليمه
وبيت من الابيات المختلفه
واكتب الاشطر الاولى ورى بعض وكل شطر بسطر لحاله :)
واكتب الاشطر الثانيه ورى بعض وكل شطر بسطر لحاله

وطبق نفس الطريقه اللي استخدمناها للرقم واحد

يعني كمثال في مثالنا السابق :
الابيات الاول والثالث سليمين والبيت الثاني هو المختلف
نطيق اللي قلناه بهالشكل:

الاشطر الاولى

[color=#8B0000]انا شاعر نسى معنى انا في محتوى شعره
انا شاعر نسى اسمه نسى همه نسى عمره
انا شاعر نسى الآمال والاحلام من فتره [/color]

الاشطر الثانيه

[color=#8B0000]انا المجني عليه ابعالم الاشعار و الجاني 111111111 = 9
نسى شعره نسى القاف مهما كان ولهاني 11111111 = 8
نسى الماضي نسى الحاضر نسى قاصيه والداني 111111111 = 9[/color]

بعد ما تطبق الطريقه راح يطلع معاك ان الشطر هذا هو المختلف

[color=#8B0000]نسى شعره نسى القاف مهما كان ولهاني[/color]

خلاص انا ماعندي شي اقوله اكثر
حطيت ايدك على الخلل الموجود واصبح كل اللي عليك اتعدله بحيث يتساوى مع ربعه
وتقدر اتعدل الشطر كالاتي

[color=#8B0000]نسى شعره نساه القاف مهما كان ولهاني 111111111 = 9[/color]

شفت ان السالفه سهله
[color=#FF0000][B][U]ارجع واكرر واقول مافيه شي بدون ممارسه والممارسه اهم شي[/U][/B][/color]

وطريقة الرقم واحد لازم اتدرب عليها وتكرر وتحاول بهدف انك اتطبقها بشكل سليم
واقترح عليك تاخذ اي قصيده تلقاها وتجرب عليها وتحاول بكذا قصيده وتكرر المحاوله الى ان تتمكن من الطريقه

شي بسيط ذكرته ولا وضحته وهو
( انه بعد نهاية كل بيت توقف ولازم تنتبه اصبعك لامس الرقم واحد او لا )
هذا الامر ماوضحته متعمد لانه وبعد اتقانك للطريقه راح تعرف سبب ذكري للجزئيه هذي بنفسك

[color=#00008B][size=6]ملخص عام[/size][/color]

خلال سلسلة تعلم الشعر بسهوله بدينا من الصفر
تعلمنا كيف نصيغ الفكره وكيف نختار المفردهوعرفنا القافيه واشكالها
الى ان تعلمنا الوزن بشكل سليم وحطينا مجموعات تساعدك على الوزن
والمفروض انك بعد كل هذا تكون عندك القدره على صياغة قصايدك بشكل سليم
وكان اخر شي هو اننا تعلمنا طريقة جديده وسهله وهي الرقم واحد
تخليك اكثر ثقه وتقدر خلالها تعرف بنفسك وين مواطن الكسر في الابيات ان وجدت

والسلام عليكم

اخوكم
يوسف الشقران

[color=#FF0000][size=6]وللموضوع بقيه .....[/size][/color]

[/align][/size]